പട്ടികവര്‍ഗ്ഗ വികസന വകുപ്പ് സംസ്ഥാനത്തെ വിവിധ പ്രദേശങ്ങളില്‍ വസ്ത്രനിര്‍മ്മാണ പരിശീലനത്തിനായി യോഗ്യരായ പരിശീലന സ്ഥാപനങ്ങളെ എംപാനല്‍ ചെയ്യും.

തിരുവനന്തപുരം നഗരസഭയുടെ പരിധിയില്‍ ഐ.റ്റി.ഐ പരിശീലനം വിജയകരമായി പൂര്‍ത്തിയാക്കിയ ട്രെയിനികളെ തെരുവ് വിളക്കുകളുടെ സര്‍വ്വേയ്ക്കായി പ്രതിമാസം 6,000 രൂപ നിരക്കില്‍ പ്രതിഫലം നല്‍കി താത്ക്കാലികമായി നിയമിക്കും. താത്പര്യമുള്ള ട്രെയിനികള്‍ ബന്ധപ്പെട്ട സര്‍ട്ടിഫിക്കറ്റുകളുമായി നവംബര്‍ എട്ട് രാവിലെ 10 ന് ചാക്ക ഐ.റ്റി.ഐ-യില്‍ എത്തിച്ചേരണം. സര്‍വ്വേ കഴിയുമ്പോള്‍ സര്‍ട്ടിഫിക്കറ്റ് നല്‍കും.

പി.എന്‍.എക്‌സ്.4738/17

മോഡല്‍ റസിഡന്‍ഷ്യല്‍ സ്‌കൂള്‍ / ഹോസ്റ്റലുകളിലെ വിദ്യാര്‍ത്ഥികളുടെ കായിക മേളയില്‍ പങ്കെടുക്കുന്നവര്‍ക്ക് ഭക്ഷണവിതരണം നടത്തുന്നതിന് ഈ മേഖലയില്‍ കുറഞ്ഞത് രണ്ടു വര്‍ഷത്തെ പരിചയമുള്ള വ്യക്തികള്‍ /  സ്ഥാപനങ്ങള്‍ എന്നിവരില്‍ നിന്നും ഇ-ടെണ്ടറുകള്‍ ക്ഷണിച്ചു. ഇ-ടെണ്ടറുകള്‍ സ്വീകരിക്കുന്ന അവസാന തീയതി നവംബര്‍ 12 വൈകിട്ട് അഞ്ചുമണി. ഇതു സംബന്ധിച്ച കൂടുതല്‍ വിവരങ്ങള്‍ e-tenders.kerala.gov.in എന്ന വെബ്‌സൈറ്റില്‍ ലഭ്യമാണ്. ഫോണ്‍ : 0471 - 2303229.

പി.എന്‍.എക്‌സ്.4737/17

പട്ടികവര്‍ഗ്ഗ വികസന വകുപ്പിന്റെ കീഴില്‍ പ്രവര്‍ത്തിക്കുന്ന 11 മോഡല്‍ റസിഡന്‍ഷ്യല്‍ സ്‌കൂളുകളില്‍ മിന്നല്‍ രക്ഷാചാലകം സ്ഥാപിക്കുന്നതിന് സര്‍ക്കാര്‍ അക്രഡിറ്റേഷന്‍ ഉള്ള സ്ഥാപനങ്ങളില്‍ നിന്നും പ്രൊപ്പോസലുകള്‍ ക്ഷണിച്ചു. പ്രൊപ്പോസലുകള്‍ സ്വീകരിക്കുന്ന അവസാന തീയതി 2017 നവംബര്‍ എട്ട് ഉച്ചയ്ക്ക് രണ്ട് മണി വരെ. അന്ന് വൈകിട്ട് മൂന്നിന് ഹാജരുള്ള സ്ഥാപനങ്ങള്‍ / പ്രതിനിധികളുടെ സാന്നിദ്ധ്യത്തില്‍ പ്രൊപ്പോസലുകള്‍ പരിഗണിക്കും.

