2017-18 പ്ലാന്‍ ഫണ്ടിന്റെ ഭാഗമായി   കാസര്‍കോട് ഗവ. കോളേജില്‍ കോളേജ് മാനേജ്‌മെന്റ്  ഇന്‍ഫര്‍മേഷന്‍ സിസ്റ്റം സോഫ്റ്റ്‌വെയര്‍ വിതരണം ചെയ്യുന്നതിനുളള  ക്വട്ടേഷന്‍ ക്ഷണിച്ചു.  ക്വട്ടേഷന്‍ അടക്കം ചെയ്യുന്ന കവറിനു പുറത്ത് കോളേജ് മാനേജ്‌മെന്റ്  ഇന്‍ഫര്‍മേഷന്‍ സിസ്റ്റം സോഫ്റ്റ്‌വെയര്‍ വിതരണം ചെയ്യുന്നതിനുളള  ക്വട്ടേഷന്‍ എന്നെഴുതി  പ്രിന്‍സിപ്പാള്‍, ഗവ. കോളേജ് കാസര്‍കോട്, വിദ്യാനഗര്‍ പിഒ-671123 എന്ന വിലാസത്തില്‍  ഈ മാസം 25 ന് ഉച്ചയ്ക്ക്  ഒന്നുവരെ സ്വീകരിക്കും.
 

സുരക്ഷാസംവിധാനത്തിലെ മികവും പാളിച്ചയും 

വ്യക്തമാക്കി ഇന്‍ഫോപാര്‍ക്കില്‍ മോക്ക് ഡ്രില്‍

കൊച്ചി: ഐ.ടി സമുച്ചയമായ ഇന്‍ഫോപാര്‍ക്കില്‍ സുരക്ഷാ സജ്ജീകരണങ്ങളിലെ മികവും പാളിച്ചകളും വ്യക്തമാക്കി മോക് ഡ്രില്‍. പ്രധാന കെട്ടിട സമുച്ചയങ്ങളിലൊന്നായ വിസ്മയയിലാണ് ഇന്നലെ മൂന്നു മണിയോടെ കൃത്രിമായി സൃഷ്ടിച്ച അഗ്നിബാധയും സുരക്ഷാ നടപടികളും അരങ്ങേറിയത്.

 കല്യാശ്ശേരി മണ്ഡലത്തിലെ എം.എല്‍.എയുടെ പ്രത്യേക വികസന നിധി, നിയോജക മണ്ഡലം ആസ്തിവികസന നിധി എന്നിവയിലുള്‍പ്പെടുത്തി നടപ്പാക്കുന്ന വിവിധ നിര്‍മാണ പദ്ധതികളുടെ പ്രവൃത്തി പുരോഗതി ടി.വി രാജേഷ് എം.എല്‍.എയുടെ നേതൃത്വത്തില്‍ ചേര്‍ന്ന  അവലോകന യോഗം വിലയിരുത്തി. ടെണ്ടര്‍ ചെയ്ത് കരാര്‍ ഏറ്റെടുത്ത പല പ്രവര്‍ത്തികളിലും കരാറുകാരുടെ ഭാഗത്തുനിന്ന് ഗുരുതരമായ അലംഭാവം ഉണ്ടാകുന്നതായി യോഗം വിലയിരുത്തി. കാലവര്‍ഷക്കെടുതി മൂലം നാശോന്‍മുഖമായ റോഡുകള്‍ അടിയന്തരമായി നന്നാക്കാനുള്ള പദ്ധതിയിലുള്‍പ്പെട്ട റോഡുകളുടെ പ്രവൃത്തികള്‍ ഏറ്റെടുക്കാന്‍ കരാറുകാര്‍ തയ്യാറാവാത്ത അവസ്ഥ നിലവിലുണ്ട്.

 വരുന്ന എസ്.എസ്.എല്‍.സി പരീക്ഷയില്‍ വിദ്യാര്‍ഥികള്‍ക്കും വിദ്യാലയങ്ങള്‍ക്കും 100 എന്ന ലക്ഷ്യത്തിലേക്ക് തീവ്രയജ്ഞ പരിപാടിയുമായി മുന്നോട്ടുപോകുവാന്‍ ഇ-മുകുളം പദ്ധതി അവലോകനത്തിനായി ജില്ലാ പഞ്ചായത്ത് വിളിച്ചുചേര്‍ത്ത പ്രധാനാധ്യാപകരുടെയും പി.ടി.എ അധ്യക്ഷന്‍മാരുടെയും യോഗത്തില്‍ തീരുമാനമായി. 

ഹൈടെക്ക് വിദ്യാലയങ്ങള്‍ വിദ്യാഭ്യാസ മേഖലയിലെ നവകേരള മാതൃകയാണെന്ന് മന്ത്രി രാമചന്ദ്രന്‍ കടന്നപ്പള്ളി പറഞ്ഞു.  കണ്ണൂര്‍ നിയോജകമണ്ഡലത്തിലെ 6 പ്രൈമറി വിദ്യാലയങ്ങളില്‍ ഹെടെക്ക് ക്ലാസ് മുറികള്‍ ഉദ്ഘാടനം ചെയ്യുകയായിരുന്നു മന്ത്രി. സംസ്ഥാനത്ത് ജനുവരി 22 മുതല്‍ 45000 ഹൈടെക്ക് ക്ലാസ് മുറികള്‍ ആരംഭിക്കുന്നതിന് കിഫ്ബി വഴി 4935 കോടി രൂപ സര്‍ക്കാര്‍ വിനിയാഗിക്കും. ഇതിന്റെ പ്രയോജനം  കണ്ണൂര്‍ അസംബ്ലി മണ്ഡലത്തിലെ ഹൈസ്‌കൂള്‍, ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി സ്‌കൂളുകള്‍ക്കും ജനുവരി മാസത്തില്‍ തന്നെ ലഭിക്കും.

