കേരള സംസ്ഥാന പട്ടികജാതി പട്ടികവര്‍ഗ വികസന കോര്‍പറേഷന്‍ പ്രവര്‍ത്തന ക്ഷമത ലക്ഷ്യമിട്ട് ജനോന്‍മുഖ സോഫ്റ്റ് വെയര്‍ ആരംഭിക്കുന്നു. ഇടുക്കി ഗവ. എന്‍ജിനീയറിങ് കോളെജിലെ സോഫ്റ്റ് വെയര്‍ ഡെവലപ്പ്മെന്‍റ് സെന്‍റര്‍ വികസിപ്പിച്ചതാണ് പുതിയ സോഫ്റ്റ് വെയര്‍.  സേവനങ്ങള്‍ കാലതാമസം കൂടാതെ ജനങ്ങളിലേക്ക് എത്തിക്കുകയാണ് അതുവഴി  ലക്ഷ്യമിടുന്നതെന്ന് പട്ടികജാതി-പട്ടികവര്‍ഗ വികസന കോര്‍പറേഷന്‍ മാനെജിങ് ഡയറക്ടര്‍ ഡോ. എം.എ നാസര്‍ അറിയിച്ചു. കേരള ഗസറ്റഡ് ഓഫീസേഴ്സ് അസോസിയേഷന്‍റെ ആഭിമുഖ്യത്തിലാണ് സോഫ്റ്റ് വെയര്‍ സൗജന്യമായി ലഭ്യമാക്കിയത്.

    ഓണത്തിന് ഒരു മുറം പച്ചക്കറി പദ്ധതി പ്രകാരം പാലക്കാട്  മുനിസിപ്പാലിറ്റി കൃഷി ഭവനില്‍ പച്ചക്കറി വിത്തുകളുടെ സൗജന്യ വിതരണം ആരംഭിച്ചു.  ആവശ്യമുളളവര്‍ കൃഷി ഓഫീസിലെത്തി കൈപ്പറ്റാവുന്നതാണെന്ന് കൃഷി ഓഫീസര്‍ അറിയിച്ചു.

** കയര്‍ കേരള 2018 ന്റെ വെബ്‌സൈറ്റ് ഉദ്ഘാടനം ചെയ്തു

കയര്‍ മേഖലയുടെ നവീകരണവും ഉത്പന്ന വൈവിധ്യവും ലക്ഷ്യമിട്ട് ആരംഭിച്ച 'കയര്‍ കേരള' അന്താരാഷ്ട്ര  പ്രദര്‍ശന വിപണന മേള വന്‍ വിജയമായെന്നും ഇതു കയര്‍ മേഖലയ്ക്ക് പുത്തന്‍ ഉണര്‍വു നല്‍കിയെന്നും പൊതുമരാമത്ത് മന്ത്രി ജി. സുധാകരന്‍. ഈ വര്‍ഷത്തെ കയര്‍ കേരള മേളയുടെ ഔദ്യോഗിക വെബ്‌സൈറ്റ് ഉദ്ഘാടനം ചെയ്യുകയായിരുന്നു മന്ത്രി.

നെഹ്റു യുവ കേന്ദ്ര നടത്തുന്ന  യുവജന ക്ഷേമ  കല കായിക പരിപാടികള്‍ ഏറ്റെടുത്തു   സംഘടിപ്പിക്കാന്‍ യൂത്ത് ക്ലബ്ബുകള്‍ക്ക്    അവസരം   നല്കുന്നു . യൂത്ത് പാര്‍ലമെന്‍റുകള്‍ തൊഴില്‍പരിശീലന പരിപാടികള്‍,  ഏകദിന സെമിനാറുകള്‍, ബ്ലോക്ക്തല  കലാ കായിക മത്സരങ്ങള്‍ ,ജില്ലാ തല കലാ കായിക മത്സരങ്ങള്‍ തുടങ്ങിയവ  സംഘടിപ്പിക്കാം. അപേക്ഷകള്‍ ജൂലൈ  31-നകം  നെഹ്റു യുവ കേന്ദ്ര ഓഫീസില്‍ ലഭിക്കണം .ഫോണ്‍ നമ്പര്‍ 0491-2505024

    ക്ഷയരോഗനിര്‍മാര്‍ജനം ഫലപ്രദമാക്കുന്നതിന് പാലക്കാട് ജില്ലാ ഡ്രഗ്സ് ഇന്‍സ്പെക്ടര്‍ ഓഫിസിന്‍റെ ആഭിമുഖ്യത്തില്‍ ജില്ലാ ടി.ബി സെന്‍ററുമായി സഹകരിച്ച്  ഇന്ന് (ജൂലൈ 21) ഔഷധ വില്‍പ്പനയുമായി ബന്ധപ്പെട്ട  ബോധവത്കരണ ക്ലാസ് നടക്കും. രാവിലെ 10.30 മുതല്‍   ജില്ലാ പഞ്ചായത്ത് സമ്മേളന ഹാളില്‍ ക്ഷയരോഗത്തിനുളള മരുന്നുകളുടെ വില്‍പ്പനയുമായി ബന്ധപ്പെട്ട് സൂക്ഷിക്കേണ്ട രജിസ്റ്ററുകളും അനുബന്ധ കാര്യങ്ങളും, മരുന്നു നിയമങ്ങളും ശിക്ഷാനടപടികളും എന്നീ വിഷയങ്ങളിലാണ് ക്ലാസ് നടക്കുക. അലോപ്പതി ഔഷധ ചില്ലറ വ്യാപാരികളും സ്വകാര്യ മേഖലയിലെ ഫാര്‍മസിസ്റ്റുകളും ക്ലാസില്‍ പങ്കെടുക്കും.

    ജില്ലാ വികസന സമിതി യോഗം ജൂലൈ 28 ന് രാവിലെ 10 ന് കലക്ടറേറ്റ് സമ്മേളന ഹാളില്‍ ചേരും. പ്രീ.ഡി.ഡി. സി യോഗം രാവിലെ 10.30 ന് ചേരും. ബന്ധപ്പെട്ടവര്‍ യോഗത്തില്‍ നിര്‍ബന്ധമായും പങ്കെടുക്കണമെന്ന് ജില്ലാ കലക്ടര്‍ അറിയിച്ചു.