**കളിക്കളം കായികമേള പട്ടികവർഗ വകുപ്പു മന്ത്രി ഒ ആർ കേളു ഉദ്ഘാടനം ചെയ്തു

കണ്ണൂർ സിറ്റി പോലീസ് ഓഫീസിന്റെ കീഴിലെ വിവിധ പോലീസ് സ്റ്റേഷൻ പരിസരത്തും ചക്കരക്കൽ ഡമ്പിങ് യാർഡിലുമായി സൂക്ഷിച്ച 41 വാഹനങ്ങൾ അവകാശികൾ ഇല്ലാത്തതായി പരിഗണിച്ച് ഇ-ലേലം ചെയ്യും. എന്തെങ്കിലും അവകാശവാദം ഉന്നയിക്കാനുണ്ടെങ്കിൽ, ഈ ലേല വിളംബര തീയതി മുതൽ 30 ദിവസത്തിനകം മതിയായ രേഖകൾ സഹിതം ബന്ധപ്പെട്ട സ്റ്റേഷൻ ഹൗസ് ഓഫീസർ മുമ്പാകെയോ എ സി പി, നാർക്കോട്ടിക് സെൽ, കണ്ണൂർ സിറ്റി മുമ്പാകെയോ നേരിട്ട് ഹാജരായി അവകാശം രേഖാമൂലം ഉന്നയിക്കാം. അവകാശം ഉന്നയിക്കാത്തപക്ഷം എംഎസ്ടിസി ലിമി. എന്ന പൊതു മേഖലാ സ്ഥാപനത്തിന്റെ വെബ്‌സൈറ്റ് ww.mstcecommerce.com  മുഖേന ഇ-ലേലം ചെയ്യും.

2024-2025 വർഷം ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി പട്ടികവർഗ വിഭാഗത്തിൽപ്പെട്ട യുവതീ യുവാക്കൾക്ക് തൊഴിൽ നൈപുണ്യ പരിശീലന പദ്ധതി നടപ്പിലാക്കുന്നു. പദ്ധതിയിൽ പട്ടികവർഗ യുവതീ യുവാക്കൾക്ക് പരിശീലനം നൽകുന്നതിന് യോഗ്യതയുള്ള സ്ഥാപനങ്ങളിൽ നിന്നും അപേക്ഷകൾ ക്ഷണിച്ചു.  പരിശീലനത്തിനായി അപേക്ഷ സമർപ്പിക്കുന്ന സ്ഥാപനങ്ങൾ ഗവ. രജിസ്‌ട്രേഷനോടെ പ്രവർത്തിക്കുന്നവയും പരിശീലനം നൽകി മുൻപരിചയമുള്ളവയുമാകണം. മുൻവർഷങ്ങളിൽ ട്രെയിനിങ്ങ് നൽകിയതിന്റെയും പരിശീലനാർഥികൾക്ക് പ്ലേസ്‌മെന്റ് നൽകിയതിന്റെയും റിപ്പോർട്ടുകൾ കൂടി അപേക്ഷയോടൊപ്പം ഹാജരാക്കണം.

ജില്ലാ സ്പോർട്‌സ് കൗൺസിലിന്റെ മുണ്ടയാട് ജില്ലാ സ്പോർട്‌സ് അക്കാദമിയിലേക്ക് ഒരു പുരുഷ വാർഡനെയും, വയക്കര ജില്ലാ സ്പോർട്‌സ് അക്കാദമിയിലേക്ക് ഒരു വനിതാ വാർഡനെയും ദിവസ വേതനാടിസ്ഥാനത്തിൽ നിയമിക്കുന്നതിന് വാക് ഇൻ ഇന്റർവ്യൂ നടത്തുന്നു. അപേക്ഷകർ 30 വയസ്സിന് മുകളിൽ പ്രായമുള്ള ബിരുദധാരികളായിരിക്കണം. 30 മുതൽ 40 വയസ്സ് വരെ പ്രായമുള്ള കായിക താരങ്ങൾക്ക് മുൻഗണന. 40 മുതൽ 52 വയസ്സ് വരെ പ്രായമുള്ള വിമുക്തഭടൻമാരെ (ഇവർക്ക് ബിരുദം നിർബന്ധമല്ല) പുരുഷ വാർഡൻ തസ്തികയിലേക്ക് പരിഗണിക്കും.

