വേനല്‍ചൂട് കണക്കിലെടുത്ത് തൊഴിലുറപ്പ് തൊഴിലാളികള്‍ക്ക് ഉച്ചയ്ക്ക് 12 മുതല്‍ മൂന്ന് വരെ വിശ്രമം അനുവദിച്ച് ഉത്തരവായി. ഏപ്രില്‍ 30 വരെയാണ് ഇളവനുവദിച്ചിട്ടു ള്ളത്. ഓരോ ദിവസവും ചെയ്യേണ്ട പ്രവൃത്തിയുടെ അളവിനെ ബാധിക്കാത്ത വിധം അതിനാവശ്യമായ ക്രമീകരണം ഏര്‍പ്പെടുത്തണമെന്ന് തൊഴിലുറപ്പ് പദ്ധതി മിഷന്‍ ഡയറക്ടര്‍ ഡോ.റ്റി.മിത്ര നിര്‍ദേശിച്ചിട്ടുണ്ട്. ജില്ലയിലെ ഗ്രാമപഞ്ചായത്ത് സെക്രട്ടറിമാരും ബ്ലോക്ക് പ്രോഗ്രാം ഓഫീസര്‍മാരും ഇതിനാവശ്യമായ അടിയന്തര നടപടികള്‍ സ്വീകരിക്കണമെന്ന് പദ്ധതിയുടെ ജോയിന്റ് പ്രോഗ്രാം കോ-ഓര്‍ഡിനേറ്ററായ ദാരിദ്ര്യലഘൂകരണ വിഭാഗം പ്രോജക്ട് ഡയറക്ടര്‍ ജി.കൃഷ്ണകുമാര്‍ അറിയിച്ചു. 

കൊച്ചി: എംപിമാരും~എംഎല്‍എമാരുമായി ബന്ധപ്പെട്ട ക്രിമിനല്‍ കേസുകളില്‍ വിചാരണയ്ക്കായുള്ള പ്രതേ്യക കോടതി സംസ്ഥാനത്ത് പ്രവര്‍ത്തനമാരംഭിച്ചു. എറണാകുളം ജില്ലാക്കോടതി കെട്ടിടസമുച്ചയത്തിലെ  നാലാം നിലയിലാണ് പ്രത്യേകകോടതി പ്രവര്‍ത്തിക്കുക. കോടതിയുടെ ഉദ്ഘാടനം ഹൈക്കോടതി ജഡ്ജി ജസ്റ്റിസ് കെ. സുരേന്ദ്രമോഹന്‍ നിര്‍വഹിച്ചു. 

    ഇടിമുഴിക്കല്‍ - അഗ്രശാല - പാറക്കടവ് റോഡില്‍ പ്രവൃത്തി നടക്കുന്നതിനാല്‍ ഇതിലൂടെയുളള വാഹന ഗതാഗതം മാര്‍ച്ച് അഞ്ച് മുതല്‍ പണി തീരുന്നതു വരെ നിരോധിക്കും.  ഇടിമുഴിക്കല്‍ നിന്നും മുതിരപറമ്പ് ഭാഗത്തേക്കുള്ള വാഹനങ്ങള്‍ കുനൂര്‍ വളവു കുറ്റിപ്പാല വഴിയും മുതിരപ്പറമ്പില്‍ നിന്നും ഇടിമുഴിക്കല്‍ ഭാഗത്തേക്കുള്ള വാഹനങ്ങള്‍ പുലരി റോഡ് വഴിയും പോകണമെന്ന് എക്‌സ്‌ക്യൂട്ടീവ് എഞ്ചിനീയര്‍ അറിയിച്ചു.

    പരപ്പനങ്ങാടി - അരീക്കോട് റോഡിലുള്ള കുഴിമണ്ണ അങ്ങാടി സൗന്ദര്യവല്‍ക്കരണ പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം ഭാഗികമായി നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു.

    മൃഗസംരക്ഷണ മേഖലയില്‍ സംസ്ഥാന തലത്തില്‍ ഏറ്റവും മികച്ച ക്ഷീരകര്‍ഷന്‍, സമ്മിശ്ര കര്‍ഷകര്‍, പൗട്രീ കര്‍ഷകന്‍, യുവ കര്‍ഷകന്‍, വനിതാ സംരംഭക, വാണിജ്യ അടിസ്ഥാനത്തില്‍ മികച്ച ഡയറി ഫാം എന്നീ വിഭാഗങ്ങളിലും ജില്ലാ തലത്തില്‍ മികച്ച ക്ഷീരകര്‍ഷകന്‍, സമ്മിശ്ര കര്‍ഷകന്‍ എന്നീ വിഭാഗത്തിലും അവാര്‍ഡ് അപേക്ഷ ക്ഷണിച്ചു.  അപേക്ഷാ ഫോം എല്ലാ മൃഗാശുപത്രികളിലും ലഭിക്കും.  അപേക്ഷ മാര്‍ച്ച് 12നകം മൃഗാശുപത്രികളില്‍ ലഭിക്കണം.  ഫോണ്‍ 0483 2734917.

