വേങ്ങര ഗ്രാമപഞ്ചായത്തിനു കീഴിലുള്ള തൊഴില്‍ രഹിത വേതനം  ജൂലൈ 20, 21 തിയ്യതികളില്‍ വിതരണം ചെയ്യും. ഗുണഭോക്താക്കള്‍ ഈ ദിവസങ്ങളില്‍ രാവിലെ 11 നും ഉച്ചയ്ക്ക് മൂന്നിനും ഇടയില്‍ പഞ്ചായത്ത് ഓഫീസില്‍ ഹാജരായി വേതനം കൈപ്പറ്റണമെന്ന് സെക്രട്ടറി അറിയിച്ചു.  എംപ്ലോയ്‌മെന്റ് രജിസ്‌ട്രേഷന്‍ കാര്‍ഡ്, വേതന വിതരണ കാര്‍ഡ്, പാസ്‌പോര്‍ട്ട് സൈസ് ഫോട്ടോ, റേഷന്‍കാര്‍ഡ്, എസ്.എസ്.എല്‍.സി ബുക്ക്, തിരിച്ചറിയല്‍ കാര്‍ഡ് എന്നിവയും ദേശസാല്‍കൃത ബാങ്ക് പാസ്ബുക്കിന്റെ പകര്‍പ്പും ഗുണഭോക്താക്കള്‍ കൊണ്ടുവരണം.

പൂക്കോട്ടൂര്‍ ഗവ. ഹയര്‍സെക്കന്ററി സ്‌കൂളിലെ പ്ലസ്ടു വിഭാഗം ഹൈടെക്കായി മാറിയതിന്റ പ്രഖ്യാപനം പി. ഉബൈദുല്ല എം.എല്‍.എ നിര്‍വഹിച്ചു. ടി.വി ഇബ്രാഹിം എം.എല്‍.എ മുഖ്യാതിഥിയായിരുന്നു. ചടങ്ങില്‍ പി.ടി.എ പ്രസിഡന്റ് കെ. എം. അക്ബര്‍ അദ്ധ്യക്ഷത വഹിച്ചു. മലപ്പുറം ബ്ലോക്ക് പഞ്ചായത്ത് പ്രസിഡന്റ് കെ. സലീന ടീച്ചര്‍, പൂക്കോട്ടൂര്‍ ഗ്രാമപഞ്ചായത്ത് വൈസ് പ്രസിഡന്റ് മന്‍സൂര്‍ എന്ന കുഞ്ഞിപ്പു, പൊതുവിദ്യാഭ്യാസ സംരക്ഷണ യജ്ഞം ജില്ലാ കോ ഓര്‍ഡിനേറ്റര്‍ മണി, പ്രിന്‍സിപ്പല്‍ എം.സി അബ്ദുറസാഖ്, ഹെഡ്മിസ്ട്രസ് സുബൈദ എന്നിവര്‍ സംസാരിച്ചു. പ്ലസ്ടു പരീക്ഷയില്‍ മികച്ച വിജയം നേടിയ വിദ്യാര്‍ത്ഥികളെ ചടങ്ങില്‍ ആദരിച്ചു.

ജില്ലാ പൊലീസ് പരാതി സമിതിയുടെ സിറ്റിങ് കലക്ടറേറ്റില്‍ ചേര്‍ന്നു. പോലീസ് കംപ്ലയിന്റ് അതോറിറ്റി ചെയര്‍മാന്‍ റിട്ട. ജഡ്ജി കെ.വി.ഗോപിക്കുട്ടന്‍ കേസുകളില്‍ വാദം കേട്ടു. പൊലീസുകാര്‍ക്കെതിരെ ലഭിച്ച 36 പരാതികളാണ് പരിഗണനയ്ക്ക് വന്നത്. ഇതില്‍ 23 പരാതികള്‍ പരിഗണിച്ചു. ഹരജിക്കാര്‍ ഹാജരാവാതിരുന്ന 13 കേസുകള്‍ മാറ്റിവെച്ചു. അടുത്ത സിറ്റിംഗ് ജൂലൈ 30 നു നടക്കും.

