പി.ടി.എം ഗവ. കോളേജ് ഫിസിക്‌സ് വിഭാഗത്തിന്റെ നേതൃത്വത്തില്‍ ദ്വിദിന ആസ്‌ട്രോ ഫിസിക്‌സ് ദേശീയ സെമിനാര്‍ നവംബര്‍ 23,24 തീയതികളില്‍ കോളേജില്‍ നടക്കും.  കോളേജ് വിദ്യാഭ്യാസ വകുപ്പിന്റെ സാമ്പത്തിക സഹായത്തോടെയാണ് സെമിനാര്‍ സംഘടിപ്പിക്കുന്നത്.  ഡോ. അജി എ ആനപ്പാറ, ഡോ. ലിബു അലക്‌സാണ്ടര്‍, ഡോ. ബിജു, ഡോ. ജിനു പി യോഹന്നാന്‍ എന്നിവര്‍ പങ്കെടുക്കും.

തദ്ദേശസ്ഥാപനങ്ങളുടെ പദ്ധതികള്‍ക്ക് അംഗീകാരം നല്‍കുന്നതിനായി ജില്ലാ ആസൂത്രണ സമിതിയുടെ യോഗം ഇന്ന് (നവംബര്‍ 22) ജില്ലാ പഞ്ചായത്ത് സമ്മേളന ഹാളില്‍ ചേരും.

ജില്ലാ വികസന സമിതി യോഗം നവംബര്‍ 25ന് കലക്ടറേറ്റ് സമ്മേളന ഹാളില്‍ ചേരും. ഉദ്യോഗസ്ഥര്‍ മുന്‍ യോഗത്തിന്റെ തുടര്‍ നടപടി സംബന്ധിച്ച് സ്വീകരിച്ച റിപ്പോര്‍ട്ട് എംഎല്‍എ മാര്‍ക്കും പകര്‍പ്പ് ജില്ലാ പ്ലാനിങ് ഓഫീസിലും നല്‍കണം. ജില്ലാതല ഉദ്യോഗസ്ഥര്‍ നിര്‍ബന്ധമായും യോഗത്തില്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.

ചട്ടിപ്പറമ്പ്  ഇലെക്ട്രിക്കല്‍ സെക്ഷന്‍  പരിധിയില്‍  ഇന്ന് (നവംബര്‍ 22) രാവിലെ 9  മുതല്‍ 5  വരെ ഒറ്റത്തറ ,പാട്ടുപ്പാറ എന്നി ട്രാന്‍സ്‌ഫോര്‍മേറുകളില്‍ ഭാഗികമായി വൈദ്യുതി മുടങ്ങും.

പാണക്കാട് വില്ലേജ് പരിധിയിലെ ആധാരം കംപ്യൂട്ടറൈസ് ചെയ്യുന്നതിന് ഭൂവുടമകള്‍ നിശ്ചിത മാതൃകയിലുള്ള അപേക്ഷ, ആധാരം, നികുതി രസീതിന്റെ പകര്‍പ്പ് എന്നിവ പാണക്കാട് വില്ലേജ് ഓഫീസില്‍ ഹാജരാക്കണം. ഡിസംബര്‍ 25നകം അധാരം ഹാജരാക്കത്തവര്‍ക്ക് കൈവശ സര്‍ട്ടിഫിക്കറ്റ്, നികുതി രസീത്, ഭൂമി സംബന്ധിച്ച മറ്റ് സര്‍ട്ടിഫിക്കറ്റുകള്‍ നല്‍കുകയില്ലെന്ന് വില്ലേജ് ഓഫീസര്‍ അറിയിച്ചു.

കേന്ദ്ര വനിതാ - ശിശു വികസന മന്ത്രാലയത്തിന്റെ  പദ്ധതിയായ ചൈല്‍ഡ്‌ലൈന്‍ മലപ്പുറം പൊന്നാനി സപ്പോര്‍ട്ട് യൂണിറ്റിലേക്ക്  ഉദ്യോഗാര്‍ഥികളെ ആവശ്യമുണ്ട്. ബിരുദമാണ് യോഗ്യത. ബയോഡാറ്റ അയക്കേണ്ട വിലാസം: childlinemalappuramsupport@gmail.com  മൊബൈല്‍: 9847194374, 9995039776

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ സ്വയം തൊഴില്‍ വിഭാഗത്തിന്റെ ആഭിമുഖ്യത്തില്‍ നവംബര്‍ 25ന് രാവിലെ 10ന് മാറഞ്ചേരി ഐ.ടി.ഐയില്‍ സ്വയം തൊഴില്‍ ബോധവത്ക്കരണ ശില്‍പശാല സംഘടിപ്പിക്കുന്നു. പങ്കെടുക്കാന്‍ താല്‍പര്യമുള്ളവര്‍ മാറഞ്ചേരി ഐ.ടി.ഐയില്‍ ഹാജരാകണം .