പട്ടികജാതി വികസന വകുപ്പിന്റെ കീഴില്‍ മണ്ണന്തല അംബേദ്കര്‍ ഭവനില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഫോര്‍ സിവില്‍ സര്‍വീസസ് എക്‌സാമിനേഷന്‍ ട്രെയിനിംഗ് സൊസൈറ്റിയില്‍ കരാര്‍ അടിസ്ഥാനത്തില്‍ ലൈബ്രറിയനെ ആവശ്യമുണ്ട്.  ഉദ്യോഗാര്‍ത്ഥികള്‍ ലൈബ്രറി സയന്‍സില്‍ ഡിപ്ലോമ, ബിരുദം/ബിരുദാനന്തര ബിരുദം / വയസ്/ജാതി/മുന്‍പരിചയം എന്നിവ തെളിയിക്കുന്ന രേഖകളുടെ അസല്‍ സഹിതം ഡിസംബര്‍ 15ന് രാവിലെ  11 മണിക്ക് വെളളയമ്പലം അയ്യങ്കാളി ഭവനിലെ പട്ടികജാതി വികസന വകുപ്പ് സീനിയര്‍ അഡ്മിനിസ്ട്രറ്റീവ് ഓഫീസറുടെ ചേമ്പറില്‍ നേരിട്ട് ഹാജരാകണം.  ഫോണ്‍: 0471 2533272.

പി.എന്‍.എക്‌സ്.5243/17

പൊതുവിദ്യാഭ്യാസ സംരക്ഷണ യജ്ഞത്തിന്റെ ലക്ഷ്യങ്ങളില്‍ ഉള്‍പ്പെട്ടിട്ടുള്ള സ്‌കൂളുകളിലെ ലൈബ്രറികളും ലബോറട്ടറികളും ആധുനികവത്കരിക്കുന്ന' പദ്ധതി നടപ്പാക്കുന്നതിനായി സര്‍ക്കാര്‍ തലത്തില്‍ നടപടി തുടങ്ങി. സംസ്ഥാനത്തെ 38 ഹയര്‍സെക്കണ്ടറി സ്‌കൂളുകളില്‍ ലബോറട്ടറിയും, ലൈബ്രറിയും സജ്ജമാക്കുന്നതിനായി 38 കോടി രൂപ സര്‍ക്കാര്‍ അനുവദിച്ച് ഉത്തരവായി.  ശാസ്ത്ര സാങ്കേതിക പരിസ്ഥിതി കൗണ്‍സിലുമായി ചേര്‍ന്ന്  57 സ്‌കൂളുകളില്‍ ശാസ്ത്രപോഷിണി പദ്ധതി പ്രകാരം ഓരോ സ്‌കൂളിനും 10 ലക്ഷം രൂപ വീതം ലബോറട്ടറി സൗകര്യങ്ങള്‍ ഏര്‍പ്പെടുത്തുന്നതിന് നല്‍കാനും തീരുമാനിച്ചു.

തിരുവനന്തപുരം, കോഴിക്കോട് ഗവ. ഹോമിയോപ്പതിക് മെഡിക്കല്‍ കോളേജുകളില്‍ 2017 -18 വര്‍ഷത്തെ സി.സി.പി (ഹോമിയോ) കോഴ്‌സിന്റെ ക്ലാസ് 11ന് രാവിലെ 10 മണിക്ക് ആരംഭിക്കും.  വിദ്യാര്‍ത്ഥികള്‍ രക്ഷകര്‍ത്താക്കളോടൊപ്പം എത്തണം.

പി.എന്‍.എക്‌സ്.5241/17

പട്ടികജാതി വികസന വകുപ്പ് പുതുതായി ആരംഭിക്കുന്ന മൊബൈല്‍ ആപ്ലിക്കേഷന്‍ പദ്ധതിയിലേക്ക് അഡ്മിനിസ്‌ട്രേറ്ററാകാന്‍ അപേക്ഷ ക്ഷണിച്ചു.  അപേക്ഷകര്‍ എം.ടെക്ക്/എം.എസ്.സി/എം.എ/തുല്യ യോഗ്യത ഉള്ളവരായിരിക്കണം.  വിദേശത്ത് ഉന്നത പഠനം പൂര്‍ത്തീകരിച്ചവര്‍ക്ക് മുന്‍ഗണന നല്‍കും.  കുറഞ്ഞ പ്രായപരിധി 25 വയസ്.  പട്ടികജാതിക്കാര്‍ക്ക് മുന്‍ഗണനയുണ്ട്.   

