പത്തനംതിട്ട ജില്ലയില്‍ എന്‍.സി.സി/സൈനിക് വെല്‍ഫെയര്‍ വകുപ്പില്‍ ഡ്രൈവര്‍ ഗ്രേഡ് രണ്ട് (എച്ച്.ഡി.വി) വിമുക്തഭടന്‍ മാത്രം (കാറ്റഗറി നം. 533/15) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട വണ്‍ടൈം വെരിഫിക്കേഷന്‍ പൂര്‍ത്തിയാക്കിയവര്‍ക്കായി എറണാകുളം റീജിയണല്‍ പി.എസ്.സി ഓഫീസില്‍ 2018 ജനുവരി മൂന്നിന് അഭിമുഖം നടത്തും.  ഉദ്യോഗാര്‍ത്ഥികള്‍ വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ്, മറ്റ് സര്‍ട്ടിഫിക്കറ്റുകള്‍ സഹിതം അഭിമുഖത്തിനെണം.  ഡിസംബര്‍ 28 വരെ അറിയിപ്പ് ലഭിക്കാത്തവര്‍ പി.എസ്.സിയുടെ പത്തനംതിട്ട ജില്ലാ ഓഫീസുമായി ബന്ധപ്പെടണം.

പി.എന്‍.എക്‌സ്.5525/17

പകര്‍ച്ചവ്യാധികളുടെ  പ്രതിരോധത്തിനും നിയന്ത്രണത്തിനുമായി കേരള സര്‍ക്കാരിന്റെ  നേതൃത്വത്തില്‍ ആരോഗ്യവകുപ്പ് ആര്‍ദ്രം മിഷനും തദ്ദേശ സ്വയം ഭരണ സ്ഥാപനങ്ങളും ഇതര സര്‍ക്കാര്‍ വകുപ്പുകളുമായി ചേര്‍ന്ന് ജനുവരി മുതല്‍ നടപ്പിലാക്കുന്ന 'ആരോഗ്യ ജാഗ്രതയ്ക്ക് അന്തിമ രൂപം നല്‍കി.  ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ അധ്യക്ഷതയില്‍ കൂടിയ ഉന്നതതല യോഗത്തിലാണ് തീരുമാനത്തിലായത്.

തിരുവനന്തപുരം പി.എം.ജിയിലെ സ്റ്റേഷനറി കണ്‍ട്രോളറുടെ ഓഫീസുമായി ബന്ധപ്പെടാന്‍ നിലവിലുണ്ടായിരുന്ന 0471 2305637, 2300584 എന്നീ ടെലഫോണ്‍ നമ്പറുകള്‍ക്ക് പകരം 0471 2785900 എന്ന നമ്പര്‍ നിലവില്‍ വന്നു.

പി.എന്‍.എക്‌സ്.5523/17

സംസ്ഥാനത്തെ 30,000 ഹായ് സ്‌കൂള്‍ കുട്ടിക്കൂട്ടം അംഗങ്ങളെ ഉള്‍പ്പെടുത്തി ഇന്നു മുതല്‍ (ഡിസംബര്‍ 27) ഇ@ഉത്സവ് ഏകദിന ക്യാമ്പ് ആരംഭിക്കും. വിദ്യാഭ്യാസ വകുപ്പിനു കീഴിലുള്ള കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്- മുന്‍ ഐടി@സ്‌കൂള്‍ പ്രോജക്ട്) ആണ് ക്യാമ്പ് സംഘടിപ്പിക്കുന്നത്. ആകെ 952കേന്ദ്രങ്ങളിലായി 1942 പരിശീലകരെ ഉപയോഗിച്ചാണ് ഡിസംബര്‍ 30 വരെ ക്യാമ്പ് നടത്തുന്നത്. ആദ്യ ദിനം പന്ത്രണ്ടായിരം കുട്ടികള്‍ പങ്കെടുക്കും.

കേരളത്തിലെ ആഴക്കടലില്‍ മത്‌സ്യബന്ധനത്തിനു പോകുന്ന വള്ളങ്ങളെയും ബോട്ടുകളെയും ജനുവരി മുതല്‍ നാവിക് നയിക്കും. മത്സ്യത്തൊഴിലാളികള്‍ക്ക് കരയിലും കടലിലും ഒരുപോലെ അപകടസാദ്ധ്യതാ വിവരങ്ങള്‍ ലഭ്യമാക്കുന്നതിനു ഐ.എസ്.ആര്‍.ഒയുമായി ചേര്‍ന്ന് സംസ്ഥാന സര്‍ക്കാര്‍ ഒരുക്കുന്ന സംവിധാനമാണ് നാവിക്. 

