എംപ്ലോയ്‌മെന്റ് എക്‌സ്‌ചേഞ്ചില്‍ 2018 - 19 വര്‍ഷത്തെ സീനിയോറിറ്റി ലിസ്റ്റ് തയ്യാറാക്കുന്നതിനാല്‍ രജിസ്‌ട്രേഷന്‍, പുതുക്കല്‍ , സര്‍ട്ടിഫിക്കറ്റ് ചേര്‍ക്കല്‍ എന്നിവ  ഡിസംബര്‍ 20 വരെ ഉണ്ടായിരിക്കുന്നതല്ല . ഇവ ഉദ്യോഗാര്‍ത്ഥികള്‍ക്ക് ഓണ്‍ലൈനായി നടത്താവുന്നതാണ്. സെപ്തംബര്‍, ഒക്‌ടോബര്‍ കാലയളവിലെ പുതുക്കല്‍ രേഖപ്പെടുത്തിയ കാര്‍ഡുകള്‍ 2018 ഫെബ്രുവരി വരെയും നവംബര്‍ , ഡിസംബര്‍ കാലയളവിലെ പുതുക്കല്‍ രേഖപ്പെടുത്തിയ കാര്‍ഡുകള്‍ 2018 മാര്‍ച്ച് 31 വരെയും പുതുക്കാന്‍ അവസരമുണ്ടായിരിക്കും .

തോട്ടു മുക്കം - കുഴിനക്കിപ്പാറ പാലം പുതുക്കി പണിയുന്നതിനാല്‍ ഇതുവഴിയുളള ഗതാഗതം പണിതീരും വരെ നിരോധിച്ചതായി പൊതുമരാമത്ത് എക്‌സി . എഞ്ചിനീയര്‍ അറിയിച്ചു . വാഹനങ്ങള്‍ അരീക്കോട് - വടക്കുമുറി വഴി വെറ്റിലപ്പാറ - എടക്കാട്ടുപറമ്പ് - തോട്ടുമുക്കം - പനമ്പിലാവ് വഴി പോകണം.

അനധികൃത പുഴമണല്‍കടത്തുമായി ബന്ധപ്പെട്ട് സര്‍ക്കാരിലേക്ക് കണ്ടുകെട്ടിയ കെ എല്‍ 10 എ എം 7197 നമ്പര്‍ ടിപ്പര്‍ നാളെ (നവംബര്‍ 23)് സിവില്‍ സ്റ്റേഷനില്‍ ലേലം ചെയ്യും

കേരള വനിതാകമ്മീഷന്‍ അദാലത്ത് ഈ മാസം 25ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും .

പിന്നാക്ക വിഭാഗ വികസന വകുപ്പ് നടപ്പാക്കിവരുന്ന പരമ്പരാഗത കരകൗശല വിദഗ്ധര്‍ക്ക് പണിയായുധങ്ങള്‍ക്കുള്ള ധനസഹായ പദ്ധതിയുടെ  കോഴിക്കോട് , കണ്ണൂര്‍ ,കാസര്‍ഗോഡ് മലപ്പുറം ,വയനാട് , പാലക്കാട് , തൃശൂര്‍ ജില്ലകളിലെ അപേക്ഷകരുടെ മുന്‍ഗണനാലിസ്റ്റ് ംംം.യലററ.സലൃമഹമ.ഴീ്.ശി എന്ന വെബ് സൈറ്റില്‍ പ്രസിദ്ധീകരിച്ചിട്ടുണ്ട്.  ആക്ഷേപങ്ങള്‍ ഉണ്ടെങ്കില്‍ 15 ദിവസങ്ങള്‍ക്കകം മേഖലാ ഡെപ്യൂട്ടി ഡയറക്ടര്‍ , പിന്നാക്ക വിഭാഗ വികസന വകുപ്പ് , കോഴിക്കോട് , സിവില്‍ സ്റ്റേഷന്‍ പി. ഒ കോഴിക്കോട് വിലാസത്തില്‍ രേഖാമൂലം അറിയിക്കണം .