താല്പര്യമുള്ളവര്‍ വിശദ ബയോഡാറ്റ സഹിതം ഡയറക്ടര്‍, പട്ടികജാതി വികസന വകുപ്പ് , ഡയറക്ടര്‍ ഓഫീസ്, അയ്യങ്കാളി ഭവന്‍, വെള്ളയമ്പലം, തിരുവനന്തപുരം എന്ന വിലാസത്തില്‍ ഡിസംബര്‍ 20 വൈകുന്നേരം മൂന്ന് മണിക്ക് മുമ്പ് അപേക്ഷ എത്തിക്കണം.     

പി.എന്‍.എക്‌സ്.5240/17

കേരളനിയമസഭയുടെ പരിസ്ഥിതി സംബന്ധിച്ച സമിതി (2016-19), ഡിസംബര്‍ 21 ന് രാവിലെ 10.30ന് ആലപ്പുഴ ജില്ലാ കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും.  വേമ്പനാട് തണ്ണീര്‍തടങ്ങളുടെ ആവാസവ്യവസ്ഥ നിലനിര്‍ത്തുന്നത് സംബന്ധിച്ച പ്രത്യേക പഠന റിപ്പോര്‍ട്ട് തയ്യാറാക്കുന്നതിന്  ബന്ധപ്പെട്ട വകുപ്പുദ്യോഗസ്ഥരില്‍ നിന്നും തെളിവെടുപ്പ് നടത്തും.  തുടര്‍ന്ന് വേമ്പനാട് കായലിന്റെ വിവിധ ഭാഗങ്ങള്‍ സമിതി സന്ദര്‍ശിക്കും.

പി.എന്‍.എക്‌സ്.5239/17

കേരള സംസ്ഥാന എക്‌സ് സര്‍വീസ്‌മെന്‍ ഡവലപ്‌മെന്റ് ആന്റ് റിഹാബിലിറ്റേഷന്‍ കോര്‍പ്പറേഷനില്‍ കരാറടിസ്ഥാനത്തില്‍ പ്രോജക്ട് ഓഫീസറുടെ ഒഴിവുണ്ട്.  കമ്മീഷന്‍ഡ് ഓഫീസറുടെ പദവിയില്‍ കുറയാത്ത റാങ്കിലുള്ള വിമുക്ത ഭടന്മാര്‍ക്ക് അപേക്ഷിക്കാം.  പ്രായം 50 വയസ് കവിയരുത്.  യോഗ്യത: ബിരുദവും പദ്ധതി ആസൂത്രണം, നടത്തിപ്പ്, മേല്‍നോട്ടം, നെറ്റ്‌വര്‍ക്ക് പ്രോഗ്രാമിംഗ് എന്നിവയില്‍ പ്രവൃത്തി പരിചയവും.  ശമ്പളം : 25,000 രൂപ.  ഉദ്യോഗാര്‍ത്ഥികള്‍ ബന്ധപ്പെട്ട രേഖകളുമായി മാനേജിംഗ് ഡയറക്ടര്‍, കെക്‌സ്‌കോണ്‍, ടി.സി 25/838, അമൃത ഹോട്ടലിന് എതിര്‍വശം, തൈക്കാട് പി.ഒ, തിരുവനന്തപുരം - 695 014 എന്ന വിലാസത്തില്‍ അപേക്ഷിക്കണം.  

