കോഴിക്കോട് ഗവ. ആശാഭവന്‍ (മെന്‍) ലെ താമസക്കാരനായ അബ്ദുല്‍ റസാഖ്, മേലേക്കുഴിമ്പാട്ടില്‍, അറപ്പുഴ, പന്തിരാങ്കാവ് നിര്യാതനായി. മൃതദേഹം സംസ്‌കാരത്തിനായി ബന്ധുക്കള്‍ ഏറ്റുവാങ്ങി. 

    
ഇംഹാന്‍സില്‍ സൈക്യാട്രിക് സോഷ്യല്‍വര്‍ക്ക് ഡിപ്പാര്‍ട്ട്‌മെന്റിന്റെ കീഴില്‍ ഐ.സി.എസ്.എസ് ആര്‍ ഇംപ്രസ് സ്‌കീമിലെ പ്രോജക്ടിലേക്ക് റിസര്‍ച്ച് അസിസ്റ്റന്റിനെ നിയമിക്കും. ഒരു വര്‍ഷമാണ് കാലാവധി. യോഗ്യത - സൈക്കോളജിയില്‍ 55 ശതമാനം മാര്‍ക്കില്‍ കുറയാത്ത ബിരുദാനന്തര ബിരുദം. ഗവേഷണ പ്രോജക്ടുകളിലെ മുന്‍പരിചയത്തിന് പ്രത്യേക പരിഗണന ലഭിക്കും. ശമ്പളം - 20,000 രൂപ പ്രതിമാസം. വിശദമായ ബയോഡാറ്റയോടെ അപേക്ഷിക്കേണ്ട അവസാന തീയതി ഏപ്രില്‍ 25.  കൂടുതല്‍ വിവരങ്ങള്‍ക്ക് വെബ്‌സൈറ്റ് - www.imhans.ac.in. ഫോണ്‍ - 9747487486.

സംസ്ഥാന കർഷക കടാശ്വാസ കമ്മീഷൻ മേയ് രണ്ടിനും മൂന്നിനും കോഴിക്കോട് പി.ഡബ്ല്യൂ.ഡി റെസ്റ്റ് ഹൗസിലും ഏഴിനും എട്ടിനും ഒൻപതിനും ഇടുക്കി പൈനാവ് സർക്കാർ അതിഥി മന്ദിരത്തിലും 15, 16, 17 തീയതികളിൽ കാസർകോട് സർക്കാർ അതിഥി മന്ദിരത്തിലും 20നും 21നും 22നും വയനാട് സുൽത്താൻ ബത്തേരി സർക്കാർ അതിഥി മന്ദിരത്തിലും, 28നും 29നും 30നും കണ്ണൂർ സർക്കാർ അതിഥി മന്ദിരത്തിലും രാവിലെ പത്ത് മുതൽ സിറ്റിംഗ് നടത്തും. നോട്ടീസ് ലഭിച്ചവർ ആവശ്യപ്പെട്ട രേഖകൾ സഹിതം കൃത്യ സമയത്ത് ഹാജരാകണം.

പി.എൻ.എക്സ്. 1131/19

യൂണിവേഴ്‌സിറ്റി & ഫുഡ്‌സേഫ്റ്റി അപ്പലേറ്റ് ട്രൈബ്യൂണൽ ഏപ്രിൽ 26നും 27നും തൃശ്ശൂർ പി.ഡബ്ല്യൂ.ഡി റസ്റ്റ് ഹൗസിൽ ഔദ്യോഗിക ക്യാമ്പ് നടത്തും. അന്നത്തെ കേസുകളുടെ വാദം കേൾക്കുന്നതോടൊപ്പം കാസർകോട്, കണ്ണൂർ, വയനാട്, കോഴിക്കോട്, പാലക്കാട്, മലപ്പുറം, തൃശ്ശൂർ, ഇടുക്കി, എറണാകുളം ജില്ലകളിലെ ഫുഡ്‌സേഫ്റ്റി ആക്ട് 2006ന്റെ പരിധിയിൽ വരുന്ന കേസുകളും, യൂണിവേഴ്‌സിറ്റി കേസുകളും അപ്പീൽ ചട്ടങ്ങൾക്കനുസൃതമായി ഫയലിൽ സ്വീകരിക്കും.

പി.എൻ.എക്സ്. 1130/19