കോട്ടയം: വനിതാ ശിശുവികസന വകുപ്പ് ജില്ലാ ശിശുസംരക്ഷണ യൂണിറ്റിന്റെ ആഭിമുഖ്യത്തില്‍ നടപ്പിലാക്കുന്ന വെക്കേഷന്‍ ഫോസ്റ്റര്‍ കെയര്‍ പദ്ധതിയിലേക്ക് രക്ഷിതാക്കളില്‍ നിന്ന് അപേക്ഷ ക്ഷണിച്ചു. ജില്ലയിലെ അംഗീകൃത ശിശു സംരക്ഷണ സ്ഥാപനങ്ങളില്‍ താമസിച്ചുവരുന്ന കുട്ടികളെ വേനലവധിക്കാലത്ത് വളര്‍ത്താന്‍ താല്‍പര്യമുള്ള രക്ഷിതാക്കള്‍ക്ക് അപേക്ഷിക്കാം.

ശിശു സംരക്ഷണ സ്ഥാപനങ്ങളില്‍ താമസിച്ചു വരുന്ന കുട്ടികള്‍ക്ക് വെക്കേഷന്‍ കാലയളവില്‍ ഒരു കുടുംബത്തിന്റെ ശ്രദ്ധയും സംരക്ഷണവും സ്‌നേഹ പരിലാളനയും ലഭ്യമാക്കി  സുരക്ഷിതമായി വളരുവാനുള്ള സാഹചര്യമൊരുക്കുകയാണ് പദ്ധതിയുടെ ലക്ഷ്യം.

കോട്ടയം: ഈ വഷത്തെ എസ്.എസ്.എല്‍.സി പരീക്ഷയ്ക്ക് വ്യാഴാഴ്ച തുടക്കം. മാര്‍ച്ച് 30 വരെയാണ് പരീക്ഷ. ജില്ലയില്‍ 17,271 കുട്ടികളാണ് പരീക്ഷയെഴുതുന്നത്; 8752 ആണ്‍കുട്ടികളും 8519 പെണ്‍കുട്ടികളും. ആകെ 255 പരാക്ഷാ കേന്ദ്രങ്ങളാണുള്ളത്. ഏറ്റവും കൂടുതല്‍ വിദ്യാര്‍ഥികള്‍ പരീക്ഷയെഴുതുന്നത് കഞ്ഞിക്കുഴി  മൗണ്ട് കാര്‍മല്‍ സ്‌കൂളിലാണ്- 331 പേര്‍. 
പരീക്ഷാ കേന്ദ്രങ്ങളിലെ പരിശോധനയ്ക്കായി സര്‍ക്കാര്‍ സെക്രട്ടേറിയറ്റ് തലത്തിലും റവന്യൂജില്ലാ വിദ്യാഭ്യാസ ജില്ലാതലത്തിലും പ്രത്യേക സ്‌ക്വാഡുകള്‍ രൂപീകരിച്ചിട്ടുണ്ട്.

കോട്ടയം: ഞീഴൂർ മാണികാവ്- വട്ടയിൽത്തുങ്കൽ- വട്ടക്കുന്ന് റോഡിൽ മാർച്ച് അഞ്ച് മുതൽ ടാറിംഗ് പ്രവർത്തികൾ ആരംഭിക്കുന്നതിനാൽ ഇതുവഴിയുള്ള വാഹനയാത്രകൾ മാർച്ച് 25 വരെ നിയന്ത്രിക്കുമെന്ന് എക്സിക്യൂട്ടീവ് എൻജിനീയർ അറിയിച്ചു.

കോട്ടയം: പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ ആരംഭിച്ച വെയർഹൗസ് എക്‌സിക്യൂട്ടീവ് സൗജന്യ കോഴ്‌സിലേക്ക് അപേക്ഷ ക്ഷണിച്ചു. പ്ലസ്ടു വിജയിച്ച 18നും 45നുമിടയിൽ പ്രായമുള്ളവർക്ക് അപേക്ഷിക്കാം. താത്പര്യമുള്ളവർ മാർച്ച് അഞ്ചിന് മുൻപായി അപേക്ഷകൾ നൽകണം. ഫോൺ: 9495999731.

കോട്ടയം: പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ ആരംഭിച്ച വെയർഹൗസ് എക്‌സിക്യൂട്ടീവ് സൗജന്യ കോഴ്‌സിലേക്ക് അപേക്ഷ ക്ഷണിച്ചു. പ്ലസ്ടു വിജയിച്ച 18നും 45നുമിടയിൽ പ്രായമുള്ളവർക്ക് അപേക്ഷിക്കാം. താത്പര്യമുള്ളവർ മാർച്ച് അഞ്ചിന് മുൻപായി അപേക്ഷകൾ നൽകണം. ഫോൺ: 9495999731.

