കേന്ദ്ര ആഭ്യന്തര സഹമന്ത്രി കിരണ്‍ റിജജുവും ടൂറിസം വകുപ്പ് സഹമന്ത്രി (സ്വതന്ത്ര ചുമതല) അല്‍ഫോന്‍സ് കണ്ണന്താനവും ഇന്ന് (ജൂലൈ 21) കോട്ടയം ജില്ലയിലെ വെളളപ്പൊക്ക ബാധിത പ്രദേശങ്ങള്‍ സന്ദര്‍ശിക്കും. 14.50 ന് ചെങ്ങളം, ഇറഞ്ഞാല്‍  പ്രദേശങ്ങളിലാണ് മന്ത്രിമാര്‍ സന്ദര്‍ശനം നടത്തുക. 

എടക്കര സബ് രജിസ്ട്രാര്‍ ഓഫീസിലെ വനിതാ ജീവനക്കാരിയോട് അപമര്യാദയായി പെരുമാറിയ ആധാരമെഴുത്തുകാരനെ ജില്ലാ രജിസ്ട്രാര്‍ (ജനറല്‍)സസ്‌പെന്റ് ചെയ്തു. എം.ഡി.എ 342, എം.എസ്.എ 613 നമ്പറിലുള്ള ആധാരമെഴുത്ത്, കൈപ്പട ലൈസന്‍സി ധനീഷ് ഗോപി യുടെ ആധാരമെഴുത്ത്, കൈപ്പട ലൈസന്‍സ് മൂന്നു മാസത്തേക്ക് ജില്ലാ രജിസ്ട്രാര്‍ (ജനറല്‍)സസ്‌പെന്റ് ചെയ്തത്. ജീവനക്കാരിയുടെ പരാതിയെത്തുടര്‍ന്നു ജില്ലാ രജിസ്ട്രാറു(ഓഡിറ്റ്)ടെ അന്വേഷണ റിപ്പോര്‍ട്ടിന്റെ അടിസ്ഥാനത്തിലാണ് നടപടി.

    മലപ്പറം കേന്ദ്രീയ വിദ്യാലയത്തില്‍ പി.ജി.ടി (ബയോളജി), മലയാളം, സ്‌പോക്കണ്‍ ഇംഗ്ലീഷ്, പ്രൈമറി ടീച്ചര്‍ തസ്തികയില്‍ താല്‍കാലിക അധ്യാപക ഒഴിവിലേക്ക് അപേക്ഷ ക്ഷണിച്ചു.  അപേക്ഷകര്‍ക്ക് കേന്ദ്രീയ വിദ്യാലയ സംഗതന്റെ നിയമാവലി അനുസരിച്ചുള്ള യോഗ്യത ഉണ്ടായിരിക്കണം.  താല്‍പര്യമുള്ളവര്‍ ജൂലൈ 20ന് രാവിലെ 9.30ന് അസ്സല്‍ രേഖകള്‍ സഹിതം കൂടിക്കാഴ്ചയ്ക്ക് വിദ്യാലയത്തില്‍ എത്തണം.  കൂടുതല്‍ വിവരങ്ങള്‍ www.kvmalappuram@govt.in ല്‍ ലഭിക്കും.  ഫോണ്‍ 0483 2734963.

    അപേക്ഷകര്‍ക്ക് ലീഗല്‍ ഗാര്‍ഡിയന്‍ഷിപ്പ് അനുവദിക്കുന്നതിനായി നാഷണല്‍ ട്രസ്റ്റ് ലോക്കല്‍ ലെവല്‍ കമ്മിറ്റി യോഗം ജൂലൈ 17ന് രാവിലെ 10ന് ജില്ലാ കലക്ടറുടെ ചേമ്പറില്‍ ചേരും. 

