സംസ്ഥാന വനം വകുപ്പ് നിയമനങ്ങളില്‍ സ്‌പോര്‍ട്‌സ് ക്വാട്ട വര്‍ധിപ്പിക്കുമെന്ന് വനം വകുപ്പ് മന്ത്രി അഡ്വ. കെ രാജു അറിയിച്ചു. ഇക്കാര്യം സര്‍ക്കാറിന്റെ സജീവ പരിഗണനയിലാണ്. വനം വകുപ്പ് വിവിധ മേഖലകളില്‍ സ്‌പോര്‍ട്‌സ്-ഗെയിംസ് ടീമുകളെ വാര്‍ത്തെടുക്കുന്ന കാര്യം ആലോചിക്കുമെന്നും മന്ത്രി പറഞ്ഞു. ഇരുപത്തിയഞ്ചായമത് സംസ്ഥാന വനം കായിക മേളയുടെ ഉദ്ഘാടനം മാങ്ങാട്ടുപറമ്പ് കെ.എ.പിയില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. 

സി-ഡിറ്റ് സൈബര്‍ശ്രീ സെന്ററില്‍ മാറ്റ്ലാബ് പരിശീലനത്തിന് പട്ടികജാതി വിഭാഗത്തില്‍പ്പെട്ടവരില്‍ നിന്നും അപേക്ഷ ക്ഷണിച്ചു. നാലു മാസത്തെ പരിശീലനത്തിന് ഇലക്ട്രോണിക്സ്, ഇലക്ട്രിക്കല്‍, കംപ്യൂട്ടര്‍ സയന്‍സ്, ഐ.ടി., അപ്ലൈഡ് ഇലക്ട്രോണിക്സ് എന്നിവയില്‍ എഞ്ചിനീയറിംഗ് ബിരുദം/ എം.സി.എ പാസ്സായവര്‍/പ്രസ്തുത കോഴ്സുകള്‍ പൂര്‍ത്തീകരിച്ചവര്‍ക്കും/ബി എസ് സി (കമ്പ്യൂട്ടര്‍ സയന്‍സ് & ഇലക്ട്രോണിക്സ്) പാസ്സായവര്‍ക്കും അപേക്ഷിക്കാം.  പ്രായപരിധി 20 നും  26 നും ഇടയില്‍. തിരുവനന്തപുരത്ത് നല്‍കുന്ന പരിശീലനത്തിന് പങ്കെടുക്കുന്നവര്‍ക്ക് പ്രതിമാസം 5000 രൂപ സ്‌റ്റൈപന്റ് ലഭിക്കും.

കേന്ദ്ര യുവജന കാര്യ-കായിക മന്ത്രാലയത്തിന്റെയും നെഹ്റു യുവ കേന്ദ്രയുടെയും നേതൃത്വത്തില്‍ 2018 ലെ റിപ്പബ്ലിക്ക് ദിനാഘോഷത്തിന്റെ ഭാഗമായി യുവജനങ്ങള്‍ക്കായി ജില്ലാ, സംസ്ഥാന, ദേശീയ തലങ്ങളില്‍ പ്രസംഗ മത്സരം സംഘടിപ്പിക്കുന്നു.  കണ്ണൂര്‍ ജില്ലയിലെ മത്സരം ഡിസംബര്‍ 7ന് നെഹ്റു യുവ കേന്ദ്ര ഹാളില്‍ നടക്കും. 2017 നവംബര്‍ 1 ന് 18 നും 29 നും ഇടയില്‍ പ്രായമുള്ള യുവതീ യുവാക്കള്‍ക്ക് പങ്കെടുക്കാം. 'ദേശ സ്നേഹവും രാഷ്ട്ര നിര്‍മാണവും' എന്ന വിഷയത്തില്‍ ഇംഗ്ലീഷിലോ ഹിന്ദിയിലോ ആയിരിക്കണം പ്രസംഗം. 2015-16, 2016-17 വര്‍ഷങ്ങളില്‍ നടന്ന ഇതേ മത്സരങ്ങളില്‍ പങ്കെടുത്തവര്‍ വീണ്ടും പങ്കെടുക്കാന്‍ പാടില്ല.

  കേന്ദ്രശാസ്ത്ര സാങ്കേതിക വകുപ്പും പൊതുമേഖല കണ്‍സള്‍ട്ടന്‍സി സ്ഥാപനമായ കിറ്റ്കോയും ചേര്‍ന്ന് അഹമ്മദാബാദിലെ എന്റര്‍പ്രണര്‍ഷിപ്പ് ഡവലപ്മെന്റ് ഇന്‍സ്റ്റിറ്റ്യൂട്ട് ഓഫ് ഇന്ത്യയുടെ സഹകരണത്തോടെ 4 ആഴ്ചത്തെ സൗജന്യ വ്യവസായ സംരംഭകത്വ വികസന പരിശീലനപരിപാടി നടത്തുന്നു.  കണ്ണൂര്‍ ക്യാപ്പിറ്റല്‍മാളിനടുത്തുള്ള കേരള സ്മോള്‍ സ്‌കെയില്‍ ഇന്‍ഡസ്ട്രീസ് അസോസിയേഷന്‍ വ്യവസായഭവന്‍ ഹാളില്‍ ഡിസംബര്‍-ജനുവരി മാസങ്ങളിലാണ് പരിശീലനം.  സ്വന്തമായി സംരംഭം ആരംഭിക്കാന്‍ ആഗ്രഹിക്കുന്ന സയന്‍സിലോ എഞ്ചിനീയറിങ്ങിലോ ബിരുദമോ ഡിപ്ലോമയോ ഉള്ളവര്‍ക്ക് അപേക്ഷിക്കാം.

