കഴക്കൂട്ടം ഇലക്ട്രിക്കല്‍ സെക്ഷന്‍ പരിധിയിലെ കഴക്കൂട്ടം റെയില്‍വേ മേല്‍പ്പാലം, അപ്പാപ്പന്‍ റോഡ്, സെന്റ് ആന്റണീസ് സ്‌ക്കൂള്‍ ഭാഗങ്ങളില്‍  അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 17) രാവിലെ എട്ടുമണി മുതല്‍ വൈകുന്നേരം അഞ്ചുവരെ വൈദ്യുതി മുടങ്ങും.

മണക്കാട് ഇലക്ട്രിക്കല്‍ സെക്ഷന്‍ പരിധിയിലെ ഇരുംകുളങ്ങര, കല്ലടിമുഖം ഭാഗങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 17) രാവിലെ ഒന്‍പതു മുതല്‍ വൈകുന്നേരം അഞ്ച് വരെ  വൈദ്യുതി മുടങ്ങും.

വോട്ടെടുപ്പിന് ആറു ദിവസം മാത്രം ശേഷിക്കെ ജില്ലയിലെ തെരഞ്ഞെടുപ്പ് ഒരുക്കങ്ങള്‍ അന്തിമ ഘട്ടത്തിലേക്ക്. ആറ്റിങ്ങല്‍, തിരുവനന്തപുരം ലോക്‌സഭാ മണ്ഡലങ്ങളില്‍ വോട്ടെടുപ്പിന് ഉപയോഗിക്കുന്ന ഇലക്ട്രോണിക് വോട്ടിങ് യന്ത്രങ്ങളുടെ കമ്മിഷനിങ് പൂര്‍ത്തിയായി. തിരുവനന്തപുരം ലോക്‌സഭാ മണ്ഡലത്തിന്റെ ചുമതലയുള്ള പൊതു നിരീക്ഷകന്‍ ശരവണവേല്‍രാജും ജില്ലയിലെ പൊലീസ് നിരീക്ഷക ശശി പ്രഭ ദ്വിവേദിയും ജില്ലയിലെ വോട്ടെടുപ്പിനുള്ള ക്രമീകരണങ്ങള്‍ വിലയിരുത്തി.

ലോക്സഭാ തെരഞ്ഞെടുപ്പിനോടനുബന്ധിച്ച് ജില്ലയിലെ രണ്ടു പാര്‍ലമെന്റ് മണ്ഡലങ്ങളിലായി 19 ബൂത്തുകളുടെ സ്ഥാനങ്ങള്‍ മാറ്റുന്നതിനു തെരഞ്ഞെടുപ്പ് കമ്മിഷന്‍ അംഗീകാരം നല്‍കി. ബൂത്തുകള്‍ പ്രവര്‍ത്തിച്ചിരുന്ന കെട്ടിടങ്ങള്‍ക്കു കേടുപാടുകള്‍ സംഭവിച്ചതിനെത്തുടര്‍ന്നും പുനരുദ്ധാരണത്തിനായി പൊളിച്ചു മാറ്റിയതിനെത്തുടര്‍ന്നുമാണ് സ്ഥാനം മാറ്റിയതെന്ന് ജില്ലാ ഇലക്ഷന്‍ ഓഫിസര്‍ ഡോ. കെ. വാസുകി അറിയിച്ചു.

ലോക്‌സഭാ തെരഞ്ഞെടുപ്പിനോടനുബന്ധിച്ച് ജില്ലയിലെ രണ്ടു പാര്‍ലമെന്റ് മണ്ഡലങ്ങളിലായി 19 ബൂത്തുകളുടെ സ്ഥാനങ്ങള്‍ മാറ്റുന്നതിനു തെരഞ്ഞെടുപ്പ് കമ്മിഷന്‍ അംഗീകാരം നല്‍കി. ബൂത്തുകള്‍ പ്രവര്‍ത്തിച്ചിരുന്ന കെട്ടിടങ്ങള്‍ക്കു  കേടുപാടുകള്‍ സംഭവിച്ചതിനെത്തുടര്‍ന്നും പുനരുദ്ധാരണത്തിനായി പൊളിച്ചു മാറ്റിയതിനെത്തുടര്‍ന്നുമാണ് സ്ഥാനം മാറ്റിയതെന്ന് ജില്ലാ ഇലക്ഷന്‍ ഓഫിസര്‍ ഡോ. കെ. വാസുകി അറിയിച്ചു.

