എടക്കാട്-കണ്ണൂര്‍സൗത്ത് റെയില്‍വെ സ്‌റ്റേഷനുകള്‍ക്കിടയിലുള്ള താഴെചൊവ്വ-ആയിക്കര റോഡിലെ 240-ാം നമ്പര്‍ ലെവല്‍ക്രോസ് ഏപ്രില്‍ 20 രാവിലെ എട്ട് മണി മുതല്‍ ഏപ്രില്‍ 22 വൈകീട്ട് ആറ് വരെ അടച്ചിടുമെന്ന് അസിസ്റ്റന്റ് ഡിവിഷണല്‍ എഞ്ചിനീയര്‍ അറിയിച്ചു

ലോക്‌സഭ തെരഞ്ഞെടുപ്പില്‍ ജില്ലയിലെ നിയമസഭ മണ്ഡലങ്ങളില്‍ നിയോഗിച്ചിട്ടുള്ള സെക്ടറല്‍ മജിസ്‌ട്രേറ്റുമാര്‍ക്ക് പരിശീലന ക്ലാസ് നടത്തുന്നു. ഏപ്രില്‍ 20 ന് മൂന്ന് മണിക്ക് ജില്ലാ പഞ്ചായത്ത് ഹാളിലാണ് പരിശീലനം.

ജില്ലയില്‍ സൂര്യാതപം മൂലം  മൂന്ന് പുരുഷ•ാര്‍ ഇന്ന് (ഏപ്രില്‍ 19) ചികിത്സതേടി. കായക്കൊടി, തിക്കോടി എന്നിവിടങ്ങളില്‍ നിന്നുള്ളവരാണ്. മാര്‍ച്ച് ഏഴ് മുതല്‍ ഇതുവരെ ജില്ലയിലാകെ ചികിത്സ തേടിയവരുടെ എണ്ണം 224 ആണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. 

ലോക്സഭാ തിരഞ്ഞെടുപ്പില്‍ പോളിംഗ് ഡ്യൂട്ടിക്ക് നിയോഗിച്ചുകൊണ്ട് നല്‍കിയ രണ്ടാം ഘട്ട ഉത്തരവ് പ്രകാരം ഏപ്രില്‍ 11,12,13,16 തീയതികളില്‍ വിവിധകേ ന്ദ്രങ്ങളില്‍ നടത്തിയ പരിശീലന പരിപാടിയില്‍ ഹാജരാകാന്‍ കഴിയാതിരുന്ന ഉദ്യോഗസ്ഥര്‍ക്കായി നാളെ(ഏപ്രില്‍ 20) രാവിലെ പത്തിന് കളക്ട്രേറ്റ് കോണ്‍ഫറന്‍സ് ഹാളില്‍ പരിശീലന പരിപാടി നടത്തും. 

അഞ്ച് വര്‍ഷമോ അതില്‍ കൂടതലോ (2019 മാര്‍ച്ച് 31ല്‍) നികുതി കുടിശ്ശിക വരുത്തിയിട്ടുളള വാഹനങ്ങള്‍ക്ക്  കുടിശ്ശിക തീര്‍പ്പാക്കുന്നതിന് മോട്ടോര്‍ വാഹന വകുപ്പ് ഒറ്റത്തവണ തീര്‍പ്പാക്കല്‍ പദ്ധതി നടപ്പാക്കുന്നു. ഈ വര്‍ഷം ഡിസംബര്‍ 31 വരെ ഈ സൗകര്യം ലഭ്യമാണെന്ന്  ചങ്ങനാശ്ശേരി ജോയിന്റ് ആര്‍ടിഒ അറിയിച്ചു. 

ലോക്‌സഭാ തിരഞ്ഞെടുപ്പ് ദിവസവും തലേന്നും മീഡിയ സര്‍ട്ടിഫിക്കേഷന്‍ ആന്റ് മോണിട്ടറിംഗ് കമ്മിറ്റിയുടെ(എം.സി.എം.സി) മുന്‍കൂര്‍ അംഗീകാരം നേടാത്ത പരസ്യങ്ങള്‍ അച്ചടി മാധ്യമങ്ങളില്‍ പ്രസിദ്ധീകരിക്കാന്‍ പാടില്ലെന്ന് കേന്ദ്ര തിരഞ്ഞെടുപ്പ് കമ്മീഷന്‍ അറിയിച്ചു. സംസ്ഥാനതലത്തിലോ ജില്ലാതലത്തിലോ പ്രവര്‍ത്തിക്കുന്ന എം.സി.എം.സിയുടെ അംഗികാരം മതിയാകും. 

കോട്ടയം ലോക്‌സഭാമണ്ഡലത്തിലെ 82 പോളിംഗ് ബൂത്തുകളിലെ  വോട്ടെടുപ്പ്  തല്‍സമയം സംപ്രേക്ഷണം ചെയ്യും. ഐ.ടി മിഷന്റെ സഹകരണത്തോടെ ഈ ബൂത്തുകളില്‍ വെബ് കാസ്റ്റിംഗ് സംവിധാനം ഏര്‍പ്പെടുത്തുമെന്ന് ജില്ലാ കളക്ടര്‍ പി. കെ.            സുധീര്‍ ബാബു അറിയിച്ചു. 

ഫെബ്രുവരിയിൽ നടത്തിയ എൽ.എസ്.എസ് പരീക്ഷാഫലം പ്രസിദ്ധീകരിച്ചു. പരീക്ഷാഭവന്റെ www.keralapareekshabhavan.in എന്ന വെബ്‌സൈറ്റിൽ ലഭ്യമാണ്.

പുനർമൂല്യനിർണയത്തിന് അപേക്ഷിക്കാൻ താത്പര്യമുള്ള പരീക്ഷാർഥികൾ പരീക്ഷാഭവൻ വെബ്‌സൈറ്റിൽ ഓൺലൈനായി അപേക്ഷ രജിസ്റ്റർ ചെയ്യണം. രജിസ്റ്റർ ചെയ്യുമ്പോൾ ലഭിക്കുന്ന പ്രിൻറ് ഔട്ടും, പേപ്പർ ഒന്നിന് 100 രൂപ രൂപ നിരക്കിൽ ഫീസും സഹിതം ബന്ധപ്പെട്ട ഉപജില്ലാ വിദ്യാഭ്യാസ ഒാഫീസർക്ക് ഏപ്രിൽ 30 നകം സമർപ്പിക്കണം.

പി.എൻ.എക്സ്. 1141/19