ആരോഗ്യ വകുപ്പ് ദേശീയ ആരോഗ്യ ദൗത്യത്തിന് കീഴില്‍ പ്രവര്‍ത്തിക്കുന്ന സ്റ്റേറ്റ് ഹെല്‍ത്ത് സിസ്റ്റംസ് റിസോഴ്‌സ് സെന്റര്‍ കേരളയില്‍ നടന്നുക്കൊണ്ടിരിക്കുന്ന ഐ.സി.എം.ആര്‍ പ്രോജക്റ്റിലേക്ക് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ പ്രോജക്റ്റ് റിസര്‍ച്ച് സയന്റിസ്റ്റ്-ll  തസ്തികയിലേക്ക് സൈക്യാട്രിസ്റ്റിനെ നിയമിക്കുന്നു. ഉദ്യോഗാര്‍ത്ഥികള്‍ മാര്‍ച്ച് 18 ന്  മുന്‍പ് ഗൂഗിള്‍ ഫോം വഴി അപേക്ഷിക്കണം. കൂടുതല്‍ വിവരങ്ങള്‍ക്ക് shsrc.kerala.gov.in വെബ്‌സൈറ്റ് സന്ദര്‍ശിക്കുക.

മുഖ്യമന്ത്രി പിണറായി വിജയൻ ഉദ്ഘാടനം ചെയ്യും

പറവൂർ നിയോജക മണ്ഡലത്തിലെ ജനങ്ങളുടെ ദീർഘകാലത്തെ കാത്തിരിപ്പിന് വിരാമമിട്ടുകൊണ്ട് കേസരി ഗവൺമെന്റ് ആർട്സ് ആൻഡ് സയൻസ് കോളേജിന്റെ  ഉദ്ഘാടനം ഇന്ന് ( മാർച്ച് ) 11 ന്  വൈകീട്ട് 3:30 ന് മുഖ്യമന്ത്രി പിണറായി വിജയൻ ഓൺലൈനായി ഉദ്ഘാടനം ചെയ്യും.

കോളേജ് ക്യാമ്പസിൽ നടക്കുന്ന ചടങ്ങിൽ ഉന്നതവിദ്യാഭ്യാസ - സാമൂഹ്യനീതി
വകുപ്പ് മന്ത്രി ഡോ. ആർ. ബിന്ദു അധ്യക്ഷത വഹിക്കും.

ആലുവ താലൂക്ക് വികസന സമിതി യോഗം നടന്നു. നിർദ്ദിഷ്ട മെട്രോ റെയിൽവേ പാത കറുകുറ്റി വരെ നീട്ടണമെന്ന് സർക്കാരിനോട് ആവശ്യപ്പെട്ട് കറുകുറ്റി ഗ്രാമപഞ്ചായത്ത് പ്രസിഡൻറ് ബാബു സാനി അവതരിപ്പിച്ച പ്രമേയം യോഗം അംഗീകരിച്ചു. 
യോഗത്തിൽ തഹസിൽദാർ പ്രീത എൻ ജോസ്, ഡെപ്യൂട്ടി തഹസിൽദാർ ടിവി അനിൽകുമാർ, വിവിധ രാഷ്ട്രീയകക്ഷി പ്രതിനിധികൾ, താലൂക്ക് വികസന സമിതി അംഗങ്ങൾ, വിവിധ വകുപ്പു ഉദ്യോഗസ്ഥർ എന്നിവർ പങ്കെടുത്തു

എറണാകുളം ജില്ല എംപ്ലോയ്മെൻറ് എക്സ്ചേഞ്ചിനോട് അനുബന്ധമായി പ്രവർത്തിക്കുന്ന എംപ്ലോയബിലിറ്റി സെന്ററിന്റെ ആഭിമുഖ്യത്തിൽ തൊഴിൽമേള സംഘടിപ്പിക്കുന്നു. നോർത്ത് പറവൂർ കേസരി ആർട്സ് ആൻഡ് സയൻസ് കോളേജിൽ നടക്കുന്ന മേളയിൽ 15 ൽ അധികം ഒഴിവുകളിലേക്കാണ് അഭിമുഖം നടക്കുന്നത്. എസ്എസ്എൽസി, പ്ലസ് ടു, ഐടിഐ, ഡിപ്ലോമ,ബിരുദം, ബിരുദാനന്തര ബിരുദം, ബിടെക് തുടങ്ങിയ യോഗ്യതയുള്ളവർക്ക് പങ്കെടുക്കാം. താല്പര്യമുള്ള ഉദ്യോഗാർത്ഥികൾ മാർച്ച് 13 രാവിലെ 10 ന് കേസരി ആർട്സ് ആൻഡ് സയൻസ് കോളേജ് നോർത്ത് പറവൂരിൽ ബയോഡാറ്റയുടെ അഞ്ച് കോപ്പി സഹിതം എത്തിച്ചേരുക. 
ഫോൺ: 0484 2422452

