ജില്ലയില്‍ അക്ഷയ സംരംഭകരെ തിരഞ്ഞെടുക്കുന്നതിനുള്ള ഓൺലൈൻ അപേക്ഷ സമർപ്പിക്കാനുള്ള തീയതി മാർച്ച് 19 വരെ നീട്ടി. ജില്ലയിലെ 85 ലൊക്കേഷനുകളിലേക്കാണ് അക്ഷയ സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ 74 ലൊക്കേഷനിലേക്കും പട്ടികജാതി വിഭാഗത്തില്‍ 5, പട്ടികവര്‍ഗ്ഗ വിഭാഗത്തിലേക്ക് 6 ലൊക്കേഷനിലേക്കുമാണ് അപേക്ഷ ക്ഷണിച്ചത്. പ്രായപരിധി 18-50 വയസ്സ്. ഓണ്‍ലൈനായിട്ടാണ് അപേക്ഷ സമര്‍പ്പിക്കേണ്ടത്.

ജില്ലാ വനിത ശിശുവികസന ഓഫീസും ഡിസ്ട്രിക്ട് സങ്കലപ്പ് ഹബ് ഫോർ എംപവർമെന്റ് ഓഫ് വിമനും സംയുക്തമായി അന്താരാഷ്ട്ര വനിതാദിനാഘോഷം സംഘടിപ്പിച്ചു.  ആലപ്പുഴ ജെൻഡർ പാർക്കിൽ നടന്ന പരിപാടി ആലപ്പുഴ നഗരസഭാധ്യക്ഷ മോളി ജേക്കബ് ഉദ്ഘാടനം ചെയ്തു. സമൂഹത്തിന്റെ വിവിധ മേഖലകളിൽ സുത്യർഹ സേവനമനുഷ്ഠിച്ച വനിതകളെ ചടങ്ങിൽ ആദരിച്ചു. സ്വയരക്ഷാ പരിശീലനം, വിവിധ ഐസിഡിഎസ് ജീവനക്കാരുടെ കാലാമേള എന്നിവയും അരങ്ങേറി. 

ആലപ്പുഴ മെഡിക്കല്‍ കോളേജ് ആശുപത്രിയില്‍ ശിശുരോഗ വിഭാഗത്തിന് കീഴില്‍ പ്രവര്‍ത്തിക്കുന്ന റീജിയണല്‍ ഏര്‍ളി ഇന്റർവെൻഷൻ സെന്റര്‍ (ആര്‍.ഇ.ഐ.സി) ആന്‍ഡ് ഓട്ടിസം സെന്ററിന്റെ ആഭിമുഖ്യത്തില്‍ അങ്കണവാടി  അധ്യാപകർക്ക്  പരിശീലനം സംഘടിപ്പിച്ചു.

ആലപ്പുഴ  നഗരസഭയിലെ  ഐ.സി.ഡി.എസിന്റെ കീഴിലുള്ള സെക്ടര്‍ നാലിലെ അങ്കണവാടി അധ്യാപകര്‍ക്കായി കുട്ടികളിയിലെ വളര്‍ച്ച വികാസ വ്യതിയാനങ്ങളെ നേരത്തെ കണ്ടുപിടിക്കുന്നതിനെ കുറിച്ചാണ്  പരിശീലനം നൽകിയത്. 

ആര്യാട് ഐ.സി.ഡി.എസ് പദ്ധതിയുടെ പരിധിയിലെ 13 അങ്കണവാടികൾ സക്ഷം പദ്ധതി പ്രകാരം നവീകരിക്കുന്നതിന് ടെൻഡർ ക്ഷണിച്ചു. അവസാന തീയതി മാർച്ച് 17 ഉച്ചയ്ക്ക് ഒരു മണി. ഫോൺ: 9188959688.

കേരള മദ്രസ്സ അധ്യാപക ക്ഷേമനിധിയില്‍ 2025-26 സാമ്പത്തിക വര്‍ഷത്തെ ക്ഷേമനിധി വിഹിതം അടക്കാനുള്ളവര്‍ മാര്‍ച്ച് 25നകം  വിഹിതം പോസ്റ്റ് ഓഫീസില്‍ അടക്കണമെന്ന് കേരള മദ്രസ്സാധ്യാപക ക്ഷേമ ബോര്‍ഡ് ചീഫ് എക്സിക്യുട്ടീവ് ഓഫീസര്‍ അറിയിച്ചു.

