ജലനിരപ്പ് ഉയര്‍ന്നതിനെ തുടര്‍ന്ന് മൂന്നാര്‍ കുണ്ടള ഡാമിന്റെ ഷട്ടറുകള്‍ ഇന്ന്( 17.4.19) രാവിലെ 8ന് തുറക്കുമെന്നും നദിയുടെ കരകളില്‍ താമസിക്കുന്നവര്‍ ജാഗ്രത പാലിക്കണമെന്നും ജില്ലാകലക്ടര്‍ അറിയിച്ചു. 17858.69 മീറ്ററാണ് ഡാമിന്റെ പരമാവധി ജലസംഭരണശേഷി. മഴയെ തുടര്‍ന്ന് ജലനിരപ്പ് 1758.65 മീറ്ററായി ഉയര്‍ന്ന സാഹചര്യത്തില്‍ അഞ്ച് ക്യുമെക്‌സ് വെള്ളം തുറന്ന് വിടും.

ജി പി എസ് ഘടിപ്പിച്ച ടാങ്കറുകളുടെ ഉടമകളില്‍ നിന്നും  താലൂക്ക് അടിസ്ഥാനത്തില്‍ ലിറ്റര്‍ നിരക്കിന് കുടിവെള്ള വിതരണത്തിന് ക്വട്ടേഷന്‍ ക്ഷണിച്ചു. ടാങ്കറുകളില്‍ തദ്ദേശ സ്വയംഭരണ സ്ഥാപനങ്ങള്‍ മുഖേന ജി പി എസ് ഘടിപ്പിക്കണം. ക്വട്ടേഷനുള്ള അപേക്ഷ ഏപ്രില്‍ 17 ന് 3 മണിക്ക് മുന്‍പായി ജില്ലാ കളക്ടര്‍, കളക്ട്രേറ്റ് ഇടുക്കി എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് കളക്ട്രേറ്റുമായി ബന്ധപ്പെടുക.

തൊടുപുഴ നിയോജകമണ്ഡലത്തിലെ കരിമണ്ണൂര്‍,  ഉടുമ്പന്നൂര്‍, അമയപ്ര,  മങ്ങാട്ടുകവല,  കുമാരമംഗലം,  പള്ളിപ്പീടിക,  കോലാനി,  പുറപ്പുഴ, മുതലക്കോടം, കുണിഞ്ഞി, വഴിത്തല,  തൊടുപുഴ, നെടിയശാല എന്നിവിടങ്ങളില്‍ പൊതുസ്ഥലത്ത് സ്ഥാപിച്ചിരുന്ന 273 പോസ്റ്ററുകള്‍,4 ഫ്‌ളക്‌സ് ബോര്‍ഡുകള്‍, സ്വകാര്യ സ്ഥലത്ത് സ്ഥാപിച്ചിരുന്നു 17 ഫ്‌ളക്‌സ് ബോര്‍ഡുകള്‍ എന്നിവയും 10 കൊടിതോരണങ്ങളും ആന്റി ഡിഫേഴ്സ്മെന്റ് സ്വകാഡ് നീക്കം ചെയ്തു.

ലോക്‌സഭ തിരഞ്ഞെടുപ്പിന്റെ ഭാഗമായി ദേവികുളം നിയോജക മണ്ഡലത്തിലെ ഇലക്ട്രോണിക് വോട്ടിങ് യന്ത്രങ്ങളുടെ സജ്ജീകരണവും മുദ്ര വെക്കലും ഇന്ന് മുതല്‍ ആരംഭിക്കും. മൂന്നാര്‍ ഗവണ്മെന്റ് വി എച് എസ് സ്‌കൂളില്‍ രാവിലെ 8 മണി മുതലാണ് കമ്മീഷനിങ് ആരംഭിക്കുന്നത്. 

  ദേവികുളം ഇ.ആര്‍.ഒ യുടെയും തഹസില്‍ദാറുടെയും നേതൃത്വത്തിലാണ്  ക്രമീകരണങ്ങള്‍ നടത്തുന്നത്. മൂന്ന് ദിവസം നീണ്ടു നില്‍ക്കുന്ന ക്രമീകരണങ്ങള്‍ ഏപ്രില്‍ 18നു അവസാനിക്കും.

സംസ്ഥാനത്ത് ഒട്ടാകെ 5000 വി വി പാറ്റ് യൂണിറ്റുകളാണ് ഇലക്ഷന് കമ്മീഷനില്‍ നിന്നും ലഭിച്ചിരിക്കുന്നത്. അതില്‍ ഇടുക്കി ജില്ലക്കായി 300 വി വി പാറ്റ് യൂണിറ്റുകളാണ് അധികമായി ലഭിച്ചിരിക്കുന്നത്.

