കണ്ണൂർ ഗവ. മെഡിക്കൽ കോളേജിൽ എത്തുന്ന രോഗികൾക്കും കൂട്ടിയിരിപ്പുകാർക്കും വേണ്ടി നിർമ്മിച്ച ആശ്വാസ് വാടക വീട് മാർച്ച്‌ 11 ബുധനാഴ്ച രാവിലെ 10:30 ന് റവന്യൂ ഭവന നിർമ്മാണ വകുപ്പ് മന്ത്രി കെ രാജൻ ഉദ്ഘാടനം ചെയ്യുമെന്ന് എം വിജിൻ എം എൽ എ അറിയിച്ചു. ആരോഗ്യ വനിത ശിശു ക്ഷേമ വകുപ്പ് മന്ത്രി വീണാ ജോർജ് മുഖ്യാതിഥിയാകും 

കുഞ്ഞിമംഗലം ഗവ മാപ്പിള എൽ പി സ്കൂളിൻ്റെ പുതിയ കെട്ടിടത്തിന്റെ പ്രവൃത്തി ഉദ്ഘാടനം മാർച്ച് 11 ബുധനാഴ്ച രാവിലെ ഒൻപത് മണിക്ക് എം വിജിൻ എം എൽ എ നിർവ്വഹിക്കും. പദ്ധതിക്ക് 1.14 കോടി രൂപയാണ് സർക്കാർ അനുവദിച്ചത്.

കുഞ്ഞിമംഗലം കുതിരുമ്മൽ
ഗവ. എൽ പി സ്കൂൾ- പുതിയ കെട്ടിട നിർമ്മാണ പ്രവൃത്തിയുടെ ഉദ്ഘാടനം രാവിലെ 10 മണിക്ക് എം എൽ എ നിർവ്വഹിക്കും.  1.14 കോടി രൂപയാണ് സംസ്ഥാന സർക്കാർ കെട്ടിട നിർമ്മാണത്തിന് അനുവദിച്ചത്.

തദ്ദേശ സ്വയംഭരണ വകുപ്പിന്റെ അക്ഷരോന്നതി പുസ്തക വിതരണം ജില്ലാതല ഉദ്ഘാടനം ഇന്ന് (മാര്‍ച്ച് 11,ബുധന്‍) വൈകിട്ട് മൂന്നിന്  ജില്ല കലക്ടര്‍ എസ് പ്രേം കൃഷ്ണന്‍  വടശേരിക്കര മോഡല്‍ റെസിഡന്‍ഷ്യല്‍ സ്‌കൂളില്‍  നിര്‍വഹിക്കും. റാന്നി ബ്ലോക്ക് പഞ്ചായത്ത് പ്രസിഡന്റ് സോണിയ മനോജ് അധ്യക്ഷയാകും. വടശേരിക്കര ഗ്രാമപഞ്ചായത്ത് പ്രസിഡന്റ് ഉഷ കേശവന്‍, നാറാണംമൂഴി ഗ്രാമപഞ്ചായത്ത് പ്രസിഡന്റ് സുനില്‍ കുമാര്‍, ടിഡിഒ എസ് എ നജിം, ത്രിതല പഞ്ചായത്തംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. ജില്ല എംപവര്‍മെന്റ് ഓഫീസര്‍ ഒ ശ്രീകല റിപ്പോര്‍ട്ട്  അവതരിപ്പിക്കും.
 

പശ്ചിമേഷ്യയിലെ സംഘര്‍ഷം കണക്കിലെടുത്ത് കണ്ണൂര്‍ വിമാനത്താവളത്തിലേക്കുള്ള അന്താരാഷ്ട്ര സര്‍വീസുകള്‍ പുനരാരംഭിക്കുന്നത് സംബന്ധിച്ച് കേന്ദ്ര സര്‍ക്കാര്‍, വ്യോമയാന മന്ത്രാലയം എന്നിവയോട് റിപ്പോര്‍ട്ട് തേടുമെന്ന് പ്രവാസി കമ്മീഷന്‍ ചെയര്‍പേഴ്‌സണ്‍ ജസ്റ്റിസ് സോഫി തോമസ് അറിയിച്ചു. സയന്‍സ് പാര്‍ക്ക് ഹാളില്‍ നടത്തിയ പ്രവാസി കമ്മീഷന്‍ അദാലത്തിന് ശേഷം മാധ്യമങ്ങളോട് സംസാരിക്കുകയായിരുന്നു  ജസ്റ്റിസ്. 