കോട്ടയം: 2026ലെ അഖിലേന്ത്യാ ട്രേഡ് ടെസ്റ്റിൽ പങ്കെടുപ്പിക്കുന്നതിനായി പ്രൈവറ്റ് ട്രെയിനി പ്രവേശനത്തിന് അപേക്ഷ ക്ഷണിച്ചു. വാട്ടർ അതോറിട്ടി, കെ.എസ്.ഇ.ബി. ജീവനക്കാർക്കും 2018 ൽ എസ്.സി.വി.റ്റി. ട്രേഡ് ടെസ്റ്റ് വിജയിച്ച ട്രെയിനികൾക്കും അപേക്ഷിക്കാം. അപേക്ഷകൾ മാർച്ച് 10 ന് മുൻപായി വ്യാവസായിക പരിശീലന വകുപ്പ് ട്രെയിനിംഗ് ഡയറക്ടർക്ക് നേരിട്ടോ തപാൽ മുഖേനയോ നൽകണം. വിശദ വിവരങ്ങൾ ഐ.ടി.ഐയിൽ ലഭിക്കും. ഫോൺ: 0481 2380404, 9446119713.

കോട്ടയം: ഏറ്റുമാനൂർ ഐ.സി.ഡി.എസിന്റെ പരിധിയിലുള്ള 107 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് സ്ഥാപനങ്ങളിൽനിന്ന് ടെൻഡർ ക്ഷണിച്ചു. ടെൻഡറുകൾ മാർച്ച് 16ന് ഉച്ചക്ക് രണ്ടിന് മുൻപായി നൽകണം. ഫോൺ: 9188959695.

ചപ്പാരപ്പടവ്- കുപ്പം പുഴയ്ക്ക് കുറുകെ മംഗര കടവില്‍ നിര്‍മ്മിച്ച പാലം എം.വി ഗോവിന്ദൻ മാസ്റ്റർ എംഎൽഎ നാടിന് സമർപ്പിച്ചു. പതിറ്റാണ്ടുകളായുള്ള  പ്രദേശവാസികളുടെ സ്വപ്നമാണ് ഇതോടെ യാഥാർഥ്യമായത്. 175 മീറ്റർ നീളത്തിലും 11.05 മീറ്റർ വീതിയിലുമാണ് പാലം നിർമിച്ചത്. പാലത്തിന്റെ ഇരുഭാഗത്തുമായി 200 മീറ്ററിലുള്ള അപ്രോച്ച് റോഡുമുണ്ട്. 13.4 കോടി രൂപയാണ് നിർമാണച്ചെലവ്. 

സംസ്ഥാന സർക്കാരിൻ്റെ നാലാം വാർഷിക ആഘോഷങ്ങളുടെ ഭാഗമായി ആലപ്പുഴ  ജില്ലയിൽ മുഖ്യമന്ത്രി നേരിട്ട് പങ്കെടുക്കുന്ന അവലോകന യോഗം 2025 മെയ് 6 ന് കാമിലോട്ട് കൺവെൻഷൻ സെൻ്ററിൽ നടക്കുകയാണ്. യോഗത്തിലേക്ക് തെരഞ്ഞെടുക്കപ്പെട്ട പ്രത്യേക അതിഥികൾക്ക് നിലവാരമുള്ള ഭക്ഷണം കവറിലാക്കി വിതരണം ചെയ്യുന്നതിന് ബേക്കറി/ഹോട്ടൽ ഉടമകളിൽ നിന്ന് ക്വട്ടേഷൻ ക്ഷണിച്ചു.  ഭക്ഷണ പദാർത്ഥത്തിൻറെ നിലവാരം കൂടി പരിഗണിച്ചായിരിക്കും അന്തിമ തീരുമാനം എടുക്കുക. ഐറ്റങ്ങളുടെ എണ്ണത്തിലോ തരത്തിലോ ചെറിയ മാറ്റം സാഹചര്യം അനുസരിച്ചു വരാവുന്നതാണ്. ഭക്ഷ്യ സാധനങ്ങൾ വൃത്തിയായ കവറിലാക്കി അതിഥികൾക്ക് വിതരണം ചെയ്യുന്നതിന്റെ തുകയാണ് ക്വാട്ട് ചെയ്യേണ്ടത്.

പരിയാരം ഗവ.ആയുർവേദ കോളേജിൽ പൂർത്തികരിച്ച വിവിധ പദ്ധതികളുടെ ഉദ്ഘാടനം മാർച്ച് 10 ചൊവ്വാഴ്ച രാവിലെ 11 മണിക്ക് ആരോഗ്യ വകുപ്പ് മന്ത്രി വീണാ ജോർജ് ഓൺലൈനായി നിർവ്വഹിക്കുമെന്ന് എം വിജിൻ എം എൽ എ അറിയിച്ചു. രണ്ട് കോടി രൂപ അനുവദിച്ച് പുതുതായി നിർമ്മാണം പൂർത്തീകരിച്ച ബാച്ചിലേഴ്‌സ്' ക്വാർട്ടേഴ്സ‌്, 49.67 ലക്ഷത്തിൻ്റെ ആനിമൽ ഹൗസ്, 1.9 കോടി അനുവദിച്ച് പൂർത്തികരിച്ച സെൻട്രൽ റിസർച്ച് ലബോറട്ടറി, 68.79 ലക്ഷം ഉപയോഗിച്ച് നവീകരിച്ച ക്യാമ്പസ് റോഡ് എന്നിവയുടെ ഉദ്ഘാടനമാണ് മന്ത്രി നിർവ്വഹിക്കുക.