പ്രവാസികേരളീയര്‍ക്കായുളള സമഗ്ര ആരോഗ്യ, അപകട ഇന്‍ഷുറന്‍സ് പദ്ധതിയായ നോര്‍ക്ക കെയറിന്റെ രണ്ടാംഘട്ട എന്റോള്‍മെന്റിനും പരിഷ്‌കരിച്ച നോര്‍ക്ക കെയര്‍ പ്ലസ് പദ്ധതിക്കും നാളെ ( മാര്‍ച്ച് 11 ) തുടക്കമാകും. മലപ്പുറം നോര്‍ക്ക സെല്ലില്‍ വൈകിട്ട് നാലിന് നടക്കുന്ന  ചടങ്ങില്‍ നോര്‍ക്ക റൂട്ട്‌സ് റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. നോര്‍ക്ക കെയര്‍ പ്ലസ് മൊബൈല്‍ ആപ്ലിക്കേഷനുകളുടെ ലോഞ്ചും ചടങ്ങില്‍ പി. ശ്രീരാമകൃഷ്ണന്‍ നിര്‍വ്വഹിക്കും. ആപ്പിള്‍ ആപ്പ് സ്റ്റോര്‍, ഗൂഗിള്‍ പ്ലേ സ്റ്റോര്‍ എന്നിവിടങ്ങളില്‍ നിന്നും നോര്‍ക്ക കെയര്‍ പ്ലസ് ആപ്ലിക്കേഷന്‍ ഡൗണ്‍ലോഡ് ചെയ്യാം.

 സംസ്ഥാന മലിനീകരണ നിയന്ത്രണ ബോര്‍ഡിന്റെ തൃശ്ശൂര്‍ ജില്ലാ കാര്യാലയത്തിലേക്ക് ഗ്രാജ്യേറ്റ് എഞ്ചിനീയറിങ് അപ്രെന്റീസിനെ നിയമിക്കുന്നു. ബി.ടെക് സിവില്‍, കെമിക്കല്‍, എന്‍വയോണ്‍മെന്റല്‍ യോഗ്യതയുള്ള 28 വയസ്സിന് താഴെയുള്ളവര്‍ക്ക് അപേക്ഷിക്കാം. ഉദ്യോഗാര്‍ത്ഥികള്‍ പ്രായം, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍, മാര്‍ക്ക് ലിസ്റ്റ് തിരിച്ചറിയല്‍ രേഖ എന്നിവയുടെ അസ്സല്‍, സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം ജില്ലാ ഓഫീസില്‍ മാര്‍ച്ച് 13 ന് രാവിലെ 10.30 ന് നടക്കുന്ന ഇന്റര്‍വ്യൂവില്‍ പങ്കെടുക്കണം.

പെരിന്തല്‍മണ്ണ ജില്ലാ ആശുപത്രിയിലെ ബ്ലഡ് ബാങ്കില്‍ വിവിധ തസ്തികകളിലേക്ക് ദിവസ വേതനാടിസ്ഥാനത്തില്‍ ഏപ്രില്‍ രണ്ട് മുതല്‍ ഒരു വര്‍ഷത്തേക്ക് ഉദ്യോഗാര്‍ഥികളെ നിയമിക്കുന്നതിനുള്ള അഭിമുഖം മാര്‍ച്ച് 12ന് രാവിലെ 9.30ന്  ബ്ലഡ് ബാങ്ക് ഓഫീസില്‍ നടക്കും.

തസ്തികകളും യോഗ്യതയും:

ബ്ലഡ് ബാങ്ക് മെഡിക്കല്‍ ഓഫീസര്‍(എം.ബി.ബി.എസും ഒരുവര്‍ഷത്തെ ബ്ലഡ് ബാങ്ക് പ്രവൃത്തി പരിചയവും)

ബ്ലഡ് ബാങ്ക് അഡ്മിനിസ്‌ട്രേറ്റീവ് അസിസ്റ്റന്റ് (ആരോഗ്യവകുപ്പില്‍നിന്ന് വിരമിച്ച ജെ.എസ് / ജീവനക്കാരന്‍)

