ആലപ്പുഴ:  സ്ത്രീസൗഹൃദം അന്വർഥമാക്കി ജില്ലയിലെ പിങ്ക് പോളിങ് ബൂത്തുകൾ. ഒമ്പതു നിയമസഭ മണ്ഡലങ്ങളിലുമായി 45 സ്ത്രീസൗഹൃദ ബൂത്തുകളാണ് ഈ തിരഞ്ഞെടുപ്പിൽ ഒരുക്കിയിരുന്നത്. പ്രിസൈഡിംഗ് ഓഫീസർ, പൊലീസ് ഉൾപ്പെടെ പോളിങ് ജോലിക്കെത്തിയവരെല്ലാം  വനിതകളായിരുന്നു. ചില സൗഹൃദ ബൂത്തുകളിൽ രാഷ്ട്രീയ പാർട്ടികളുടെ ഏജന്റുമാരായെത്തിയതും വനിതകളായിരുന്നുവെന്നത് കൗതുകമായി. 

ആലപ്പുഴ : ജില്ലയിൽ നിന്നുള്ള ജനനേതാക്കൾ കുടുംബലസമേതമെത്തി വോട്ടു ചെയ്തു. ജില്ലയിൽ നിന്നുള്ള  മൂന്നു മന്ത്രിമാരും പ്രതിപക്ഷനേതാവും  ഭരണ പരിഷ്‌കാര കമ്മീഷൻ ചെയർമാനും ഉൾപ്പടെയുള്ള ജനനായകർ, ആദ്യകേരള മന്ത്രിസഭയിലെ വനിത പ്രതിനിധി തുടങ്ങി ജില്ലയുടെ ജനനായകരെല്ലാം രാവിലെ തന്നെ വോട്ടു ചെയ്യാനെത്തി. നൂറാം വയസിലും ആദ്യവോട്ടിന്റെ ആവേശത്തോടെയാണ് ഗൗരിയമ്മ എസ്.ഡി.വി. സ്‌കൂളിലെ 206-ാം നമ്പർ ബൂത്തിൽ ബന്ധുക്കൾക്കൊപ്പം വോട്ടുചെയ്യാനെത്തിയത്. 

ഭാഗ്യക്കുറി ക്ഷേമനിധി കുടിശ്ശിക അടക്കാം

സംസ്ഥാന ഭാഗ്യക്കുറി ക്ഷേമനിധിയില്‍ അംഗമായി 2016 ജനുവരി മുതല്‍ അംശദായം അടക്കുന്നതില്‍ വീഴ്ച വരുത്തിയതിനാല്‍ അംഗത്വം റദ്ദായവര്‍ക്ക് കുടിശ്ശിക പിഴ  സഹിതം ഒടുക്കി അംഗത്വം പുനസ്ഥാപിക്കുവാന്‍ അവസരം നല്‍കുന്നു.  അര്‍ഹരായവര്‍ മെയ്, ജൂണ്‍ മാസങ്ങളില്‍ അംഗത്വ പാസ് ബുക്ക്, ഏജന്‍സി നമ്പറോട് കൂടിയ ഏജന്‍സി സീല്‍ പതിപ്പിച്ച ഏജന്റിന്റെ ഒപ്പു സഹിതം സാക്ഷ്യപ്പെടുത്തിയ ടിക്കറ്റ് അക്കൗണ്ട് ബുക്ക്, അതാതുമാസത്തെ ബില്‍ എന്നിവ ഓഫീസില്‍ നേരിട്ട് ഹാജരാകേണ്ടതാണെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.

ലോക്‌സഭ തെരഞ്ഞെടുപ്പിന്റെ ഭാഗമായുള്ള വോട്ടെടുപ്പില്‍ ജില്ലയില്‍ കരുത്തുകാട്ടി വനിതാ വോട്ടര്‍മാര്‍.  വ84.76 ശതമാനം സ്ത്രീകളാണ് ജില്ലയില്‍ വോട്ട് ചെയ്യാനെത്തിയത്. 80.85 ശതമാനം പുരുഷന്മാരും വോട്ട് രേഖപ്പെടുത്തി. ആകെ 9,24,421 പുരുഷ വോട്ടര്‍മാരില്‍ 7,47,438 പേരും 10,40,028 സ്ത്രീ വോട്ടര്‍മാരില്‍ 8,81,530 പേരും ജില്ലയിലെ വിവധ മണ്ഡലങ്ങളിലായി വോട്ട് ചെയ്തു. തളിപ്പറമ്പ് നിയോജക മണ്ഡലമാണ് വോട്ട് രേഖപ്പെടുത്തിയ സ്ത്രീകളുടെ എണ്ണത്തില്‍ മുന്നില്‍ - 87.82 ശതമാനം.     

മണ്ഡലം- ആകെ പോള്‍ ചെയ്ത സ്ത്രീ വോട്ട് - ശതമാനം - ബ്രാക്കറ്റില്‍ മണ്ഡലത്തിലെ ആകെ സ്ത്രീ വോട്ട് എന്നീ ക്രമത്തില്‍.

