2017 സെപ്തംബര്‍ മുതല്‍ 2018 ജൂലൈ വരെയുള്ള വ്യാപാരിക്ഷേമ ബോര്‍ഡ് പെന്‍ഷന്‍ കുടിശിക വിതരണത്തിന്റെ സംസ്ഥാനതല ഉദ്ഘാടനം 12ന് രാവിലെ 11.30 ന് ആലപ്പുഴ കളക്ടറേറ്റിന് സമീപത്തെ എന്‍.ജി.ഒ. യൂണിയന്‍ ഹാളില്‍ മന്ത്രി ഡോ. ടി.എം. തോമസ് ഐസക് നിര്‍വഹിക്കും.  പെന്‍ഷന്‍ 13 മുതല്‍ വിതരണം ചെയ്യും.  ഗസറ്റഡ് ഓഫീസര്‍ സാക്ഷ്യപ്പെടുത്തിയ ലൈഫ് സര്‍ട്ടിഫിക്കറ്റും, ബാങ്ക് പാസ് ബുക്കിന്റെയും (ഐ.എഫ്.എസ്.സി കോഡ് ഉള്‍പ്പെടെ), ആധാര്‍ കാര്‍ഡിന്റെയും സ്വയം സാക്ഷ്യപ്പെടുത്തിയ പകര്‍പ്പുകളും ലഭ്യമാക്കണം.  കൂടുതല്‍ വിവരങ്ങള്‍ക്ക് 0471 2474054, 2474049.

പി.എന്‍.എക്‌സ്.3486/18

ജലനിരപ്പ്‌ ക്രമാതീതമായി ഉയര്‍ന്നതിനാല്‍ പെരിങ്ങല്‍ക്കുത്ത്‌ ഡാമിന്‍െ്‌റ ഷട്ടറുകള്‍ 81 അടി ഉയര്‍ത്തി. ക്രെസ്‌റ്റ്‌ ഗേറ്റ്‌ 3 മുതല്‍ 7 വരെയും സ്ലൂയിസ്‌ ഗേറ്റ്‌ രണ്ടുമാണ്‌ ഉയര്‍ത്തിയത്‌. ചാലക്കുടി പുഴയുടെ ഇരുകരകളിലും താമസിക്കുന്നവര്‍ ജാഗ്രതപാലിക്കണമെന്ന്‌ ജില്ലാ കളക്ടര്‍ ടി.വി. അനുപമ അറിയിച്ചു.

സ്വകാര്യ ആശുപത്രിയില്‍ യുവാവ്‌ മതിയായ ചികിത്സ കിട്ടാത്തതിനാല്‍ മരിച്ചുവെന്ന ആരോപണത്തില്‍ ആശുപത്രി അധികൃതര്‍ യുവാവിന്‍െ്‌റ കുടുംബത്തിന്‌ ധനസഹായം നല്‍കണമെന്ന്‌ സംസ്ഥാന യുവജന കമ്മീഷന്‍ അധ്യക്ഷ ചിന്താ ജെറോം. തൃശൂര്‍ രാമനിലയം ഗസ്‌റ്റ്‌ ഹൗസില്‍ നടന്ന യുവജനകമ്മീഷന്‍ 2018-19 സാമ്പത്തികവര്‍ഷത്തെ ആദ്യ ജില്ലാ അദാലത്തിലാണ്‌ തൃശൂര്‍ അമല ആശുപത്രി അധികൃതരോട്‌ മരിച്ച യുവാവിന്‍െ്‌റ ഭാര്യ സജിനിക്ക്‌ ധനസഹായം നല്‍കണമെന്ന്‌ ആവശ്യപ്പെട്ടത്‌. ചികിത്സാവീഴ്‌ച്ച ഉണ്ടായിട്ടുണ്ടോ എന്ന്‌ കമ്മീഷന്‍ നിയമപരമായി പരിശോധിക്കും. അദാലത്തില്‍ 9 കേസുകളാണ്‌ പരിഗണനയ്‌ക്ക്‌ വന്നത്‌. 3 കേസുകള്‍ തീര്‍പ്പുകല്‍പ്പിച്ചു.

