വനംവകുപ്പിലെ ഫോറസ്ട്രി പ്രവൃത്തികള്‍ ഏറ്റെടുത്ത് നടപ്പിലാക്കുന്നതിന് എ/ബി/സി വിഭാഗങ്ങളില്‍പ്പെട്ട കരാറുകാര്‍ക്ക് രജിസ്റ്റര്‍ ചെയ്യാം.  രജിസ്‌ട്രേഷനുളള അപേക്ഷ നിര്‍ദ്ദിഷ്ട പ്രൊഫോര്‍മയില്‍ കണ്ണൂര്‍ ഡിവിഷണല്‍ ഫോറസ്റ്റ് ഓഫീസര്‍ക്കാണ് നല്‍കേണ്ടത്. അപേക്ഷാ ഫോറങ്ങള്‍ കണ്ണോത്തുംചാലിലെ ഡിവിഷണല്‍ ഫോറസ്റ്റ് ഓഫീസില്‍ നിന്ന് നേരിട്ട് ലഭിക്കും.  500 രൂപയാണ് ഫീസ്.  വനം വകുപ്പിന്റെ വെബ്‌സൈറ്റില്‍ www.keralaforest.gov.in നിന്നും അപേക്ഷ ഫോറം ലഭിക്കും. ഫോണ്‍: 0497 2704808.
പി എന്‍ സി/4434/2017

ആലപ്പുഴ: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പാഠ്യ-പാഠ്യേതര ഭാഗങ്ങളെ ആസ്പദമാക്കി ഡിജിറ്റൽ ഉള്ളടക്കം നിർമിക്കുന്നതിന് സംസ്ഥാന വിദ്യാഭ്യാസ ടെക്‌നോളജി ഇൻസ്റ്റിറ്റ്യൂട്ടിനെ(എസ്.ഐ.ഇ.റ്റി.) ശക്തിപ്പെടുത്തുമെന്ന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പറഞ്ഞു. എസ്.ഐ.ഇ.റ്റി. ആലപ്പുഴ വിദ്യാഭ്യാസ ജില്ലയുടെ സഹകരണത്തോടെ വിദ്യാർഥികൾക്കായി നാലുദിവസമായി നടത്തിയ ചലച്ചിത്രശിൽപശാലയുടെ സമാപനസമ്മേളനം തകഴി സ്മാരകത്തിൽ ഉദ്ഘാടനം ചെയ്യുകയായിരുന്നു അദ്ദേഹം. 

തലശ്ശേരി താലൂക്ക് വികസന സമിതിയുടെ ഡിസംബര്‍ മാസത്തെ യോഗം   2 ന് നബിദിനം പ്രമാണിച്ചുള്ള അവധിയായതില്‍ ചേരുകയില്ലെന്ന് തഹസില്‍ദാര്‍ അറിയിച്ചു.
പി എന്‍ സി/4432/2017

ഡിസംബര്‍ 4 വരെ നടക്കുന്ന വാസക്ടമി പക്ഷാചരണത്തോടനുബന്ധിച്ച് ആരോഗ്യവകുപ്പിന്റെ നേതൃത്വത്തില്‍ പുരുഷന്മാര്‍ക്കായി വന്ധ്യംകരണ ശസ്ത്രക്രിയ (നോ സ്‌കാല്‍പ്പല്‍ വാസക്ടമി) ക്യാമ്പുകള്‍ സംഘടിപ്പിക്കുന്നു. നവംബര്‍ 25 ന് കണ്ണൂര്‍ ജില്ലാ ആശുപത്രിയിലും 28 ന് പേരാവൂര്‍ താലൂക്ക് ആശുപത്രിയിലുമാണ് ക്യാമ്പ്. ശസ്ത്രക്രിയയ്ക്ക് വിധേയരാകാന്‍ ആഗ്രഹിക്കുന്നവര്‍ കണ്ണൂര്‍ ജില്ലാ ആശുപത്രി: 9846689289, പേരാവൂര്‍ താലൂക്ക് ആശുപത്രി : 9605015508 എന്നീ നമ്പറുകളില്‍ ബന്ധപ്പെടണം.
പി എന്‍ സി/4431/2017

ടി ആര്‍ ഡി എം ആറളം ഫാമിന് കീഴില്‍ ബ്ലോക്ക് -11 ലുള്ള കക്കുവ ചെക്ക് പോസ്റ്റിന്റെ നടത്തിപ്പിനായി ദിവസവേതനാടിസ്ഥാനത്തില്‍ സെക്യൂരിറ്റി ഗാര്‍ഡിനെ നിയമിക്കുന്നു.  50 വയസ്സില്‍ താഴെ പ്രായമുളള വിമുക്തഭടന്‍മാരായ ഉദേ്യാഗാര്‍ത്ഥികള്‍ 27 ന് രാവിലെ 11 നും 12 മണിക്കുമിടയില്‍ അസ്സല്‍ രേഖകള്‍ സഹിതം സിവില്‍ സ്റ്റേഷന്‍ അഡീഷണല്‍ ബ്ലോക്കിലുളള സംയോജിത പട്ടികവര്‍ഗ വികസന ഓഫീസില്‍ കൂടിക്കാഴ്ചക്ക് ഹാജരാകണം.  കൂടുതല്‍ വിവരങ്ങള്‍ 0497 2700357 എന്ന നമ്പറില്‍ ലഭിക്കും.
പി എന്‍ സി/4430/2017