മൈലപ്ര കുടുംബാരോഗ്യ കേന്ദ്രത്തിന്റെ പുതിയ ഒ പി കെട്ടിടം ഉദ്ഘാടനം ഇന്ന് (മാര്‍ച്ച് 11,ബുധന്‍) രാവിലെ 10 ന് ആരോഗ്യ വനിതാ-ശിശു വികസന വകുപ്പ് മന്ത്രി വീണാ ജോര്‍ജ് നിര്‍വഹിക്കും. കെ യു ജനീഷ് കുമാര്‍ എംഎല്‍എ അധ്യക്ഷനാകും. ആന്റോ ആന്റണി എം പി മുഖ്യപ്രഭാഷണം നടത്തും. ജില്ല മെഡിക്കല്‍ ഓഫീസര്‍ ഡോ. എല്‍ അനിതാകുമാരി റിപ്പോര്‍ട്ട് അവതരിപ്പിക്കും. ആരോഗ്യ കേരളം പദ്ധതിയില്‍ ഉള്‍പെടുത്തി 1.43 കോടി രൂപ വിനിയോഗിച്ചാണ് ആശുപത്രി കെട്ടിടനിര്‍മാണം.

അടൂര്‍ ഏറത്ത് ഗ്രാമപഞ്ചായത്തില്‍ നിര്‍മിക്കുന്ന 10 കിടക്കകളുള്ള ആയുഷ് ഇന്റഗ്രേറ്റഡ് ഹോമിയോപ്പതി ആശുപത്രിയുടെ ശിലാസ്ഥാപനം ആരോഗ്യ, വനിതാ ശിശു വികസന വകുപ്പ് മന്ത്രി വീണാ ജോര്‍ജ് ഇന്ന് (മാര്‍ച്ച് 11, ബുധന്‍) നിര്‍വഹിക്കും.
സംസ്ഥാനത്ത് പുതിയതായി നിര്‍മിക്കുന്ന 11 ആയുഷ് ആശുപത്രികളുടെ നിര്‍മാണോദ്ഘാടനവും നിര്‍മാണം പൂര്‍ത്തിയാക്കിയ സംസ്ഥാനത്തെ 14 ആയുഷ് ആശുപത്രികളുടെ ഉദ്ഘാടനവും ഉച്ചയ്ക്ക് രണ്ടിന് അടൂര്‍ ചൂരക്കോട് ഹരിശ്രീ ഓഡിറ്റോറിയത്തില്‍ നടക്കുന്ന ചടങ്ങില്‍ മന്ത്രി നിര്‍വഹിക്കും.

ആറന്മുള നിയോജക മണ്ഡലത്തിലെ വിവിധ  പ്രവൃത്തികളുടെ നിര്‍മാണത്തിന് 4.09 കോടി രൂപയുടെ ഭരണാനുമതി ലഭിച്ചതായി ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. പത്തനംതിട്ട നഗരസഭയിലെ കുമ്പഴ കോന്നി - വെട്ടൂര്‍ റോഡ് - 99 ലക്ഷം രൂപ, ഇലന്തൂര്‍ പഞ്ചായത്തില്‍ വരുന്ന  
ഇലന്തൂര്‍ - ഇടപ്പരിയാരം - മുക്കോട് റോഡ് - 69.58 ലക്ഷം രൂപ, ചെമ്പകത്തില്‍ പടി മലയിരിക്കും മുരുപ്പ് റോഡ് - 30 ലക്ഷം, കോയിപ്രം പഞ്ചായത്തിലെ താഴുമ്പാല്‍ പടി - പാലംമ്പറമ്പില്‍ പടി - പൂവത്തൂര്‍  ജംഗ്ഷന്‍ - മാവേലി വടക്കേതില്‍ ലിങ്ക് റോഡ് - 48.07 ലക്ഷം രൂപ, കുളനട പഞ്ചായത്തില്‍ വരുന്ന