കാസര്‍കോട് അണങ്കൂറില്‍ പ്രവര്‍ത്തിക്കുന്ന സഖി വണ്‍ സ്റ്റോപ്പ് സെന്ററില്‍ ഔദ്യോഗിക ആവശ്യത്തിലേക്കായി ഒരു വര്‍ഷത്തേക്ക് സഞ്ചരിക്കുന്നതിന് ജീപ്പ്, കാര്‍ (ഇലക്ട്രിക്   വാഹനങ്ങള്‍ക്ക് മുന്‍ഗണന) ടെണ്ടര്‍ ക്ഷണിച്ചു. മാര്‍ച്ച് 11 ന് ഉച്ചയ്ക്ക്  12 വരെ ടെണ്ടര്‍ ഫോം വിതരണം ചെയ്യും. 11  ഉച്ചയ്ക്ക് ഒന്ന് വരെ ടെണ്ടര്‍ ഫോം സ്വീകരിക്കും. ഉച്ചക്ക് രണ്ടിന് ടെണ്ടര്‍ തുറക്കും. വിലാസം-
വനിതാ സംരക്ഷണ  ഓഫീസ്,  കാസര്‍കോട് സഖി വണ്‍ സ്റ്റോപ്പ്‌സെന്റര്‍. ഫോണ്‍-  8281999065,9847000302
 

കാസര്‍കോട് ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍  (നാച്ചുറല്‍ സയന്‍സ്) മലയാളം മാധ്യമം (കാറ്റഗറി നം - 602/2024) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട യോഗ്യരായ ഉദ്യോഗാര്‍ത്ഥികള്‍ക്കുള്ള അവസാന ഘട്ട കൂടിക്കാഴച്ച മാര്‍ച്ച് 16 ന് കേരള പബ്ലിക് സര്‍വീസ് കമ്മീഷന്‍ കാസര്‍കോട് ജില്ലാ ഓഫീസില്‍ നടക്കും.  ഫോണ്‍ - 04994 230102.

കാസര്‍കോട് പുലിക്കുന്നിലുള്ള പൊതുമരാമത്ത് വകുപ്പ് സമുച്ഛയത്തിലുള്ള കാന്റീന്‍ മാര്‍ച്ച് 21 മുതല്‍ ഒരു വര്‍ഷത്തേക്ക് പാട്ട വ്യവസ്ഥയില്‍ ഏറ്റെടുത്ത് നടത്തുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ അസിസ്റ്റന്റ്  എ്കസിക്യൂട്ടീവ് എഞ്ചിനീയര്‍, പൊതുമരാമത്ത് വകുപ്പ് കെട്ടിട ഉപ വിഭാഗം കാസര്‍കോട് എന്ന വിലാസത്തില്‍ മാര്‍ച്ച് 16 വൈകുന്നേരം മൂന്നിന് മുമ്പ് ലഭിക്കണം.
വൈകുന്നേരം 3.30 ന് ക്വട്ടേഷന്‍ തുറക്കും.

ആജാനൂര്‍ ഗ്രാമപഞ്ചായത്ത് അജാനൂര്‍, ആനന്ദാശ്രമം കുടുംബാരോഗ്യ കേന്ദ്രങ്ങളിലേക്ക് സ്റ്റാഫ് നിയമനത്തിനായി കൂടിക്കാഴ്ച്ച നടത്തുന്നു. ഡോക്ടര്‍ (1 ഒഴിവ്) കൂടിക്കാഴ്ച്ച  മാര്‍ച്ച് 11 ന് രാവിലെ പത്തിന്. യോഗ്യത- എം.ബി.ബി.എസ് ബിരുദം, കേരള മെഡിക്കല്‍ കൗണ്‍സില്‍ രജിസ്ട്രേഷന്‍. ഡാറ്റ എന്‍ട്രി ഓപ്പറേറ്റര്‍ (രണ്ട് ഒഴിവ്) കൂടിക്കാഴ്ച്ച മാര്‍ച്ച് 11 ന് രാവിലെ 11 ന്. അടിസ്ഥാന യോഗ്യത-  പ്ലസ് ടു ആന്‍ഡ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ്. പാലിയേറ്റീവ് നഴ്സ് (1 ഒഴിവ്) കൂടിക്കാഴ്ച്ച മാര്‍ച്ച് 27ന് രാവിലെ പത്ത്.