കേരളത്തിലെ എ.ഐ.സി.റ്റി.എ അംഗീകാരമുള്ള വിദ്യാഭ്യാസ സ്ഥാപനങ്ങളിലെ 2018 -19 അധ്യയന വര്‍ഷത്തെ മാസ്റ്റര്‍ ഓഫ് കമ്പ്യൂട്ടര്‍ ആപ്ലിക്കേഷന്‍സ് (എം.സി.എ) ലാറ്ററല്‍ എന്‍ട്രി കോഴ്‌സിലേക്കുള്ള പ്രവേശനത്തിനായുള്ള റാങ്ക് ലിസ്റ്റ് www.lbscentre.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു. അപേക്ഷകര്‍ കോളേജ് ഓപ്ഷനുകള്‍ ജൂലൈ 23നകം സമര്‍പ്പിക്കണം. ഫോണ്‍: 0471 2560362, 63, 64, 65
                                          പി.എന്‍.എക്‌സ്.3046/18

    കണ്ണൂര്‍ ജില്ലയിലെ ഇരിണാവില്‍ സ്ഥാപിക്കാന്‍ നിശ്ചയിച്ച ഇന്ത്യന്‍ കോസ്റ്റ് ഗാര്‍ഡ് അക്കാദമി അവിടെ നിന്ന് മാറ്റാനുളള നീക്കം ഉപേക്ഷിക്കണമെന്ന് മുഖ്യമന്ത്രി പിണറായി വിജയന്‍ പ്രതിരോധ മന്ത്രി നിര്‍മല സീതാരാമനെ കണ്ട് ആവശ്യപ്പെട്ടു.

    വയനാട് ജില്ലയിലെ കര്‍ഷകര്‍ 2014 മാര്‍ച്ച് 31 വരെയും മറ്റു ജില്ലകളിലെ കര്‍ഷകര്‍ 2011 ഒക്‌ടോബര്‍ 31 വരെയും സഹകരണ സ്ഥാപനങ്ങളില്‍ നിന്ന് എടുത്തിട്ടുളളതും കുടിശ്ശിക ആയതുമായ കടങ്ങള്‍ കടാശ്വാസത്തിന് പരിഗണിക്കുന്നതിന് സംസ്ഥാന കര്‍ഷക കടാശ്വാസ കമ്മീഷന്‍ അപേക്ഷ ക്ഷണിച്ചു.  നിര്‍ദ്ദിഷ്ട മാതൃകയിലുളള അപേക്ഷയാണ് സമര്‍പ്പിക്കേണ്ടത്.  അപേക്ഷയോടൊപ്പം വരുമാന സര്‍ട്ടിഫിക്കറ്റ്, മുഖ്യ ഉപജീവന മാര്‍ഗ്ഗം കൃഷിയാണെന്ന് തെളിയിക്കുന്ന സാക്ഷ്യപത്രം, ബാങ്ക് സ്റ്റേറ്റ്‌മെന്റ് തുടങ്ങിയവ കൂടി സമര്‍പ്പിക്കണം.
                                            പി.എന്‍.എക്‌സ്.3043/18
 

    പ്ലസ്‌വണ്‍ രണ്ടാം സപ്ലിമെന്ററി അലോട്ട്‌മെന്റിന്റെ ഫലം പ്രസിദ്ധീകരിച്ചു. 'www.hscap.kerala.gov.in' ലെ 'SUPPLEMENTARY  RESULTS' എന്ന ലിങ്കിലൂടെ ഫലം  പരിശോധിക്കാം.  അലോട്ട്‌മെന്റ് ലഭിക്കുന്നവര്‍ ലിങ്കിലൂടെ ലഭിക്കുന്ന രണ്ടു പേജുളള അലോട്ട്‌മെന്റ് സ്ലിപ്പുമായി അലോട്ട്‌മെന്റ് ലഭിച്ച സ്‌കൂളില്‍ ജൂലൈ 20 ന് രാവിലെ 10 മണി മുതല്‍ ജൂലൈ 23 ന് വൈകീട്ട് 4 മണിക്ക് മുമ്പ് സ്ഥിരപ്രവേശനം നേടണം.

