ആറളം ഫാം ഗവ.ഹൈസ്‌കൂളില്‍ എം പി ഫണ്ട് ഉപയോഗിച്ച് നിര്‍മിച്ച സ്മാര്‍ട്ട് ക്ലാസ് റൂമിന്റെ ഉദ്ഘാടനം  കണ്ണൂര്‍ എം പി പി കെ ശ്രീമതി ടീച്ചര്‍ നവംബര്‍ 7 ന് വൈകിട്ട് മൂന്നു മണിക്ക് നിര്‍വഹിക്കും.  

ജില്ലാ ഭരണകൂടത്തിന്റെ ആഭിമുഖ്യത്തില്‍ ദേശീയ സാഹസിക അക്കാദമിയുടെ സഹകരണത്തോടെ സംഘടിപ്പിക്കുന്ന അമ്പെയ്ത്ത് പരിശീലന പരിപാടി ജില്ലാ കലക്ടര്‍ മീര്‍ മുഹമ്മദലി ഉദ്ഘാടനം ചെയ്യും.  സണ്ണി ജോസഫ് എം എല്‍ എ അധ്യക്ഷത വഹിക്കുന്ന ചടങ്ങില്‍ സംസ്ഥാനതല പ്രതിഭകളെ ആദരിക്കും.

പി എന്‍ സി/4190/2017

തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പളളി ഇന്ന്(നവംബര്‍ 5) ജില്ലയില്‍ വിവിധ പരിപാടികളില്‍ പങ്കെടുക്കും.  രാവിലെ 7.30 - സൈക്കിള്‍ ഡേ - സൈക്കിള്‍ പ്രമോഷന്‍ റാലി ഉല്‍ഘാടനം  സെന്റ്‌മൈക്കിള്‍സ് സ്‌ക്കൂള്‍ ഗ്രൗണ്ട് കണ്ണുര്‍, 10 മണി - മലപ്പട്ടം, 11.30മണി - കണ്ണോംത്തുംചാല്‍, ഉച്ചക്ക് 2 മണി - സ്മാര്‍ട്ട് ക്ലാസ്സ് റും ഉല്‍ഘാടനവും പുസ്തകശേഖരണവും കിഴുത്തള്ളി യുപി സ്‌ക്കൂള്‍,    ഉച്ചക്ക് 2.30 മണി - ഗുരുഭവന്‍, 5 മണി - വാരംബസാര്‍ വാരംകടവ് റോഡ് പ്രവര്‍ത്തി ഉല്‍ഘാടനം വാരം ബസാര്‍ തെക്കിബസാര്‍, 6 മണി - പൂവ്വത്തുര്‍ കൂടാളി.  

 
പി എന്‍ സി/4188/2017

മീസില്‍സ് - റുബെല്ല  വാക്‌സിനേഷന്‍  കാമ്പയിനില്‍ 500  വിദ്യാര്‍ത്ഥികളിലധി കം പഠിക്കുന്ന സ്‌കൂളുകളില്‍ 70 ശതമാനത്തില്‍ കുറവ് മാത്രം കുത്തിവെപ്പ് എടുത്ത സ്‌കൂളുകളുടെ പ്രിന്‍സിപ്പല്‍മാര്‍ , ഹെഡ്മാസ്റ്റര്‍മാര്‍, പി. ടി. എ പ്രസിഡണ്ടുമാര്‍, സ്വകാര്യ സ്‌കൂള്‍ മാനേജ്‌മെന്റ് പ്രതിനിധികള്‍ എന്നിവരുടെ യോഗം നവം ബര്‍ 6 ന് ചേരും. ഉച്ചയ്ക്ക് 2 മണിക്ക് കണ്ണൂര്‍ കലക്‌ട്രേറ്റ് കോണ്‍ഫറന്‍സ് ഹാളില്‍ ജില്ലാ കലക്ടറുടെ നേതൃത്വത്തിലാണ് യോഗം.

തദ്ദേശ സ്വയംഭരണ സ്ഥാപനങ്ങളില്‍ മരാമത്ത് പ്രവൃത്തികളുടെ നിര്‍വഹണം ജി എസ് ടി ചട്ടങ്ങള്‍ക്കനുസൃതമായി നടപ്പില്‍ വരുത്തുന്നത് സംബന്ധിച്ച  സര്‍ക്കാര്‍ ഉത്തരവ് പുറത്തിറങ്ങി. 2017 ജൂണ്‍ 30 ന് മുമ്പ് മരാമത്ത് പ്രവൃത്തികള്‍ക്ക്  ജി എസ് ടി ബാധകമായിരിക്കില്ല.  ജൂലൈ 1 ന് ശേഷം പൂര്‍ത്തിയാക്കുന്ന പ്രവൃത്തികള്‍ ജി എസ് ടി പരിധിയില്‍ വരും.  

കണ്ണൂര്‍ ഗവ.ഐ ടി ഐ യില്‍ മെക്കാനിക്ക് മെക്കാട്രോണിക്‌സ്, റഫ്രിജറേഷന്‍ & എയര്‍കണ്ടീഷനിംഗ് മെക്കാനിക്ക് എന്നീ ട്രേഡുകളില്‍ ഗസ്റ്റ് ഇന്‍സ്ട്രക്ടറെ ആവശ്യമുണ്ട്.  ബന്ധപ്പെട്ട ട്രേഡിലെ എന്‍ ടി സി യും 3 വര്‍ഷത്തെ പ്രവൃത്തിപരിചയവും/എന്‍ എ സി യും 2  വര്‍ഷത്തെ പ്രവൃത്തിപരിചയവും/മെക്കാനിക്കല്‍ എഞ്ചിനീയറിംഗ് ഡിപ്ലോമ അല്ലെങ്കില്‍ ഡിഗ്രിയാണ് യോഗ്യത.  

