ക്ഷീരവികസന വകുപ്പിന്റെ കീഴിലുളള സ്റ്റേറ്റ് ഡെയറി ലബോറട്ടറിയില്‍ മാസം 15, 000 രൂപ വേതനത്തില്‍ കരാര്‍ അടിസ്ഥാനത്തില്‍ ഒരു ഇലക്ട്രീഷ്യനെ നിയമിക്കുന്നു.  പ്രായം 18നും 40നുമിടയിലായിരിക്കണം.  ഇലക്ട്രീഷ്യന്‍ ട്രേഡില്‍ സര്‍ക്കാര്‍ അംഗീകൃത സര്‍ട്ടിഫിക്കറ്റും വയറിംഗ് ലൈസന്‍സും ഇലക്ട്രിക് വര്‍ക്കില്‍ അഞ്ച് വര്‍ഷത്തെ പ്രവൃത്തി പരിചയവും ഉണ്ടാവണം.  പ്ലംബിംഗ് ട്രേഡിലുളള സര്‍ക്കാര്‍ അംഗീകൃത സര്‍ട്ടിഫിക്കറ്റുളളവര്‍ക്ക് മുന്‍ഗണന.  പ്രായം, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ രേഖകള്‍ സഹിതം ഡിസംബര്‍ അഞ്ചിന് രാവിലെ 11ന് തിരുവനന്തപുരം പട്ടത്തെ ക്ഷീരവികസന വകുപ്പ് ഡയറക്ടറേറ്റില്‍ നടക്കുന

സംസ്ഥാനത്തെ ഒരു കേന്ദ്രസര്‍ക്കാര്‍ സ്ഥാപനത്തില്‍ ഒ.ബി.സി, പട്ടിക ജാതി, പട്ടികവര്‍ഗ വിഭാഗങ്ങള്‍ക്കായി സംവരണം ചെയ്ത സീമാന്റെ സ്ഥിരം ഒഴിവുകളുണ്ട്.  എസ്.എസ്.എല്‍.സി അല്ലെങ്കില്‍ തത്തുല്യ യോഗ്യതയുണ്ടാവണം.  യന്ത്രവത്കൃത കടല്‍യാനങ്ങള്‍ (Sea going mechanized vessel) കൈകാര്യം ചെയ്തതിന്റെ മൂന്ന് വര്‍ഷത്തെയും ഹെംസ്മാന്‍ & സീമാന്‍ഷിപ്പ് വര്‍ക്കില്‍(helmsman and seamanship work) രണ്ടു വര്‍ഷത്തെയും തൊഴില്‍ പരിചയം.  2017 നവംബര്‍ 10ന് 25 വയസ് കവിയരുത്.  (ഒ.ബി.സി, എസ്.സി/എസ്.റ്റി വിമുക്തഭടന്‍മാര്‍ എന്നീ വിഭാഗങ്ങള്‍ക്ക് നിയമനുസൃത വയസിളവ് ലഭിക്കും)  ശമ്പള സ്‌കെയില്‍ 5200 - 20200.

പൊതുവിദ്യാഭ്യാസ വകുപ്പിന് കീഴില്‍ പ്രവര്‍ത്തിക്കുന്ന എസ്.ഐ.എം.സി യുടെ നേതൃത്വത്തില്‍ ഡിസംബര്‍ 15 മുതല്‍ 31 വരെ എല്ലാ ജില്ലകളിലും രക്ഷാകര്‍തൃ പരിശീലന പരിപാടി നടത്താന്‍ ആഗ്രഹിക്കുന്ന സ്‌പെഷ്യല്‍ സ്‌കൂള്‍, ബുദ്ധിപരമായ വെല്ലുവിളി നേരിടുന്നവര്‍ക്ക് വേണ്ടി പ്രവര്‍ത്തിക്കുന്ന സംഘടനകള്‍ എന്നിവരില്‍ നിന്നും അപേക്ഷകള്‍ ക്ഷണിച്ചു. അപേക്ഷ ഡിസംബര്‍ 10നകം ലഭിക്കണം.  വിശദവിവരങ്ങള്‍ക്ക്: www.simctvm.in