കെക്‌സ്‌കോണ്‍ മുഖേന 2015-16, 16-17 അധ്യയന വര്‍ഷങ്ങളില്‍ ജോലിനോക്കിവരുന്ന വിമുക്ത ഭടന്മാരുടെയും വിധവകളുടെയും ഐ.സി.എസ്.ഇ, സി.ബി.എസ്.ഇ കേരള സിലബസുകളില്‍ പ്ലസ് ടുവിന് എല്ലാവിഷയങ്ങള്‍ക്കും എ പ്ലസ് നേടിയ കുട്ടികള്‍ക്ക് ക്യാഷ് അവാര്‍ഡ് നല്‍കും.  അര്‍ഹരായ കുട്ടികളുടെ മാര്‍ക്ക് ഷീറ്റ്, വിമുക്തഭടന്മാരുടെ ഡിസ്ചാര്‍ജ്ജ് ബുക്കിന്റെ പകര്‍പ്പ്, കെക്‌സ്‌കോണ്‍ രജിസ്‌ട്രേഷന്‍ നമ്പര്‍, ഈ കാലയളവില്‍ ജോലി ചെയ്തിരുന്ന സ്ഥാപനത്തിന്റെ വിവരം തുടങ്ങിയവ സഹിതം അഡ്മിനിസ്‌ട്രേറ്റീവ് ഓഫീസര്‍, കെക്‌സ്‌കോണ്‍, ടി.സി-25/838, അമൃത ഹോട്ടലിന് എതിര്‍വശം, തൈക്കാട് പി.ഒ., തിരുവനന്തപുരം - 695 014 എന്ന വിലാസത്തില്‍ നേരിട്ടോ തപാല്‍ മ

കേരളാ സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് നടത്തുന്ന ഇലക്ട്രിക്കല്‍ സൂപ്പര്‍വൈസര്‍ ബി-ഗ്രേഡ് ഇന്റര്‍വ്യൂവിന് പാലക്കാട് ജില്ലയില്‍ നിന്നും 2017 നവംബര്‍ 30 വരെ അപേക്ഷ സമര്‍പ്പിച്ചവര്‍ക്ക് ഡിസംബര്‍ 19, 20, 21 തീയതികളില്‍ പാലക്കാട് ജില്ലാ ഇലക്ട്രിക്കല്‍ ഇന്‍സ്‌പെക്ടറുടെ കാര്യാലയത്തില്‍ ഇന്റര്‍വ്യൂ നടത്തും.  അറിയിപ്പ് ലഭിക്കാത്തവര്‍ കേരളാ സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് സെക്രട്ടറിയുടെ കാര്യാലയവുമായി ബന്ധപ്പെടണം.  ഫോണ്‍ : 0471 2115390.

പി.എന്‍.എക്‌സ്.5236/17

തദ്ദേശസ്വയംഭരണ വകുപ്പിന്റെ കീഴിലുള്ള ജില്ലാ ശുചിത്വമിഷനുകളില്‍ അസിസ്റ്റന്റ് ജില്ല കോ-ഓര്‍ഡിനേറ്റര്‍ ഒഴിവുകളിലേക്ക് സംസ്ഥാന സര്‍ക്കാരിന്റെ വിവിധ വകുപ്പുകളിലെ 20,000 - 45,800 മുതല്‍ 35,700 - 75,600 വരെ ശമ്പള സ്‌കെയിലിലുള്ള ജീവനക്കാരില്‍ നിന്നും ഡെപ്യൂട്ടേഷന്‍ വ്യവസ്ഥയില്‍ നിയമനത്തിന് അപേക്ഷ ക്ഷണിച്ചു.

സംസ്ഥാനത്തെ എല്ലാ സര്‍ക്കാര്‍ ഓഫീസുകള്‍, വിദ്യാഭ്യാസ സ്ഥാപനങ്ങള്‍, എയ്ഡഡ് സ്ഥാപനങ്ങള്‍, തദ്ദേശ സ്വയംഭരണ സ്ഥാപനങ്ങള്‍ എന്നിവിടങ്ങളില്‍ ഡിസംബര്‍ 11 ന് രാവിലെ 11 മണിക്ക് ഉദ്യോഗസ്ഥര്‍ മനുഷ്യാവകാശ ദിന പ്രതിജ്ഞയെടുക്കണമെന്ന് സര്‍ക്കാര്‍ നിര്‍ദ്ദേശിച്ചു. ഡിസംബര്‍ 10 അവധി ദിനമായതിനാല്‍ മനുഷ്യാവകാശ ദിനാചരണം 11 ന് നടത്തണമെന്ന് ജില്ലാ കളക്ടര്‍മാര്‍ക്കും വകുപ്പ് മേധാവികള്‍ക്കും നിര്‍ദ്ദേശം നല്‍കി.

പി.എന്‍.എക്‌സ്.5234/17