കേരള ജല അതോറിറ്റി കുടിവെള്ള പൈപ്പ് ലൈൻ സ്ഥാപിക്കുന്ന പ്രവൃത്തി ആരംഭിക്കുന്നതിനാൽ ഹരിപ്പാട് - ഇലഞ്ഞിമേൽ റോഡിൽ  കുരീക്കാട് ജംഗ്ഷനും കോട്ടമുറിക്കും ഇടയിലുള്ള ഭാഗത്തുകൂടിയുള്ള വാഹനഗതാഗതം മാർച്ച് 13 മുതൽ മെയ് 15 വരെ  പൂർണ്ണമായും തടസ്സപ്പെടും. 

വാഹനയാത്രക്കാർ തട്ടാരമ്പലം - മാന്നാർ റോഡ്, തട്ടാരമ്പലം - തൃക്കുന്നപ്പുഴ റോഡ് വഴി തിരിഞ്ഞുപോകണമെന്ന് കേരള ജല അതോറിറ്റി ഡെപ്യൂട്ടി പ്രോജക്ട് മാനേജർ അറിയിച്ചു.

കെൽട്രോണിന്റെ എറണാകുളം കലൂർ നോളജ് സെന്ററിൽ ഭാവി സാങ്കേതിക വിദ്യകളായ ആർട്ടിഫിഷ്യൽ ഇന്റലിജൻസ്, ഓഗ്മെന്റഡ് റിയാലിറ്റി, വെർച്വൽ റിയാലിറ്റി, മിക്സഡ് റിയാലിറ്റി  എന്നീ മേഖലകളിലെ കോഴ്സുകൾ പഠിക്കാൻ അവസരം. ഡിപ്ലോമ, പോസ്റ്റ് ഡിപ്ലോമ, പോസ്റ്റ് ഗ്രാജുവേറ്റ് ഡിപ്ലോമ കോഴ്സുകളിലേക്ക് ആറുമാസം, ഒരു വർഷം കാലാവധിയിലാണ് അഡ്മിഷൻ ആരംഭിച്ചിരിക്കുന്നത്. ഫോൺ: 0484 2971400, 8075246674.
 

ആരോഗ്യ വകുപ്പ് ദേശീയ ആരോഗ്യ ദൗത്യത്തിന് കീഴില്‍ പ്രവര്‍ത്തിക്കുന്ന സ്റ്റേറ്റ് ഹെല്‍ത്ത് സിസ്റ്റംസ് റിസേഴ്‌സ് സെന്റര്‍ കേരളയില്‍ നടന്നുക്കൊണ്ടിരിക്കുന്ന ഐ.സി.എം.ആര്‍ പ്രോജക്റ്റിലേക്ക് ഒരു വര്‍ഷത്തേ കരാര്‍ അടിസ്ഥാനത്തില്‍ പ്രോജക്റ്റ് റിസേര്‍ച്ച് സയന്റിസ്റ്റ് - ll തസ്തികയിലേക്ക് സൈക്യാട്രിസ്റ്റിനെ നിയമിക്കുന്നു. ഉദ്യോഗാർഥികൾ മാര്‍ച്ച് 18 ന്  മുമ്പ്  ഗൂഗിള്‍ ഫോം വഴി അപേക്ഷിക്കണം. കൂടുതല്‍ വിവരങ്ങള്‍ക്ക് shsrc.kerala.gov.in വെബ്‌സൈറ്റ് സന്ദര്‍ശിക്കുക.

സംസ്ഥാന വനിതാവികസന കോര്‍പ്പറേഷന്റെ തൃശ്ശൂരിൽ പ്രവര്‍ത്തിക്കുന്ന  വനിതാ ഹോസ്റ്റലിലേക്ക് ദിവസ വേതനാടിസ്ഥാനത്തിൽ  വാര്‍ഡനെ നിയമിക്കുന്നു. 25നും 45 നും ഇടയില്‍ പ്രായമുളള പത്താം ക്ലാസ് പാസായ മൂന്നു വർഷം പ്രവൃത്തിപരിചയമുള്ള  ഉദ്യോഗാര്‍ത്ഥികള്‍ക്ക് അപേക്ഷിക്കാം. താൽപര്യമുളളവര്‍  യോഗ്യതയും പ്രവർത്തി പരിചയവും  തെളിയിക്കുന്ന സർട്ടിഫിക്കറ്റുകൾ സഹിതം മാർച്ച് 13 ന് രാവിലെ 10.30 ന്  എറണാകുളം മേഖലാ ഓഫീസിൽ നടത്തുന്ന വാക്ക്-ഇൻ ഇന്റര്‍വ്യൂവില്‍ ഹാജരാകണം. ഫോണ്‍: 9188941788. 