പി.എന്‍.എക്‌സ്.5006/17

മോട്ടോര്‍ വാഹന വകുപ്പ് സംസ്ഥാന വ്യാപകമായി 228 വാഹന പുക പരിശോധനാകേന്ദ്രങ്ങളില്‍ പരിശോധന നടത്തി. ക്രമപ്രകാരമല്ലാത്ത 97 കേന്ദ്രങ്ങള്‍ക്ക് സ്റ്റോപ്പ് മെമ്മോ നല്‍കി.  വാഹന പുക പരിശോധനാകേന്ദ്രങ്ങള്‍ ശരിയായരീതിയില്‍ പ്രവര്‍ത്തിക്കുന്നില്ലന്ന പരാതികളുടെ അടിസ്ഥാനത്തില്‍ ഗതാഗത കമ്മീഷണര്‍ അനില്‍കാന്തിന്റെ നിര്‍ദേശപ്രകാരമായിരുന്നു പരിശോധന.  വാഹന പുക പരിശോധന കേന്ദ്രങ്ങളില്‍ തുടര്‍ പരിശോധന നടത്തി.  ക്രമവിരുദ്ധമായി പ്രവര്‍ത്തിക്കുന്ന വയ്‌ക്കെതിരെ ശക്തമായ നടപടികള്‍  സ്വീകരിക്കുമെന്ന് ഗതാഗത കമ്മീഷണര്‍ അറിയിച്ചു.

പി.എന്‍.എക്‌സ്.5005/17

മൊബൈല്‍ ഫോണ്‍ റിപ്പയറിംഗ് ആന്റ് സര്‍വീസിംഗ്, പി.സി അസംബ്ലിംഗ് ആന്റ് സോഫ്ട്‌വെയര്‍ ഇന്‍സ്റ്റലേഷന്‍, ഡി.റ്റി.പി കോഴ്‌സുകള്‍ പഠിപ്പിക്കുന്നതിന്  ഐ.ടി.ഐ/ഐ.ടി.സി/ഡിപ്ലോമ വിദ്യാഭ്യാസയോഗ്യതയുളള ഗസ്റ്റ് അധ്യാപകരെ നിയമിക്കുന്നു.  ബയോഡേറ്റയുമായി പാളയത്തെ എല്‍.ബി.എസിന്റെ കേന്ദ്ര ഓഫീസില്‍ 27ന് രണ്ട് മണിക്ക് എത്തണം.  കൂടുതല്‍ വിവരങ്ങള്‍ക്ക് എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി, നന്ദാവനം, പാളയം, തിരുവനന്തപുരം എന്ന വിലാസത്തിലോ 0471 2560332, 2560333 എന്ന നമ്പരുമായോ ബന്ധപ്പെടണം.
പി.എന്‍.എക്‌സ്.4999/17
 

*സംസ്ഥാനതല ഉദ്ഘാടനം 27ന് മുഖ്യമന്ത്രി നിര്‍വഹിക്കും

     സ്വാമി വിവേകാനന്ദന്‍ കേരളം സന്ദര്‍ശിച്ചതിന്റെ 125ാം വാര്‍ഷികം വിവേകാനന്ദസ്പര്‍ശം എന്നപേരില്‍ വിവിധ പരിപാടികളോടെ സാംസ്‌കാരിക വകുപ്പിന്റെയും കേരള ഭാഷാ ഇന്‍സ്റ്റിറ്റ്യൂട്ടിന്റെയും ആഭിമുഖ്യത്തില്‍ ആഘോഷിക്കും. നവംബര്‍ 27 മുതല്‍ ഡിസംബര്‍ 22 വരെ നടക്കുന്ന ആഘോഷ പരിപാടികളുടെ സംസ്ഥാനതല ഉദ്ഘാടനം 27ന് വൈകിട്ട് ആറിന് കവടിയാര്‍ വിവേകാനന്ദ പാര്‍ക്കില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. 

