കേരള തീരത്ത് 25ന് രാത്രി 11.30 വരെ ശക്തമായ തിരമാലയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. 1.5 മീറ്റർ മുതൽ 2.2 മീറ്റർ വരെ ഉയരത്തിൽ തിരമാലയുണ്ടാവുന്നതിനാൽ കടൽ പ്രക്ഷുബ്ദമാവും. 

*കൂടുതൽ കണ്ണൂരിൽ, കുറവ് തിരുവനന്തപുരത്ത്

* കളമശേരി 83ാം നമ്പർ ബൂത്തിൽ റീപോളിംഗ്

പാർലമെന്റിലേക്ക് നടന്ന തിരഞ്ഞെടുപ്പിൽ സംസ്ഥാനത്ത് 77.68 ശതമാനം പോളിംഗ് നടന്നതായി മുഖ്യതിരഞ്ഞെടുപ്പ് ഓഫീസർ ടീക്കാറാം മീണ വാർത്താസമ്മേളനത്തിൽ പറഞ്ഞു. കണ്ണൂർ മണ്ഡലത്തിലാണ് പോളിംഗ് കൂടുതൽ, 83.05 ശതമാനം. കുറവ് തിരുവനന്തപുരത്ത്, 73.45 ശതമാനം. എട്ടു മണ്ഡലങ്ങളിൽ പോളിംഗ് ശതമാനം 80 ശതമാനത്തിനു മുകളിലെത്തി. 30 വർഷത്തിനിടയിലെ റെക്കോഡ് പോളിംഗാണിത്. ഇതിനു മുൻപ് 1989ലാണ് 79.3 ശതമാനം രേഖപ്പെടുത്തിയത്. 

ഉപതിരഞ്ഞെടുപ്പിന് മുന്നോടിയായി സംസ്ഥാനത്തെ 13 ജില്ലകളിലെ 44 വാർഡുകളിൽ വോട്ടർപട്ടിക പുതുക്കുന്നതിന് നടപടികൾ സ്വീകരിക്കുവാൻ സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ ഇലക്ടറൽ രജിസ്‌ട്രേഷൻ ഓഫീസർമാർക്ക് നിർദ്ദേശം നൽകി. 

സെന്റർ ഫോർ കണ്ടിന്യൂയിംഗ് എഡ്യൂക്കേഷൻ കേരളയുടെ കീഴിൽ മണ്ണന്തല ഗവൺമെന്റ് പ്രസ് കോമ്പൗണ്ടിൽ പ്രവർത്തിക്കുന്ന കേരള സ്റ്റേറ്റ് സിവിൽ സർവീസ് അക്കാഡമി (റഗുലർ, വീക്കെൻഡ് & ഈവനിംഗ് ബാച്ച്), ഐ.സി.എസ്.ആർ പൊന്നാനി, പാലക്കാട്, കോഴിക്കോട്, കൊല്ലം (ടി.കെ.എം കോളേജ് ഓഫ് ആർട്‌സ് ആന്റ് സയൻസ് കോളേജ് ക്യാമ്പസ്) (റഗുലർ, വീക്കെൻഡ് ബാച്ച്) കല്യാശ്ശേരി (റഗുലർ ബാച്ച്) ഉപകേന്ദ്രങ്ങളിലും ജൂണിൽ ആരംഭിക്കുന്ന സിവിൽ സർവീസ് പ്രിലിംസ്-കം-മെയിൻസ് പരീക്ഷാ പരിശീലനത്തിനുള്ള അപേക്ഷ ക്ഷണിച്ചു.

വേനല്‍മഴയിലും ശക്തമായ കാറ്റിലും നീലേശ്വരം നഗരസഭാ പരിധിയിലെ അങ്കക്കളരി, പഴനെല്ലി ഭാഗങ്ങളില്‍ വ്യാപക കൃഷി നാശം. തെങ്ങ്, കവുങ്, നേന്ത്രവാഴ എന്നിവ പൂര്‍ണമായും നശിച്ചു. വീടുകള്‍ക്കും കാര്യമായ കേടുപാടുകള്‍ സംഭവിച്ചു. നാശനഷ്ടം സംഭവിച്ച സ്ഥലങ്ങള്‍ നഗരസഭാ ചെയര്‍മാന്‍ പ്രൊഫ. കെ പി ജയരാജന്‍ കൗണ്‍സിലര്‍ പി മനോഹരന്‍, അസിസ്റ്റന്റ് കൃഷി ഓഫീസര്‍ കെ നാണുക്കുട്ടന്‍, കൃഷി അസിസ്റ്റന്റ് പി പി കപില്‍, വില്ലേജ് ഓഫീസര്‍ തുളസിരാജ് എന്നിവര്‍ സ്ഥലം സന്ദര്‍ശിച്ച് നാശനഷ്ടങ്ങള്‍ വിലയിരുത്തി. 

 മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ ഐ.റ്റി.ഐക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍  നാളെ (26) കാട വളര്‍ത്തലില്‍ ഒരു ദിവസത്തെ സൗജന്യ പരിശീലനം സംഘടിപ്പിക്കുന്നു. പരിശീലനത്തില്‍ പങ്കെടുക്കുവാന്‍ താല്‍പര്യമുളളവര്‍ നേരിട്ടോ, ഫോണ്‍ മുഖേനയോ പേര്  മുന്‍കൂട്ടി രജിസ്റ്റര്‍ ചെയ്യണം. ഫോണ്‍   നമ്പര്‍   0491 - 2815454, 8281777080.  പേര് രജിസ്റ്റര്‍  ചെയ്തവര്‍ ആധാര്‍നമ്പറുമായി   നാളെ രാവിലെ  പത്തിനകം മലമ്പുഴ മൃഗസംരക്ഷണ  പരിശീലന കേന്ദ്രത്തില്‍ എത്തിച്ചേരണം. )

 കാസര്‍കോട് എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ ഉപകേന്ദ്രത്തില്‍ മെയ്  മൂന്നിന് ആരംഭിക്കുന്ന നാല് മാസം ദൈര്‍ഘ്യമുളള ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ വിത്ത് മലയാളം കംമ്പ്യൂട്ടിങ് കോഴ്‌സിന് അപേക്ഷ ക്ഷണിച്ചു.  യോഗ്യത, എസ്.എസ്.എല്‍.സി. കൂടുതല്‍ വിവരങ്ങള്‍ക്ക് - 04994 221011.
ഫാഷന്‍ ഡിസൈനിങില്‍ ഡിഗ്രി

 മടിക്കൈ ഐ.എച്ച്.ആര്‍.ഡി  മോഡല്‍ കോളേജില്‍ അടുത്ത അധ്യായന വര്‍ഷത്തിലേക്ക് താല്‍ക്കാലിക അധ്യാപകരെ നിയമിക്കുന്നു. ഇംഗ്ലീഷ്, കോമേഴ്‌സ്, മലയാളം, ഹിന്ദി, ജേര്‍ണലിസം (പാര്‍ട്ട് ടൈം), ഹിസ്റ്ററി(പാര്‍ട്ട് ടൈം)  തുടങ്ങിയ വിഷയങ്ങളില്‍ മെയ്  എട്ടിനും ഇലക്‌ട്രോണിക്‌സ്, മാത്തമാറ്റിക്‌സ് (പാര്‍ട്ട് ടൈം),  കമ്പ്യൂട്ടര്‍സയന്‍സ്, കമ്പ്യൂട്ടര്‍ പ്രോഗ്രാമര്‍, തുടങ്ങിയ വിഷയങ്ങളില്‍ മെയ് ഒന്‍പതിനും അഭിമുഖം നടത്തും. ബന്ധപ്പെട്ട വിഷയങ്ങളില്‍ 55 ശതമാനത്തില്‍ കുറയാതെ ബിരുദാനന്തര ബിരുദമാണ് അടിസ്ഥാന യോഗ്യത. റിട്ടയര്‍ ചെയ്തവരെയും പരിഗണിക്കും. യു.ജി.സി നെറ്റ്, പി.എച്ച്.ഡി, എംഫില്‍ അഭിലഷണീയം.

  സംസ്ഥാന  ബാലസാഹിത്യ ഇന്‍സ്റ്റിറ്റ്യൂട്ടിന്റെ ആഭിമുഖത്തില്‍ ഇന്നു(25) മുതല്‍ ഏപ്രില്‍ 27  വരെ പടന്നക്കാട് കാര്‍ഷിക കോളേജില്‍ കുട്ടികള്‍ക്കായി ത്രിദിന ചിത്രരചനാ ശില്പശാല സംഘടിപ്പിക്കും. പടന്നക്കാട് കാര്‍ഷിക കോളേജ്  അസോസിയേറ്റ് ഡീന്‍ ഡോ.പി.ആര്‍ സുരേഷ് ഇന്നു രാവിലെ 10.30 ന്  ചിത്രരചനാ ശില്പശാല ഉദ്ഘാടനം ചെയ്യും. സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍ പള്ളിയറ ശ്രീധരന്‍ അധ്യക്ഷത വഹിക്കും. ക്യാമ്പ് ഡയറക്ടര്‍ കാരയ്ക്കാ മണ്ഡപം വിജയകുമാര്‍ ക്യാമ്പ് അവലോകനം നടത്തും.

ലോക മലമ്പനി ദിനാചരണം ജില്ലാതല  പരിപാടി ഇന്ന്(25)രാവിലെ 10ന് എ.എല്‍.പി.സ്‌കൂള്‍ ബല്ലകടപ്പുറം ആവിക്കരയില്‍ നടത്തും. ജില്ലാ മെഡിക്കല്‍ ഓഫീസിന്റെ     ആഭിമുഖ്യത്തില്‍ നടത്തുന്ന പരിപാടി കാഞ്ഞങ്ങാട് നഗരസഭചെയര്‍മാന്‍ വി.വി രമേശന്‍ ഉദ്ഘാടനം ചെയ്യും. വാര്‍ഡ് കൗണ്‍സിലര്‍ എ.നാരായണന്‍ അധ്യക്ഷത വഹിക്കും. ജില്ലാ മെഡിക്കല്‍ ഓഫീസര്‍ ഡോ.എ.പിദിനേശ്കുമാര്‍ മുഖ്യപ്രഭാഷണം നടത്തും.