ക്ഷീര വികസന വകുപ്പിന്റെ 2016-17 വര്‍ഷത്തെ കണ്ണൂര്‍ ജില്ലാതല ക്ഷീരകര്‍ഷക അവാര്‍ഡുകള്‍ പ്രഖ്യാപിച്ചു. മലപ്പട്ടം കോവല്‍ പുതിയപുരയില്‍ മൊയ്തീന്‍കുട്ടി ജില്ലയിലെ മികച്ച ക്ഷീരകര്‍ഷകനായി വീണ്ടും തെരഞ്ഞെടുക്കപ്പെട്ടു.

മണിക്കൂറില്‍ 60 കി.മീ വേഗതയില്‍ കാറ്റുവീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ അതീവ ജാഗ്രത പാലിക്കണമെന്ന് കണ്ണൂര്‍ ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.
പി എന്‍ സി/4644/2017
 

    അയ്യപ്പന്‍കോവില്‍ ഗ്രാമപഞ്ചായത്തില്‍ കെ'ിട നികുതി കുടിശ്ശിക അടച്ചുതീര്‍ക്കാനുള്ളവര്‍ക്ക് ഒറ്റത്തവണ തീര്‍പ്പാക്കല്‍ പദ്ധതി പ്രകാരം പലിശ ഇല്ലാതെ അടച്ചുതീര്‍ക്കാന്‍ സൗകര്യം. ഈ അവസരം പ്രയോജനപ്പെടുത്തി കുടിശ്ശികയും ഈ വര്‍ഷത്തെ നികുതിയും അടച്ചുതീര്‍ത്ത് നിയമനടപടികളില്‍ നി് ഒഴിവാകണമെ് ഗ്രാമപഞ്ചായത്ത് സെക്ര'റി അറിയിച്ചു.

    സായുധസേനാ പതാകദിനത്തിന്റെ ജില്ലാതല ഉദ്ഘാടനം പതാക സ്വീകരിച്ച് ജില്ലാകലക്ടര്‍ ജി.ആര്‍. ഗോകുല്‍ നിര്‍വഹിച്ചു. മാതൃരാജ്യത്തിനുവേണ്ടി വീരമൃത്യു വരിച്ച സൈനികരുടെയും ആശ്രിതരുടെയും ക്ഷേമത്തിനായി സായുധസേനാ പതാക നിധിയിലേക്ക് സംഭവാന ചെയ്യണമെ്  ജില്ലാകലക്ടര്‍ അഭ്യര്‍ത്ഥിച്ചു.

 സംസ്ഥാനത്തെ സ്വകാര്യ സ്ഥാപനങ്ങള്‍ ഉള്‍പ്പെടെയുള്ള എല്ലാ മെഡിക്കല്‍ സ്ഥാപനങ്ങളും, അവിടെ പ്രാക്ടീസ് ചെയ്യുന്ന ഡോക്ടര്‍മാരുടെ അടിസ്ഥാന യോഗ്യതയും, അധിക യോഗ്യതയും തിരു-കൊച്ചി മെഡിക്കല്‍ കൗണ്‍സിലില്‍ രജിസ്റ്റര്‍ ചെയ്തിട്ടുണ്ട് എന്ന് ഉറപ്പുവരുത്തണം. രജിസ്റ്റര്‍ ചെയ്യാത്ത ഡോക്ടര്‍മാര്‍  പ്രാക്ടീസ് ചെയ്യുന്നുണ്ടെങ്കില്‍ അതിന് ബന്ധപ്പെട്ട ആശുപത്രി അധികാരികള്‍ ഉത്തരവാദികളാണെന്ന് കൗണ്‍സില്‍ അറിയിച്ചു. 1953-ലെ തിരു-കൊച്ചി മെഡിക്കല്‍ പ്രാക്ടീഷണേഴ്‌സ് നിയമപ്രകാരം  സംസ്ഥാനത്ത് ചികിത്സ നടത്തണമെങ്കില്‍ അതാതു സമ്പ്രദായങ്ങളില്‍ കൗണ്‍സില്‍ രജിസ്‌ട്രേഷന്‍ നിര്‍ബന്ധമാണ്.

പി.എന്‍.എക്‌സ്.5231/17

 കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡിലെ പെന്‍ഷന്‍ വാങ്ങുന്ന   തൊഴിലാളികള്‍ ലൈഫ് സര്‍ട്ടിഫിക്കറ്റ് വെല്‍ഫെയര്‍ ഫണ്ട് ഓഫീസില്‍ ഹാജരാക്കണം. ലൈഫ് സര്‍ട്ടിഫിക്കറ്റ് നല്‍കുന്ന തൊഴിലാളികള്‍ക്കു മാത്രമേ പെന്‍ഷന്‍ അയയ്ക്കൂ. കൂടുതല്‍ വിവരങ്ങള്‍ക്ക് തിരുവനനന്തപുരം ജില്ലാ വെല്‍ഫെയര്‍ ഫണ്ട് ഇന്‍സ്‌പെക്ടര്‍ ഓഫീസുമായി ബന്ധപ്പെടണം. ഫോണ്‍ : 0471-2448451.

പി.എന്‍.എക്‌സ്.5230/17