പത്തനംതിട്ട എസ്ബിഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ മുത്തുകള്‍, നൂലുകള്‍, പേളുകള്‍ എന്നിവ കൊണ്ട് ഉണ്ടാക്കുന്ന നൂതന ആഭരണങ്ങള്‍, നെറ്റിപ്പട്ടം എന്നിവയുടെ നിര്‍മാണത്തില്‍ സൗജന്യ പരിശീലനം നല്‍കും. 18നും 45നും മധ്യേ പ്രായമുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 30നകം 0468 2270244, 2270243 എന്നീ നമ്പരുകളില്‍ പേര് രജിസ്റ്റര്‍ ചെയ്യണം. 
                                                  (പിഎന്‍പി 3197/17)
 

    ജില്ലാകളക്ടറുടെ നേതൃത്വത്തില്‍  മഞ്ചേശ്വരം   താലൂക്കിലെ   പരാതിപരിഹാര അദാലത്ത്  നാളെ (30) രാവിലെ  9.30 മുതല്‍  മഞ്ചേശ്വരം  മേഴ്‌സി കണ്‍വെന്‍ഷന്‍ ഹാളില്‍ നടത്തും. ഈ അദാലത്തില്‍  ലൈഫ് മിഷന്‍ പദ്ധതി, ചികിത്സ  ധനസഹായം റേഷന്‍കാര്‍ഡ് എല്‍ ആര്‍ എം കേസുമായി ബന്ധപ്പെട്ട പരാതികള്‍  ഒഴികെയുളളവ സ്വീകരിക്കുമെന്ന് ജില്ലാ കളക്ടര്‍ അറിയിച്ചു. 

   ഈ വര്‍ഷത്തെ ലോക എയ്ഡ്‌സ് ദിനം ജില്ലയില്‍ വിവിധ പരിപാടികളോടെ ആചരിക്കും. 'എന്റെ ആരോഗ്യം എന്റെ അവകാശം' എന്നതാണ് ഈ വര്‍ഷത്തെ എയ്ഡ്‌സ്ദിന സന്ദേശം. എയ്ഡ്‌സ് ബോധവത്ക്കരണവുമായി ബന്ധപ്പെട്ട് സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റിയുടെയും ജില്ലാ മെഡിക്കല്‍ ഓഫീസിന്റെയും ആഭിമുഖ്യത്തില്‍ ഈ മാസം 28 മുതല്‍ ഡിസംബര്‍ എട്ടുവരെ ജില്ലയിലെ 30 കേന്ദ്രങ്ങളില്‍ ബോധവത്ക്കരണ സ്‌കിറ്റുകള്‍ അവതരിപ്പിക്കും.  

   ഒടയംചാല്‍-ചെറുപുഴ റോഡില്‍  നല്ലോംപുഴയ്ക്കും ചിറ്റാരിക്കാല്‍  ഇരുപത്തിയഞ്ചിനും  ഇടയില്‍ ടാറിംഗ് പണികള്‍ നടക്കുന്നതിനാല്‍ നല്ലോംപുഴയ്ക്കും ചിറ്റാരിക്കാല്‍-കാര റോഡ് ദംഗ്ഷനുമിടയില്‍ നാളെ (30) മുതല്‍  ഇനിയൊരറിയിപ്പുണ്ടാകുന്നതു വരെ  വാഹനം ഗതാഗതം നിരോധിച്ചതായി എക്‌സി. എഞ്ചിനീയര്‍ (റോഡ്‌സ്) അറിയിച്ചു.

      നോര്‍ക്ക റൂട്ട്‌സ്  തൊഴില്‍ വൈദഗ്ധ്യ പരിശീലനത്തിന്റെ ഭാഗമായി കയ്യൂര്‍ ഗവ. ഐ.ടി.ഐ യില്‍ മൂന്നു മാസ കാലാവധിയില്‍ ഹ്രസ്വകാല കോഴ്‌സ് നടത്തുന്നു. ടിഗ് & മിഗ് വെല്‍ഡിംഗ്, ഗ്യാസ്  & ആര്‍ക് വെല്‍ഡിംഗ്, ടോട്ടല്‍ സ്റ്റേഷന്‍ സര്‍വെ, ഇന്‍ഡസ്ട്രിയല്‍ ഇലക്ട്രീഷ്യന്‍ എന്നീ കോഴ്‌സുകള്‍ക്ക് എസ്എസ്എല്‍സി പാസായവര്‍ (ഐടിഐ പാസായവര്‍ക്ക് മുന്‍ഗണന), ബന്ധപ്പെട്ട മേഖലയില്‍ പ്രവൃത്തിപരിചയമുള്ളവര്‍ എന്നിവരില്‍ നിന്ന് അപേക്ഷകള്‍ ക്ഷണിച്ചു.  പ്രായ പരിധി 18-45. അവസാന തീയതി ഡിസംബര്‍ 12 വൈകുന്നേരം അഞ്ച് മണി.ഫോണ്‍: 0467 2230980.
 

