ദേശാടന പക്ഷികളുടെ പറുദീസയായ മുണ്ടേരി കടവിലെത്തുന്ന പക്ഷി നിരീക്ഷകർക്കും സഞ്ചാരികൾക്കും  സൗകര്യങ്ങൾ ഒരുക്കുന്ന ഇക്കോ ടൂറിസം പദ്ധതിയുടെ ഒന്നാം ഘട്ടത്തിന് തുടക്കമാവുന്നു.  സൗന്ദര്യവത്കരണം, ടോയ്ലെറ്റ് ബ്ലോക്ക് നിർമ്മാണം, മൊബൈൽ കൗണ്ടറുകൾ, ദിശാ സൂചിക ബോർഡുകൾ, ബേർഡ് ഡെൻ (പക്ഷികളെ കാണാനുള്ള മുറികൾ) പ്ലാൻ്റുകൾ, വാച്ച് ടവറുകൾ എന്നിവ ഉൾപ്പെടെ വിപുലമായ സൗകര്യങ്ങളാണ് ഒരുക്കുന്നത്. 

തൊഴിലന്വേഷകർക്ക് പുത്തൻ പ്രതീക്ഷകൾ തുറന്ന് ജില്ലാ എംപ്ലോയ്മെന്റ് എക്സ്ചേഞ്ചും എംപ്ലോയബിലിറ്റി സെന്ററും പാനൂർ ജ്യോതിസ് വിദ്യാഭ്യാസ പദ്ധതിയുടെ സഹകരണത്തോടെ സംഘടിപ്പിച്ച നിയുക്തി 2025 തൊഴിൽമേളയിൽ 68 പേർക്ക് നിയമനം ലഭിച്ചു. 547 പേർ പങ്കെടുത്ത മേളയിൽ 183 പേർ ചുരുക്കപ്പട്ടികയിലിടം നേടി.

കണ്ണൂർ ഗവ.എൻജിനീയറിംഗ് കോളേജിൽ മെൻസ്, ലേഡീസ് ഹോസ്റ്റലുകളിലെ അടുക്കളയിലേക്ക് ആവശ്യമായ പാത്രങ്ങൾ വിതരണം ചെയ്യുന്നതിന് ക്വട്ടേഷൻ ക്ഷണിച്ചു. ക്വട്ടേഷനുകൾ സെപ്റ്റംബർ ഒൻപതിന് രാവിലെ 11 മണിക്കകം ലഭിക്കണം. കൂടുതൽ വിവരങ്ങൾ www.gcek.ac.in വെബ്സൈറ്റിൽ ലഭിക്കും. ഫോൺ: 0497 2780225

കേരള ഇൻസ്റ്റിറ്റ്യൂട്ട് ഓഫ് കോ ഓപ്പറേറ്റീവ് മാനേജ്‌മെന്റിൽ എം.ബി.എ (ഫുൾടൈം) 2025-27 ബാച്ചിലേയ്ക്ക് ഒഴിവുളള സീറ്റുകളിലേക്കുള്ള അഭിമുഖം ആഗസ്റ്റ് 25 ന് രാവിലെ 10 മണി മുതൽ കാൾടെക്‌സ് ചേനോളി ജംഗ്ഷനിലെ സഹകരണ പരിശീലന കേന്ദ്രത്തിൽ നടക്കും. കേരള സർവകലാശാലയുടെയും എ ഐ സി ടിയുടെയും അംഗീകാരത്തോടെ നടത്തുന്ന ദ്വിവത്സര കോഴ്‌സിൽ ലോജിസ്റ്റിക്‌സ്, ബിസിനസ് അനലിറ്റിക്‌സ്, ഫിനാൻസ്, മാർക്കറ്റിംഗ്, ഹ്യൂമൻ റിസോഴ്‌സ് എന്നിവയിൽ സ്‌പെഷ്യലൈസേഷനുമുണ്ട്. സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും, ഫിഷറീസ് സ്‌കോളർഷിപ്പിന് അർഹതയുളള വിദ്യാർഥികൾക്കും പ്രത്യേക സീറ്റ് സംവരണമുണ്ട്.

ചൊവ്വ ഹയർ സെക്കൻഡറി സ്‌കൂളിൽ ഇക്കണോമിക്സ് (സീനിയർ), ഇംഗ്ലീഷ്, മാത്തമാറ്റിക്സ് (ജൂനിയർ) വിഷയങ്ങളിൽ താൽക്കാലികാടിസ്ഥാനത്തിൽ അധ്യാപകരെ നിയമിക്കുന്നു. അപേക്ഷകർ അസ്സൽ സർട്ടിഫിക്കറ്റുകൾ സഹിതം സെപ്റ്റംബർ എട്ടിന് രാവിലെ 11 മണിക്ക് സ്‌കൂളിൽ അഭിമുഖത്തിന് എത്തണം. ഫോൺ: 0497 2725242, 9895606211

ജില്ലയിലെ പ്രൊഫഷണൽ കൊറിയർ ജീവനക്കാരുടെ 2024-25 വർഷത്തെ ബോണസ് ഒരു മാസത്തെ വേതനമായ 14,110 രൂപ രണ്ട് ഗഡുക്കളായി ആഗസ്റ്റ്, സെപ്റ്റംബർ മാസങ്ങളിൽ നൽകാൻ ജില്ലാ ലേബർ ഓഫീസർ എ.കെ ജയശ്രീയുടെ മധ്യസ്ഥതയിൽ നടന്ന യോഗത്തിൽ തീരുമാനമായി.   തൊഴിലുടമകളെ പ്രതിനിധീകരിച്ച് വി.പി താഹ, തൊഴിലാളി യൂണിയനുകളെ പ്രതിനിധീകരിച്ച് പി കൃഷ്ണൻ, ടി.പി ശ്രീധരൻ, ടി.ആർ ശ്രീകുമാർ എന്നിവർ യോഗത്തിൽ പങ്കെടുത്തു.
 

