തൃശൂര്‍ ജില്ലാ എംപ്ലോയബിലിറ്റി സെന്ററില്‍ സംസ്ഥാനാടിസ്ഥാനത്തില്‍ രജിസ്‌ട്രേഷന്‍ ഉള്ള പ്രമുഖ ബാങ്കിംഗ് സ്ഥാപനത്തിലെ വിവിധ തസ്തികകളിലേക്ക് അപേക്ഷ ക്ഷണിച്ചു. യൂണിറ്റ് മാനേജര്‍, അസിസ്റ്റന്റ് യൂണിറ്റ് മാനേജര്‍, ഓഫീസര്‍, മെമ്പര്‍ റിലേഷന്‍സ്, സെയില്‍സ് ഓഫീസര്‍, ബ്രാഞ്ച് മാനേജര്‍ തസ്തികകളില്‍ വിവിധ ജില്ലകളില്‍ 240 ഒഴിവുകളിലേക്ക് പ്ലസ്ടു മുതല്‍ ബിരുദാനന്തര ബിരുദം വരെ യോഗ്യതയുള്ളവര്‍ക്ക് അപേക്ഷിക്കാം.

സ്‌കൂള്‍ ഉച്ചഭക്ഷണ പദ്ധതിയുടെ ഭാഗമായി ഭക്ഷണ/കുടിവെള്ള സാമ്പിളുകള്‍ പരിശോധിക്കുന്നതിന് എന്‍.എ.ബി.എല്‍ അക്രഡിറ്റേഷന്‍ ഉള്ള കേരളത്തിലെ ലാബുകളില്‍ നിന്നും താത്പര്യപത്രം ക്ഷണിച്ചു. വിശദ വിവരങ്ങള്‍ www.education.kerala.gov.in ല്‍ ലഭിക്കും.

പി.എന്‍.എക്‌സ്.5026/17

തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക്കില്‍ ജനറല്‍ വിഭാഗം ലക്ചറര്‍മാരുടെ താത്കാലിക ഒഴിവിലേക്ക് നവംബര്‍ 29 ന് രാവിലെ 10 ന് അഭിമുഖം നടത്തും. നിശ്ചിത യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുമായി നേരിട്ടെത്തണം. ഇംഗ്ലീഷ് അധ്യാപകന്റെ രണ്ട് ഒഴിവുണ്ട്. ഫസ്റ്റ് ക്ലാസ് ബിരുദാനന്തര ബിരുദമാണ് യോഗ്യത. വിശദ വിവരങ്ങള്‍ www.cpt.ac.in ല്‍ ലഭ്യമാണ്. ഫോണ്‍ : 0471 2360391.

പി.എന്‍.എക്‌സ്.5025/17

എക്കണോമിക്‌സ് ആന്റ് സ്റ്റാറ്റിസ്റ്റിക്‌സ് വകുപ്പ് 2017 സെപ്റ്റംബര്‍ മാസത്തെ വിലനിലവാര സൂചിക പ്രസിദ്ധീകരിച്ചു. ജില്ല, സൂചിക ക്രമത്തില്‍. 2017 ആഗസ്റ്റ് മാസത്തിലേത് ബ്രാക്കറ്റില്‍.

തിരുവനന്തപുരം 151 (152), കൊല്ലം 149 (150), പുനലൂര്‍ 148 (149), പത്തനംതിട്ട 161 (160), ആലപ്പുഴ 155 (156), കോട്ടയം 156 (154), മുണ്ടക്കയം 148 (148), ഇടുക്കി 151 (150), എറണാകുളം 150 (150), ചാലക്കുടി 156 (156), തൃശൂര്‍ 152 (151), പാലക്കാട് 145 (144), മലപ്പുറം 150 (150), കോഴിക്കോട് 154 (154), വയനാട് 152 (151), കണ്ണൂര്‍ 160 (161), കാസര്‍ഗോഡ് 157 (156)

പി.എന്‍.എക്‌സ്.5024/17

കേരള റയില്‍ ഡെവലപ്‌മെന്റ് കോര്‍പറേഷന്‍ ലിമിറ്റഡില്‍ കമ്പനി സെക്രട്ടറി തസ്തികയില്‍ നിയമനം നടത്തുന്നതിന്റെ വിശദാംശങ്ങള്‍ www.kerala.gov.in ല്‍ ലഭിക്കുമെന്ന് എം.ഡി അറിയിച്ചു.

പി.എന്‍.എക്‌സ്.5023/17

അറുപത്തി ഒന്‍പതാമത് എന്‍.സി.സി ദിനാഘോഷം 27ന് വൈകിട്ട് മൂന്നു മണിക്ക് സെന്‍ട്രല്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.  തൃശൂര്‍ മണ്ണുത്തി 1 കേരള ആര്‍ ആന്റ് വി സ്‌ക്വാഡ്രനിലെ സീനിയര്‍ എന്‍.സി.സി കേഡറ്റുകളുടെ അശ്വാഭ്യാസ പ്രദര്‍ശനവും 1 കേരള എയര്‍ വിംഗ് എന്‍.സി.സിയുടെ എയര്‍ഷോയും, മൈക്രോ ലൈറ്റ് എയര്‍ക്രാഫ്റ്റിന്റെ പുഷ്പ വൃഷ്ടിയും, കര, നാവിക, വ്യോമസേന എന്‍.സി.സി വിഭാഗങ്ങളുടെ മോഡല്‍ പ്രദര്‍ശനവും ഉണ്ടായിരിക്കും.  2018 ജനുവരി 26ന് ന്യൂഡല്‍ഹിയില്‍ നടക്കുന്ന റിപ്പബ്ലിക്ദിന പരേഡില്‍ പങ്കെടുക്കാന്‍ തെരഞ്ഞെടുക്കപ്പെട്ട കേഡറ്റുകളുടെ കലാസാംസ്‌കാരിക പരിപാടിയും നടക്കും.  വിവിധ വകു