റേഷന്‍ കാര്‍ഡ് ഓണ്‍ലൈന്‍ അപേക്ഷയുടെ മുന്നോടിയായി ജില്ലയിലെ അക്ഷയ സംരംഭകര്‍ക്ക് അക്ഷയ ജില്ലാ കേന്ദ്രത്തിന്റെ നേതൃത്വത്തില്‍ പരിശീലനം നല്‍കി.  പരിശീലന പരിപാടി ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്തു.  അക്ഷയ ജില്ലാ പ്രൊജക് മാനേജര്‍ ഇസ്ഹാഖലി അധ്യക്ഷത വഹിച്ചു.  ജില്ലാ അക്ഷയ കോര്‍ഡിനേറ്റര്‍ ഇന്‍ചാര്‍ജ് എ.പി. സാദിഖലി, സിവില്‍ സപ്ലൈസ് വകുപ്പ് ഉദ്യോഗസ്ഥ•ാരായ സുരേഷ് ബാബു, അനീഷ്, അജീഷ്, റഹ്മത്തുള്ള താപ്പി, ഹംസാലാഹിക്ക് (അക്ഷയ) എന്നിവര്‍ സംസാരിച്ചു.

റേഷന്‍ കാര്‍ഡ് ഓണ്‍ലൈന്‍ അപേക്ഷയുടെ മുന്നോടിയായി ജില്ലയിലെ അക്ഷയ സംരംഭകര്‍ക്ക് അക്ഷയ ജില്ലാ കേന്ദ്രത്തിന്റെ നേതൃത്വത്തില്‍ പരിശീലനം നല്‍കി.  പരിശീലന പരിപാടി ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്തു.  അക്ഷയ ജില്ലാ പ്രൊജക് മാനേജര്‍ ഇസ്ഹാഖലി അധ്യക്ഷത വഹിച്ചു.  ജില്ലാ അക്ഷയ കോര്‍ഡിനേറ്റര്‍ ഇന്‍ചാര്‍ജ് എ.പി. സാദിഖലി, സിവില്‍ സപ്ലൈസ് വകുപ്പ് ഉദ്യോഗസ്ഥ•ാരായ സുരേഷ് ബാബു, അനീഷ്, അജീഷ്, റഹ്മത്തുള്ള താപ്പി, ഹംസാലാഹിക്ക് (അക്ഷയ) എന്നിവര്‍ സംസാരിച്ചു.

ആലപ്പുഴ: ജില്ലയിലെ  തുറവൂർ  ഗ്രാമ പഞ്ചായത്തിലെ  പളളിത്തോടിൽ  സപ്ലൈകോ  പുതുതായി   അനുവദിച്ച  മാവേലി സ്റ്റോറിന്റെ  ഉദ്ഘാടനം  ഇന്ന് (ജൂലൈ 20)  വൈകിട്ട്  നാലിന്  ഭക്ഷ്യമന്ത്രി  പി. തിലോത്തമൻ  നിർവഹിക്കും.   എ.എം ആരിഫ്  എം.എൽ.എ  അധ്യക്ഷത  വഹിക്കുന്ന  ചടങ്ങിൽ   കെ.സി. വേണുഗോപാൽ  എം.പി . മുഖ്യപ്രഭാഷണം  നടത്തും. ഗ്രാമപഞ്ചായത്ത്  പ്രസിഡന്റ്  അനിത സോമൻ  ആദ്യ വില്പന  നിർവഹിക്കും.

2018-20 വര്‍ഷത്തെ ഗവ./എയ്ഡഡ് ഡി.എല്‍.എഡ് കൊമേഴ്‌സ് വിഭാഗക്കാര്‍ക്കുള്ള അഭിമുഖം ജൂലൈ 21ന് രാവിലെ 10ന് മലപ്പുറം വിദ്യാഭ്യാസ ഉപഡയറക്ടറേറ്റില്‍ നടത്തും.   പ്രവേശന അറിയിച്ച് ലഭിച്ചവര്‍ എല്ലാ അസ്സല്‍ രേഖകളുമായി എത്തണം.  ഫോണ്‍ 0483 2734888.

ആലപ്പുഴ: ഈമാസത്തെ ജില്ല വികസന സമിതിയോഗം ജൂലൈ 28ന്  രാവിലെ 11ന്  ജില്ല    കളക്ടറുടെ അധ്യക്ഷതയിൽ  ആസൂത്രണ സമിതി സെക്രട്ടറിയേറ്റ് കോൺഫറൻസ് ഹാളിൽ ചേരും. ഇതിന്റെ മുന്നൊരുക്ക യോഗം 10.30 ന്  നടക്കും. വിവിധ വകുപ്പുകൾ ജില്ലയിൽ നടപ്പിലാക്കുന്ന കേന്ദ്ര സംസ്ഥാന പദ്ധതികളുടെ സ്‌കീം തിരിച്ചുള്ള ജൂൺ 30 വരെയുള്ള പുരോഗതി പ്ലാൻസ്‌പേസിൽ കൃത്യമായി നൽകണം.

(പി.എൻ.എ. 1874/2018)

ക്വട്ടേഷൻ ക്ഷണിച്ചു