കൈത്തറിയുടെ പ്രചാരണത്തിനായി ജില്ലാ വ്യവസായ കേന്ദ്രം സംഘടിപ്പിച്ച ചിത്രരചനാ മത്സരം ഷാഫി പറമ്പില്‍ എം.എല്‍.എ. ഉദ്ഘാടനം ചെയ്തു.

ജനറല്‍ മാനെജര്‍ ജി.രാജ്‌മോഹന്‍ അധ്യക്ഷനായ യോഗത്തില്‍ മാനെജര്‍ ടി.എസ്.ചന്ദ്രന്‍ , ഡെപ്യൂട്ടി രജിസ്ട്രാര്‍ ആര്‍.സുരേഷ് ബാബു , മാനെജര്‍ ദിനേഷ്, കൈത്തറി വികസന സമിതി പ്രതിനിധി രാമസ്വാമി എന്നിവര്‍ സംസാരിച്ചു. 
 

മീസല്‍സ്-റൂബെല്ല പ്രതിരോധ കുത്തിവെപ്പിന്റെ ഭാഗമായി ജില്ലയില്‍ 4.30 ലക്ഷം കുട്ടികള്‍ കുത്തിവെപ്പെടുത്തു. ജില്ലയിലെ 63.93 ശതമാനം കുട്ടികള്‍ക്ക് കുത്തിവെപ്പ് നല്‍കിയതായി ഡി.എം.ഒ. കെ.പി. റീത്ത പറഞ്ഞു. ജില്ലയില്‍ പ്രതിരോധ കുത്തിവെപ്പില്‍ പിന്നില്‍ നില്‍ക്കുന്ന ചളവറ (29.53 ശതമാനം), കൊപ്പം (40.36), ചാലിശ്ശേരി (52.30) പ്രദേശങ്ങളിലെ ജനപ്രതിനിധികള്‍, പ്രധാന അധ്യാപകര്‍, പി.റ്റി.എ. ഭാരവാഹികള്‍, ആരോഗ്യപ്രവര്‍ത്തകര്‍ എന്നിവരുമായി ജില്ലാ കലക്റ്ററേറ്റ് സമ്മേളനഹാളില്‍ ജില്ലാ കലക്റ്റര്‍ ഡോ: പി.സുരേഷ് ബാബുവിന്റെ അധ്യക്ഷതയില്‍ നടത്തിയ കൂടിയാലോചനാ യോഗത്തിലാണ് ഡി.എം.ഒ. ഇക്കാര്യം അറിയിച്ചത്.

നാട്ടാന പരിപാലന ചട്ടം റൂള്‍ 10 പ്രകാരമുള്ള വ്യവസ്ഥകള്‍ കര്‍ശനമായി പാലിക്കപ്പെടുന്നതിനും ആനകളുടെ ക്ഷേമവും പൊതുജനങ്ങളുടെ സുരക്ഷയും ഉറപ്പുവരുത്തുന്നതിന് ബന്ധപ്പെട്ടവര്‍ക്ക് ബോധവത്കരണ ക്ലാസ് നടത്തി. ആന ഉടമകള്‍, ആന തൊഴിലാളികള്‍, ഉത്‌സവകമ്മിറ്റി ഭാരവാഹികള്‍, ബന്ധപ്പെട്ട ഉദ്യോഗസ്ഥര്‍ എന്നിവര്‍ക്കായി  ഒലവക്കോട് ആരണ്യഭവന്‍ കോംപ്ലക്‌സിലുള്ള വൈല്‍ഡ് ലൈഫ് കോണ്‍ഫറന്‍സ് ഹാളില്‍ നടത്തിയ ക്ലാസ് ജില്ലാ കലക്ടര്‍ ഡോ: പി.സുരേഷ് ബാബു ഉദ്ഘാടനം ചെയ്തു.ജില്ലാ പൊലീസ് മേധാവി പ്രതീഷ് കുമാര്‍ അധ്യക്ഷനായി .

