നെടുമങ്ങാട് പെരിങ്ങമ്മല സ്മാർട്ട് വില്ലേജ് ഓഫീസിൽ പണികഴിപ്പിച്ച പുതിയ മന്ദിരത്തിന്റെ ഉദ്ഘാടനം റവന്യൂ വകുപ്പ് മന്ത്രി കെ. രാജൻ ഓൺലൈനായി നിർവഹിച്ചു. സംസ്ഥാന സർക്കാരിന്റെ 2023 - 24 പ്ലാൻ സ്കീം പദ്ധതിയിൽ ഉൾപ്പെടുത്തിയാണ് അത്യാധുനിക സൗകര്യങ്ങളോടുകൂടിയ മന്ദിരം നിർമ്മിച്ചത്.

ആധാരമെഴുത്തുകാരെ ചേർത്തുപിടിച്ചുകൊണ്ടാണ് ആധുനികവൽക്കരണത്തിലൂടെ കാലത്തിനൊപ്പം സർക്കാർ മുന്നേറുന്നതെന്ന് രജിസ്‌ട്രേഷൻ, മ്യൂസിയം, പുരാവസ്തു-പുരാരേഖ വകുപ്പ് മന്ത്രി രാമചന്ദ്രൻ കടന്നപ്പള്ളി. നേമം രജിസ്ട്രേഷൻ കോംപ്ലക്സിൽ ആധാരമെഴുത്തുകാരുടെ ഓൺലൈൻ രജിസ്ട്രേഷൻ, പരിഷ്‌കരിച്ച ഓൺലൈൻ ടോക്കൺ സംവിധാനം, രജിസ്‌ട്രേഷൻ മ്യൂസിയം പദ്ധതി എന്നിവയുടെ സംസ്ഥാനതല ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

പ്രധാനമന്ത്രിയുടെ കൊച്ചി സന്ദർശനവുമായി  ബന്ധപ്പെട്ട്  ഇന്ന് ( മാർച്ച് 11) രാവിലെ 11.00 മുതൽ വൈകീട്ട് 04.00  വരെ  കൊച്ചി സിറ്റി പോലീസ് കമ്മീഷണറേറ്റ് പരിധിയിൽ  ഗതാഗത നിയന്ത്രണം ഉണ്ടായിരിക്കുന്നതാണ്.

വിവിധ കേന്ദ്രസർക്കാർ പദ്ധതികളുടെ  ഉദ്ഘാടനവുമായി ബന്ധപ്പെട്ട് പ്രധാനമന്ത്രി നരേന്ദ്രമോദി ഇന്ന് (മാർച്ച് 11) കൊച്ചിയിലെത്തും. രാവിലെ 11-45ന് നെടുമ്പാശ്ശേരി വിമാനത്താവളത്തിലെത്തുന്ന അദ്ദേഹം ഹെലികോപ്റ്റർ മാർഗം ഉച്ചയ്ക്ക് 12:15-ന് കൊച്ചി നാവിക ആസ്ഥാനത്ത് എത്തും. അവിടെനിന്ന് റോഡ് മാർഗം മറൈൻ ഡ്രൈവിലേക്ക് തിരിക്കും. ഉച്ചയ്ക്ക് 12:30 മുതൽ 1:00 വരെ മറൈൻ ഡ്രൈവിൽ നടക്കുന്ന പൊതുസമ്മേളനത്തിൽ പങ്കെടുക്കും.

 തുടർന്ന് ഉച്ചയ്ക്ക് 1.15ന് കലൂർ അന്താരാഷ്ട്ര സ്റ്റേഡിയത്തിൽ നടക്കുന്ന ചടങ്ങിൽ വിവിധ കേന്ദ്രസർക്കാർ പദ്ധതികളുടെ ഉദ്ഘാടനം നിർവഹിക്കും.

* ടി.ജെ. വിനോദ് എം.എൽ.എ ഉദ്ഘാടനം നിർവഹിച്ചു

എളമക്കര  ഗവ. ഹയർ സെക്കൻഡറി സ്‌കൂളിൽ നിർമ്മിക്കുന്ന ഓപ്പൺ ഓഡിറ്റോറിയത്തിന്റെ നിർമ്മാണ ഉദ്ഘാടനം ടി.ജെ. വിനോദ് എം.എൽ.എ നിർവഹിച്ചു. എം.എൽ.എയുടെ ആസ്തി വികസന ഫണ്ടിൽ നിന്നും 85 ലക്ഷം രൂപ വകയിരുത്തിയാണ് ഓഡിറ്റോറിയം നിർമ്മിക്കുന്നത്. വിദ്യാഭ്യാസ സ്ഥാപനങ്ങളിൽ അടിസ്ഥാന സൗകര്യങ്ങൾ മെച്ചപ്പെടുത്തുന്നത് വിദ്യാർത്ഥികളുടെ സമഗ്ര വികസനത്തിന് ഏറെ സഹായകരമാണെന്ന് എം.എൽ.എ പറഞ്ഞു.