പാപ്പിനിശ്ശേരി ഇലക്ട്രിക്കല്‍ സെക്ഷന്‍ പരിധിയിലെ കീച്ചേരി, ഐക്കല്‍, പാറക്കല്‍, കല്ലായിക്കല്‍, ശാന്തിപ്രഭ, കമ്മാടത്ത്‌മെട്ട ഭാഗങ്ങളില്‍ ഇന്ന് (നവംബര്‍ 5) രാവിലെ 8 മുതല്‍ ഉച്ചക്ക് 2 മണി വരെ വൈദ്യുതി മുടങ്ങും.

കരിമ്പം ഇലക്ട്രിക്കല്‍ സെക്ഷന്‍ പരിധിയിലെ തലോറ, പേക്കാട്ട് വയല്‍, വെളളാവ്, കുറ്റേരി, നെല്ലിപ്പറമ്പ്, പുഷ്പഗിരി, ഗാന്ധിനഗര്‍ ഭാഗങ്ങളില്‍ ഇന്ന് (നവംബര്‍ 5) രാവിലെ 9 മുതല്‍ വൈകിട്ട് 5 മണി വരെ വൈദ്യുതി മുടങ്ങും.

കൈത്തറി വസ്ത്ര പ്രചരണത്തിന്റെ ഭാഗമായി  കൈത്തറി & ടെക്‌സ്റ്റൈല്‍ വകുപ്പും  ജില്ലാ വ്യവസായ കേന്ദ്രവും സംയുക്തമായി സ്‌കൂള്‍ വിദ്യാര്‍ത്ഥികള്‍ക്ക് എല്‍ പി, യു പി, ഹൈസ്‌കൂള്‍ വിഭാഗങ്ങളിലായി ചിത്രരചനാ മത്സരം നടത്തുന്നു.  

എല്‍ പി വിഭാഗത്തില്‍ ക്രയോണ്‍സും യു പി, ഹൈസ്‌കൂള്‍ വിഭാഗത്തില്‍ ജലച്ചായവും ഉപയോഗിച്ചാണ് ചിത്രരചന.  പങ്കെടുക്കുന്നവര്‍ക്ക് സര്‍ട്ടിഫിക്കറ്റും ഒന്നും രണ്ടും സ്ഥാനം നേടുന്നവര്‍ക്ക് ക്യാഷ് അവാര്‍ഡും സംസ്ഥാനതലത്തില്‍ പങ്കെടുക്കുന്നതിനുളള അവസരവും ലഭിക്കും.  25 ന് രാവിലെ 10 മണിക്ക് കണ്ണൂര്‍ ജവഹര്‍ ലൈബ്രറി ഹാളിലാണ് മത്സരം.

വികലാംഗ ദിനാഘോഷം സംഘടിപ്പിക്കുന്നതിന്റെ ആലോചനായോഗം 7 ന് ഉച്ചക്ക് 2 മണിക്ക് ജില്ലാ കലക്ടറുടെ ചേമ്പറില്‍ ചേരും.  വികലാംഗ സംഘടനാ പ്രതിനിധികള്‍, സ്ഥാപന മേധാവികള്‍ തുടങ്ങിയര്‍ പങ്കെടുക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.

പി എന്‍ സി/4183/2017

കേരള ബീഡി-ചുരുട്ട് തൊഴിലാളി ക്ഷേമനിധിയില്‍ അംഗങ്ങളായി അംശദായം അടച്ച് വരുന്ന തൊഴിലാളികളും സ്വയംതൊഴിലില്‍ ഏര്‍പ്പെട്ടിരിക്കുന്നവര്‍ക്കും സാമ്പത്തിക താങ്ങല്‍ പദ്ധതി പ്രകാരമുളള പൂരക വേതനത്തിന് അപേക്ഷ സമര്‍പ്പിക്കണം.

അപേക്ഷാ ഫോം ബന്ധപ്പെട്ട തൊഴിലുടമ/സ്ഥാപനങ്ങളില്‍ നിന്നും ലഭിക്കും. പൂരിപ്പിച്ച അപേക്ഷകള്‍ തൊഴിലുടമകള്‍ളുടെ സാക്ഷ്യപത്രം സഹിതം ചീഫ് എക്‌സിക്യുട്ടീവ് ഓഫീസറുടെ കാര്യാലയത്തില്‍ 15ന് മുമ്പ് സമര്‍പ്പിക്കണം.

കേരള ബീഡി-ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്ന് പെന്‍ഷന്‍ വാങ്ങുന്നവര്‍ അതാത് ബാങ്കുകളില്‍ 30 നകം ലൈഫ് സര്‍ട്ടിഫിക്കറ്റ് ഹാജരാക്കണമെന്ന് എക്‌സിക്യുട്ടീവ് ഓഫീസര്‍ അറിയിച്ചു.

പി എന്‍ സി/4181/2017