ഉള്‍നാടന്‍ മത്സ്യസമ്പത്ത് വര്‍ധിപ്പിക്കാനുള്ള പദ്ധതിക്ക് താനൂര്‍ മണ്ഡലത്തില്‍ തുടക്കം. ആവാസവ്യവസ്ഥാ നശീകരണം, കാലാവസ്ഥാ വ്യതിയാനം, ജല മലിനീകരണം തുടങ്ങിയ കാരണങ്ങളാല്‍  നശിച്ചുകൊണ്ടിരിക്കുന്ന ഉള്‍നാടന്‍ മത്സ്യ സമ്പത്ത് പുനരുജ്ജീവിപ്പിക്കാനും അതുവഴി മത്സ്യസമ്പത്ത്  വര്‍ധിപ്പിക്കാനും ലക്ഷ്യമിട്ടാണ് പദ്ധതി നടപ്പാക്കുന്നത്. ഇതിന്റെ ഭാഗമായി താനൂര്‍ ഒട്ടുംപുറത്തെ പൊതുജലാശയത്തിലേക്ക് ആയിരകണക്കിന് മത്സ്യകുഞ്ഞുങ്ങളെ  നിക്ഷേപിച്ചു. ഫിഷറീസ് ഇന്‍സ്‌പെക്ടര്‍ അംജത്, മത്സ്യഭവന്‍ ഓഫീസര്‍ എസ്. സുരേഷ് ബാബു, പ്രൊമോട്ടര്‍മാരായ സുരഭി, മുഹമ്മദ് റിഫായി, ബാബു തുടങ്ങിയവര്‍ നേതൃത്വം നല്‍കി.

ലോക യുവജന നൈപുണി  ദിനത്തോടനുബന്ധിച്ച്  അസാപ്  ജില്ലാ  യൂണിറ്റ് മലപ്പുറം ഗവ: കോളേജില്‍ ജില്ലാതലത്തില്‍ വിവിധ പരിപാടികള്‍  സംഘടിപ്പിക്കുന്നു. നാളെ (ജൂലൈ   15)  രാവിലെ 10 ന്. പി. ഉബൈദുള്ള  എം.ല്‍.എ  ഉദ്ഘാടനം ചെയ്യും. ജില്ലയിലെ  വിവിധ നൈപുണി വികസന കേന്ദ്രങ്ങളിലും അന്നേ ദിവസം പരിപാടികള്‍  സംഘടിപ്പിക്കും. ഇതോടനുബന്ധിച്ച് അസാപ് വിദ്യാര്‍ഥികളുടെ വൈദഗ്ധ്യ പ്രദര്‍ശനം, മൊബൈല്‍ ഫോട്ടോഗ്രാഫി, പോസ്റ്റര്‍  രചനാ മത്സരം, പൂര്‍വ്വ വിദ്യാര്‍ത്ഥി സംഗമം എന്നിവയും സംഘടിപ്പിക്കും.

ലോക ജനസംഖ്യാ ദിനം ജില്ലാതല ഉദ്ഘാടനം കൊണ്ടോട്ടി ഇ.എം.ഇ.എ കോളേജില്‍ നടന്നു. പള്ളിക്കല്‍ ഗ്രാമ പഞ്ചായത്ത് പ്രസിഡന്റ് കുമാരി. പി. മിഥുന ഉദ്ഘാടനം നിര്‍വഹിച്ചു. കുടുംബാസൂത്രണം മനുഷ്യാവകാശമാണ് എന്ന വിഷയത്തില്‍ ഡോ. ഷാജി അറക്കല്‍ പ്രഭാഷണം നടത്തി. കോളേജ് പ്രിന്‍സിപ്പല്‍ ഡോ.അയ്യൂബ് കേയി അധ്യക്ഷത വഹിച്ചു. ജനസംഖ്യാ ദിന ബോധവത്കരണ ലഘുലേഖയുടെ പ്രകാശനം ചടങ്ങില്‍ നടന്നു.

•    ജില്ലയിലെ 11 മത്സ്യമാര്‍ക്കറ്റുകളിലും 8 ഐസ് പ്ലാന്റുകളിലും പരിശോധന
മത്സ്യങ്ങളില്‍ ഫോര്‍മാലിന്‍ ഉള്‍പ്പെടെയുള്ള രാസവസ്തുകള്‍ ചേര്‍ക്കുന്നത് തടയാന്‍ ശക്തമായ നടപികളുമായി ഭക്ഷ്യസുരക്ഷാ വകുപ്പ്. ജില്ലയിലെ മത്സ്യമാര്‍ക്കറ്റുകളിലും ഇതര സംസ്ഥാനങ്ങളില്‍ നിന്ന്  മത്സ്യങ്ങളെത്തിക്കുന്ന ലോറികളിലും ഐസ് ഫാക്ടറികളിലും പരിശോധന നടത്തി സാമ്പിളുകള്‍ ശേഖരിച്ച് ശാസ്ത്രീയ പരിശോധനക്കയച്ചു. ജില്ലയിലെ ഭക്ഷ്യസുരക്ഷാ വിഭാഗം ഉദ്യോഗസ്ഥര്‍ ക്യുക്ക് റെസ്പോണ്‍സ് ടീം രൂപീകരിച്ച് പരിശോധന തുടരുകയാണ്.