കുടുംബശ്രീ ജില്ലാ മിഷൻ സംയോജിത കാർഷിക ക്ലസ്റ്ററിന്റെ ആഭിമുഖ്യത്തിൽ ഓണത്തിന് 'ഫ്രഷ് ബൈറ്റ്സ്' എന്ന പേരിൽ കായ ചിപ്സ്, ശരക്കര വരട്ടി എന്നിവ വിപണിയിലെത്തി. ഐ എഫ് സി കർഷകരിൽ നിന്നും വാഴക്കുല നേരിട്ട് സംഭരിച്ച് ശുദ്ധമായ വെളിച്ചെണ്ണയിൽ തയ്യാറാക്കിയാണ് ഉൽപന്നങ്ങൾ വിപണിയിൽ എത്തിക്കുന്നത്. ഇതിന്റെ ഭാഗമായി 40 ക്വിന്റൽ വാഴക്കുലയാണ് സംഭരിച്ചത്. കുടുംബശ്രീ ഓൺലൈൻ പോർട്ടലായ പോക്കറ്റ് മാർട്ട് വഴി ഇതിനോടകം 5,75,000 രൂപയുടെ ചിപ്സ് വിൽപ്പന നടന്നിട്ടുണ്ട്. 100 ഗ്രാമിന്റെ ഉൽപ്പന്നങ്ങൾ 45 രൂപയ്ക്കാണ് വിപണിയിൽ ലഭിക്കുന്നത്. ഓണം വിപണി ലക്ഷ്യമാക്കി 607.5 ഏക്കർ സ്ഥലത്ത് നേന്ത്ര വാഴയും കൃഷി ചെയ്തിട്ടുണ്ട്.

 ഇടുക്കി ജില്ലാ ആശുപത്രിയില്‍ (ഇടുക്കി സര്‍ക്കാര്‍ മെഡിക്കല്‍ കോളേജ്) ബ്ലഡ് ബാങ്ക് കൗണ്‍സിലര്‍ തസ്തികയില്‍ ദിവസ വേതന അടിസ്ഥാനത്തില്‍  താല്‍ക്കാലിക ഒഴിവിലേ്ക്ക് വാക്ക് ഇന്‍ ഇന്റര്‍വ്യു നടത്തുന്നു.  യോഗ്യരായ ഉദ്യോഗാര്‍ഥികള്‍ ആഗസ്റ്റ് 30 ന് രാവിലെ 11 മണിക്ക് ജില്ലാ ആശുപത്രി സൂപ്രണ്ടിന്റെ ചേമ്പറില്‍ സര്‍ട്ടിഫിക്കറ്റുകള്‍ സഹിതം ഹാജരാകണം. യോഗ്യത: ബിരുദാനന്തര ബിരുദം (സോഷ്യല്‍ വര്‍ക്ക്/സോഷ്യോളജി/സൈക്കോളജിയും  ആറ് മാസത്തെ പ്രവര്‍ത്തി പരിചയവും) അല്ലെങ്കില്‍ സയന്‍സ്/ഹെല്‍ത്ത് സയന്‍സ് വിഷയത്തില്‍ ബിരുദവും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ എസ്. എസ്.

പീരുമേട് താലൂക്ക് ആശുപത്രിയില്‍ വിവിധ പദ്ധതികള്‍ക്ക് കീഴില്‍ ചികിത്സ തേടിയെത്തുന്ന രോഗികള്‍ക്കും ഗര്‍ഭിണികള്‍ക്കും കുട്ടികള്‍ക്കും ആശുപത്രിയില്‍ ലഭ്യമല്ലാത്ത ലാബ് ടെസ്റ്റുകള്‍, എക്‌സറേ,  സിടി സ്‌കാനുകള്‍, യുഎസ്ജി സ്‌കാനുകള്‍, എംആര്‍ഐ സ്‌കാനുകള്‍,  മരുന്നുകളും അലുമിനിയം ഇംപ്ലാന്റുകളും ലഭ്യമാക്കല്‍, ലാബ് റീ എജന്റ്‌സ് ലഭ്യമാക്കല്‍ എന്നിവ  ഒരു വര്‍ഷത്തെ കരാറടിസ്ഥാനത്തില്‍ ചെയ്യുന്നതിന് താല്‍പ്പര്യമുളള സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സ്വീകരിക്കുന്നത് ആഗസ്റ്റ് 29 ന് ഉച്ചയ്ക്ക് 2 മണി വരെ നീട്ടി. അന്നേ ദിവസം ഉച്ചകഴിഞ്ഞ് 3 മണിക്ക് തുറന്ന് പരിശോ ധിക്കും.

അറക്കുളം വില്ലേജില്‍ മൂലമറ്റം അഗ്‌നിരക്ഷാ നിലയത്തിന് കൈമാറിയ റവന്യൂ വകുപ്പിന്റെ സ്ഥലത്തെ മരങ്ങള്‍ ലേലം ചെയ്ത് വില്‍ക്കുന്നു. സെപ്റ്റംബര്‍ 10ന് പകല്‍ 11ന് അറക്കുളം വില്ലേജ് ഓഫീസിലാണ് ലേലം. പങ്കെടുക്കാന്‍ ആഗ്രഹിക്കുന്നവര്‍ക്ക് അറക്കുളം വില്ലേജ് ഓഫീസറുടെ അനുമതിയോടെ തടികള്‍ പരിശോധിക്കാം. താല്‍പ്പര്യമുള്ളവര്‍ കൃത്യസമയത്തിന് മുമ്പ് ലേല സ്ഥലത്ത് ഹാജരാകണം.