ലോക്സഭ തിരഞ്ഞെടുപ്പിന്റെ ഭാഗമായി പെരുമാറ്റ ചട്ടലംഘനവുമായി ബന്ധപ്പെട്ട് പൊതുജനങ്ങള്‍ക്ക് നേരിട്ട് പരാതി നല്‍കാന്‍ കഴിയുന്ന സി- വിജില്‍ ആപ്ലിക്കേഷന്‍ മുഖേന ജില്ലയില്‍ ഇതുവരെ 190 പരാതികള്‍ ലഭിച്ചു. 

ഇതില്‍ 152 പരാതികള്‍ പരിഹരിച്ചു. 12 പരാതികളില്‍ അന്വേഷണം തുടരുന്നു.ദേവികുളത്ത് രണ്ടും ഇടുക്കിയില്‍ 47 ഉം പീരുമേട് നിയോജക മണ്ഡലത്തില്‍ 43 ഉം തൊടുപുഴയില്‍ 79 ഉം ഉടുമ്പഞ്ചോലയില്‍19 സി വിജില്‍ പരാതികളാണ് ഇതുവരെ ലഭിച്ചത്.

തൊടുപുഴ നിയോജകമണ്ഡലത്തിലെ കലയന്താനി, വെള്ളിയാമറ്റം പൂമാല, മണക്കാട്, ചുങ്കം, പെരുമ്പിള്ളിച്ചിറ, കുന്നം, പട്ടയംക്കവല, മുതലക്കോടം, കറുക, കാഞ്ഞിരംപ്പാറ, ഒളമറ്റം എന്നിവടങ്ങളില്‍ പൊതുനിരത്തില്‍ അനധികൃതമായി സ്ഥാപിച്ചിരുന്ന 792 പോസ്റ്ററുകള്‍, 35 ഫ്‌ള്ക്‌സ് ബോര്‍ഡുകള്‍, സ്വകാര്യ സ്ഥലത്ത് സ്ഥാപിച്ചിരുന്ന 13 ഫ്‌ള്്ക്‌സ് ബോര്‍ഡുകള്‍, 18 കൊടിത്തോരണങ്ങള്‍ എന്നിവ ആന്റി ഡിഫേഴ്‌സ്‌മെന്റ് സ്വകാഡ് നീക്കം ചെയ്തു.

തൊടുപുഴ നിയോജകമണ്ഡലത്തിലെ ഇടപ്പള്ളി തൊടുപുഴ,നടുക്കണ്ടം, മുട്ടം, കാളിയാര്‍, ചിങ്കല്‍സിറ്റി, വണ്ണപ്പുറം, മുണ്ടന്‍മുടി, എന്നിവടങ്ങളില്‍  പൊതുനിരത്തില്‍ അനധികൃതമായി സ്ഥാപിച്ചിരുന്ന 571 പോസ്റ്ററുകള്‍, ഏഴു ഫ്‌ളക്‌സുകള്‍, 75 കൊടികള്‍ എന്നിവയും സ്വകാര്യ സ്ഥലത്ത് സ്ഥാപിച്ചിരുന്ന 2 ഫ്‌ളക്‌സബോര്‍ഡുകളും ആന്റി ഡിഫേഴ്‌സമെന്റ് സ്‌ക്വാഡ് നീക്കം ചെയ്തു.

ഇടുക്കി ജില്ലയുടെ ആദ്യ കലക്ടറും, മുന്‍ അഡീഷണല്‍ ചീഫ് സെക്രട്ടറിയുമായ ഡോ.ഡി. ബാബുപോളിന്റെ വിയോഗത്തില്‍ കലക്ടറേറ്റില്‍ അനുശോചന യോഗം ചേര്‍ന്നു. മികച്ച വാഗ്മിയും എഴുത്തുകാരനുമായിരുന്ന    ബാബു പോളിന്റെ നിര്യാണത്തില്‍   ജില്ലാ കളക്ടര്‍ എച്ച്. ദിനേശന്‍ അനുശോചനമറിയിച്ചു.  ഇടുക്കി ജില്ലാ രൂപികരണത്തിലും, ജലവൈദ്യുതി പദ്ധതിയുടെയും ഭരണസിരാകേന്ദ്രത്തിന്റെ നിര്‍മ്മാണം എന്നിവക്ക് നേതൃത്വം നല്‍കിയതും  നിര്‍ണായക പങ്കുവഹിച്ചതും അദ്ദേഹമായിരുന്നു. എ.ഡി.എം അനില്‍ ഉമ്മന്‍,  ആര്‍. ഡി. ഒ എം.പി വിനോദ് എന്നിവരും കളട്രേറ്റിലെ ജീവനക്കാരും ആദ്യ കലക്ടറെ അനുസ്മരിച്ചു.