ബ്ലഡ് ബാങ്ക് കോ-ഓഡിനേറ്റര്‍ (എം.ബി.എ/ബി.ബി.എ)

ക്ലര്‍ക്ക് (ബി.കോം, പി.ജി.ഡി.സി.എ)

ചീരക്കുഴി ജലസേചന പദ്ധതിയുടെ പുനരുദ്ധാരണത്തോടനുബന്ധിച്ചുള്ള പ്രവൃത്തികളുടെ റീടെണ്ടര്‍ ക്ഷണിച്ചു. മാര്‍ച്ച് 12 ന് വൈകീട്ട് അഞ്ച് മണിവരെ ടെണ്ടര്‍ സമര്‍പ്പിക്കാം. ടെണ്ടര്‍ വിവരങ്ങള്‍ https://etenders.kerala.gov.in എന്ന വെബ് സൈറ്റില്‍ ലഭിക്കും. കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ സി.ഐ.പി സബ് ഡിവിഷന്‍ പഴയന്നൂര്‍ കാര്യാലയവുമായി ബന്ധപ്പെടുക. ഫോണ്‍: 04884 224001.

താനൂര്‍ മുന്‍സിപ്പാലിറ്റിയിലേക്കുള്ള കുടിവെള്ള പദ്ധതിയുടെ ഭാഗമായി പൊതുമരാമത്ത് വകുപ്പിന് കീഴിലുള്ള ഒഴൂര്‍ പാണ്ടിമുറ്റം റോഡില്‍ പൈപ്പ് ലൈന്‍ സ്ഥാപിച്ച ഭാഗങ്ങളിലെ റെസ്റ്റോറേഷന്‍ പ്രവൃത്തി ആരംഭിക്കുന്നതിനാല്‍ ഒഴൂര്‍ പാണ്ടിമുറ്റം പി.ഡബ്ല്യു.യു.ഡി റോഡില്‍ ഒഴൂര്‍ മുതല്‍ പാണ്ടിമുറ്റം വരെ മാര്‍ച്ച് 14 മുതല്‍ രണ്ട് ദിവസത്തേക്ക് ഗതാഗത നിയന്ത്രണം ഏര്‍പ്പെടുത്തി. താനാളൂര്‍ നിന്നും ചെമ്മാട് പോവേണ്ടവര്‍ വെള്ളച്ചാല്‍ തെയ്യലിങ്ങല്‍ വഴിയും പാണ്ടിമുറ്റത്ത് നിന്നും താനാളൂര്‍ പോവേണ്ടവര്‍ തെയ്യലിങ്ങല്‍ വെള്ളച്ചാല്‍ വഴിയും തിരിഞ്ഞ് പോകണം.

ജില്ലയില്‍ അക്ഷയ സംരംഭകരെ തെരഞ്ഞെടുക്കുന്നതിനുള്ള ഓണ്‍ലൈന്‍ അപേക്ഷ മാര്‍ച്ച് 19 വരെ നല്‍കാം. ജില്ലയിലെ 77 ഇടങ്ങളിലേക്കാണ് സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ പെട്ടവര്‍ക്ക് 67 സ്ഥലങ്ങളിലും പട്ടികജാതി വിഭാഗത്തിന് എട്ടും പട്ടിക വര്‍ഗ വിഭാഗത്തിന് രണ്ടും സ്ഥലങ്ങളിലേക്ക് അപേക്ഷ നല്‍കാം. https://lbsedp.lbscentre.in/akshaya26/ ലാണ് അപേക്ഷിക്കേണ്ടത്. അപേക്ഷിക്കുന്നതുമായി ബന്ധപ്പെട്ട സംശയങ്ങള്‍ക്ക് 0471 2560311, 312, 9400923669 ( വാട്സ്ആപ്)  lbscentre@gmail.com .