 കേരള ഖാദി ഗ്രാമവ്യവസായ ബോര്‍ഡ് കാര്‍ഷിക വികസന കര്‍ഷക ക്ഷേമ വകുപ്പ് പന്നിയൂര്‍ കൃഷി വിജ്ഞാന കേന്ദ്രം  എന്നിവ സംയുക്തമായി പാപ്പിനിശ്ശേരി കൈക്കടലാസ് നിര്‍മ്മാണ പരിസരത്ത് നടത്തുന്ന വിഷരഹിത പച്ചക്കറി കൃഷി വ്യാപന പദ്ധതിയുടെ ഉദ്ഘാടനം നവംബര്‍ 24 വൈകിട്ട് 3 മണിക്ക് തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പളളി നിര്‍വഹിക്കും.  കെ എം ഷാജി എം എല്‍ എ അധ്യക്ഷത വഹിക്കും.  ജില്ലാ പഞ്ചായത്ത് പ്രസിഡണ്ട് കെ വി സുമേഷ് മുഖ്യ പ്രഭാഷണം നടത്തും.  
    സ്ഥാപനങ്ങളിലെ പച്ചക്കറി കൃഷി പദ്ധതിയിലുള്‍പ്പെടുത്തി കൃഷി വകുപ്പിന്റെ ധനസഹായത്തോടെയാണ് 75 സെന്റില്‍ പച്ചക്കറി കൃഷി നടത്തുന്നത്.

 സംസ്ഥാന മനുഷ്യാവകാശ കമ്മീഷന്‍ ആക്ടിംഗ് ചെയര്‍പേഴ്‌സണ്‍ പി മോഹനദാസിന്റെ നേതൃത്വത്തില്‍ ഗവ. ഗസ്റ്റ് ഹൗസില്‍ നടന്ന സിറ്റിംഗില്‍ 118 കേസുകള്‍ പരിഗണിച്ചു. ഇവയില്‍ 50 എണ്ണത്തില്‍ തീര്‍പ്പായി. ബാക്കിയുള്ളവ ജനുവരി 15ന് നടക്കുന്ന സിറ്റിംഗില്‍ പരിഗണിക്കുന്നതിനായി മാറ്റിവച്ചു.
    മെഡിക്കല്‍ വിദ്യാര്‍ഥി ഷംന തസ്‌നീം ചികില്‍സയ്ക്കിടെ മരണപ്പെട്ടതുമായി ബന്ധപ്പെട്ട  കേസ് കമ്മീഷന്‍ ഇത്തവണ പരിഗണിച്ചില്ല. ഡോക്ടര്‍മാര്‍ നല്‍കിയ ഹരജിയില്‍ കേസുമായി ബന്ധപ്പെട്ട മുഴുവന്‍ അന്വേഷണങ്ങളും താല്‍ക്കാലികമായി നിര്‍ത്തിവയ്ക്കാന്‍ ഹൈക്കോടതി  ഉത്തരവിട്ട പശ്ചാത്തലത്തിലാണിത്.  

ആലപ്പുഴ: പകർച്ചവ്യാധി പ്രതിരോധ മുന്നൊരുക്ക പ്രവർത്തനങ്ങളുടെ ഭാഗമായി ആരോഗ്യ വകുപ്പ് സംഘടിപ്പിച്ചിട്ടുള്ള ആരോഗ്യ അവബോധ സന്ദേശയാത്ര ഇന്നു (നവംബർ 23) ആരംഭിക്കും. രാവിലെ 9.30ന് കളക്ടറേറ്റ് അങ്കണത്തിൽ ജില്ലാ പഞ്ചായത്ത് പ്രസിഡന്റ് ജി. വേണുഗോപാൽ യാത്ര ഉദ്ഘാടനം ചെയ്യും. ജില്ലാ കളക്ടർ ടി.വി. അനുപമ യാത്ര ഫ്‌ളാഗ് ഓഫ് ചെയ്യും. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ  അഡ്വ കെ.ടി. മാത്യു അധ്യക്ഷത വഹിക്കും. 

ആലപ്പുഴ: പുളിങ്കൂന്ന് താലൂക്ക് ഹെഡ്ക്വാർട്ടേഴ്‌സ് ആശുപത്രിയുടെ പഴയ ഒ.പി. കെട്ടിടം പൊളിച്ചുമാറ്റി സ്ഥലം വൃത്തിയാക്കുന്നതിന് സ്ഥാപനങ്ങൾ/വ്യക്തികൾ എന്നിവരിൽ നിന്ന് ക്വട്ടേഷൻ  ക്ഷണിച്ചു. ക്വട്ടേഷൻ നവംബർ 28 ഉച്ചകഴിഞ്ഞ് 12.30വരെ സമർപ്പിക്കാം. ഫോൺ: 0477-2707742.

ആലപ്പുഴ: ദേശീയ ക്ഷീരദിനത്തോടനുബന്ധിച്ച് നവംബർ 26നും 27നും ആലപ്പുഴ സെൻട്രൽ പ്രോഡക്ട്‌സ് ഡയറിയിൽ പൊതുജനങ്ങൾക്ക് സന്ദർശിക്കാൻ അവസരം. ഡയറിയുടെ പ്രവർത്തനം നേരിൽ കണ്ട് മനസ്സിലാക്കാം. ഐസ്‌ക്രീം ഉൾപ്പെടെയുള്ള മിൽമ ഉത്പന്നങ്ങൾ വിലക്കുറവിൽ ലഭിക്കും. രാവിലെ 10 മുതൽ വൈകിട്ട് നാലുവരെയാണ് സന്ദർശക സമയം.

 (പി.എൻ.എ.2823/17)

(പി.എൻ.എ.2824/17)

പകർച്ചവ്യാധി പ്രതിരോധ പ്രവർത്തനം ഊർജ്ജിതമാക്കാൻ

ആരോഗ്യ സന്ദേശ വിളംബര യാത്ര ഇന്നു മുതൽ