വൈറ്റിലയിലെ എ.ഡബ്ല്യു.എച്ച്.ഒ ഹൗസിംഗ് കോംപ്ലക്സിലെ ബി, സി  ടവറുകൾ (ബി+ജി+26) നിയന്ത്രിത സ്ഫോടനത്തിലൂടെ പൊളിച്ച് അവശിഷ്ടങ്ങൾ മാറ്റുന്ന ജോലികൾക്കായുള്ള ടെൻഡർ സമർപ്പിക്കേണ്ട അവസാന തീയതി മാർച്ച് 18  (ഉച്ചയ്ക്ക് 3) വരെ ദീർഘിപ്പിച്ചു. മറ്റ് നിബന്ധനകൾക്ക് മാറ്റമില്ല. ഫോൺ : 0484 2337013.

പൊതുമേഖലാ സ്ഥാപനമായ  സപ്ലൈകോയും  തേവര സേക്രട്ട് ഹാർട്ട് കോളേജിലെ   ഡിസൈൻ വിഭാഗവും തമ്മിൽ വിദ്യാർത്ഥികൾക്ക്  പ്രായോഗിക പഠനാവസരങ്ങൾ ലഭ്യമാക്കുന്നതിനായി ധാരണാപത്രം (MoU) ഒപ്പുവെച്ചു.

കൊച്ചി മെട്രോയുടെ ഫീഡർ ബസ് സേവനങ്ങൾ കൂടുതൽ കാര്യക്ഷമമാക്കുന്നതിനായി ഡാറ്റ അനലിറ്റിക്സ് ഡാഷ്ബോർഡും ഓപ്പറേഷൻസ് ഡിസ്പ്ലേ സിസ്റ്റവും അവതരിപ്പിച്ചു. കൊച്ചി മെട്രോ റെയിൽ ലിമിറ്റഡ് ഡയറക്ടർ (സിസ്റ്റംസ്) സഞ്ജയ് കുമാർ മുട്ടത്തെ ഫീഡർ ബസ് ടെർമിനലിൽ നടന്ന ചടങ്ങിൽ പുതിയ സംവിധാനത്തിന്റെ ഉദ്ഘാടനം നിർവഹിച്ചു. പൊതുഗതാഗത സേവനങ്ങൾ മെച്ചപ്പെടുത്തുന്നതിനായി കൊച്ചി മെട്രോ നടപ്പിലാക്കുന്ന സാങ്കേതിക നവീകരണങ്ങളിലെ സുപ്രധാന ചുവടുവെയ്പ്പാണിത്.

മുളന്തുരുത്തി ബ്ലോക്ക് പഞ്ചായത്തിന്റെ 2025-26 വാർഷിക പദ്ധതിയിൽ ഉൾപ്പെട്ട വിവിധ പൊതുമരാമത്ത് പ്രവൃത്തികൾക്കായി റീ-ടെൻഡർ ക്ഷണിച്ചു. കൂടുതൽ വിവരങ്ങൾ മുളന്തുരുത്തി ബ്ലോക്ക് പഞ്ചായത്തിലെ തദ്ദേശ സ്വയംഭരണ വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയറുടെ ഓഫീസിൽ നിന്നും ലഭിക്കും.

എറണാകുളം ജില്ലാ എംപ്ലോയ്മെൻ്റ് എക്സ്‌ചേഞ്ചിനോടനുബന്ധിച്ച് പ്രവർത്തിക്കുന്ന എംപ്ലോയബിലിറ്റി സെൻ്ററിന്റെയും മൂവാറ്റുപുഴ ടൗൺ എംപ്ലോയ്മെന്റ് എക്സ്‌ചേഞ്ചിന്റെയും ആഭിമുഖ്യത്തിൽ സ്വകാര്യ മേഖലയിലെ പ്രമുഖ സ്ഥാപനങ്ങളിൽ ജോലി ലഭ്യമാക്കുന്നതിന്   രജിസ്ട്രേഷൻ ക്യാമ്പ് സംഘടിപ്പിക്കുന്നു. മാർച്ച് 16ന് രാവിലെ 10.30 മുതൽ ഉച്ചക്ക് 3.30 വരെ മൂവാറ്റുപുഴ ടൗൺ എംപ്ലോയ്മെൻ്റ് എക്സ്ചേഞ്ചിലാണ് രജിസ്ട്രേഷൻ ക്യാമ്പ്. എംപ്ലോയ്മെൻ്റ് എക്സ്‌ചേഞ്ചിൽ രജിസ്റ്റർ ചെയ്തവർക്കും അല്ലാത്തവർക്കും 300 രൂപ രജിസ്ട്രേഷൻ ഫീ അടച്ച് ആജീവനാന്ത ഒറ്റത്തവണ രജിസ്ട്രേഷൻ നടത്താം.