അടുത്ത വര്‍ഷം നടക്കുന്ന ലോക്‌സഭ തിരഞ്ഞെടുപ്പിന്റെ ഭാഗമായി ജില്ലയിലെ മുഴുവന്‍ നിയമസഭ മണ്‌ഡലങ്ങളിലും സീപ്പ്‌ പ്രവര്‍ത്തനങ്ങള്‍ ഏകോപിപ്പിക്കുന്നതിനായി നോഡല്‍ ഓഫീസര്‍മാരെ ചെയര്‍മാനും ജില്ലാ കളക്‌ടറുമായ ടി വി അനുപമ നിയമിച്ചു. ജില്ലാ നോഡല്‍ ഓഫീസറായി ഇലക്ഷന്‍ വിഭാഗം ഡെപ്യൂട്ടി കളക്‌ടര്‍ കെ.വി. മുരളീധരനെ യാണ്‌ നിയമിച്ചിട്ടുള്ളത്‌.

ജില്ലയിലെ വിവിധ തദ്ദേശ സ്വയംഭരണ സ്ഥാപനങ്ങള്‍, സര്‍ക്കാര്‍ ഓഫീസുകള്‍ എന്നിവിടങ്ങളില്‍ നിന്ന്‌ ഇ വേസ്റ്റ്‌ സ്വീകരിക്കുന്നതിന്റെ ജില്ലാതല ഫ്‌ളാഗ്‌ ഓഫ്‌ കളക്‌ടറേറ്റ്‌ അങ്കണത്തില്‍ ജില്ലാ കളക്‌ടര്‍ ടി.വി.അനുപമ നിര്‍വ്വഹിച്ചു. ഹരിത കേരള മിഷന്‍ കോര്‍ഡിനേറ്റര്‍ പി.എസ്‌. ജയകുമാര്‍, ശുചിത്വമിഷന്‍ ജില്ലാ കോര്‍ഡിനേറ്റര്‍ ടി.എസ്‌. ശുഭ, ക്ലീന്‍ കേരള പ്രതിനിധി ശ്രീലാല്‍ എന്നിവര്‍ സന്നിഹിതരായി. ജില്ലാ ശുചിത്വ മിഷന്റെ ആഭിമുഖ്യത്തില്‍ 16 ബ്ലോക്ക്‌ പഞ്ചായത്തുകള്‍, ഏഴ്‌ സര്‍ക്കാര്‍ ഓഫീസുകള്‍ എന്നിവിടങ്ങളില്‍ നിന്നാണ്‌ ഇന്നലെ (ഓഗസ്റ്റ്‌ 8) ഇ വേസ്റ്റ്‌ സ്വീകരിച്ചത്‌.

കാലവര്‍ഷക്കെടുതിയ്‌ക്കിരയായ ജില്ലയിലെ വിവിധ ഭാഗങ്ങള്‍ സന്ദര്‍ശിക്കാന്‍ കേന്ദ്രസംഘം ഓഗസ്റ്റ്‌ 10 ന്‌ എത്തുന്നതിന്റെ ഭാഗമായി ജില്ലാ കളക്‌ടര്‍ ടി വി അനുപമയുടെ അദ്ധ്യക്ഷതയില്‍ വിവിധ വകുപ്പു തല ഉദ്യോഗസ്ഥരുടെ യോഗം കളക്‌ടറേറ്റില്‍ ചേര്‍ന്നു. ജില്ലയിലെ കാലവര്‍ഷക്കെടുതിയിലുണ്ടായ നാശനഷ്‌ടങ്ങള്‍ വിലയിരുത്തി. യോഗത്തില്‍ വകുപ്പുതല ഉദ്യോഗസ്ഥര്‍ പങ്കെടുത്തു.

