നെടുങ്കണ്ടം താലൂക്ക് ആശുപത്രിയിലെ മാതൃയാനം പദ്ധതിയില്‍ പ്രസവ ശേഷം അമ്മയെയും കുഞ്ഞിനെയും വീട്ടില്‍ കൊണ്ട് വിടുന്നതിന് വേണ്ടി ദിവസ വാടക/മൈലേജ് റേറ്റ് രീതിയില്‍ വാഹനം ലഭ്യമാക്കുന്നതിന് താല്‍പ്പര്യമുളള വ്യക്തികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ നാലിന് രാവിലെ 10.30 വരെ സ്വീകരിക്കും. തുടര്‍ന്ന് 11.30 ന് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക്: 04868232650.

തെരഞ്ഞെടുപ്പ് പ്രക്രിയയില്‍ യുവ വോട്ടര്‍മാരുടെ പ്രാതിനിധ്യം ഉറപ്പാക്കാന്‍ ഇലക്ട്രല്‍ ലിറ്ററസി ക്ലബുകളുടെ പ്രവര്‍ത്തനം കാര്യക്ഷമമാക്കുന്നതിനും ഏകോപിപ്പിക്കുന്നതിനും സ്‌കൂള്‍, കോളേജ് തലങ്ങളില്‍ കോ ഓര്‍ഡിനേറ്റര്‍മാരെ നിയമിക്കുന്നു. ജില്ലയിലെ താല്‍പര്യമുള്ള സ്‌കൂള്‍, കോളേജ് അധ്യാപകര്‍ക്ക് അപേക്ഷിക്കാം. പേര്, ഔദ്യോഗിക മേല്‍വിലാസം, മൊബൈല്‍ നമ്പര്‍, ഇ മെയില്‍ ഐ ഡി എന്നിവ ഉള്‍പ്പെടുത്തിയ അപേക്ഷകള്‍ ആഗസ്റ്റ് 31 ന് വൈകീട്ട് അഞ്ചിനകം ജില്ലാ കലക്ടറേറ്റിലോ electionkannur2024@gmail.com എന്ന ഇ മെയില്‍ വിലാസത്തിലോ ലഭിക്കണം

തൊടുപുഴ ജില്ലാ ആശുപത്രിയിലേക്ക് പാലിയേറ്റിവ് സാമഗ്രികള്‍ ലഭ്യമാക്കുന്നതിന് താല്‍പര്യമുളള സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 10 പകല്‍ 2.30 വരെ സ്വീകരിക്കും. തുടര്‍ന്ന് 3.30 ന് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക്: 04862 222630.

മണിയാറന്‍കുടി ഗവണ്‍മെന്റ് വൊക്കേഷണല്‍ ഹയര്‍ സെക്കന്ററി സ്‌കൂളിലെ ഉപയോഗ യോഗ്യമല്ലാത്ത കെട്ടിടം പൊളിച്ച് മാറ്റി സ്ഥലം നിരപ്പാക്കുന്നതിന് ക്വട്ടേഷന്‍ ക്ഷണിച്ചു. കൂടുതല്‍ വിവരങ്ങള്‍ക്ക് 9846590812, 9947978654.

തലശ്ശേരി മത്സ്യമാർക്കറ്റും മൊത്തവിൽപന കേന്ദ്രവും തലായിലേക്ക് മാറ്റുമെന്നും ഇതിനായി രാഷ്ട്രീയ ഭേദമന്യേ എല്ലാവരും യോജിച്ച് പ്രവർത്തിക്കണമെന്നും നിയമസഭാ സ്പീക്കർ അഡ്വ. എ.എൻ ഷംസീർ പറഞ്ഞു. കേന്ദ്ര, സംസ്ഥാന സർക്കാരുകളുടെ സഹകരണത്തോടെ മത്സ്യമേഖലയിലെ സുസ്ഥിര വികസനം ലക്ഷ്യമാക്കി നടപ്പിലാക്കുന്ന പ്രധാനമന്ത്രി മത്സ്യ സമ്പദ യോജനയുടെ ഘടക പദ്ധതിയായ സൗജന്യ ഫിഷ് വെൻഡിങ് ഓട്ടോ കിയോസ്‌ക് വിതരണോദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. 

അടിമാലി താലൂക്ക് ആശുപത്രിയിലെ ഓര്‍ത്തോ വിഭാഗത്തിലേക്ക് ആര്‍ത്രോസ്‌കോപ്പ് ഉപകരണങ്ങള്‍ ലഭ്യമാക്കുന്നതിന് തയ്യാറുളള സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു. ദര്‍ഘാസുകള്‍ സെപ്തംബര്‍ ഒന്നിന് പകല്‍ ഒരു മണി വരെ സ്വീകരിക്കും. തുടര്‍ന്ന് മൂന്ന് മണിക്ക് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക്: 04864 222670.

ഇടുക്കി ജില്ലാ ഖാദി ഗ്രാമ വ്യവസായ ഓഫീസിന്റെ ആഭിമുഖ്യത്തില്‍ ഇന്നും നാളെയും (21, 22) അടിമാലി കല്ലാര്‍കുട്ടി റോഡില്‍ പാലക്കാടന്‍ ആയുര്‍വേദ ഹോസ്പിറ്റലിന് എതിര്‍വശം ദ്വിദിന ഓണം ഖാദി വിപണന മേള സംഘടിപ്പിക്കും. റെഡിമെയ്ഡ് ഷര്‍ട്ടുകള്‍, ഷര്‍ട്ട് പീസുകള്‍, ചുരിദാര്‍ തുണിത്തരങ്ങള്‍, സാരികള്‍, ബെഡ്ഷീറ്റുകള്‍, ഗ്രാമ വ്യവസായ ഉല്‍പ്പന്നങ്ങള്‍ എന്നിവയുടെ ആകര്‍ഷകമായ ശേഖരം ഒരുക്കിയിട്ടുണ്ട്. ഖാദി തുണിത്തരങ്ങള്‍ക്ക് 30 ശതമാനം സര്‍ക്കാര്‍ റിബേറ്റും സര്‍ക്കാര്‍, അര്‍ധസര്‍ക്കാര്‍, പൊതുമേഖല, സഹകരണ സ്ഥാപനങ്ങളിലെ ജീവനക്കാര്‍ക്ക് ഒരു ലക്ഷം രൂപ വരെ ക്രെഡിറ്റ് സൗകര്യവും ലഭിക്കും.