മലപ്പുറത്തെ എടയൂര്‍ അത്തിപ്പറ്റ ഗവ: എല്‍.പി സ്‌കൂളിലെ വിദ്യാര്‍ഥികള്‍ക്ക് മീസില്‍സ്, റൂബെല്ല പ്രതിരോധ കുത്തിവയ്പ്പ് നല്‍കുന്നതിനിടെ ക്യാമ്പ് അംഗങ്ങളെ സാമൂഹ്യവിരുദ്ധര്‍ അക്രമിച്ച സംഭവത്തില്‍ കര്‍ശനനടപടിയുമായി മുന്നോട്ടുപോകുമെന്ന് ആരോഗ്യവകുപ്പ് മന്ത്രി കെ.കെ.ശൈലജ ടീച്ചര്‍ അറിയിച്ചു. ഡി.ജി.പിയുടെ അടിയന്തിര ഇടപെടല്‍ മൂലം മണിക്കൂറുകള്‍ക്കുള്ളില്‍ മൂന്നുപേരെ അറസ്റ്റ് ചെയ്യുകയും മറ്റ് പ്രതികള്‍ക്കായുള്ള അന്വേഷണം പുരോഗമിക്കുകയുമാണെന്ന് മന്ത്രി പറഞ്ഞു.

ഡിസംബര്‍ എട്ടു മുതല്‍ 15 വരെ തിരുവനന്തപുരത്ത് നടക്കുന്ന അന്താരാഷ്ട്ര ചലച്ചിത്രമേള റിപ്പോര്‍ട്ട് ചെയ്യുന്നതിന് ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കിയ മാധ്യമപ്രവര്‍ത്തകരുടെ  പേര്, രജിസ്‌ട്രേഷന്‍ നമ്പര്‍, തസ്തിക, ഫോണ്‍ നമ്പര്‍, ഇ-മെയില്‍ എന്നിവയടങ്ങിയ  ലിസ്റ്റ് തിരുവനന്തപുരം ബ്യൂറോചീഫ് സാക്ഷ്യപ്പെടുത്തി നവംബര്‍ 28 ന് വൈകിട്ട് അഞ്ച് മണിക്കകം പി.ആര്‍.ഡി പ്രസ് റിലീസിലെത്തിക്കണം. മാധ്യമപ്രവര്‍ത്തകരുടെ പേരുകള്‍ മുന്‍ഗണന ക്രമത്തില്‍ കത്തില്‍ രേഖപ്പെടുത്തണം.  നിശ്ചിത സമയത്തിന് ശേഷം ലഭിക്കുന്ന അപേക്ഷകള്‍ പരിഗണിക്കില്ല.

കൃഷിവകുപ്പ് തദ്ദേശസ്വയംഭരണ വകുപ്പിന്റെ കീഴിലുളള കുടുംബശ്രീ മിഷനുമായി ചേര്‍ന്ന് നടത്തുന്ന 1000 ഗ്രാമീണ കാര്‍ഷിക ചന്തകളുടെ സംസ്ഥാനതല ഉദ്ഘാടനം ഇന്ന് (നവംബര്‍ 25) മലപ്പുറത്ത് എടപ്പാളില്‍ നിര്‍വഹിക്കും. തദ്ദേശ സ്വയംഭരണ വകുപ്പ് മന്ത്രി ഡോ. കെ ടി. ജലീലിന്റെ അധ്യക്ഷതയില്‍ കൃഷിവകുപ്പ് മന്ത്രി അഡ്വ. വി എസ് സുനില്‍കുമാര്‍ പദ്ധതി ഉദ്ഘാടനം ചെയ്യും.