ഏപ്രില്‍ 23 ന് സംസ്ഥാനത്ത് നടക്കുന്ന ലോക്സഭ തെരഞ്ഞെടുപ്പില്‍ കള്ളവോട്ട് തടയാന്‍ ശക്തമായ നടപടികള്‍  സ്വീകരിച്ച് ജില്ലാ ഭരണകൂടം. ഇതിന്റെ ഭാഗമായി ജില്ലയിലെ 1857 പോളിംഗ് സ്റ്റേഷനുകളില്‍ 1841 ബൂത്തുകളിലും വെബ്കാസ്റ്റിംഗ് സംവിധാനം ഏര്‍പ്പെടുത്തിയിട്ടുണ്ട്. ബി എസ് എന്‍ എല്‍ കവറേജ് ഇല്ലാത്തത് മൂലം വെബ്കാസ്റ്റിംഗ് സാധിക്കാത്ത പോളിംഗ് സ്റ്റേഷനുകളില്‍ ലൈവ് വീഡിയോ കവറേജും സജ്ജീകരിക്കും. ക്രിറ്റിക്കല്‍ ബൂത്തുകളില്‍ വെബ്കാസ്റ്റിംഗിനൊപ്പം വീഡിയോ കവറേജും ഉണ്ടായിരിക്കുന്നതാണ്. 

പൊതു തെരഞ്ഞെടുപ്പിന്റെ ഭാഗമായി ജില്ലയില്‍ നിയോഗിക്കപ്പെട്ട മൈക്രോ ഒബ്‌സര്‍വര്‍മാര്‍ മാര്‍ച്ച് 22ന് രാവിലെ എട്ടിന് ഡിസ്ട്രിബ്യൂഷന്‍ കേന്ദ്രങ്ങളായ കല്‍പ്പറ്റ എസ്.കെ.എം.ജെ സ്‌കൂള്‍, എസ്.ഡി.എം എല്‍.പി സ്‌കൂള്‍ എന്നിവിടങ്ങളില്‍ ഹാജരാവണമെന്ന് ജില്ലാ കളക്ടര്‍ അറിയിച്ചു.

ലോക്‌സഭ തെരഞ്ഞെടുപ്പ് മൂന്നാംഘട്ട ചെലവ് പരിശോധന നടന്നു. രാവിലെ 11 മുതല്‍ ജില്ലാ ആസൂത്രണ ഭവന്‍ പഴശ്ശി ഹാളിലാണ് നടന്ന പരിശോധനയ്ക്ക് നിരീക്ഷികന്‍ ആനന്ദകുമാര്‍ നേതൃത്വം നല്‍കി. മണ്ഡലത്തിലെ വിവിധ സ്ഥാനാര്‍ത്ഥികളുടെ പ്രതിനിധികള്‍ തെരഞ്ഞെടുപ്പ് ചെലവുമായി ബന്ധപ്പെട്ട രേഖകള്‍ ഹാജരാക്കി. നേഡല്‍ ഓഫീസര്‍മാരായ പി.സി മജീദ്, എ.കെ ദിനേശന്‍ തുടങ്ങിയവര്‍ പങ്കെടുത്തു.

* വോട്ടെടുപ്പ് 23 രാവിലെ എഴുമുതൽ വൈകിട്ട് ആറുവരെ

വോട്ടർ തിരിച്ചറിയൽ കാർഡ് ഇല്ലാത്ത വോട്ടർമാർക്ക് ഫോട്ടോ പതിച്ച 11 തിരിച്ചറിയൽ രേഖകളിലൊന്ന് ഹാജരാക്കിയാൽ വോട്ട് ചെയ്യാം. വോട്ടെടുപ്പ് സമയം എപ്രിൽ 23ന് രാവിലെ ഏഴുമുതൽ വൈകിട്ട് ആറുവരെയാണ്.

*പരസ്യ പ്രചാരണം ഞായറാഴ്ച വൈകിട്ട് 6ന് അവസാനിക്കും

പാർലമെന്റ് തിരഞ്ഞെടുപ്പിനുള്ള ഒരുക്കങ്ങൾ പൂർത്തിയായതായി മുഖ്യ തെരഞ്ഞെടുപ്പ് ഓഫീസർ ടീക്കാറാം മീണ വാർത്താ സമ്മളേനത്തിൽ പറഞ്ഞു. പരസ്യ പ്രചാരണം ഞായറാഴ്ച വൈകിട്ട് ആറിന് അവസാനിക്കും. 2,61,51,534 വോട്ടർമാരാണുള്ളത്. ഇതിൽ 1,34,66,521 പേർ സ്ത്രീ വോട്ടർമാരാണ്. 1,26,84,839 പുരുഷ വോട്ടർമാരുണ്ട്. 174 ട്രാൻസ്‌ജെൻഡർ വോട്ടർമാരാണുള്ളത്. 

ലോക്‌സഭാ തെരഞ്ഞെടുപ്പുമായി ബന്ധപ്പെട്ട വിവരങ്ങള്‍ മാധ്യമങ്ങള്‍ക്ക് ലഭ്യമാക്കുന്നതിന് ഏപ്രില്‍ 22, 23 തീയതികളില്‍ കളക്ടറേറ്റില്‍ മീഡിയാ ഹെല്‍പ്പ് ഡെസ്‌ക്ക് പ്രവര്‍ത്തിക്കും. ഫോണ്‍ നമ്പര്‍ 0471-2731300, 9496003215.
(പി.ആര്‍.പി. 507/2019)

ജില്ലാ ഇന്‍ഫര്‍മേഷന്‍ ഓഫീസില്‍ നിന്നും പത്രപ്രവര്‍ത്തകേതര പെന്‍ഷന്‍ കൈപ്പറ്റുന്നവരുടെ ഏപ്രില്‍ മാസത്തെ പെന്‍ഷന്‍ തുക ട്രഷറി അക്കൗണ്ടില്‍ നിക്ഷേപിച്ചിട്ടുള്ളതായി ജില്ലാ ഇന്‍ഫര്‍മേഷന്‍ ഓഫീസര്‍ അറിയിച്ചു.

ലോക്‌സഭാ തെരഞ്ഞെടുപ്പിന് തിരുവനന്തപുരം ജില്ല സമ്പൂര്‍ണ സജ്ജമായതായി ജില്ലാ കളക്ടര്‍ ഡോ. കെ. വാസുകി അറിയിച്ചു.  തെരഞ്ഞെടുപ്പ് ചുമതലയുള്ള ഉദ്യോഗസ്ഥര്‍ക്കുള്ള പരിശീലനം വിവിധ ഘട്ടങ്ങളിലായി പൂര്‍ത്തിയായി.  തിരുവനന്തപുരം, ആറ്റിങ്ങല്‍ മണ്ഡലങ്ങളിലെ തെരഞ്ഞെടുപ്പ് മുന്നൊരുക്കങ്ങള്‍ വിശദീകരിക്കാന്‍ കളക്ടറേറ്റില്‍ വിളിച്ചു ചേര്‍ത്ത വാര്‍ത്താ സമ്മേളനത്തിലാണ് കളക്ടര്‍ ഇക്കാര്യങ്ങള്‍ അറിയിച്ചത്.