മക്കരപ്പറമ്പ് സബ് രജിസ്ട്രാര്‍ ഓഫീസിന്റെ പുതിയ കെട്ടിടത്തിന്റെ ഉദ്ഘാടനം ജൂലൈ 22ന് രാവിലെ 9.30ന് മക്കരപ്പറമ്പ് റീമാള്‍ ഓഡിറ്റോറിയത്തില്‍ രജിസ്‌ട്രേഷന്‍ വകുപ്പ് മന്ത്രി ജി. സുധാകരന്‍ നിര്‍വ്വഹിക്കും.  ടി.എ അഹമ്മദ് കബീര്‍ എം.എല്‍.എ അധ്യക്ഷത വഹിക്കും.  പി.കെ കുഞ്ഞാലിക്കുട്ടി എം.പി മുഖ്യാതിഥിയാവും.  ഓഫീസിന് സ്ഥലവും കെട്ടിടവും ദാനം ചെയ്ത കുറ്റീരി മുജീബിനെ ആദരിക്കും.  ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ പങ്കെടുക്കും.

പട്ടികവര്‍ഗ വികസന വകുപ്പിന്റെ കീഴില്‍ അമ്പൂരി കുട്ടമലയില്‍ പ്രവര്‍ത്തിക്കുന്ന സര്‍ക്കാര്‍ ഐ.റ്റി.ഐയില്‍ ഓഗസ്റ്റില്‍ ആരംഭിക്കുന്ന കാര്‍പ്പെന്റര്‍ ട്രേഡിലെ ഒഴിവുള്ള 11 സീറ്റുകളിലേയ്ക്ക് അപേക്ഷ ക്ഷണിച്ചു.  പട്ടികവര്‍ഗ വിഭാഗത്തില്‍പ്പെട്ട 15 വയസ് പൂര്‍ത്തിയായ എസ്.എസ്.എല്‍.സി പാസായ യുവതീ യുവാക്കള്‍ക്ക് അപേക്ഷിക്കാം.  പരിശീലനകാലത്ത് പ്രതിമാസം സ്റ്റൈപന്റും ലംപ്‌സംഗ്രാന്റും ലഭിക്കും.  പഠനം സൗജന്യമാണ്.  കോഴ്‌സ് വിജയിക്കുന്നവര്‍ക്ക് പി.എസ്.സി അംഗീകാരമുള്ള എന്‍.സി.വി.റ്റി സര്‍ട്ടിഫിക്കറ്റ് ലഭിക്കും.  കൂടുതല്‍ വിവരങ്ങള്‍ക്ക് ഫോണ്‍: 9446952579. 
(പി.ആര്‍.പി. 1921/2018)

കെല്‍ട്രോണിന്റെ വഴുതക്കാടുള്ള നോളഡ്ജ് സെന്ററില്‍ തൊഴിലധിഷ്ഠിത ആനിമേഷന്‍ കോഴ്‌സുകളിലേയ്ക്ക് അപേക്ഷ ക്ഷണിച്ചു.  അഡ്വാന്‍സ്ഡ് ഡിപ്ലോമ ഇന്‍ മീഡിയാ ഡിസൈനിങ് ആന്‍ഡ് ഡിജിറ്റല്‍ ഫിലിം മേക്കിങ് (12 മാസം), ഡിപ്ലോമ ഇന്‍ ഡിജിറ്റല്‍ ഫിലിം മേക്കിങ് (ആറു മാസം) സര്‍ട്ടിഫിക്കറ്റ് കോഴ്‌സ് ഇന്‍ അഡ്വാന്‍സ്ഡ് ഗ്രാഫിക് ഡിസൈനിങ്, സര്‍ട്ടിഫിക്കറ്റ് കോഴ്‌സ് ഇന്‍ ഗ്രാഫിക് ആന്‍ഡ് വിഷ്വല്‍ ഇഫക്ട്‌സ് (മൂന്ന് മാസം) എന്നിവയാണ് കോഴ്‌സുകള്‍.  വിദ്യാഭ്യാസ യോഗ്യത എസ്.എസ്.എല്‍.സി, പ്ലസ് ടു /ഡിപ്ലോമ / ഡിഗ്രി.  കൂടുതല്‍ വിവരങ്ങള്‍ക്ക് ഫോണ്‍: 0471 2325154, 4016555.
(പി.ആര്‍.പി. 1920/2018)

മഞ്ചേരി നഗരത്തില്‍ ജസീല ജംഗ്ഷന്‍ മുതല്‍ ചെരണി വരെയുള്ള ഭാഗം വീതി കൂട്ടുന്നതിനും നഗരത്തിലെ ഗതാഗതക്കുരുക്ക് പരിഹരിക്കുന്നതിനുമായി  ഭൂമി റീ സര്‍വ്വേ നടത്താന്‍ തീരുമാനം. നഗരത്തിലെ വെള്ളക്കെട്ടും ഗതാഗതക്കുരുക്കും പരിഹരിക്കുന്നതിനുള്ള നടപടികള്‍ ചര്‍ച്ച ചെയ്യാനായി ജില്ലാ കളക്ടര്‍ അമിത് മീണയുടെ അദ്ധ്യക്ഷതയില്‍ കളക്ടറേറ്റില്‍ ചേര്‍ന്ന ജനപ്രതിനിധികളുടെയും ഉദ്യോഗസ്ഥരുടെയും യോഗത്തിലാണ് തീരുമാനം.

കെല്‍ട്രോണിന്റെ വഴുതക്കാടുള്ള നോളജ് സെന്ററില്‍ തൊഴിലധിഷ്ഠിത കോഴ്‌സുകളിലേയ്ക്ക് അപേക്ഷ ക്ഷണിച്ചു.  അഡ്വാന്‍സ്ഡ് ഡിപ്ലോമ ഇന്‍ മീഡിയാ ഡിസൈനിങ് ആന്‍ഡ് ഡിജിറ്റല്‍ ഫിലിം മേക്കിംഗ്, ഡിപ്ലോമ ഇന്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്ക് മെയിന്റനന്‍സ് വിത്ത് ഇഗാഡ്ജറ്റ് ടെക്‌നോളജിസ്, വെബ് ഡിസൈന്‍ ആന്‍ഡ് ഡെവലപ്‌മെന്റ്‌സ് IoT, Python, Java, Net, PHP എന്നിവയാണ് കോഴ്‌സുകള്‍.  എസ്.എസ്.എല്‍.സി അല്ലെങ്കില്‍ പ്ലസ് ടു / ഡിപ്ലോമ / ഡിഗ്രി ഉള്ളവര്‍ക്ക് അപേക്ഷിക്കാം.  കൂടുതല്‍ വിവരങ്ങള്‍ക്ക് 0471 2325154, 4016555.
(പി.ആര്‍.പി. 1918/2018)

മുണ്ടൂര്‍ ഗവ. എല്‍. പി സ്കൂളില്‍ ദിവസവേതനാടിസ്ഥാനത്തില്‍ എല്‍.പി.എസ്.എ തസ്തികകളില്‍ ഒഴിവുണ്ട്. ഉദ്യോഗാര്‍ഥികള്‍ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി ജൂലൈ 24 രാവിലെ 11ന് സ്കൂളില്‍ നടത്തുന്ന കൂടിക്കാഴ്ച്ചയില്‍ പങ്കെടുക്കണമെന്ന് ഹെഡ്മാസ്റ്റര്‍ അറിയിച്ചു.