പതിനേഴാമത് ലോക്‌സഭാ തെരഞ്ഞെടുപ്പില്‍ സംസ്ഥാനത്തെ ഏറ്റവും വലിയ പോളിംഗ് ശതമാനവുമായി കണ്ണൂര്‍ ജില്ല അഭിമാനകരമായ നേട്ടം കൈവരിച്ചപ്പോള്‍ ശരിക്കും തിളങ്ങിയത് ജില്ലാ ഭരണകൂടം. പരാതികള്‍ക്കും പ്രശ്‌നങ്ങള്‍ക്കും ഇടം നല്‍കാതെ വോട്ടെടുപ്പ് പ്രക്രിയ പൂര്‍ത്തീകരിക്കാന്‍ ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടറുടെ നേതൃത്വത്തില്‍ നടന്ന ചിട്ടയായ പ്രവര്‍ത്തനങ്ങളിലൂടെ സാധിച്ചു. വോട്ടിംഗ് മെഷീന്‍ പണിമുടക്കിയതും വൈദ്യുതി തകരാറും മൂലമുണ്ടായ കാലതാമസവും മാറ്റിനിര്‍ത്തിയാല്‍ തികച്ചും സുഗമമായ രീതിയിലായിരുന്നു ജില്ലയിലെ പോളിംഗ്. 

പതിനേഴാമത് ലോക്സഭാ തെരഞ്ഞെടുപ്പില്‍ 82.92 ശതമാനം പോളിംഗുമായി സംസ്ഥാനത്ത് കണ്ണൂര്‍ ജില്ല ഒന്നാമതെത്തി. ജില്ലയിലെ ആകെയുള്ള 19,64,454 വോട്ടര്‍മാരില്‍ 1628969 പേര്‍ തങ്ങളുടെ സമ്മതിദാനാവകാശം വിനിയോഗിച്ചു. ഇവരില്‍ 747438 പേര്‍ പുരുഷന്‍മാരും 881531 പേര്‍ സ്ത്രീകളുമാണ്. 

83.06 ശതമാനം വോട്ടുകള്‍ പോള്‍ ചെയ്ത് കണ്ണൂര്‍ പാര്‍ലമെന്റ് മണ്ഡലം സംസ്ഥാനത്തു തന്നെ ഒന്നാമതെത്തി. മണ്ഡലത്തിലെ 1262144 വോട്ടര്‍മാരില്‍ 1048403 പേര്‍ വോട്ട് ചെയ്തു. ഇതില്‍ 485538 പേര്‍ പുരുഷന്‍മാരും 562864 പേര്‍ സ്ത്രീകളുമാണ്. 

ആലപ്പുഴ: വോട്ട് ചെയ്യാൻ എത്തിയവർക്ക് വ്യത്യസ്തമായ അനുഭവമാണ് മാതൃക പോളിങ് സ്റ്റേഷനുകളിൽ ഒരുക്കിയിരുന്നത്. ചെങ്ങന്നൂർ നിയോജക മണ്ഡലത്തിലെ മാന്നാർ നായർ സമാജം സ്‌കൂൾ,  കുട്ടംപേരൂർ ശ്രീ കാർത്തിയായനി വിലാസം ഹൈസ്‌കൂൾ, ഗവ. യു.പി. ഗേൾസ് സ്‌കൂൾ കിഴക്കേനട, ജൂനിയർ ബേസിക്ക് സ്‌കൂൾ തോനക്കാട്, ജൂനിയർ ബേസിക്ക് സ്‌കൂൾ ഉൾപ്പടെ ജില്ലയിൽ  45 കേന്ദ്രങ്ങളിലാണ് മാതൃക ബൂത്തുകൾ സജ്ജമാക്കിയിരുന്നത്. ഓരോ നിയോജകമണ്ഡലത്തിലും അഞ്ചു വീതം ബൂത്തുകളെയാണ് ഇത്തരത്തിൽ മാതൃക ബൂത്തുകളാക്കിയത്.

ആലപ്പുഴ:ആലപ്പുഴ ലോക്സഭ മണ്ഡലത്തിൽ പല ബൂത്തുകളിലും വോട്ട് രേഖപ്പെടുത്താൻ നീണ്ട നിര തന്നെയായിരുന്നു കണ്ടത് .എന്നാൽ തിരക്കിന്റെ ബുദ്ധിമുട്ടുകൾ വോട്ടർമാരെ  അറിയിക്കാതെ നിയന്ത്രണം ഏറ്റെടുത്തത് തിരഞ്ഞെടുപ്പ് ഡ്യൂട്ടിക്കായി പ്രത്യേകം നിയോഗിച്ചിരുന്ന സ്പെഷ്യൽ പോലീസ് കേഡറ്റുകളായിരുന്നു.

ആലപ്പുഴ:കേരളത്തിൽ വേനൽ മഴയോടനുബന്ധിച്ച് ഉച്ചക്ക് 2 മണി മുതൽ വൈകിട്ട് 8 മണി വരെ ശക്തമായ ഇടിമിന്നലിനുള്ള സാധ്യത ഉള്ളതിനാൽ സംസ്ഥാന ദുരന്ത നിവാരണ അതോറിറ്റി ജാഗ്രതാ നിർദ്ദേശം പുറപ്പെടുവിച്ചു. ഇത്തരം ഇടിമിന്നൽ അപകടകരമാണ്. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്.

ആലപ്പുഴ:കേരള തീരത്ത് 25ന് രാത്രി 11.30 വരെ ശക്തമായ തിരമാലയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. 1.5 മീറ്റർ മുതൽ 2.2 മീറ്റർ വരെ ഉയരത്തിൽ തിരമാലയുണ്ടാവുന്നതിനാൽ കടൽ പ്രക്ഷുബ്ദ്ധമാവും.