പട്ടികജാതി വിദ്യാര്‍ഥികള്‍ക്ക് പഠനമുറി ധനസഹായം

അപേക്ഷ ക്ഷണിച്ചു

കൊച്ചി: ഹൈസ്‌കൂള്‍ തലത്തില്‍ പഠിക്കുന്ന പട്ടികജാതി വിഭാഗത്തില്‍പ്പെട്ട വിദ്യാര്‍ഥികളുടെ പഠനനിലവാരം മെച്ചപ്പെടുത്തുന്നതിന്റെ  ഭാഗമായി പട്ടികജാതി വികസന വകുപ്പിന്റെ പഠനമുറി ധനസഹായ പദ്ധതി 2017-18 പ്രകാരം ജില്ലയിലെ എല്ലാ സര്‍ക്കാര്‍, എയ്ഡഡ്, സ്‌പെഷ്യല്‍ സ്‌കൂളുകളില്‍ പഠിക്കുന്നതും പഠനസൗകര്യം ഇല്ലാത്തതുമായ ഹൈസ്‌കൂള്‍ വിദ്യാര്‍ഥികളുടെ മാതാപിതാക്കളില്‍ നിന്നും ജില്ലാ പട്ടികജാതി വിസന ഓഫീസര്‍ അപേക്ഷ ക്ഷണിച്ചു.

കൊച്ചി: പകര്‍ച്ചവ്യാധികളില്‍ നിന്നും സമൂഹത്തെ മോചിപ്പിച്ച് പുരോഗതിയുടെ പാതയില്‍ രാഷ്ട്രനിര്‍മാണം സാധ്യമാക്കുന്നതില്‍ രോഗപ്രതിരോധത്തിന്റെ പങ്ക് സുപ്രധാനമാണെന്ന് പെരുമ്പാവൂര്‍ താലൂക്ക് ഹെഡ് ക്വാര്‍ട്ടേഴ്‌സ് ആശുപത്രിയിലെ ഫിസിഷ്യന്‍ ഡോ. സിജോ കുഞ്ഞച്ചന്‍ പറഞ്ഞു. രോഗങ്ങളില്‍ നിന്നും സമൂഹം പ്രതിരോധം കൈവരിക്കുന്നതിലൂടെ വിവിധരംഗങ്ങളില്‍ ഉല്‍പ്പാദനക്ഷമത വര്‍ധിപ്പിക്കാനും അതിലൂടെ പുരോഗതി സാധ്യമാക്കാനും കഴിയുമെന്ന് അദ്ദേഹം അഭിപ്രായപ്പെട്ടു.

അഡ്ജംഗ്റ്റ് ഫാക്കല്‍റ്റി നിയമനം
പുനലൂര്‍ സര്‍ക്കാര്‍ പോളിടെക്‌നിക് കോളേജില്‍ വിവിധ ഡിപ്പാര്‍ട്ടുമെന്റുകളില്‍ ദിവസ വേതനാടിസ്ഥാനത്തില്‍  അഡ്ജംഗ്റ്റ് ഫാക്കല്‍റ്റി നിയമനത്തിന് അപേക്ഷ ക്ഷണിച്ചു. കമ്പ്യൂട്ടര്‍ എഞ്ചിനീയറിംഗ്, ഇലക്‌ട്രോണിക്‌സ് എഞ്ചിനിയറിംഗ്  ലക്ചറര്‍ തസ്തികളില്‍ ഓരോന്നും ഇലക്ട്രിക്കല്‍ എഞ്ചിനിയറിംഗ് ലക്ചറര്‍ തസ്തികയില്‍ രണ്ടും ഒഴിവുകളാണുള്ളത്. 
യോഗ്യത - അതത് വിഷയങ്ങളില്‍ ബി ടെക് ബിരുദവും ഇന്‍ഡസ്ട്രിയല്‍/ഓര്‍ഗനൈസേഷന്‍ മേഖലയില്‍ 10 വര്‍ഷത്തില്‍ കുറയാത്ത പരിചയവും.

പകര്‍ച്ചരോഗ പ്രതിരോധത്തിനായി സംസ്ഥാന വ്യാപകമായി നടപ്പിലാക്കുന്ന ജാഗ്രത പരിപാടിയുടെ ഭാഗമായി നാളെ (ജനുവരി 21) ജില്ലയൊട്ടാകെ ജനപ്രതിനിധികളുടെ നേതൃത്വത്തില്‍ സന്നദ്ധ പ്രവര്‍ത്തകരും ആരോഗ്യസേനാംഗങ്ങളും ആശ, ആരോഗ്യ പ്രവര്‍ത്തകരും ഗൃഹസന്ദര്‍ശന ക്യാമ്പയിന്‍ നടത്തും. 
വീടുകളില്‍ കൊതുക് പ്രജനനത്തിനുള്ള സാഹചര്യം ഒഴിവാക്കുന്നത് സംബന്ധിച്ച ബോധവത്കരണമാണ് സന്ദര്‍ശനത്തിന്റെ മുഖ്യ ലക്ഷ്യം. പാഴ് വസ്തുക്കളുടെ സംസ്‌കരണവും ആരോഗ്യ പരിപാലന ശീലങ്ങളും സംബന്ധിച്ച ലഘുലേഖകള്‍ വിതരണം ചെയ്യും. എല്ലാ വകുപ്പുകളുടേയും രാഷ്ട്രീയ, സാമൂഹ്യ സംഘടനകളുടേയും പങ്കാളിത്തത്തോടെയാണ് പരിപാടി നടത്തുന്നത്.