    
    ലോക്‌സഭാ തെരഞ്ഞെടുപ്പ് ബോധവത്കരണ പരിപാടികളുടെ ഭാഗമായി ജില്ലാ ഭരണകൂടത്തിന്റെ നേതൃത്വത്തില്‍ ബൈക്ക് റാലി സംഘടിപ്പിച്ചു. മാനവീയം വീഥിയില്‍നിന്നു ശംഖുമുഖം കടപ്പുറത്തേക്കു നടന്ന റാലി മുഖ്യ തെരഞ്ഞെടുപ്പ് ഓഫിസര്‍ ടിക്കാ റാം മീണ ഫ്‌ളാഗ് ഓഫ് ചെയ്തു.

    സിസ്റ്റമാറ്റിക് വോട്ടേഴ്‌സ് എഡ്യൂക്കേഷന്‍ ആന്‍ഡ് ഇലക്ടറല്‍ പാര്‍ട്ടിസിപ്പേഷന്റെ (സ്വീപ്പ്) ഭാഗമായാണ് യുവാക്കളെ പങ്കെടുപ്പിച്ച് ബൈക്ക് റാലി സംഘടിപ്പിച്ചത്. നൂറുകണക്കിന് യുവാക്കള്‍ പരിപാടിയില്‍ പങ്കെടുത്തു.
(പി.ആര്‍.പി. 495/2019)

    തെരഞ്ഞെടുപ്പ് ബോധവത്കരണത്തിനായി ജില്ലാ ഭരണകൂടത്തിന്റെ നേതൃത്വത്തില്‍ സ്‌കേറ്റിങ് റാലി സംഘടിപ്പിച്ചു. മാനവീയം വീഥിയില്‍നിന്ന് എം.ജി. റോഡില്‍ ആയൂര്‍വേദ കോളജിനു സമീപത്തേക്കു നടന്ന റാലിയില്‍ നിരവധി കുട്ടികള്‍ പങ്കെടുത്തു. ഇന്‍കംടാക്‌സ് അസി. കമ്മിഷണര്‍ ഹരി ഫ്‌ളാഗ് ഓഫ് ചെയ്തു. തെരഞ്ഞെടുപ്പിനെക്കുറിച്ച് ജനങ്ങളില്‍ അവബോധം സൃഷ്ടിക്കാനുള്ള   സിസ്റ്റമാറ്റിക് വോട്ടേഴ്‌സ് എഡ്യൂക്കേഷന്‍ ആന്‍ഡ് ഇലക്ടറല്‍ പാര്‍ട്ടിസിപ്പേഷന്‍ (സ്വീപ്പ്) പരിപാടിയുടെ ഭാഗമായിട്ടാണ് സ്‌കേറ്റിങ് റാലി സംഘടിപ്പിച്ചത്.

    തെരഞ്ഞെടുപ്പ് ചെലവു നിരീക്ഷണ സെല്ലിന്റെ ഭാഗമായി പ്രവര്‍ത്തിക്കുന്ന സ്റ്റാറ്റിക് സര്‍വെയ്‌ലന്‍സ് ടീം നടത്തിയ വാഹന പരിശോധനയ്ക്കിടെ എട്ടര കിലോ കഞ്ചാവ് പിടികൂടി. 1.73 ലക്ഷം രൂപ വിലമതിക്കുന്നതാണിത്. നേമത്ത് നടത്തിയ പരിശോധനയിലാണ് കഞ്ചാവ് പിടികൂടിയത്.
(പി.ആര്‍.പി. 492/2019)

