കേരള സംസ്ഥാന ലഹരി വര്‍ജ്ജന മിഷന്‍ വിമുക്തി പദ്ധതിയുടെ ഭാഗമായി രൂപീകരിച്ച ജില്ലാ എക്‌സിക്യൂട്ടീവ് കമ്മറ്റിയുടെ യോഗം ജില്ലാ കളക്ടറുടെ അദ്ധ്യക്ഷതയില്‍ ഡിസംബര്‍ 21 രാവിലെ 11 ന് കളക്ടറുടെ ചേംബറില്‍ ചേരും. 

അനധികൃതമദ്യ നിര്‍മ്മാണവും വിതരണവും തടയുന്നതിനായി രൂപീകരിച്ചിട്ടുളള ജനകീയ സമിതിയുടെ ജില്ലാതലയോഗം ഡിസംബര്‍ 22 രാവിലെ 11ന് എഡിഎമ്മിന്റെ ചേംബറില്‍ ചേരും. 

കേരള വനിതാ കമ്മീഷന്‍ അദാലത്ത് ഇന്ന് (ഡിസംബര്‍ 20) കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കും. 

ലീഡ് ബാങ്കുകളുടെ അവലോകന യോഗം ഇന്ന് (ഡിസംബര്‍ 20) രാവിലെ                       11 ന് ഹോട്ടല്‍ ഐഡയില്‍ ചേരുമെന്ന് ലീഡ് ബാങ്ക് ചീഫ് മാനേജര്‍ അറിയിച്ചു. 

ആപ്പുഴ: ദേശീയജലജന്യരോഗ നിയന്ത്രണ പരിപാടിയുടെ ഭാഗമായി ജില്ലയിലെ ഹൈസ്‌കൂൾ, ഹയർ സെക്കൻഡറി വിദ്യാർഥികൾക്കായി ആരോഗ്യവകുപ്പ് ക്വിസ് മത്സരം നടത്തുന്നു. ഡിസംബർ 23ന് രാവിലെ 9.30ന് ജനറൽ ആശുപത്രിയിൽ പ്രവർത്തിക്കുന്ന ജില്ലാ മെഡിക്കൽ ഓഫീസ് കോൺഫറൻസ് ഹാളിലാണ് മത്സരം. ഒന്നും രണ്ടും മൂന്നും സ്ഥാനം നേടുന്ന വിജയികൾക്ക് 2000, 1500, 1000 രൂപയുടെ കാഷ് അവാർഡ് നൽകും. താൽപര്യമുള്ളവർ രാവിലെ 9.30ന് എത്തണം.

(പി.എൻ.എ.3072/17)

ആലപ്പുഴ: അർത്തുങ്കൽ വില്ലേജിലെ സർവ്വേ നമ്പർ 31/14-3, 31/14-2, എന്നിവയിൽപ്പെട്ട 01.21 ആർസ് വസ്തുവും അതിലെ നിൽപ്പ് ചമയങ്ങളും ഡിസംബർ 21ന് രാവിലെ 11നും കുത്തിയതോട് വില്ലേജിൽ സർവ്വേ നമ്പർ 108/17-3ൽപ്പെട്ട 05.26  ആർസ് വസ്തുവിൽപ്പെട്ട 1.93 ആർസ് വസ്തുവും അതിലെ നിൽപ്പ് ചമയങ്ങളും ഡിസംബർ 22ന് രാവിലെ 11.30നും അതത് വില്ലേജ് ഓഫീസിൽ ലേലം ചെയ്യും.

(പി.എൻ.എ.3071/17)