ഓണം-ബക്രീദ്‌ ആഘോഷങ്ങളുടെ ഭാഗമായി ജില്ലയില്‍ 266 പച്ചക്കറി ചന്തകള്‍ ഒരുക്കും. ഓഗസ്റ്റ്‌ 20 മുതല്‍ 24 വരെയാണ്‌ ചന്ത പ്രവര്‍ത്തിക്കുക. കൃഷി വകുപ്പ്‌ 168 ഉം കുടുംബശ്രീ 98 ഉം ചന്തകളാണ്‌ ഒരുക്കുക. കൃഷിഭവന്‍-24, ആഴ്‌ചചന്ത-38, എ ഗ്രേഡ്‌ ക്ലസ്റ്റര്‍-16, ബി എല്‍ എഫ്‌ ഒ-3, ഇക്കോഷോപ്പ്‌-21, ഓര്‍ഗാനിക്ക്‌ ഇക്കോഷോപ്പ്‌-23, ഹോര്‍ട്ടികോര്‍പ്പ്‌-25, വി എഫ്‌ പി സി കെ-18, കുടുംബശ്രീ-98 എന്നിങ്ങനെയാണ്‌ പച്ചക്കറിച്ചന്തകള്‍. കളക്‌ടറേറ്റില്‍ നടന്ന യോഗത്തില്‍ എ.ഡി.എം സി ലതിക അദ്ധ്യക്ഷത വഹിച്ചു. വകുപ്പുതല ഉദ്യോഗസ്ഥര്‍ പങ്കെടുത്തു.

ജില്ലയില്‍ ഓഗസ്റ്റ്‌ 15 ന്‌ നടക്കുന്ന ജില്ലാതല സ്വാതന്ത്ര്യദിനാഘോഷച്ചടങ്ങില്‍ വ്യവസായ വകുപ്പു മന്ത്രി എ സി മൊയ്‌തീന്‍ അഭിവാദ്യം സ്വീകരിക്കും. തേക്കിന്‍കാട്‌ വിദ്യാര്‍ത്ഥി കോര്‍ണറില്‍ രാവിലെ 8.30 നാണ്‌ സ്വാതന്ത്ര്യദിനാഘോഷപരിപാടികള്‍. സ്വാതന്ത്ര്യദിനാഘോഷപരിപാടികളുടെ ഭാഗമായി ഓഗസ്റ്റ്‌ 10, 11 തീയതികളില്‍ വൈകീട്ട്‌ 3 ന്‌ പരേഡ്‌ റിഹേഴ്‌സലും 13 രാവിലെ 7 ന്‌ ഡ്രസ്‌ റിഹേഴ്‌സലും നടക്കും. കളക്‌ടറേറ്റില്‍ നടന്ന സ്വാതന്ത്ര്യദിനാഘോഷ അവലോകനം എ.ഡി.എം സി ലതിക നടത്തി. വിവിധ വകുപ്പു മേധാവികള്‍ യോഗത്തില്‍ പങ്കെടുത്തു.

സപ്ലൈകോയുടെ ആഭിമുഖ്യത്തില്‍ നടക്കുന്ന ഓണം-ബക്രീദ്‌ ജില്ലാ ഫെയര്‍ ശക്തന്‍ നഗറിലെ കൊക്കാലെ ഗ്രൗണ്ടില്‍ ഓഗസ്റ്റ്‌ 11 ന്‌ ആരംഭിക്കും. രാവിലെ 10.30 ന്‌ ഉദ്‌ഘാടനം കൃഷി വകുപ്പു മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിക്കും. മേയര്‍ അജിത ജയരാജന്‍ അദ്ധ്യക്ഷത വഹിക്കും. ആദ്യ വില്‍പന ജില്ലാ പഞ്ചായത്ത്‌ പ്രസിഡണ്ട്‌ മേരി തോമസ്‌ നിര്‍വഹിക്കും. ഡെപ്യൂട്ടി മേയര്‍ ബീന മുരളി, ജില്ലാ കളക്‌ടര്‍ ടി വി അനുപമ, ഡിവിഷന്‍ കൗണ്‍സിലര്‍ രാജന്‍ ജെ പല്ലന്‍, രാഷ്‌ട്രീയ പാര്‍ട്ടി പ്രതിനിധികള്‍ എന്നിവര്‍ ആശംസ നേരും. സപ്ലൈകോ മേഖലാ മാനേജര്‍ പി ദാക്ഷായണിക്കുട്ടി സ്വാഗതവും ഡിപ്പോ മാനേജര്‍ ജോസഫ്‌ ആന്റണി നന്ദിയും പറയും.