ജില്ലാ സപ്ലൈ ഓഫീസറുടെ നേതൃത്വത്തിലുള്ള സ്‌ക്വാഡ് പരിശോധനയില്‍ മലപ്പുറം പൊതുമാര്‍ക്കറ്റില്‍ നിന്നും പിടിച്ചെടുത്ത 50.കി.ഗ്രാം തൂക്കമുള്ള 53 ചാക്ക് പച്ചരി  ജൂലൈ 16ന് രാവിലെ 11ന് മഞ്ചേരി സ്റ്റേറ്റ് സിവില്‍ സപ്ലൈസ് താലൂക്ക് ഡിപ്പൊയില്‍ ലേലം ചെയ്യും.  കൂടുതല്‍ വിവരങ്ങള്‍ ഏറനാട് താലൂക്ക് സപ്ലൈ ഓഫീസില്‍ നിന്നും ലഭിക്കും.

കൊണ്ടോട്ടി ഐ.സിഡി.എസ് പ്രോജക്ടിന്റെ ഉപയോഗത്തിന് വാഹനം (ജീപ്പ്/കാര്‍) വാടകയ്ക്ക് കരാര്‍ അടിസ്ഥാനത്തില്‍ ഉപയോഗിക്കുന്നതിന് ടെണ്ടര്‍ ക്ഷണിച്ചു.  ടെണ്ടര്‍ ജൂലൈ 18ന് ഉച്ചക്ക് മൂന്നിനകം ശിശു വികസന പദ്ധതി ഓഫീസര്‍, കൊണ്ടോട്ടി വിലാസത്തില്‍ ലഭിക്കണം.  ഫോണ്‍ 0483 2713315.

പുഴക്കാട്ടിരി ഗവ. ഐ.ടി.ഐയില്‍  രണ്ടാം ഘട്ട  പ്രവേശനത്തിന് അര്‍ഹരായ വരുടെ ലിസ്റ്റ്  പ്രസിദ്ധപ്പെടുത്തി.  കൂടിക്കാഴ്ച ജൂലൈ 16ന് പുഴക്കാട്ടിരി ഗവ.ഐ.ടി.ഐ യില്‍ നടത്തും. ഫോണ്‍ 04933 254088.  ലിസ്റ്റ്  itipuzhakkattiri.kerala.gov.inല്‍ ലഭിക്കും.

മൃഗസംരക്ഷണ വകുപ്പിന്റെ  ആഭിമുഖ്യത്തില്‍ മലമ്പുഴ മൃഗസംരക്ഷണ പരിശീലന കേന്ദ്രത്തില്‍ ജൂലൈ 19 മുതല്‍ 21 വരെ  ഇറച്ചിക്കോഴി വളര്‍ത്തലില്‍  സൗജന്യ പരിശീലനം സംഘടിപ്പിക്കുന്നു.  താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം.  ഫോണ്‍ 0491 - 2815454, 8281777080.  രജിസ്റ്റര്‍ ചെയ്തവര്‍ ആധാര്‍ നമ്പറുമായി 19ന് രാവിലെ 10 നകം  പരിശീലന കേന്ദ്രത്തില്‍ എത്തണം.

പെരിന്തല്‍മണ്ണ പി.ടി.എം ഗവ. കോളേജില്‍ അറബിക് അതിഥി അധ്യാപകരുടെ ഒഴിവിലേക്ക് അപേക്ഷ ക്ഷണിച്ചു. യോഗ്യത എം.എ അറബിക്, നെറ്റ്.  കോളേജ് വിദ്യാഭ്യാസ വകുപ്പിന്റെ കോഴിക്കോട് മേഖലാ ഓഫീസില്‍ രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ജൂലൈ 16ന് രാവിലെ 10.30 ന് കൂടിക്കാഴ്ചയ്ക്ക് കോളേജില്‍ എത്തണം.  നെറ്റ് യോഗ്യതയുളളവരുടെ അഭാവത്തില്‍ അല്ലാത്തവരെയും പരിഗണിക്കും. കൂടുതല്‍ വിവരങ്ങള്‍ www.ptmgovernmentcollege.in ല്‍ ലഭിക്കും.