    കൈപ്പമംഗലം പോലീസ് സ്റ്റേഷന്‍ മുഖ്യമന്ത്രി  പിണറായി വിജയന്‍ ഓഗസ്റ്റ് 13 രാവിലെ 11 ന് വീഡിയോ കോഫറന്‍സിലൂടെ ഉദ്ഘാടനം ചെയ്യും. പെരിഞ്ഞനം, കയ്പ്പമംഗലം,എടത്തിരുത്തി ഗ്രാമ പഞ്ചായത്തുകള്‍ ഉള്‍പ്പെടുത്തികൊണ്ട് രൂപീകരിച്ചതാണ് കൈപ്പമംഗലം പോലീസ് സ്റ്റേഷന്‍. 32 പോലീസ് ഓഫീസര്‍മാരും ഒരു സബ് ഇന്‍സ്‌പെക്ടറും ഈ സ്റ്റേഷനില്‍ ഉണ്ടാക്കുക.  പോലീസ് സ്റ്റേഷന്‍ ഉദ്ഘാടനം ചെയ്യുതോടെ തീരദേശത്തെ സുരക്ഷാ സംവിധാനങ്ങള്‍ കൂടുതല്‍ ശക്തമാവും.

വാര്‍ദ്ധക്യമെന്നാല്‍ ഉപേക്ഷിക്കപ്പെടേണ്ട കാലമല്ല മറിച്ച് സംരക്ഷിക്കപ്പെടേണ്ട കാലമാണ് എന്ന കാഴ്ച്ചപ്പാടാണ് വയോജനങ്ങള്‍ക്കായി ഒരു പകല്‍വീട് എന്ന ആശയത്തിലേക്ക് കൊയിലാണ്ടി നഗരസഭയെ എത്തിച്ചത്. പകല്‍സമയങ്ങളില്‍ വീടുകളില്‍ ഒറ്റയ്ക്കാവുന്ന വയോജനങ്ങള്‍ക്ക് വിശ്രമിക്കാനും വിനോദങ്ങളില്‍ ഏര്‍പ്പെടുന്നതിനുമായാണ് പകല്‍വീട് നിര്‍മ്മിച്ചത്. കൊയിലാണ്ടി നഗരസഭ സാമൂഹ്യനീതി വകുപ്പ് നടപ്പാക്കുന്ന സായംപ്രഭ പദ്ധതിയുമായി സംയോജിപ്പിച്ച് കൊണ്ട് നഗരസഭയിലെ കോമത്തുകരയിലാണ് നാണുവേട്ടന്‍ സ്മാരക പകല്‍വീട് നിര്‍മ്മിച്ചിരിക്കുന്നത്. നഗരസഭ ചെയര്‍മാന്‍ അഡ്വ. കെ സത്യനാണ് പ്രവര്‍ത്തനോല്‍ഘാടനം നിര്‍വഹിച്ചത്.

ഹരിതകര്‍മസേന പ്രവര്‍ത്തകര്‍ക്കായി വളാഞ്ചേരി നഗരസഭയുടെ ആഭിമുഖ്യത്തില്‍ പരിശീലന ക്ലാസ്  സംഘടിപ്പിച്ചു. വളാഞ്ചേരി മുനിസിപ്പല്‍ കമ്മ്യൂണിറ്റി ഹാളില്‍ നടന്ന ചടങ്ങില്‍ ഹരിതകേരളമിഷന്‍ സംസ്ഥാനതല വിവര വക്താവും കില ട്രയിനറുമായ ശങ്കരനാരായണന്‍, ബാബുരാജ് (ഹരിതകേരളമിഷന്‍), ജയരാജ് (ശുചിത്വമിഷന്‍), സുരേന്ദ്രന്‍, മജ്ല, സിന്ധു എന്നിവര്‍ ക്ലാസെടുത്തു.

സംസ്ഥാനതല കര്‍ഷക ദിനാചരണാഘോഷത്തിന്റെ സ്വാഗത സംഘം രൂപികരണ യോഗം ഇന്ന് ( ജുലായ് 15) പൊന്നാനി ബ്ലോക്ക് പഞ്ചായത്ത് ഓഡിറ്റോറിയത്തില്‍ നടക്കും. വൈകീട്ട് മൂന്നിന് നടക്കുന്ന യോഗത്തില്‍ തദ്ദേശസ്വയംഭരണ വകുപ്പ് മന്ത്രി ഡോ.കെ.ടി ജലീല്‍  അധ്യക്ഷനാകും.  യോഗത്തില്‍ ജില്ലയിലെ എം.പിമാര്‍, എം.എല്‍.എമാര്‍, ജില്ലാ പഞ്ചായത്ത് പ്രസിഡന്റ്, ബ്ലോക്ക് പഞ്ചായത്ത് പ്രസിഡന്റുമാര്‍ (പൊന്നാനി, പെരുമ്പടപ്പ്, തിരൂര്‍, കുറ്റിപ്പുറം),  പഞ്ചായത്ത് പ്രസിഡന്റുമാര്‍ തുടങ്ങിയവര്‍ പങ്കെടുക്കും.