* വെബ്സൈറ്റ് ഉദ്ഘാടനം 20ന്
    കയറിന്റെയും പ്രകൃതിദത്ത നാരുകളുടെയും അന്താരാഷ്ട്ര പ്രദര്‍ശന വിപണന മേളയായ കയര്‍കേരള-2018 ഒക്ടോബര്‍ ഏഴു മുതല്‍ 11 വരെ ആലപ്പുഴ ഇഎംഎസ് സ്റ്റേഡിയത്തില്‍ നടക്കും. മേളയുടെ ഭാഗമായുള്ള വെബ്സൈറ്റിന്റെ ഉദ്ഘാടനം 20ന് ഉച്ചയ്ക്ക് ഒരു മണിക്ക് പൊതുമരാമത്ത് രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ ഔദ്യോഗിക വസതിയില്‍ (നെസ്റ്റ്, ക്ലിഫ് ഹൗസ് കോംപൗണ്ട്) നിര്‍വഹിക്കും.

    എ.പി.ജെ അബ്ദുല്‍കലാം ടെക്‌നോളജിക്കല്‍ യൂണിവേഴ്‌സിറ്റിയുടെ പുതിയ വൈസ് ചാന്‍സലറുടെ തെരഞ്ഞെടുപ്പിനായി മൂന്നംഗ സെര്‍ച്ച് കമ്മിറ്റി രൂപീകരിച്ച് ചാന്‍സലര്‍ കൂടിയായ ഗവര്‍ണര്‍ പി. സദാശിവം ഉത്തരവിട്ടു.
    ആസൂത്രണ ബോര്‍ഡ് വൈസ് ചെയര്‍മാന്‍ ഡോ. വി.കെ. രാമചന്ദ്രന്‍, ഗോവ യൂണിവേഴ്‌സിറ്റി മുന്‍ വൈസ് ചാന്‍സലര്‍ പ്രൊഫ. ബി.എസ്. സൊന്‍ഡേ, സംസ്ഥാന ചീഫ് സെക്രട്ടറി എന്നിവരാണ് കമ്മിറ്റി അംഗങ്ങള്‍. രണ്ടു മാസത്തിനുള്ളില്‍ കമ്മിറ്റിയുടെ ശുപാര്‍ശകള്‍ സമര്‍പ്പിക്കണമെന്നും ഉത്തരവില്‍ പറയുന്നു.
                                            പി.എന്‍.എക്‌സ്.3040/18

    തിരുവനന്തപുരം റീജിയണല്‍ കാന്‍സര്‍ സെന്ററില്‍ വിവിധ അപ്രന്റീസ് ട്രെയിനിംഗ് പ്രോഗ്രാമുകളിലേക്ക് അപേക്ഷ ക്ഷണിച്ചു. 31ന് വൈകിട്ട് നാലു മണി വരെ അപേക്ഷ സ്വീകരിക്കും. വിശദവിവരങ്ങളും അപേക്ഷാ ഫോറവും www.rcctvm.org/www.rcctvm.gov.in എന്ന വെബ്‌സൈറ്റില്‍ ലഭിക്കും.
                                         പി.എന്‍.എക്‌സ്.3039/18

    മെഡിക്കല്‍ വിദ്യാഭ്യാസ വകുപ്പ് 2018 മാര്‍ച്ചില്‍ നടത്തിയ ഡിഫാം പാര്‍ട്ട് രണ്ട് (റഗുലര്‍) പരീക്ഷയുടെ ഫലം പ്രസിദ്ധപ്പെടുത്തി. വെബ്‌സൈറ്റ്: www.dme.kerala.gov.in
                                         പി.എന്‍.എക്‌സ്.3038/18

    മത്സ്യമേഖലയുമായി ഭന്ധപ്പെട്ട ന്യൂസ് ലെറ്റര്‍, ഹാന്‍ഡ് ബുക്ക്, ബ്രോഷര്‍, പോസ്റ്റര്‍, ഡോക്യൂമെന്റേഷന്‍ തുടങ്ങിയവ തയ്യാറാക്കുന്നതിന് ഫിഷറീസ് ഡയറക്ടറേറ്റില്‍ ഒരു ഐ.ഇ.സി സ്‌പെഷ്യലിസ്റ്റിനെ താത്കാലികമായി ആവശ്യമുണ്ട്.  യോഗ്യത: ഫിഷറീസ് സയന്‍സില്‍ ബിരുദം അല്ലെങ്കില്‍ ജന്തുശാസ്ത്രത്തില്‍ ബിരുദാനന്തര ബിരുദം, ന്യൂസ് ലെറ്റര്‍, ഹാന്‍ഡ് ബുക്ക്, ബ്രോഷര്‍, പോസ്റ്റര്‍ എന്നിവ തയ്യാറാക്കുന്നതില്‍ മുന്‍പരിചയം. ദൃശ്യ മാധ്യമങ്ങളിലെ ചര്‍ച്ചകളിലും ആനുകാലികങ്ങളിലും ലേഖനം എഴുതി പരിചയമുള്ളവര്‍ക്ക് മുന്‍ഗണന.