കേരള സര്‍ക്കാര്‍ വിമുക്തി - ലഹരി വര്‍ജ്ജന മിഷന്‍ പദ്ധതിയുടെ ഭാഗമായി

* 1000 വിദേശികളെ പങ്കെടുപ്പിക്കും
    * ഹരിതചട്ടം പാലിക്കും; എല്ലാ ദിവസവും ഏറ്റവും പ്രഗത്ഭരുടെ 
  കലാപരിപാടികള്‍

കേന്ദ്ര സര്‍ക്കാരിന്‍റെ അംഗീകാരത്തോടെ നാഷനല്‍ ഡെവലപ്മെന്‍റ് ഏജന്‍സി (ഭാരത് സേവക് സമാജ്) യുടെ കീഴില്‍ നടത്തുന്ന ഒരു വര്‍ഷത്തെ ഡിപ്ലോമ ഇന്‍ റെഫ്രിജറേഷന്‍ ആന്‍ഡ് എ.സി മെക്കാനിക്ക്, ഇലക്ട്രീഷ്യന്‍, മൊബൈല്‍ ടെക്നീഷ്യന്‍ കോഴ്സുകളിലേക്ക് അപേക്ഷ ക്ഷണിച്ചു. കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് പ്രമുഖ കമ്പനികളില്‍ തൊഴില്‍ പരിശീലനം ലഭിക്കുന്നതാണ്. താല്‍പര്യമുള്ളവര്‍ എസ്.എസ്.എല്‍.സി സര്‍ട്ടിഫിക്കറ്റ്, ആധാര്‍ കാര്‍ഡ് എന്നിവയുടെ കോപ്പി, മൂന്ന് ഫോട്ടോ സഹിതം രക്ഷിതാവിനൊപ്പം ജൂലൈ 25നകം ടൗണ്‍ ബസ് സ്റ്റാന്‍ഡിലുള്ള ഭാരത് സേവക് സമാജിന്‍റെ അംഗീകൃത പഠനകേന്ദ്രവുമായി ബന്ധപ്പെടണം.

ആലപ്പുഴ പുന്നമടക്കായലില്‍ ആഗസ്റ്റ് 11ന് സംഘടിപ്പിക്കുന്ന 66-ാമത് നെഹ്റു ട്രോഫി വള്ളംകളി മത്സരം കാണാനുള്ള 3000, 2000, 1000, 600, 400, 300, 200, 100 രൂപയുടെ പ്രവേശന ടിക്കറ്റുകള്‍ ഡി.ടി.പി.സി ഓഫിസില്‍ വിതരണത്തിന് തയ്യാറായതായി സെക്രട്ടറി അറിയിച്ചു. വിശദവിവരങ്ങള്‍ക്ക് ഫോണ്‍: 0491-2538996.

കേരള സംസ്ഥാന പട്ടികജാതി പട്ടികവര്‍ഗ വികസന കോര്‍പറേഷന്‍ പ്രവര്‍ത്തന ക്ഷമത ലക്ഷ്യമിട്ട് ജനോന്‍മുഖ സോഫ്റ്റ് വെയര്‍ ആരംഭിക്കുന്നു. ഇടുക്കി ഗവ. എന്‍ജിനീയറിങ് കോളെജിലെ സോഫ്റ്റ് വെയര്‍ ഡെവലപ്പ്മെന്‍റ് സെന്‍റര്‍ വികസിപ്പിച്ചതാണ് പുതിയ സോഫ്റ്റ് വെയര്‍.  സേവനങ്ങള്‍ കാലതാമസം കൂടാതെ ജനങ്ങളിലേക്ക് എത്തിക്കുകയാണ് അതുവഴി  ലക്ഷ്യമിടുന്നതെന്ന് പട്ടികജാതി-പട്ടികവര്‍ഗ വികസന കോര്‍പറേഷന്‍ മാനെജിങ് ഡയറക്ടര്‍ ഡോ. എം.എ നാസര്‍ അറിയിച്ചു. കേരള ഗസറ്റഡ് ഓഫീസേഴ്സ് അസോസിയേഷന്‍റെ ആഭിമുഖ്യത്തിലാണ് സോഫ്റ്റ് വെയര്‍ സൗജന്യമായി ലഭ്യമാക്കിയത്.

    ഓണത്തിന് ഒരു മുറം പച്ചക്കറി പദ്ധതി പ്രകാരം പാലക്കാട്  മുനിസിപ്പാലിറ്റി കൃഷി ഭവനില്‍ പച്ചക്കറി വിത്തുകളുടെ സൗജന്യ വിതരണം ആരംഭിച്ചു.  ആവശ്യമുളളവര്‍ കൃഷി ഓഫീസിലെത്തി കൈപ്പറ്റാവുന്നതാണെന്ന് കൃഷി ഓഫീസര്‍ അറിയിച്ചു.

** കയര്‍ കേരള 2018 ന്റെ വെബ്‌സൈറ്റ് ഉദ്ഘാടനം ചെയ്തു

കയര്‍ മേഖലയുടെ നവീകരണവും ഉത്പന്ന വൈവിധ്യവും ലക്ഷ്യമിട്ട് ആരംഭിച്ച 'കയര്‍ കേരള' അന്താരാഷ്ട്ര  പ്രദര്‍ശന വിപണന മേള വന്‍ വിജയമായെന്നും ഇതു കയര്‍ മേഖലയ്ക്ക് പുത്തന്‍ ഉണര്‍വു നല്‍കിയെന്നും പൊതുമരാമത്ത് മന്ത്രി ജി. സുധാകരന്‍. ഈ വര്‍ഷത്തെ കയര്‍ കേരള മേളയുടെ ഔദ്യോഗിക വെബ്‌സൈറ്റ് ഉദ്ഘാടനം ചെയ്യുകയായിരുന്നു മന്ത്രി.