    തിരുവനന്തപുരം, ആറ്റിങ്ങല്‍ ലോക്‌സഭാ മണ്ഡലങ്ങളിലെ സ്ഥാനാര്‍ഥികളുടെ തെരഞ്ഞെടുപ്പ് ചെലവ് കണക്കുകളുടെ രണ്ടാം ഘട്ട പരിശോധന നാളെ (15 ഏപ്രില്‍) രാവിലെ 10.30ന് തൈക്കാട് റെസ്റ്റ് ഹൗസിലെ മിനി കോണ്‍ഫറന്‍സ് ഹാളില്‍ നടക്കുമെന്ന് വരണാധികാരി അറിയിച്ചു. സ്ഥാനാര്‍ഥികളോ അംഗീകൃത ഏജന്റുമാരോ ബന്ധപ്പെട്ട രേഖകള്‍ സഹിതം ഹാജരാകണം. ചെലവ് കണക്കുകളുടെ അവസാനഘട്ട പരിശോധന ഏപ്രില്‍ 19ന് നടക്കുമെന്നും അറിയിപ്പില്‍ പറയുന്നു.
(പി.ആര്‍.പി. 491/2019)

    ലോക്‌സഭാ തെരഞ്ഞെടുപ്പിന് ജില്ലയിലെ രണ്ടു ലോക്‌സഭാ മണ്ഡലങ്ങളിലെ പോളിങ് ബൂത്തുകളില്‍ ഉപയോഗിക്കുന്ന ഇലക്ട്രോണിക് വോട്ടിങ് മെഷീനുകളുടെ കമ്മിഷനിങ് ഏപ്രില്‍ 15, 16 തീയതികളില്‍ നടക്കും. നിയമസഭാ മണ്ഡലാടിസ്ഥാനത്തിലാണ് മെഷീനുകളുടെ കമ്മിഷനിങ് നടക്കുകയെന്ന് വരണാധികാരിയായ ജില്ലാ കളക്ടര്‍ ഡോ. കെ. വാസുകി അറിയിച്ചു.

    ഓരോ നിയമസഭാ മണ്ഡലത്തിലെയും ഇലക്ട്രോണിക് വോട്ടിങ് മെഷീനുകളുടെ വിതരണ കേന്ദ്രത്തില്‍വച്ചാണ് കമ്മിഷനിങ് നടക്കുന്നത്. രാവിലെ എട്ടു മുതല്‍ നടക്കുന്ന ഇ.വി.എം. കമ്മിഷനിങ്ങിന് ബന്ധപ്പെട്ട നിയമസഭാ മണ്ഡലത്തിലെ അസിസ്റ്റന്റ് റിട്ടേണിങ് ഓഫിസര്‍മാര്‍ നേതൃത്വം നല്‍കും.

കുളത്തൂര്‍ ഇലക്ട്രിക്കല്‍ സെക്ഷന്‍ പരിധിയിലെ വല്ലത്തോട്, തൃപ്പാദപുരം, ആറ്റിപ്രപാലം, കല്ലിംഗല്‍ റോഡ്  ഭാഗങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 13) രാവിലെ എട്ടുമണി മുതല്‍ വൈകുന്നേരം അഞ്ചുമണി വരെ വൈദ്യുതി മുടങ്ങും.

മണക്കാട് ഇലക്ട്രിക്കല്‍ സെക്ഷന്‍ പരിധിയിലെ കല്ലടിമുഖം ഫ്‌ളാറ്റ്, കല്ലടിമുഖം, നിലമാറോഡ്, മില്‍മാത്തോട്ടം  ഭാഗങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ഈ പ്രദേശങ്ങളില്‍ ഇന്ന് (ഏപ്രില്‍ 13) രാവിലെ ഒന്‍പതു മണി മുതല്‍ ഉച്ചയ്ക്ക് രണ്ടുവരെ വൈദ്യുതി മുടങ്ങും.