എളയാവൂർ അമ്പലം റോഡിൽ കൂടത്തുംതാഴെ റോഡിനടുത്തായി കേരള വാട്ടർ അതോറിറ്റിയുടെ പ്രധാന വിതരണ പൈപ്പ് ലൈനിന് സംഭവിച്ച കേടുപാടുകൾ പരിഹരിക്കുന്നതിന്റെ ഭാഗമായി ഒക്ടോബർ 27, 28 തീയതികളിൽ എളയാവൂർ സൗത്ത്, കൂടത്തുംതാഴെ, ജനശക്തി ക്ലബ്, വലിയന്നൂർ ഭാഗം എന്നിവടങ്ങളിൽ കുടിവെള്ള വിതരണം മുടങ്ങുമെന്ന് അസി.എക്‌സിക്യൂട്ടീവ് എഞ്ചിനീയർ അറിയിച്ചു.

25 സെന്റിൽ താഴെയുള്ള സൗജന്യ ഭൂമി തരംമാറ്റവുമായി ബന്ധപ്പെട്ട് നടന്ന തളിപ്പറമ്പ് താലൂക്ക് തല അദാലത്തിൽ പരിഗണിച്ച 343 അപേക്ഷകളിൽ 249 എണ്ണം തീർപ്പാക്കി. ബാക്കിയുള്ള 94 എണ്ണം ഒരാഴ്ചക്കകം തീർപ്പാക്കും. തളിപ്പറമ്പ് താലൂക്ക് കോൺഫറൻസ് ഹാളിൽ നടന്ന അദാലത്തിന് ആർഡിഒ ടി.വി രഞ്ജിത് നേതൃത്വം നൽകി. തഹസിൽദാർ പി സജീവൻ, ഭൂരേഖ തഹസിൽദാർ ചന്ദ്രശേഖരൻ, വില്ലേജ് ഓഫീസർമാർ, കൃഷി ഓഫീസർമാർ, വിവിധ റവന്യൂ ഉദ്യോഗസ്ഥർ എന്നിവർ അദാലത്തിൽ പങ്കെടുത്തു.

ജനകീയ സദസ്സുകളിൽ 443 റൂട്ടുകൾക്കുള്ള അപേക്ഷകൾ; പുതിയ ബസ് പെർമിറ്റുകൾ അനുവദിക്കും

കളിക്കളം - 2024 ന് നാളെ കാര്യവട്ടം എൽ എൻ സി പി സ്‌റ്റേഡിയത്തിൽ ദീപശിഖ തെളിയും. 22 മോഡൽ റെസിഡൻഷ്യൽ സ്കൂളുകൾ, 118 പ്രീമെട്രിക് - പോസ്റ്റ് മെട്രിക് ഹോസ്റ്റലുകൾ എന്നിവിടങ്ങളിൽ നിന്നുള്ള ചുണക്കുട്ടികൾ നാളെ കളിക്കളത്തിൽ കായിക പോരിനിറങ്ങും. സംസ്ഥാന പട്ടിക വർഗ വികസന വകുപ്പാണ് തങ്ങളുടെ കുട്ടികളുടെ സർഗവാസന കണ്ടെത്തി പ്രോത്സാഹിപ്പിച്ച് ആവശ്യമായ പരിശീലനം നൽകി അവരെ കളത്തിലിറക്കുന്നത്. തീ പാറും പോരാട്ടങ്ങൾക്കിനി മണിക്കൂറുകൾ മാത്രം കാത്തിരുന്നാൽ മതി.

ജില്ലയിൽ ഇന്ന് (ഒക്ടോബർ 27), 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ കേന്ദ്രകാലാവസ്ഥാ വകുപ്പ്  മഞ്ഞ അലർട്ട് മുന്നറിയിപ്പ് നൽകി.