ജില്ലയുടെ ഹൂമന്‍ ഡവലപ്‌മെന്റ് ഇന്‍ഡക്‌സ് ഉയര്‍ത്തുന്നതിനുളള പ്രവര്‍ത്തനങ്ങള്‍ക്ക് നേതൃത്വം നല്‍കാന്‍  നിയോഗിച്ച നോഡല്‍ ഓഫീസറും എംപ്ലോയിസ് പ്രോവിഡന്റ് ഫണ്ട് ചീഫ് എക്‌സിക്യൂട്ടീവ് ഓഫീസറുമായ ഡോ.വി.പി ജോയി കളക്‌ട്രേറ്റില്‍ ജില്ലാ ഉദ്യോഗസ്ഥരുടെ യോഗം വിളിച്ചു. വിവിധ സംസ്ഥാനങ്ങളിലായി 150 ജില്ലകളിലാണ്  ഏറ്റവും കുറഞ്ഞ ഹൂമന്‍ ഡവലപ്‌മെന്റ് ഇന്‍ഡക്‌സ് ഉളളത്. വിവിധ കാരണങ്ങളാല്‍ ജില്ല പുറകിലാണെന്ന്  വി.പി.ജോയി പറഞ്ഞു.

    കുറ്റകൃത്യങ്ങള്‍ക്ക് ഇരയായവര്‍ക്ക് മാനസികവും ശാരീരികവുമായ സംരക്ഷണം ഉറപ്പാക്കുന്നതിനായി രൂപവത്കരിച്ച 'വിശ്വാസ്' സംഘടനയുടെ ഭാഗമായ വൊളന്‍റിയര്‍ ഗ്രൂപ്പ്' കൂടുതല്‍ സേവനമേഖലകളില്‍ പ്രവര്‍ത്തിക്കും. ഇതിന് മുന്നോടിയായി അംഗങ്ങള്‍ക്ക് നല്‍കിയ പരിശീലനംജില്ലാ പൊലീസ് മേധാവി പ്രതീഷ്കുമാര്‍ ഉദ്ഘാടനം ചെയ്തു. കലക്ടറേറ്റ് സമ്മേളനഹാളില്‍ നടന്ന പരിപാടിയില്‍ 'വിശ്വാസ്'  ചെയര്‍മാന്‍ കൂടിയായ ജില്ലാ കലക്ടര്‍ ഡോ:പി.സുരേഷ് ബാബു അധ്യക്ഷനായി. 

ആഗോള ഡിജിറ്റല്‍ ഉച്ചകോടിയായ '#ഫ്യൂച്ചര്‍' 2018 മാര്‍ച്ച് 22, 23 തീയതികളില്‍ കൊച്ചി ലേ മെറിഡിയന്‍ ഹോട്ടലില്‍ നടക്കും. മുഖ്യമന്ത്രി പിണറായി വിജയന്‍ ഉച്ചകോടിയുടെ ലോഗോ പ്രകാശനം ചെയ്തു. വിവര സാങ്കേതികരംഗത്ത് കേരളമെന്ന ബ്രാന്റ് വളര്‍ത്തുകയാണ് ഉച്ചകോടിയിലൂടെ ലക്ഷ്യമിടുന്നതെന്ന് മുഖ്യമന്ത്രി പറഞ്ഞു. 

ആസ്‌ട്രേലിയയുമായി വിവിധ മേഖലകളിലുളള സഹകരണം ശക്തിപ്പെടുത്താന്‍ മുഖ്യമന്ത്രി പിണറായി വിജയനും തെക്കേ ഇന്ത്യയുടെ ചുമതലയുളള ആസ്‌ട്രേലിയന്‍ കൗണ്‍സില്‍ ജനറല്‍ സീന്‍ കെല്ലിയുമായി നടന്ന ചര്‍ച്ചയില്‍ ധാരണയായി. 

സര്‍ക്കാര്‍/സ്വശ്രയ കോളേജുകളിലെ പ്രൊഫഷണല്‍ ഡിപ്ലോമാ ഇന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍ മറ്റു പാരാ മെഡിക്കല്‍ കോഴ്‌സുകളില്‍ ഒഴിവുള്ള സീറ്റുകളിലേക്ക് പ്രവേശനത്തിന് എല്‍.ബി.എസ് സെന്റര്‍ ജില്ലാ ഫെസിലിറ്റേഷന്‍ സെന്ററുകളില്‍ നവംബര്‍ 30ന് രാവിലെ 10 ന് നടത്താനിരുന്ന സ്‌പോട്ട് അലോട്ട്‌മെന്റ് മാറ്റിവച്ചതായി ഡയറക്ടര്‍ അറിയിച്ചു.

പി.എന്‍.എക്‌സ്.5074/17

തിരുവനന്തപുരം പ്രവേശന പരീക്ഷാ കമ്മീഷണറുടെ കാര്യാലയത്തില്‍ വിവിധ തസ്തികകളില്‍ ഡെപ്യൂട്ടേഷന്‍ നിയമനം നടത്തുന്നതിന് അപേക്ഷകള്‍ ക്ഷണിച്ചു.  സംസ്ഥാന സര്‍ക്കാര്‍ സര്‍വീസിലോ, സര്‍ക്കാര്‍ സ്വയംഭരണ സ്ഥാപനങ്ങളിലോ കേന്ദ്രസര്‍ക്കാര്‍ സ്ഥാപനങ്ങളിലോ തത്തുല്യ തസ്തികകളില്‍  ജോലി ചെയ്യുന്നവര്‍ക്ക് അപേക്ഷിക്കാം. സിസ്റ്റം മാനേജര്‍, പ്രോഗ്രാമിംഗ് ഓഫീസര്‍, ഇന്‍ഫര്‍മേഷന്‍ ഓഫീസര്‍, ടെക്‌നിക്കല്‍ അസിസ്റ്റന്റ്, കോണ്‍ഫിഡന്‍ഷ്യല്‍ അസിസ്റ്റന്റ്, അറ്റന്റര്‍ തസ്തികകളിലാണ് നിയമനം.  താത്പര്യമുളളവര്‍ ഡിസംബര്‍ എട്ടിനകം അപേക്ഷ നല്‍കണം.  കൂടുതല്‍ വിവരങ്ങള്‍ www.cee.kerala.org യില്‍ ലഭിക്കും.

പി.എന്‍.എക്‌സ്.5073/17

കുടുംബശ്രീയില്‍ ഗ്രാഫിക് ഡിസൈനറെ കരാര്‍ വ്യവസ്ഥയില്‍ നിയമിക്കുന്നു.  ഡിസൈന്‍ പരീക്ഷയും അഭിമുഖവും ഡിസംബര്‍ 15 ന് കുടുംബശ്രീ ആസ്ഥാനത്ത് നടക്കും.  അപേക്ഷകര്‍ ഡിസംബര്‍ എട്ടിനകം കുടുംബശ്രീ എക്‌സിക്യൂട്ടീവ് ഡയറക്ടര്‍ക്ക് ലഭിക്കണം.  വിശദവിവരം www.kudumbashree.org യില്‍ ലഭിക്കും. 

പി.എന്‍.എക്‌സ്.5072/17