കേരള ഖാദി ഗ്രാമവ്യവസായ ബോര്‍ഡിന്റെ എന്റെ ഗ്രാമം പദ്ധതിയുടെയും പ്രധാനമന്ത്രിയുടെ തൊഴില്‍ദായക പദ്ധതിയുടെയും കീഴില്‍ ഗ്രാമ പ്രദേശങ്ങളില്‍ ഉല്‍പാദന/സേവന മേഖലയില്‍ ചെറുകിട വ്യവസായങ്ങള്‍ ആരംഭിക്കുന്നതിന് അപേക്ഷ ക്ഷണിച്ചു.  വിവരങ്ങള്‍ക്ക് ജില്ലാ ഖാദി ഗ്രാമ വ്യവസായ ഓഫീസുമായി ബന്ധപ്പെടാം.  ഫോണ്‍ 04936 202602.

             നെന്മാറ ഗവ: ഐ.ടി.ഐ.യില്‍ ഡ്രാഫ്റ്റ്സ്മാന്‍ സിവില്‍ ട്രേഡില്‍ ഗസ്റ്റ് ഇന്‍സ്ട്രക്ടറെ നിയമിക്കും.  എഞ്ചിനീയറിങ് ബിരുദം അല്ലെങ്കില്‍ ത്രിവത്സര  എഞ്ചിനീയറിങ് ഡിപ്ലൊമ                    അല്ലെങ്കില്‍ എന്‍.റ്റി.സിയും മൂന്ന് വര്‍ഷത്തെ പ്രവൃത്തി പരിചയം അല്ലെങ്കില്‍ എന്‍.റ്റി.സി.യും എന്‍.എ.സി.യും ഒരു വര്‍ഷത്തെ  പ്രവൃത്തി പരിചയവുമാണ് യോഗ്യത. വിദ്യാഭ്യാസ യോഗ്യത, വയസ്സ്, പ്രവൃത്തി പരിചയം തെളിയിക്കുന്നതിനുളള അസ്സല്‍ സര്‍ട്ടിഫിക്കറ്റുകളുമായി ഡിസംബര്‍ നാല് രാവിലെ 11ന് ഓഫീസില്‍ നടത്തുന്ന അഭിമുഖത്തിനെത്തണമെന്ന് പ്രിന്‍സിപ്പല്‍ അറിയിച്ചു.

                കരിങ്കുറ്റി ഗവ.വൊക്കേഷണല്‍ ഹയര്‍സെക്കന്ററി സ്‌കൂളില്‍ എന്‍.വി.ടി. ഇംഗ്ലീഷ് (ജൂനിയര്‍) താല്‍കാലിക ഒഴിവിലേക്കുള്ള കൂടിക്കാഴ്ച നവംബര്‍ 30ന് രാവിലെ 11ന് നടത്തും.

                മുട്ടില്‍ ഗ്രാമപഞ്ചായത്തിലെ ചെലഞ്ഞിച്ചാല്‍ തുടര്‍ വിദ്യാകേന്ദ്രത്തിന്റെ കീഴില്‍ കേരള സംസ്ഥാന സാക്ഷരത മിഷന്‍ അതോറിറ്റിയുടെ സര്‍ട്ടിഫിക്കറ്റ് കോഴ്‌സുകള്‍ക്ക് അപേക്ഷ ക്ഷണിച്ചു.  നാല് മാസമാണ് കോഴ്‌സ് കാലാവധി.  പൊതു അവധി ദിവസങ്ങളിലാണ് ക്ലാസുകള്‍. വിദ്യാഭ്യാസ യോഗ്യത എട്ടാം ക്ലാസ്. കോഴ്‌സ് ഫീസ് 2500 രൂപ.  ഫോണ്‍ 9496111418.

    2018-2020 വര്‍ഷങ്ങളില്‍ അറിയിക്കപ്പെടുന്ന  വിവിധ ഒഴിവുകളിലേക്ക്  പരിഗണിക്കപ്പെടുന്നതിന് യോഗ്യരായ  ഉദ്യോഗാര്‍ഥികളുടെ  താത്ക്കാലിക  സെലക്ട് ലിസ്റ്റുകള്‍   ജില്ലാ എംപ്ലോയ്മെന്‍റ് എക്സ്ചേഞ്ചില്‍   പ്രസിദ്ധീകരിച്ചു.  ഡിസംബര്‍ 12 വരെ   ഉദ്യോഗാര്‍ഥികള്‍ക്ക് ലിസ്റ്റ് പരിശോധിച്ച്  ആവശ്യമെങ്കില്‍   അപ്പീല്‍ നല്‍കാം.  employment.kerala.gov.in വെബ്സൈറ്റിലും സീനിയോറിറ്റി ലിസ്റ്റുകള്‍ പരിശോധിക്കാം.