മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായിട്ടുള്ളവര്‍ക്ക് തൊഴിലാളി വിഹിതം കുടിശിക ഒടുക്കാനുള്ള സമയപരിധി ഡിസംബര്‍ 31 വരെ ദീര്‍ഘിപ്പിച്ചു. ക്ഷേമനിധി തൊഴിലാളി വിഹിതം ഒരു തവണയെങ്കിലും അടച്ച് അംഗമായി രജിസ്റ്റര്‍ ചെയ്ത് സജീവ അംഗത്വമുള്ള തൊഴിലാളികള്‍ക്ക് കുടിശിക ഒടുക്കാം. എല്ലാ തൊഴിലാളികളും ഈ അവസരം കൃത്യമായി വിനിയോഗിക്കണമെന്ന് ജില്ലാ എക്‌സിക്യുട്ടീവ് ഓഫീസര്‍ അറിയിച്ചു.

ഫോണ്‍: 0468-2320158. 

എലിപ്പനിക്കെതിരേ ജനങ്ങള്‍ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എല്‍.അനിതാ കുമാരി അറിയിച്ചു. എലിയെ കൂടാതെ നായ, പൂച്ച, ആട്, പശു, പോത്ത്, കുറുക്കന്‍ തുടങ്ങിയ ജീവികളുടെ മൂത്രത്തില്‍ കൂടിയും എലിപ്പനി രോഗാണു പകരാം. എലിമൂത്രം കലരാന്‍ സാധ്യതയുള്ള കെട്ടിക്കിടക്കുന്ന വെള്ളവുമായി സമ്പര്‍ക്കമുണ്ടാകാതെ സൂക്ഷിക്കണം. ഇത്തരം സാഹചര്യത്തില്‍ ജോലി ചെയ്യേണ്ടി വരുന്നവര്‍ ഒരു ദിവസം മുന്‍പ് എലിപ്പനിക്കെതിരായ ഗുളിക കഴിക്കണം. ഈ ഗുളിക എല്ലാ ആരോഗ്യ കേന്ദ്രങ്ങളിലും സൗജന്യമായി ലഭിക്കും.

ജില്ലയിലെ തദ്ദേശഭരണ സ്ഥാപനങ്ങളുടെ 2017-18 വാര്‍ഷിക പദ്ധതി നിര്‍വഹണ പുരോഗതി വിലയിരുത്തുന്നതിനായി 15ന് ഉച്ചകഴിഞ്ഞ് രണ്ടിന്  കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. തദ്ദേശഭരണ സ്ഥാപനങ്ങളുടെയും വകുപ്പിന്റെയും പദ്ധതി നിര്‍വഹണ പുരോഗതി റിപ്പോര്‍ട്ട് 13ന് വൈകിട്ട് അഞ്ചിനു മുന്‍പ് ജില്ലാ പ്ലാനിംഗ് ഓഫീസില്‍ നല്‍കണമെന്ന് ജില്ലാ കളക്ടര്‍ അറിയിച്ചു.  

ടെലിപ്രോംപ്റ്ററും സ്റ്റുഡിയോയും ഇല്ലാതെ കളക്‌ട്രേറ്റ് കോണ്‍ഫറന്‍സ് ഹാളില്‍ നിന്നും വാര്‍ത്താവായന തുടങ്ങി. വായിക്കുന്നതാകട്ടെ സ്‌കൂള്‍ വിദ്യാര്‍ഥികളും ! . കളക് ട്രേറ്റ് ജീവനക്കാര്‍ അതിശയത്തോടെ കുട്ടികളുടെ ചുറ്റും കൂടി.വാര്‍ത്താവതരണം ദൃശ്യമാധ്യമങ്ങളിലേതുപോലെ തന്നെയുണ്ട്. ഉദ്യോഗസ്ഥര്‍ വിദ്യാര്‍ഥികളെ പ്രോത്സാഹിപ്പിച്ചു. ഔദ്യോഗിക ഭാഷ മലയാള വാരാചരണത്തിന്റെ ഭാഗമായി ജില്ലാഭരണകൂടത്തിന്റെയും ജില്ലാ ഇന്‍ഫര്‍മേഷന്‍ ഓഫീസിന്റെയും ആഭിമുഖ്യത്തില്‍ ഹയര്‍സെക്കന്‍ഡറി വിഭാഗം വിദ്യാര്‍ഥികള്‍ക്കായി സംഘടിപ്പിച്ച ജില്ലാതല വാര്‍ത്താ അവതരണ മത്സരമാണ് കൗതുകമായത്.

