കാവശ്ശേരി ഗ്രാമപഞ്ചായത്തില്‍ കുടുംബശ്രീയുടെ നേതൃത്വത്തില്‍ സമാഹരിച്ച വിവിധ ഫണ്ടുകളുടെ വിതരണം ഇന്ന് (ഡിസംബര്‍ രണ്ട്) നിയമ-സംസ്കാരിക - പട്ടിക-പിന്നാക്കക്ഷേമ വകുപ്പ് മന്ത്രി എ.കെ.ബാലന്‍ നിര്‍വഹിക്കും. 20 കിടപ്പ് രോഗികള്‍ക്കുള്ള സ്നേഹനിധി ഫണ്ട് , അഞ്ച് വയോജന അയല്‍ക്കൂട്ടങ്ങള്‍ക്കുളള കോര്‍പ്പസ് ഫണ്ട്, 24 കുടുംബശ്രീ അയല്‍ക്കൂട്ടങ്ങളുടെ മാച്ചിങ് ഗ്രാന്‍റ് എന്നിവയാണ് വിതരണം ചെയ്യുക.

                ജയില്‍ വകുപ്പില്‍ പി.ഡി.ടീച്ചര്‍ (പുരുഷന്‍മാര്‍ മാത്രം, കാറ്റഗറി നമ്പര്‍ 003/2017) തസ്തികയിലേക്കുള്ള ഒ.എം.ആര്‍.പരീക്ഷ ഡിസംബര്‍ 6ന് രാവിലെ 7.30 മുതല്‍ 9.15 വരെ കല്‍പ്പറ്റ എസ്.കെ.എം.ജെ. ഹൈസ്‌കൂളില്‍ നടത്തും.

                ഡിസംബര്‍ 5ന് നടത്താനിരുന്ന ആര്‍.ടി.എ. മീറ്റിംഗ് ഡിസംബര്‍ 13ന് രാവിലെ 11ന് കളക്‌ട്രേറ്റില്‍ നടക്കുമെന്ന് ആര്‍.ടി.ഒ. അറിയിച്ചു.

                ജില്ലാ ആസൂത്രണ സമിതി യോഗം ഡിസംബര്‍ 6 ന് ഉച്ചയ്ക്ക് 2ന് ആസൂത്രണ ഭവനിലെ എ.പി.ജെ. ഹാളില്‍ നടക്കും.

സ്വാമി വിവേകാനന്ദന്റെ കേരള സന്ദര്‍ശനത്തിന്റെ 125-ാം വാര്‍ഷികാഘോഷത്തിന്റെ ഭാഗമായി ഡിസംബര്‍ 5ന് (ചൊവ്വാഴ്ച) വൈകീട്ട് 6ന് കല്‍പ്പറ്റ ചന്ദ്രഗിരി ഓഡിറ്റോറിയത്തില്‍ മെഗാ ഷോ സംഘടിപ്പിക്കുന്നു. തിരുവനന്തപുരം ഭാരത് ഭവന്‍ അവതരിപ്പിക്കുന്ന   നവോത്ഥാന ദൃശ്യസന്ധ്യയില്‍ എഴുപതോളം കലാകാരന്‍മാര്‍ പങ്കെടുക്കും. കേരളത്തിലെ നവോത്ഥാന കാലഘട്ടത്തെയും വിവേകാനന്ദന്റെ ദര്‍ശനങ്ങളെയും മള്‍ട്ടി മീഡിയ ദൃശ്യാവിഷ്‌കാരത്തോടുകൂടി മെഗാ ഷോയില്‍ അവതരിപ്പിക്കും. പ്രവേശനം സൗജന്യമായിരിക്കും.  ഇതോടൊപ്പം 'ഉത്തിഷ്ഠത ജാഗ്രത' എന്ന ഡോക്യുമെന്ററി പ്രദര്‍ശനവും   നടക്കും.

നമ്മുടെ ജീവിതാനുഭവത്തിലെ ഏറ്റവും വലിയ ദുരന്തമാണ് ഇപ്പോള്‍ സംഭവിച്ചതെന്ന് മുഖ്യമന്ത്രി പിണറായി വിജയന്‍ വിഴിഞ്ഞത്ത് പറഞ്ഞു.  ദുരന്തമുഖത്തെത്തിയ മുഖ്യമന്ത്രി കടലില്‍ പോയവരെ കാത്തിരിക്കുന്ന ഉറ്റവരുടെ അരികിലെത്തി അവരുടെ ദു:ഖത്തിലും ഉത്കണ്ഠയിലും സര്‍ക്കാരും പങ്കുചേരുന്നതായി അറിയിച്ചു.

തിരുവനന്തപുരം താലൂക്കില്‍  ദുരിതാശ്വാസ ക്യാമ്പുകളായി പ്രവര്‍ത്തിക്കുന്നസെന്റ് തോമസ് ഹയര്‍സെക്കണ്ടറി സ്‌കൂള്‍ പൂന്തുറ, മണക്കാട് ഗവ. യു.പി സ്‌കൂള്‍ കൊഞ്ചിറവിള, ബീമാപളളി യു.പി സ്‌കൂള്‍, വലിയ തുറ യു.പി സ്‌കൂള്‍ എന്നീ സ്‌കൂളുകള്‍ക്ക് മാത്രം ഇന്ന് (ഡിസംബര്‍ 4) അവധി ആയിരിക്കുമെന്ന് ജില്ലാ കളക്ടര്‍ ഡോ. കെ. വാസുകി അറിയിച്ചു.  

പി.എന്‍.എക്‌സ്.5161/17

സ്‌കോള്‍ കേരള മുഖേനയുളള വിവിധ കോഴ്‌സുകളില്‍ 2016 -17 അധ്യയന വര്‍ഷത്തില്‍ ഉന്നത വിജയം നേടിയ വിദ്യാര്‍ത്ഥികളെ  അനുമോദിക്കും.  ഡിസംബര്‍ ആറിന് രാവിലെ 11ന് തൈക്കാട് മോഡല്‍ ഹയര്‍ സെക്കണ്ടറി സ്‌കൂളില്‍ ചേരുന്ന യോഗം വിദ്യാഭ്യാസ വകുപ്പ് മന്ത്രി പ്രൊഫ.സി. രവീന്ദ്രനാഥ് ഉദ്ഘാടനം ചെയ്യും.  പൊതു വിദ്യാഭ്യാസ  സെക്രട്ടറി എ. ഷാജഹാന്‍ അധ്യക്ഷനാകും.