   ജില്ലയില്‍ ആഴ്ച ചന്തകളുടെ ജില്ലാതല ഉദ്ഘാടനം  മഞ്ചേശ്വരം ബ്ലോക്ക് ഓഫീസിന് സമീപത്ത് ബ്ലോക്ക് പഞ്ചായത്ത് പ്രസിഡന്റ്  എ.കെ.എം.അഷറഫ് നിര്‍വ്വഹിച്ചു.  മഞ്ചേശ്വരം ബ്ലോക്ക് പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ മുഹമ്മദ് മുസ്തഫ അദ്ധ്യക്ഷത വഹിച്ചു.  ജില്ലാ പ്രിന്‍സിപ്പല്‍ കൃഷി ഓഫീസര്‍ ടി ആര്‍ ഉഷാദേവി പദ്ധതി വിശദീകരിച്ചു.     കര്‍ഷകരുടെ ഉത്പന്നങ്ങള്‍ അവരില്‍ നിന്നും ശേഖരിച്ച് ഇടനിലക്കാരില്ലാതെ ആഴ്ചചന്തകളില്‍ നേരിട്ട് വിപണനം നടത്താം.      കാര്‍ഷിക വികസന കര്‍ഷക ക്ഷേമ വകുപ്പിന്റെയും കുടുംബശ്രീയുടെയും ഹരിതകേരളം പദ്ധതിയുടെയും സംയുക്താഭിമുഖ്യത്തില്‍ ആണ് ആഴ്ചചന്തകള്‍ നടത്തുന്നത്.

    ശബരിമല തീര്‍ഥാടനം  പ്രമാണിച്ച് ഇന്ന് (29ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    സ്നേഹ  മെഡിക്കല്‍സ് പത്തനംതിട്ട, മാരാമണ്‍ മെഡിക്കല്‍സ് കോഴഞ്ചേരി, ബിലീവേഴ്സ് ചര്‍ച്ച് മെഡിക്കല്‍ സെന്‍റര്‍ കോന്നി, മാവേലി മെഡിക്കല്‍ സ്റ്റോര്‍ റവന്യു ടവര്‍ അടൂര്‍, വിഷ്ണു   മെഡിക്കല്‍സ് എംഎം ജംഗ്ഷന്‍ പന്തളം, പുഷ്പഗിരി മെഡിക്കല്‍ കോളേജ് ഹോസ്പിറ്റ ല്‍  തിരുവല്ല, ചള്ളുമാട്ട് മെഡിക്കല്‍സ് പഴവങ്ങാടി റാന്നി, കുര്യന്‍ മെഡിക്കല്‍സ് കുമ്പളാംപൊയ്ക.                                        (34/17)

    കുടുംബശ്രീ മിഷന്‍റെ നേതൃത്വത്തില്‍ ആരംഭിക്കുന്ന വയോജനങ്ങള്‍ക്കായുള്ള ജിറിയാട്രിക് കെയര്‍ ഫോര്‍ സീനിയര്‍ സിറ്റിസണ്‍സ് എന്ന പദ്ധതി പ്രകാരം ജിറിയാട്രിക്          കെയര്‍ എക്സിക്യൂട്ടീവ് ആയി പ്രവര്‍ത്തിക്കാന്‍ താത്പര്യമുള്ളവര്‍ക്ക് പരിശീലനം നല്‍കും. എസ്എസ്എല്‍സി യോഗ്യതയുള്ള 45 വയസില്‍ താഴെ പ്രായമുള്ളവരായിരിക്കണം. താത്പര്യമുള്ളവര്‍ വിശദമായ ബയോഡേറ്റ സഹിതം കുടുംബശ്രീ ജില്ലാ മിഷനിലേക്ക് ഡിസംബര്‍ നാലിനകം അപേക്ഷ നല്‍കണം. ഫോണ്‍: 0468 2221807.
                                                 (പിഎന്‍പി 3196/17)
    

    ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ ആഭിമുഖ്യത്തില്‍ സ്വയംതൊഴില്‍ സംരംഭകര്‍ക്കായി ബോധവത്ക്കരണ ശില്പശാല നടത്തി. ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി ഉദ്ഘാടനം ചെയ്തു. ജില്ലാ എംപ്ലോയ്മെന്‍റ് ഓഫീസര്‍ ബി.മല്ലിക അധ്യക്ഷത വഹിച്ച ചടങ്ങില്‍ എംപ്ലോയ്മെന്‍റ് ഓഫീസര്‍ (പ്ലേസ്മെന്‍റ്) സി.ഖദീജ ബീവി, ആര്‍എസ്ഇടിഐ ഡയറക്ടര്‍ ജോര്‍ജ് വര്‍ഗീസ്, ജൂനിയര്‍ എംപ്ലോയ്മെന്‍റ് ഓഫീസര്‍മാരായ  എം.ബി.ഹരികുമാര്‍, റ്റി.പി.സുരേഷ്കുമാര്‍ എന്നിവര്‍ സംസാരിച്ചു.