സംസ്ഥാന ന്യൂനപക്ഷ കമ്മീഷനില്‍ ഒഴിവുളള അസിസ്റ്റന്റ്, ജൂനിയര്‍ അസിസ്റ്റന്റ്/എല്‍.ഡി.സി, പേഴ്‌സണല്‍ അസിസ്റ്റന്റ് തസ്തികളില്‍ ദിവസവേതനാടിസ്ഥാനത്തില്‍ താത്കാലിക നിയമനത്തിന് വാക്ക് ഇന്‍ ഇന്റര്‍വ്യൂ നടത്തും.  ഡിസംബര്‍ 4ന് രാവിലെ പത്ത് മണിക്ക് തിരുവനന്തപുരം ശാസ്തമംഗലത്തെ ഓഫീസിലാണ് ഇന്റര്‍വ്യൂ.  അസിസ്റ്റന്റ്, ജൂനിയര്‍ അസിസ്റ്റന്റ്/എല്‍.ഡി.സി തസ്തികകള്‍ക്ക് ബിരുദവും, കമ്പ്യൂട്ടര്‍ പരിജ്ഞാനവുമാണ് യോഗ്യത.  മലയാളം ടൈപ്പ്‌റൈറ്റിംഗ് അഭികാമ്യം.  ബിരുദവും ഇംഗ്ലീഷ് മലയാളം ടൈപ്പ്‌റൈറ്റിംഗ്, ഷോര്‍ട്ട് ഹാന്റ് എന്നിവയാണ് പേഴ്‌സണല്‍ അസിസ്റ്റന്റിന്റെ യോഗ്യത.  ഉദ്യോഗാര്‍ത്ഥികള്‍ യോഗ്യതയും പ്രവൃത്തി പരിചയവും തെളിയി

വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജില്‍ നടത്തുന്ന ഒരു വര്‍ഷത്തെ ദൈര്‍ഘ്യമുള്ള ഫൈബര്‍ ഇന്‍ഫോഴ്‌സിഡ് പ്ലാസ്റ്റിക് (എഫ്.ആര്‍.പി) കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി നവംബര്‍ 30.  അപേക്ഷകര്‍ എസ്.എസ്.എല്‍.സി യും ഐ.റ്റി.ഐ യില്‍ (മെക്കാനിസ്റ്റ്, ഫിറ്റര്‍,, പാറ്റേണ്‍ മേക്കര്‍, കാര്‍പെന്റര്‍ അല്ലെങ്കില്‍ മോള്‍ഡര്‍) ട്രേഡുകളില്‍ ഏതെങ്കിലുമൊന്ന് പാസായിരിക്കണം. അപേക്ഷ ഫാറം പത്തു രൂപാ നിരക്കില്‍ സെന്‍ട്രല്‍ പോളിടെക്‌നിക് കോളേജിന്റെ ഓഫീസില്‍ ലഭിക്കും.

പി.എന്‍.എക്‌സ്.5020/17

കോട്ടയം ജില്ലയില്‍ ഹോമിയോപ്പതി വകുപ്പില്‍ (കാറ്റഗറി നമ്പര്‍ 91/15) നേഴ്‌സ് ഗ്രേഡ്-2 (ഹോമിയോ) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്ക് നവംബര്‍ 29 മുതല്‍ ഡിസംബര്‍ ഒന്നുവരെയുള്ള തീയതികളില്‍ കേരള പബ്ലിക് സര്‍വ്വീസ് കമ്മീഷന്റെ കോട്ടയം ജില്ലാ ഓഫീസില്‍ ഇന്റര്‍വ്യൂ നടത്തും. അര്‍ഹരായ എല്ലാ ഉദ്യോഗാര്‍ത്ഥികള്‍ക്കും ഇന്റര്‍വ്യൂ മെമ്മോ അയച്ചിട്ടുണ്ട്ഇന്റര്‍വ്യൂ സംബന്ധമായ വിവരങ്ങള്‍  www.keralapsc.gov.in ല്‍ ലഭിക്കും.

പി.എന്‍.എക്‌സ്.5019/17

സുപ്രീം കോടതി ഉത്തരവനുസരിച്ച് എഞ്ചിനീയറിംഗ് കോളേജുകളിലെ അസോസിയേറ്റ് പ്രൊഫസര്‍, പ്രൊഫസര്‍, പ്രിന്‍സിപ്പല്‍ തസ്തികകളില്‍ 2008 മുതല്‍ നടന്ന ഉദ്യോഗക്കയറ്റം പുനക്രമീകരിക്കുന്നതുമായി ബന്ധപ്പെട്ടുള്ള പരാതികള്‍ 27 നകം സര്‍ക്കാരിന് നേരിട്ട് സമര്‍പ്പിക്കാം. ഗവ: സെക്രട്ടേറിയറ്റിലെ ഉന്നത വിദ്യാഭ്യാസ (ജി) വകുപ്പ് സെക്രട്ടറിയ്ക്കാണ് നല്‍കേണ്ടത്. ഈ കാലയളവില്‍ വിരമിച്ചവര്‍ക്കും നിലവില്‍ അന്യത്ര സേവനത്തിലുള്ളവര്‍ക്കും പരാതി സമര്‍പ്പിക്കാം. പരാതികള്‍ പരിശോധിക്കുന്നതിനും നേരിട്ടു കേള്‍ക്കുന്നതിനും സര്‍ക്കാര്‍ സമിതി രൂപീകരിച്ചിട്ടുണ്ട്.

പി.എന്‍.എക്‌സ്.5018/17