കേന്ദ്രപദ്ധതിയായ വണ്‍ സ്റ്റോപ്പ് സെന്ററില്‍ വിവിധ തസ്തികയിലേക്ക് നിയമനം നടത്തുന്നതിന് അപേക്ഷ ക്ഷണിച്ചു.  
സെന്റര്‍ അഡിമിനിസ്‌ട്രേറ്റര്‍ : എല്‍.എല്‍.ബി, എം.എസ്.ഡബ്ല്യു, കുറഞ്ഞത് അഞ്ച് വര്‍ഷം സ്ത്രീകള്‍ക്കായുള്ള പദ്ധതികളുമായി ബന്ധപ്പെട്ട് സര്‍ക്കാര്‍ / സര്‍ക്കാരിതര സന്നദ്ധ സംഘടനകളില്‍ അഡ്മിനിസ്‌ട്രേറ്റീവ് ലെവലില്‍ പ്രവര്‍ത്തിച്ച, ജില്ലയില്‍ സ്ഥിരതാമസക്കാരായ സ്ത്രീകള്‍ക്ക് അപേക്ഷിക്കാം.  പ്രായപരിധി 28-40. ഒരു വര്‍ഷത്തെ കൗണ്‍സിലിംഗ് പരിചയം അഭികാമ്യം.

കുടുംബശ്രീ ജില്ലാ മിഷന്‍ ഡി.ഡി.യു.ജി.കെ.വൈ പദ്ധതിയുടെ ഭാഗമായി ഡിസംബര്‍ 17ന് എടപ്പാള്‍ ഹൈസ്‌കൂളില്‍ തൊഴില്‍ മേള നടത്തുന്നു.  18 നും 35നുമിടയില്‍ പ്രായമുള്ളവര്‍ക്ക് പങ്കെടുക്കാം.  താല്‍പര്യമുള്ളവര്‍ https://goo.gl.forms/ zr/GPgjGakjkYAVali2ല്‍ ഓണ്‍ലൈനായി ഡിസംബര്‍ 10ന് വൈകുന്നേരം അഞ്ചിനകം രജിസ്‌ട്രേഷന്‍ നടത്തണം.  9037325985

ജില്ലയുടെ പൈതൃകവും സംസ്‌കാരവും പറയുന്ന ചിത്രത്തിന്റെ നിര്‍മാണം ആരംഭിച്ചു.  ജില്ലാ ടൂറിസം പ്രമോഷന്‍ കൗണ്‍സിലാണ് വീഡിയോ നിര്‍മിക്കുന്നത്.  ഒന്നര മിനിറ്റ് ദൈര്‍ഘ്യമാണ് ചിത്രത്തിനുണ്ടാവുക. വീഡിയോയുടെ സ്വിച്ച് ഓണ്‍ ജില്ലാ കലക്ടര്‍ അമിത് മീണ നിര്‍വഹിച്ചു.
പി ഉബൈദുള്ള എംഎല്‍എ, ഡിടിപിസി സെക്രട്ടറി ബിനോഷ് കുഞ്ഞപ്പന്‍, എക്സി. കമ്മിറ്റി അംഗങ്ങളായ വി.പി അനില്‍, പാലോളി കുഞ്ഞിമുഹമ്മദ്, കെ വിലാസിനി, കെ കെ രാജീവ്, കെ വരുണ്‍ എന്നിവര്‍ പങ്കെടുത്തു.

ജില്ലാ ആരോഗ്യ കുടുംബക്ഷേമ സമിതിക്കു കീഴില്‍ ജില്ലയിലെ വിവിധ ആരോഗ്യ സ്ഥാപനങ്ങളിലേക്ക് കരാര്‍ അടിസ്ഥാനത്തില്‍ ജെ.പി.എച്ച്.എന്‍ നിയമനത്തിനായി എ.എന്‍.എം യോഗ്യതയും കേരള നഴ്‌സസ് ആന്റ് മിഡ്‌വൈഫ്  കൗണ്‍സില്‍ രജിസ്‌ട്രേഷനുമുള്ളവരില്‍ നിന്നും അപേക്ഷ ക്ഷണിച്ചു. പ്രായ പരിധി 40 വയസ്സ്.  താല്‍പര്യമുള്ളവര്‍ ഡിസംബര്‍ 14 ന് രാവിലെ 10 ന് മലപ്പുറം സിവില്‍ സ്റ്റേഷനിലെ ആരോഗ്യകേരളം ജില്ലാ  ഓഫീസില്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം കൂടികാഴ്ചക്ക് എത്തണം. വിവരങ്ങള്‍ ജില്ലാ ഓഫീസില്‍ നിന്നും www. arogyakeralam.gov.in വെബ്‌സൈറ്റില്‍ നിന്നും ലഭിക്കും. ഫോണ്‍: 0483 2730313.

പ്രധാന്‍മന്ത്രി കൗശല്‍ യോജന ആന്‍ഡ് നാഷണല്‍ സ്‌ക്കില്‍ ഡവലപ്‌മെന്റ്   കോര്‍പ്പറേഷന്‍ സംയുക്തമായി  കോട്ടക്കല്‍ ഗവ:വനിതാ പോളിടെക്‌നിക് കോളേജില്‍ ആരംഭിക്കുന്ന ഹ്രസ്വ കാല സൗജന്യ പ്ലമ്പിങ്, കമ്പ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്കിംഗ് കോഴ്‌സുകള്‍ക്ക് അപേക്ഷ ക്ഷണിച്ചു. പ്ലമ്പിങ് യോഗ്യത - ഏഴാക്ലാസ്, കമ്പ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്കിംഗ് എസ.എസ്.എല്‍.സി
ഫോണ്‍ 9846567327/9961480583