മരട് ഗവ. ഐടിഐയിൽ ഇലക്ട്രോണിക്സ് മെക്കാനിക് ട്രേഡിൽ ഗസ്റ്റ് ഇൻസ്ട്രക്ടറുടെ ഒഴിവുള്ള തസ്തികയിലേക്ക് നിയമനം നടത്തുന്നു. ഇലക്ട്രോണിക്സ് എൻജിനീയറിങ് ബിരുദം ,  ഇലക്ട്രോണിക്സ് എൻജിനീയറിങ് ഡിപ്ലോമ, ഇലക്ട്രോണിക്സ് മെക്കാനിക്ക് ട്രേഡിൽ നാഷണൽ ട്രേഡ് സർട്ടിഫിക്കറ്റ് നേടിയ ശേഷം മൂന്നുവർഷത്തെ പ്രവൃത്തിപരിചയം, നാഷണൽ അപ്രന്റീസ്ഷിപ്പ് സർട്ടിഫിക്കറ്റും രണ്ടു വർഷത്തെ പ്രവൃർത്തിപരിചയവും ഇവയിൽ ഏതെങ്കിലും ഒന്നാണ് അടിസ്ഥാന യോഗ്യത. താല്പര്യമുള്ള ഉദ്യോഗാർത്ഥികൾ മാർച്ച് 12 രാവിലെ 10 .30 ന് മരട് ഗവ. ഐടിഐ ഓഫീസിൽ സർട്ടിഫിക്കറ്റുകൾ സഹിതം അഭിമുഖത്തിന് ഹാജരാകേണ്ടതാണ്. ഫോൺ: 0484 2700142

കേന്ദ്രസർക്കാർ സംരംഭമായ ബ്രോഡ്കാസ്റ്റ് എൻജിനീയറിങ് കൺസൾട്ടൻസ് ഇന്ത്യ ലിമിറ്റഡ് (ബിസിൽ) നടത്തുന്ന ഒരു വർഷം ദൈർഘ്യമുള്ള പിജി ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ, പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ ആറുമാസം ദൈർഘ്യമുള്ള ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ തുടങ്ങിയ കോഴ്സുകളിലേക്ക് അപേക്ഷ ക്ഷണിച്ചു. യഥാക്രമം ഡിഗ്രി, പ്ലസ് ടു, എസ്എസ്എൽസി എന്നിവയാണ് യോഗ്യതകൾ. 
ഫോൺ: 7994449314

കേരള മീഡിയ അക്കാദമിയുടെ ഇൻസ്റ്റിറ്റ്യൂട്ട് ഓഫ് കമ്മ്യൂണിക്കേഷനിൽ 2024-25 ബാച്ചിൽ പഠനം പൂർത്തിയാക്കിയ വിദ്യാർത്ഥികളുടെ ബിരുദദാന സമ്മേളനവും സർട്ടിഫിക്കറ്റ് വിതരണവും ഇന്ന് (മാർച്ച് 11) രാവിലെ 11 ന് നടക്കും. കാക്കനാടുള്ള അക്കാദമി ക്യാമ്പസ്സിൽ സംഘടിപ്പിക്കുന്ന ചടങ്ങിൽ ജേർണലിസം & കമ്മ്യൂണിക്കേഷൻ, പബ്ലിക്ക് റിലേഷൻസ് & അഡ്വർടൈസിങ്ങ്, ടെലിവിഷൻ ജേർണലിസം എന്നീ വിഷയങ്ങളിൽ പി.ജി. ഡിപ്ലോമ പൂർത്തിയാക്കിയ വിദ്യാർത്ഥികളാണ് ബിരുദം ഏറ്റുവാങ്ങുന്നത്. 

മയക്കുമരുന്നിന്റെ ലോകത്തേക്ക് വഴിതെറ്റി പോകാതെ, ആരോഗ്യകരമായ ഒരു കായിക സംസ്കാരം വളർത്തിയെടുക്കാൻ യുവാക്കൾ കായിക വിനോദങ്ങളെ ജീവിതത്തിന്റെ ഭാഗമാക്കണമെന്ന് വ്യവസായ വകുപ്പ് മന്ത്രി പി രാജീവ്. കൊച്ചി ശാസ്ത്ര സാങ്കേതിക സർവകലാശാലയിൽ
പുതുതായി നിർമ്മിച്ച അന്താരാഷ്ട്ര നിലവാരത്തിലുള്ള നാചുറൽ ഫുട്ബോൾ ടർഫിന്റെ ഉദ്ഘാടനവും, 400 മീറ്റർ സിന്തറ്റിക് അത്‌ലറ്റിക് ട്രാക്കിന്റെ ഒന്നാം ഘട്ട നിർമ്മാണോദ്ഘാടനവും നിർവഹിച്ച് സംസാരിക്കുകയായിരുന്നു അദ്ദേഹം.

ഉഷ്ണകാല പ്രതിരോധ പ്രവർത്തനങ്ങൾക്ക് ജില്ലാ കലക്ടർമാർക്ക് ഒരു കോടി രൂപ വീതം അനുവദിക്കുവാൻ വേനൽക്കാല ദുരന്ത ലഘൂകരണവുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന യോഗത്തിൽ തീരുമാനിച്ചു.