ആറന്മുള വള്ളംകളി ഗ്യാലറി, പമ്പാതീര സംരക്ഷണം, നടപ്പാത ഉള്‍പ്പെടെയുള്ള പദ്ധതികള്‍ക്ക് 10 കോടി രൂപ കിഫ്ബി പദ്ധതിയില്‍ ഉള്‍പ്പെടുത്തി അംഗീകാരം ലഭിച്ചതായി  ആരോഗ്യ വകുപ്പ് മന്ത്രി വീണാ ജോര്‍ജ്. 2023-24 ബജറ്റില്‍ 'ആറന്മുള പമ്പാതീരം പാത ദീര്‍ഘിപ്പിക്കല്‍' പദ്ധതി ഉള്‍പ്പെടുത്തിയിരുന്നു. എന്നാല്‍ സാങ്കേതിക കാരണങ്ങളാല്‍ പദ്ധതി നടപ്പാകുന്നത് വൈകിയതിനെ തുടര്‍ന്ന് മന്ത്രി കിഫ്ബിയിലേക്ക് കത്ത് നല്‍കുകയും തുടര്‍ന്ന് കിഫ്ബി മീറ്റിംഗില്‍ പദ്ധതി അംഗീകരിക്കുകയുമായിരുന്നു.

2026 നിയമസഭാ തിരഞ്ഞെടുപ്പിന്റെ ഭാഗമായി വിവിധ സ്‌ക്വാഡുകളുടെ പരിശീലനം കലക്ടറേറ്റില്‍ നടന്നു. കലക്ടറേറ്റ് ഓഡിറ്റോറിയത്തില്‍   ജില്ലാ ഇലക്ഷന്‍ ഓഫീസറായ ജില്ലാ കലക്ടര്‍ അരുണ്‍ കെ വിജയന്‍ ഉദ്ഘാടനം ചെയ്തു. തിരഞ്ഞെടുപ്പ് പ്രക്രിയ സുഗമമാക്കാന്‍ സ്‌ക്വാഡുകളുടെ കാര്യക്ഷമമായ പ്രവര്‍ത്തങ്ങള്‍ക്ക് സാധിക്കുമെന്ന് കലക്ടര്‍ പറഞ്ഞു. തിരഞ്ഞെടുപ്പ് പ്രഖ്യാപിക്കുന്നതോടെ മാതൃകാ പെരുമാറ്റച്ചട്ടം നിലവില്‍ വരുകയും വിവിധ സ്‌ക്വാഡുകളുടെ പ്രവര്‍ത്തനങ്ങള്‍ ആരംഭിക്കുകയും ചെയ്യുമെന്നും കലക്ടര്‍ പറഞ്ഞു.  

സംസ്ഥാനത്ത് സൈനേജ് ബോര്‍ഡുകള്‍ക്കും പരസ്യങ്ങള്‍ക്കും ഉപയോഗിക്കുന്ന മെറ്റീരിയലുകളുടെ കാര്യത്തില്‍ നിയന്ത്രണങ്ങള്‍ കര്‍ശനമാക്കിയതായി ശുചിത്വ മിഷന്‍ അറിയിച്ചു. മലിനീകരണ നിയന്ത്രണ ബോര്‍ഡ് അംഗീകരിച്ച 100 ശതമാനം കോട്ടണ്‍, പോളിഎത്തിലീന്‍ മെറ്റീരിയലുകള്‍ മാത്രമേ വില്‍ക്കാനോ പ്രിന്റ് ചെയ്യാനോ പാടുള്ളൂ. കൊറിയന്‍ ക്ലോത്ത് തുടങ്ങിയ പേരുകളില്‍ വിപണിയിലുള്ള ഒരു തരത്തിലുള്ള ക്ലോത്ത് മെറ്റീരിയലിനും മലിനീകരണ നിയന്ത്രണ ബോര്‍ഡ് ഇതുവരെ അംഗീകാരം നല്‍കിയിട്ടില്ല. അതിനാല്‍ തുണിയിലുള്ളതെന്ന് അവകാശപ്പെടുന്ന പ്രചരണ ബോര്‍ഡുകള്‍ കണ്ടെത്തിയാല്‍ പിഴ ഈടാക്കുകയും അവ പിടിച്ചെടുക്കുകയും ചെയ്യും.