ശബരിമല തീര്‍ഥാടനവുമായി ബന്ധപ്പെട്ട് സന്നിധാനം, പമ്പ എന്നിവിടങ്ങളില്‍ അമൃതാനന്ദമയീമഠത്തിലെ സന്നദ്ധ പ്രവര്‍ത്തകരുടെ നേതൃത്വത്തിലുള്ള ശുചീകരണം 11നും 12നും നടക്കും. അമൃതാനന്ദമയീ മഠം 1000 സന്നദ്ധ പ്രവര്‍ത്തകരെ ശുചീകരണത്തിന് എത്തിക്കും.  

അമൃതാനന്ദമയീമഠം എത്തിക്കുന്ന സന്നദ്ധപ്രവര്‍ത്തകരില്‍ 600 പേര്‍ സന്നിധാനത്തും 400 പേര്‍ പമ്പയിലും ശുചീകരണം നടത്തും. സന്നിധാനത്തെ ഒമ്പത് മേഖലകളായും പമ്പയെ ഏഴ് മേഖലകളായും തിരിച്ചാണ് ശുചീകരണം നടത്തുക. സത്യസായി സേവാ സമാജം 50 പേരെ ശുചീകരണത്തിന് എത്തിക്കും.

നോര്‍ക്കയുടെ തിരുവനന്തപുരത്തെ സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍ നവംബര്‍10ന് ഓതന്റിക്കേഷന്‍ ഉണ്ടാവില്ല.  കൊല്ലം കളക്ടറേറ്റിലെ നോര്‍ക്ക സെല്ലില്‍ അന്ന് രാവിലെ 9.30 മുതല്‍ ഒരു മണിവരെ സര്‍ട്ടിഫിക്കറ്റ് ഓതന്റിക്കേഷന്‍ ഉണ്ടായിരിക്കും. www.norkaroots.net വഴി രജിസ്റ്റര്‍ ചെയ്യണം.

പി.എന്‍.എക്‌സ്.4771/17

മത്സ്യഫെഡ് മുഖേന ഫിഷറീസ് വകുപ്പ് നടപ്പാക്കുന്ന പദ്ധതികളുടെ ഗുണഭോക്താക്കള്‍ കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ മത്സ്യത്തൊഴിലാളി അംഗത്വമുളളവരാണെന്ന് മത്സ്യത്തൊഴിലാളി വികസന ക്ഷേമ സഹകരണ സംഘങ്ങള്‍ ഉറപ്പുവരുത്തണമെന്ന് ഫിഷറീസ് വകുപ്പ് അറിയിച്ചു.  വനിതാ മത്സ്യകച്ചവടക്കാര്‍ക്കുളള പലിശരഹിത വായ്പ പദ്ധതിയില്‍ മത്സ്യത്തൊഴിലാളി ക്ഷേമനിധി ബോര്‍ഡില്‍

അനുബന്ധ മത്സ്യത്തൊഴിലാളി അംഗത്വം ഉളളവരെയും പരിഗണിക്കും.

പി.എന്‍.എക്‌സ്.4772/17
 

വലിയതുറയില്‍ സപ്ലൈകോ നിര്‍മ്മിക്കുന്ന പുതിയ ഗോഡൗണിന്റെ ശിലാസ്ഥാപനം ഭക്ഷ്യമന്ത്രി പി. തിലോത്തമന്‍ ഇന്ന് (നവംബര്‍ 9) നിര്‍വഹിക്കും.

വലിയതുറ സപ്ലൈകോ ഡിപ്പോയില്‍ വൈകിട്ട് നാലിന് നടക്കുന്ന ചടങ്ങില്‍ വി.എസ്. ശിവകുമാര്‍ എം.എല്‍.എ അധ്യക്ഷത വഹിക്കും.
2324.97 ചതുരശ്ര മീറ്റര്‍ വിസ്തീര്‍ണ്ണമുളള ഗോഡൗണും, 53.28 ചതുരശ്ര മീറ്റര്‍ വിസ്തീര്‍ണ്ണമുളള ഓഫീസുമാണ് നിര്‍മ്മിക്കുന്നത്.  ഡോ. ശശി തരൂര്‍ എം.പി, മേയര്‍ വി.കെ. പ്രശാന്ത്, ജില്ലാ പഞ്ചായത്ത് പ്രസിഡന്റ് വി.കെ. മധു തുടങ്ങിയവര്‍ സംബന്ധിച്ചു.

പി.എന്‍.എക്‌സ്.4773/17
 

മത്സ്യഫെഡ് ഫിഷറ്റേറിയന്‍ മൊബൈല്‍ ഫിഷ് മാര്‍ട്ടിന്റെ ഉദ്ഘാടനവും ആദ്യവില്പനയും ഫിഷറീസ് മന്ത്രി ജെ. മെഴ്‌സിക്കുട്ടി അമ്മ നവംബര്‍ 13ന് വൈകിട്ട് 4.30ന് സെക്രട്ടേറിയറ്റ് ക്യാന്റീന്റെ മുന്നില്‍ നിര്‍വഹിക്കും.

സ്‌കോള്‍ - കേരള മുഖേന നടത്തുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്‌സ് മൂന്നാം ബാച്ചിന്റെ സമ്പര്‍ക്ക ക്ലാസ്സുകള്‍ ആരംഭിച്ചു. ഇനിയും ക്ലാസിനെത്താത്ത വിദ്യാര്‍ത്ഥികള്‍ നവംബര്‍ 11 മുതല്‍ സ്‌കോള്‍ - കേരള അനുവദിച്ച തിരിച്ചറിയല്‍ കാര്‍ഡ് സഹിതം പഠന കേന്ദ്രത്തില്‍ എത്തണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. 