         പൊന്നാനി നഗരസഭയിലെ അഴീക്കല്‍ വാര്‍ഡില്‍ ഉപതെരഞ്ഞെടുപ്പിന് മുന്നോടിയായി പ്രസിദ്ധീകരിച്ച അന്തിമ വോട്ടര്‍പട്ടിക സംസ്ഥാന തെരഞ്ഞെടുപ്പു കമ്മീഷണര്‍     വി.ഭാസ്‌കരന്‍ റദ്ദാക്കി. വോട്ടര്‍ രജിസ്‌ട്രേഷന്‍ ചട്ടങ്ങളിലെ നടപടിക്രമങ്ങള്‍ പാലിക്കാതെ ഇലക്ടറല്‍ രജിസ്‌ട്രേഷന്‍ ആഫീസറായ പൊന്നാനി നഗരസഭാ സെക്രട്ടറി പട്ടികയില്‍ സമ്മതിദായകരുടെ പേര് ഉല്‍പ്പെടുത്തുകയും ഒഴിവാക്കുകയും ചെയ്ത സാഹചര്യത്തിലാണ് കമ്മീഷന്‍    നടപടി സ്വീകരിച്ചത്.

    പുഴക്കാട്ടിരി ഇലക്ട്രിക്കല്‍ സെക്ഷന്‍ ഓഫീസിന്റെ ഉദ്ഘാടനം ഇന്ന് (നവംബര്‍ 21) വൈകീട്ട് 5.30ന് വൈദ്യുതി വകുപ്പ് മന്ത്രി എം.എം. മണി നിര്‍വ്വഹിക്കും.  ടി.എ. അഹമ്മദ് കബീര്‍ എം.എല്‍.എ അധ്യക്ഷനാവും. പി.കെ. കുഞ്ഞാലിക്കുട്ടി എം.പി മുഖ്യപ്രഭാഷണം നടത്തും.  ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ പങ്കെടുക്കും.

    ഹോമിയോ മരുന്നുകള്‍ ഉപയോഗിക്കുന്ന കുട്ടികളില്‍ മിസില്‍സ് - റുബെല്ല വാക്‌സിന്‍ കുത്തിവെപ്പ് നടത്തിയാല്‍ യാതൊരു ദൂഷ്യഫലങ്ങളും ഉണ്ടാവില്ലെന്ന് ജില്ലാ മെഡിക്കല്‍ ഓഫീസര്‍ (ഹോമിയോ) ഡോ. എല്‍. ഷീബാബീഗം പറഞ്ഞു.  ഹോമിയോ സ്ഥാപനങ്ങളില്‍ എത്തുന്നവരെ ഡോക്ടര്‍മാര്‍ കുത്തിവെപ്പ് നടത്തുന്നതിനുള്ള ബോധവല്‍ക്കരണം നടത്തണമെന്നും മെഡിക്കല്‍ ഓഫീസര്‍ (ഹോമിയോ) പറഞ്ഞു.

    മിസില്‍സ് - റുബെല്ല കുത്തിവെപ്പ് ആയുര്‍വ്വേദ മരുന്നുകള്‍ ഉപയോഗിക്കുന്നവരും നിര്‍ബ്ന്ധമായും എടുക്കണം.  ആയുര്‍വ്വേദ ഡോക്ടര്‍മാര്‍ തങ്ങളെ സമീപിക്കുന്ന രോഗികള്‍ക്ക് കുത്തിവെപ്പ് എടുക്കുന്നതിന് നിര്‍ദ്ദേശം നല്‍കണം. വീഴ്ച വരുത്തുന്ന ഡോക്ടര്‍മാര്‍ക്കെതിരെ നടപടി സ്വീകരിക്കുമെന്ന് ഇന്ത്യന്‍ സിസ്റ്റംസ് ഓഫ് മെഡിസിന്‍ ജില്ലാ മെഡിക്കല്‍ ഓഫീസര്‍ ഡോ. ലിന്‍സി പി. മഞ്ഞളി അറിയിച്ചു.