ചാലക്കുടി താലൂക്ക് പരിധിയിലുള്ള കള്ളിച്ചിത്ര, നടാംപാടം ആദിവാസി ഉന്നതികളില്‍ റേഷന്‍ സാധനങ്ങള്‍ എത്തിക്കുന്നതിനായി ഒരു ടണ്‍ ഭാരം വഹിക്കാന്‍ ശേഷിയുള്ള വാഹനം (ഡ്രൈവര്‍ സഹിതം) പ്രതിമാസ വാടകയ്ക്ക് നല്‍കുന്നതിന് താല്‍പര്യമുള്ളവരില്‍ നിന്നും സീല്‍ വെച്ച ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 16 ന് ഉച്ചയ്ക്ക് രണ്ട് മണി വരെ സ്വീകരിക്കും. എഴുതി തയ്യാറാക്കിയ അപേക്ഷയോടൊപ്പം വാഹനത്തിന്റെ വിവരങ്ങള്‍ സഹിതം ജില്ലാ സപ്ലൈ ഓഫീസില്‍ സമര്‍പ്പിക്കണം. വിലാസം: ജില്ലാ സപ്ലൈ ഓഫീസ്, ഫസ്റ്റ് ഫ്‌ളോര്‍, സിവില്‍ സ്റ്റേഷന്‍, അയ്യന്തോള്‍ പി.ഒ, തൃശ്ശൂര്‍ 680003 ഫോണ്‍: 0487 2360046.

ജില്ലാ സായുധ സേന പതാക ദിന നിധി കുടിശ്ശികയുള്ള ജില്ലാതല വകുപ്പ് മേധാവികളും ഓഫീസ് അധികാരികളും സായുധ സേനാ പതാക ദിന നിധിയിലേക്കുളള പതാക വില്പന കുടിശ്ശിക തുക മാര്‍ച്ച് 25നകം ജില്ലാ സൈനികക്ഷേമ ഓഫീസ് മുഖേന സര്‍ക്കാരിലേക്ക് അടച്ച് രസീത് കൈപ്പറ്റണമെന്ന് ജില്ലാ സായുധ സേന പതാക ദിന നിധി ചെയര്‍മാനായ ജില്ലാ കളക്ടര്‍ അറിയിച്ചു.

അപകട ഇന്‍ഷ്യൂറന്‍സ് നിഷേധിച്ച ക്ഷീരകര്‍ഷകന്റെ കുടുംബത്തിന് 570,000 രൂപ നഷ്ടപരിഹാരം നല്‍കാന്‍ ഉപഭോക്തൃ കമ്മീഷന്‍ ഉത്തരവിട്ടു. അമരമ്പലം പാട്ടക്കരിമ്പ് സ്വദേശിയായ അഹമ്മദ് കുട്ടിയുടെ അവകാശികള്‍ സമര്‍പ്പിച്ച ഹര്‍ജിയിലാണ് കമ്മീഷന്റെ വിധി. ക്ഷീരോദ്പാദക സഹകരണ സംഘത്തിലെ അംഗമായിരുന്ന അഹമ്മദ് കുട്ടിയ്ക്ക് അഞ്ച് ലക്ഷം രൂപയുടെ ഇന്‍ഷ്യൂറന്‍സ് പരിരക്ഷയുണ്ടായിരുന്നു.

കൊണ്ടോട്ടി നിരത്തുകള്‍ സെക്ഷന് കീഴില്‍ വരുന്ന കാരാട്-മൂളപ്പുറം-ചണ്ണയില്‍ പള്ളിയാളി റോഡില്‍ കള്‍വര്‍ട്ട്, ഡ്രൈനേജ് പ്രവൃത്തികള്‍ ആരംഭിക്കുന്നതിനാല്‍  മാര്‍ച്ച് 12 മുതല്‍ പ്രവൃത്തി പൂര്‍ത്തീകരിക്കുന്നതുവരെ ഈ റോഡിലൂടെയുള്ള ഗതാഗതം പൂര്‍ണമായും നിരോധിച്ചു. കാരാട് ഭാഗത്തുനിന്ന് വരുന്ന വാഹനങ്ങള്‍ കക്കോവ് വഴിയും തിരുത്തിയാട് ഭാഗത്തുനിന്ന് വരുന്ന വാഹനങ്ങള്‍ പുഞ്ചപ്പാടം വഴിയും പോകണം.