പി.എന്‍.എക്‌സ്.4775/17

സംസ്ഥാന അര്‍ദ്ധ സര്‍ക്കാര്‍ സ്ഥാപനത്തില്‍ ചീഫ് മെഡിക്കല്‍ ഓഫീസറുടെ (ഇ.റ്റി.ബി) ഒരു സ്ഥിരം ഒഴിവുണ്ട്. ജനറല്‍ മെഡിസിന്‍ എം.ഡിയും മൂന്ന് മാസത്തെ ഇന്‍ഡസ്ട്രിയല്‍ ട്രെയിനിംഗ് സര്‍ട്ടിഫിക്കറ്റ് അല്ലെങ്കില്‍ ഇന്‍ഡസ്ട്രിയല്‍ ഹെല്‍ത്ത് ഡിപ്ലോമയും മെഡിക്കല്‍ ഓഫീസറായി മൂന്ന് വര്‍ഷത്തെ പ്രവൃത്തിപരിചയവും ഉണ്ടായിരിക്കണം.  എം.ബി.ബി.എസ്, മൂന്ന് മാസത്തെ ഇന്‍ഡസ്ട്രിയല്‍ ട്രെയിനിംഗ് സര്‍ട്ടിഫിക്കറ്റ് അല്ലെങ്കില്‍ ഇന്‍ഡസ്ട്രിയല്‍ ഹെല്‍ത്ത് ഡിപ്ലോമയും മെഡിക്കല്‍ ഓഫീസറായി അഞ്ച് വര്‍ഷത്തെ പ്രവര്‍ത്തിപരിചയവുമുള്ളവര്‍ക്കും അപേക്ഷിക്കാം.  

കേരളത്തില്‍ സ്ഥിര താമസക്കാരായ മുസ്ലീം, ലത്തീന്‍ ക്രിസ്ത്യന്‍/പരിവര്‍ത്തിത ക്രിസ്ത്യന്‍ വിഭാഗത്തില്‍പ്പെട്ട മുന്‍ വര്‍ഷങ്ങളില്‍ സി.എച്ച്. മുഹമ്മദ്‌കോയ സ്‌കോളര്‍ഷിപ്പ്/ഹോസ്റ്റല്‍ സ്റ്റൈപ്പന്റ് ലഭിച്ച വിദ്യാര്‍ത്ഥിനികളില്‍ നിന്നും പുതുക്കലിന് ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചു.  ബിരുദത്തിന് പഠിക്കുന്നവര്‍ക്ക് 5000 രൂപയും ബിരുദാനന്തര ബിരുദത്തിന് പഠിക്കുന്നവര്‍ക്ക് 6000 രൂപയും പ്രൊഫഷണല്‍ കോഴ്‌സിന് പഠിക്കുന്നവര്‍ക്ക് 7000 രൂപയും ഹോസ്റ്റല്‍ സ്റ്റൈപ്പ്ന്റ് ഇനത്തില്‍ 13,000 രൂപയുമാണ് പ്രതിവര്‍ഷം സ്‌കോളര്‍ഷിപ്പ് നല്‍കുന്നത്.

കൊല്ലം-തിരുമംഗലം ദേശീയ പാതയില്‍(എന്‍.എച്ച് 744) കൊല്ലം ചിന്നക്കട മുതല്‍ ചന്ദനത്തോപ്പ് വരെയുള്ള പരസ്യബോര്‍ഡുകളും അനധികൃത ഇറക്കുകളും കൊല്ലം കോര്‍പ്പറേഷന്റെയും ദേശീയപാതാ വിഭാഗത്തിന്റെയും സംയുക്താഭിമുഖ്യത്തില്‍ നവംബര്‍ 15ന് നീക്കം ചെയ്യുമെന്ന് എക്‌സിക്യുട്ടീവ് എന്‍ജിനീയര്‍ അറിയിച്ചു. 

(പി.ആര്‍.കെ.നമ്പര്‍  2555/17)

സാക്ഷരതാ മിഷന്‍ ചിറ്റുമലയില്‍ സംഘടിപ്പിച്ച തുടര്‍വിദ്യാഭ്യാസ കലോത്സവത്തില്‍ 73 പോയിന്റോടെ അഞ്ചല്‍ ബ്ലോക്ക് പഞ്ചായത്ത് കിരീടം നേടി. കൊട്ടാരക്കര നഗരസഭയും(52) ചിറ്റുമല ബ്ലോക്ക് പഞ്ചായത്തു(31) മാണ് യഥാക്രമം രണ്ടും മൂന്നും സ്ഥാനങ്ങളില്‍.30 പോയിന്റ് നേടിയ ട്രാന്‍സ്‌ജെന്‍ഡേഴ്‌സിന് പ്രത്യേക സമ്മാനം നല്‍കി. 

സമാപന സമ്മേളനം ഉദ്ഘാടനം ചെയ്ത കോവൂര്‍ കുഞ്ഞുമോന്‍ എം.എല്‍.എ സമ്മാനദാനം നിര്‍വഹിച്ചു. ഘോഷയാത്രയില്‍ കരുനാഗപ്പള്ളി നഗരസഭ ഒന്നാം സ്ഥാനവും കൊട്ടാരക്കര നഗരസഭ രണ്ടാം സ്ഥാനവും നേടി.