    പാലക്കാട് വ്യവസായിക ട്രൈബ്യൂണലും ഇന്‍ഷൂറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ മാര്‍ച്ച് എട്ട്, 16 തിയ്യതികളില്‍ പെരിന്തല്‍മണ്ണ സബ് ഡിവിഷണല്‍ മജിസ്‌ട്രേറ്റ് കോടതി ഹാളിലും മാര്‍ച്ച് രണ്ട്, 23 തിയ്യതികളില്‍ മഞ്ചേരി ഇന്ദിരാഗാന്ധി ബസ് ടെര്‍മിനല്‍ ബില്‍ഡിങിലെ കോടതി ഹാളിലും തൊഴില്‍ തര്‍ക്ക കേസ്സുകളും ഇന്‍ഷൂറന്‍സ് കേസ്സുകളും എംപ്ലോയീസ് കോമ്പന്‍സേഷന്‍ കേസ്സുകളും വിചാരണ ചെയ്യും.

         അങ്ങാടിപ്പുറത്ത് ചുമട്ടുതൊഴിലാളികളും വ്യാപാരികളും തമ്മിലുള്ള കൂലിത്തര്‍ക്കം പരിഹരിച്ചു. പുതിയ കരാര്‍ അനുസരിച്ച് നിലവിലുള്ള കൂലിയില്‍ പല വ്യഞ്ജന മേഖലയില്‍ 15 ശതമാനവും ഹാര്‍ഡ്‌വെയര്‍ മേഖലയില്‍ 18 ശതമാനവും വര്‍ദ്ധനവ് നല്‍കുന്നതിന് തീരുമാനിച്ചു.

വിരമിച്ച ചരക്ക് സേവന നികുതി അസിസ്റ്റന്റ് കമ്മീഷണര്‍ (ഇന്റലിജന്‍സ്), മഞ്ചേരി എ.കെ. ജയകൃഷ്ണന്‍,  ചരക്ക് സേവന നികുതി ഓഫീസര്‍ മഞ്ചേരി  സി. രാജേശ്വരി എന്നിവര്‍ക്ക് യാത്രയയപ്പ് നല്‍കി.  ഡെപ്യൂട്ടി കമ്മീഷണര്‍ കെ. സുനില്‍കുമാര്‍ ഉദ്ഘാടനം ചെയ്തു.  അസിസ്റ്റന്റ് കമ്മീഷണര്‍ കെ. മാലതി അധ്യക്ഷം വഹിച്ചു.  എ.കെ. ജയകൃഷ്ണന്‍, സി. രാജേശ്വരി എന്നിവര്‍ മറുപടി പ്രസംഗം  നടത്തി.

പൊന്നാനി അഡീഷണല്‍ ഐ.സി.ഡി.എസ് പ്രോജക്ട് ഓഫീസിന്റെ പരിധിയില്‍ പ്രവര്‍ത്തിക്കുന്ന 83 അങ്കണവാടികളിലേക്ക് 2017-18 വര്‍ഷത്തേക്ക് ആവശ്യമായ പ്രീ-സ്‌കൂള്‍ കിറ്റുകള്‍ വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്ന് ടെണ്ടര്‍ ക്ഷണിച്ചു.  ടെണ്ടര്‍ മാര്‍ച്ച് ഒമ്പതിന് വൈകീട്ട് 2.30ന് പൊന്നാനി അഡിഷണല്‍ ഐ.സി.ഡി.എസ് പ്രോജക്ട് ഓഫീസറുടെ കാര്യാലയത്തില്‍ ലഭിക്കണം.  കൂടുതല്‍ വിവരങ്ങള്‍ പൊന്നാനി മിനി സിവില്‍ സ്റ്റേഷനിലെ ഐ.സി.ഡി.എസ് പ്രോജക്ട് ഓഫീസില്‍ നിന്ന് ലഭിക്കും. ഫോണ്‍ 0494 2664468.