ആലപ്പുഴ കേപ്പ് കോളേജ് ഓഫ് നഴ്സിംഗിൽ ലൈബ്രറി അപ്രന്റീസ് ട്രെയിനിയുടെ ഒഴിവുണ്ട്. അംഗീകൃത സർവ്വകലാശാലയിൽ നിന്നുള്ള ലൈബ്രറി സയൻസ് ബിരുദവും  35 വയസ്സിൽ താഴെ പ്രായവുമുള്ള ഉദ്യോഗാർഥികൾക്ക് അപേക്ഷിക്കാം. 

താൽപര്യമുള്ളവർ അസൽ സർട്ടിഫിക്കറ്റുകൾ സഹിതം  മാർച്ച് 13-ന് രാവിലെ 11 മണിക്ക് കോളേജ് ഓഫീസിൽ നടക്കുന്ന വാക്ക്-ഇൻ ഇന്റർവ്യൂവിൽ നേരിട്ട് ഹാജരാകേണ്ടതാണ്.  ഫോൺ: 0477 2257311. 

2026-ലെ റംസാൻ പ്രമാണിച്ച്   ഖാദി തുണിത്തരങ്ങൾക്ക് 30 ശതമാനം പ്രത്യേക ഗവൺമെന്റ് റിബേറ്റ് പ്രഖ്യാപിച്ചു.  മാർച്ച് 23 വരെയുള്ള  പ്രവൃത്തി ദിവസങ്ങളിലാണ് ഈ ആനുകൂല്യം ലഭ്യമാകുക. കേരള ഖാദി ഗ്രാമവ്യവസായ ബോർഡിന്റെ  നിയന്ത്രണത്തിലുള്ള ഖാദി ഗ്രാമ സൗഭാഗ്യകളിലും, ഖാദി സൗഭാഗ്യ ഷോറൂമുകളിലും പ്രത്യേക റിബേറ്റ് ലഭ്യമാണെന്ന് പ്രോജക്ട് ഓഫീസർ അറിയിച്ചു.

2026-ലെ റംസാൻ പ്രമാണിച്ച്   ഖാദി തുണിത്തരങ്ങൾക്ക് 30 ശതമാനം പ്രത്യേക ഗവൺമെന്റ് റിബേറ്റ് പ്രഖ്യാപിച്ചു.  മാർച്ച് 23 വരെയുള്ള  പ്രവൃത്തി ദിവസങ്ങളിലാണ് ഈ ആനുകൂല്യം ലഭ്യമാകുക. കേരള ഖാദി ഗ്രാമവ്യവസായ ബോർഡിന്റെ  നിയന്ത്രണത്തിലുള്ള ഖാദി ഗ്രാമ സൗഭാഗ്യകളിലും, ഖാദി സൗഭാഗ്യ ഷോറൂമുകളിലും പ്രത്യേക റിബേറ്റ് ലഭ്യമാണെന്ന് പ്രോജക്ട് ഓഫീസർ അറിയിച്ചു.

*ചേർത്തല താലൂക്ക് ഹെഡ്ക്വാർട്ടേഴ്സ് ആശുപത്രിയുടെ പുതിയ കെട്ടിടം മന്ത്രി നാടിന് സമർപ്പിച്ചു

*വട്ടക്കായൽ ടെർമിനൽ അഡ്വഞ്ചർ ടൂറിസം പദ്ധതി മന്ത്രി ഓൺലൈനായി ഉദ്ഘാടനം ചെയ്തു

സംസ്ഥാന സർക്കാരിന്റെ ഔദ്യോഗിക ഓൺലൈന് സേവനദാതാക്കളായ അക്ഷയ പദ്ധതി, ആലപ്പുഴ ജില്ലയിലെ 111 ലൊക്കേഷനുകളിലേയ്ക്ക് അക്ഷയ സംരംഭകരെ തെരഞ്ഞടുക്കുന്നതിനുള്ള അപേക്ഷ ഓൺലൈനായി സമർപ്പിക്കേണ്ട അവസാന തീയതി  മാർച്ച് 19 വരെ ദീർഘിപ്പിച്ചു. 

സംരംഭകത്വ ശേഷിയും സാമൂഹ്യ പ്രതിബദ്ധതയുമുള്ള 2026 ജനുവരി 1 ന് 18 വയസ് തികഞ്ഞവരും 50 വയസ് കവിയാത്തവരുമായവർക്ക് അപേക്ഷിക്കാം.(എല്ലാ വിഭാഗക്കാർക്കും ഈ പ്രായപരിധി  ബാധകമാണ്). ഓൺലൈനായിട്ടാണ് അപേക്ഷ നൽകേണ്ടത്. 
അടിസ്ഥാന യോഗ്യത: പ്ലസ് ടു / പ്രീഡിഗ്രി. കമ്പ്യൂട്ടർ പരിജ്ഞാനം അഭികാമ്യം.