കല്‍പ്പാത്തി സംഗീതോത്സവം 2017 നവംബര്‍ എട്ട് മുതല്‍ 13 വരെ കല്പാത്തി ചാത്തപ്പുരം മണി അയ്യര്‍ റോഡില്‍ പ്രത്യേകം സജ്ജീകരിച്ച  ലാല്‍ഗുഡി.ജി.ജയരാമന്‍ നഗറില്‍   നടത്തും. കല്‍പ്പാത്തി രഥോത്സവത്തോടനുബന്ധിച്ച് ജില്ലാ ടൂറിസം പ്രമോഷന്‍ കൗണ്‍സിലിന്റെ ആഭിമുഖ്യത്തില്‍  സംസ്ഥാന ടൂറിസം വകുപ്പിന്റെ  സഹകരണത്തോടെയാണ് പരിപാടികള്‍ നടത്തുന്നത്.  നവംബര്‍ എട്ടിന് പുരന്ദരദാസര്‍ ദിനത്തില്‍ വൈകീട്ട് ആറിന് ഉദ്ഘാടന സമ്മേളനം നടക്കും. ഏഴിന് റിത്വിക് രാജയുടെ സംഗീത കച്ചേരിക്ക്  ആര്‍.കെ.ശ്രീരാംകുമാര്‍ (വയലിന്‍),  ശ്രീമൂഷ്ണം രാജാറാവു (മൃദംഗം), എസ്.വി. രമണി (ഘടം) എന്നിവര്‍ പക്കമേളമൊരുക്കും.

കല്പാത്തി സംഗീതോത്സവം നവംബര്‍ എട്ട് മുതല്‍ 13 വരെ തീയതികളില്‍ കല്പാത്തി ചാത്തപ്പുരം മണി അയ്യര്‍ റോഡില്‍ ലാല്‍ഗുഡി ജി.ജയരാമന്‍ നഗറില്‍ നടക്കും. സംഗീതോത്സവവുമായി ബന്ധപ്പെട്ട വിവരങ്ങള്‍ പൊതുജനങ്ങള്‍ക്കും സംഗീതാസ്വാദകര്‍ക്കും അറിയുന്നതിനായി സമഹുമവ്യേ.ശി വെബ്‌സൈറ്റ് ജില്ലാ ടൂറിസം പ്രമോഷന്‍ കൗണ്‍സില്‍ ചെയര്‍മാന്‍ കൂടിയായ ജില്ലാ കലക്ടര്‍ ഡോ: പി.സുരേഷ് ബാബു ഉദ്ഘാടനം ചെയ്തു. സംഗീതോത്സവത്തില്‍ കൂടുതല്‍ പങ്കാളിത്തം ഉറപ്പാക്കി വിനോദ സഞ്ചാര ഭൂപടത്തില്‍സ്ഥാനം ലഭ്യമാക്കാനുള്ള ശ്രമങ്ങള്‍  നടത്തുമെന്ന് കലക്ടര്‍ പറഞ്ഞു.

പാറശാല താലൂക്ക് ഹെഡ് ക്വാര്‍ട്ടേഴ്‌സ് ആശുപത്രിയില്‍ ഡയാലിസിസ് ടെക്‌നീഷ്യന്റെ ഒഴിവിലേക്ക് നിശ്ചിത യോഗ്യതയുളളവരില്‍ നിന്നും അപേക്ഷ ക്ഷണിച്ചു.  അപേക്ഷിക്കേണ്ട അവസാന തീയതി നവംബര്‍ 10 വൈകിട്ട് അഞ്ച്.  നവംബര്‍ 13 രാവിലെ 10.30നാണ് അഭിമുഖം.  ഡയാലിസിസ് ടെക്‌നോളജി ഡിപ്ലോമയും (ഡി.എം.ഇ) പാരാമെഡിക്കല്‍ കൗണ്‍സിലില്‍ അംഗത്വവും ഒരു വര്‍ഷ പ്രവൃത്തി പരിചയവുമുളളവര്‍ ബന്ധപ്പെട്ട രേഖകളുടെ പകര്‍പ്പുകളും ഒറിജിനലും സഹിതം ഹാജരാകണം. 

പി.എന്‍.എക്‌സ്.4735/17