പ്രൊഫഷണല്‍ ഡിപ്ലോമാ ഇന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍ മറ്റ് പാരാമെഡിക്കല്‍ ഡിപ്ലോമ കോഴ്‌സുകളിലേക്ക് അപേക്ഷിച്ചവരുടെ മൂന്നാം ഘട്ട അലോട്ട്‌മെന്റ് www.lbscentre.in വെബ്‌സൈറ്റില്‍ നവംബര്‍ മൂന്നിന് വൈകിട്ട് അഞ്ച് മണിക്ക് പ്രസിദ്ധീകരിക്കും.

കര്‍ഷകരുടെ പ്രശ്‌നങ്ങള്‍ നേരിട്ടു കേട്ട് പരിഹാരം കാണാന്‍ കൃഷി വകുപ്പ് മന്ത്രി വി. എസ്. സുനില്‍കുമാര്‍ പുതിയ സംവിധാനത്തിന് തുടക്കംകുറിച്ചു. കൃഷി മന്ത്രി വിളിപ്പുറത്ത് എന്ന പരിപാടി ആനയറ വേള്‍ഡ് മാര്‍ക്കറ്റില്‍ നടന്ന ചടങ്ങില്‍ മന്ത്രി ഉദ്ഘാടനം ചെയ്തു.     

കേരള വനഗവേഷണ സ്ഥാപനത്തില്‍ മെയ്ന്റനന്‍സ് ആന്റ് എന്റിച്‌മെന്റ് ഓഫ് ബയോറിസോഴ്‌സ് നാച്വര്‍ പാര്‍ക്ക് ഗവേഷണ പദ്ധതിയില്‍ ഒരു പ്രോജക്ട് അസിസ്റ്റന്റിന്റെ താല്ക്കാലിക ഒഴിവിലേക്ക് നവംബര്‍ ഏഴ് രാവിലെ 10 ന്  സ്ഥാപനത്തിന്റെ നിലമ്പൂര്‍ സബ്‌സെന്ററിലുള്ള ഓഫീസില്‍ വാക്ക്-ഇന്‍-ഇന്റര്‍വ്യൂ നടത്തും.

വെബ്‌സൈറ്റ് :www.kfri.res.in 

പി.എന്‍.എക്‌സ്.4688/17
 

കേരള സാമൂഹ്യ സുരക്ഷാ മിഷന്‍ നടപ്പാക്കുന്ന 'സ്‌നേഹപൂര്‍വം' പദ്ധതി ധനസഹായത്തിന് ഓണ്‍ലൈന്‍ ആയി അപേക്ഷിക്കാനുള്ള തീയതി നവംബര്‍ 15 വരെ ദീര്‍ഘിപ്പിച്ചു.

പി.എന്‍.എക്‌സ്.4687/17
 

കേരളത്തിലെ സര്‍ക്കാര്‍/എയ്ഡഡ്/സ്വാശ്രയ ആയുര്‍വേദ കോളേജുകളിലെ 2017-18 അദ്ധ്യയന വര്‍ഷത്തെ ഒന്നാം വര്‍ഷ പി.ജി. ആയുര്‍വേദ (എം.ഡി. ആയുര്‍വേദ (വാചസ്പതി) ആന്റ് എം.എസ്. ആയുര്‍വേദ (ധന്വന്തരി)) കോഴ്‌സിന്റെ ക്ലാസുകള്‍ നവംബര്‍ ആറിന് ആരംഭിക്കും.

പി.എന്‍.എക്‌സ്.4686/17

ഈ വര്‍ഷത്തെ മികച്ച ആയുര്‍വേദ ഡോക്ടര്‍മാരെയും അധ്യാപകരെയും തെരഞ്ഞെടുക്കുന്നതിന് അപേക്ഷ ക്ഷണിച്ചു.  അവാര്‍ഡ് നിര്‍ണയിക്കുന്നതിനുളള രൂപരേഖയും മാനദണ്ഡവും അപേക്ഷാ ഫോറത്തിന്റെ മാതൃകയും www.ism.kerala.gov.in എന്ന വെബ്‌സൈറ്റിലും എല്ലാ ആയുര്‍വേദ  ജില്ലാ മെഡിക്കല്‍ ഓഫീസുകളിലും ലഭ്യമാണ്.  

അപേക്ഷകള്‍/നോമിനേഷനുകള്‍, ജില്ലാ മെഡിക്കല്‍ ഓഫീസര്‍മാര്‍, ആയുര്‍വേദ മെഡിക്കല്‍ എഡ്യൂക്കേഷന്‍ ഡയറക്ടര്‍ എന്നിവര്‍ മുഖേനയോ നേരിട്ടോ നവംബര്‍ 30 വൈകിട്ട് അഞ്ചിനു മുമ്പ് ഭാരതീയ ചികിത്സാ വകുപ്പ് ഡയറക്ടര്‍ക്ക് ലഭിക്കണം.  

വൈകി കിട്ടുന്ന അപേക്ഷകള്‍ പരിഗണിക്കില്ല.