സര്‍ക്കാരിന്റെ ഓഖി ദുരിതാശ്വാസ നിധിയിലേക്ക്  സഹകരണ മേഖലയില്‍നിന്നുള്ള സംഭാവനയുടെ ആദ്യ ഗഡുവായ 5.10 കോടി രൂപ സഹകരണ മന്ത്രി കടകംപള്ളി സുരേന്ദ്രന്‍ മുഖ്യമന്ത്രി പിണറായി വിജയനു കൈമാറി.

ഓഖി ദുരന്തത്തെത്തുടര്‍ന്ന് കേരളത്തിലുണ്ടായ നഷ്ടം നേരിട്ട് മനസിലാക്കുന്നതിന് കേന്ദ്രസംഘം എത്തി. കേന്ദ്ര ആഭ്യന്തര വകുപ്പിന് കീഴിലുള്ള ദുരന്ത നിവാരണ വിഭാഗം അഡീഷണല്‍ സെക്രട്ടറി ബിപിന്‍ മല്ലിക്, കേന്ദ്ര ഫിഷറീസ് വകുപ്പ് അസി. കമ്മീഷണര്‍ ഡോ. സഞ്ജയ് പാണ്‌ഡേ എന്നിവര്‍ സെക്രട്ടേറിയറ്റിലെത്തി മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. 

താഴെപ്പറയുന്നവരെ പേരിനൊപ്പമുള്ള സ്ഥലങ്ങളില്‍ അടുത്ത അഞ്ചുവര്‍ഷത്തേക്ക് നോട്ടറിയായി പുനര്‍ നിയമനം നല്‍കി ഉത്തരവായി. എം. രഘുനാഥന്‍ (പത്തനാപുരം താലൂക്ക് പ്രദേശം), ടി.ജി. ജയദീപ് (പറവൂര്‍, കൊച്ചി താലൂക്ക് പ്രദേശം), പി.എം. നാരായണന്‍ നമ്പൂതിരി (ഒറ്റപ്പാലം താലൂക്ക് പ്രദേശം), പി. പ്രസാദ് (കോഴിക്കോട് കോര്‍പ്പറേഷന്‍ പ്രദേശം), എം.എം.സെയ്ദ് മുഹമ്മദ് (കണയന്നൂര്‍ താലൂക്ക് പ്രദേശം), പി. ഇമ്പിച്ചിക്കോയ (കേരള സംസ്ഥാനം), പേരമ്പത്ത് രത്‌നവല്ലി (പാലക്കാട് റവന്യൂ ജില്ല), ബാബു ജോസഫ് (തൊടുപുഴ താലൂക്ക് പ്രദേശം), ജേക്കബ് തോമസ് (പത്തനംതിട്ട റവന്യൂ ജില്ല), സി.മാധവന്‍ (തൃശൂര്‍ റവന്യൂ ജില്ല), എ.

  സര്‍ക്കാരിന്റെ പ്രവര്‍ത്തനം വിലയിരുത്തുന്നതിനും ജനതാത്പര്യം അറിയുന്നതിനും പരാതി പരിഹാരത്തിനുമായി മുഖ്യമന്ത്രി പങ്കെടുക്കുന്ന ടെലിവിഷന്‍ പരിപാടി 'നാം മുന്നോട്ട്' ന്റെ സംപ്രേഷണം ഡിസംബര്‍ 31 ന് തുടങ്ങും. 

    വിവിധ മലയാളം ചാനലുകളില്‍ സംപ്രേഷണമാരംഭിക്കുന്ന അരമണിക്കൂര്‍ ദൈര്‍ഘ്യമുള്ള ഈ പ്രതിവാര സംവാദ പരിപാടിയുടെ നിര്‍മാണം ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പാണ്. സി ഡിറ്റ് സാങ്കേതിക സഹായം നല്‍കുന്നു. ആറന്മുള എംഎല്‍എ വീണ ജോര്‍ജ് അവതാരകയാകും. വിദഗ്ധ പാനലിനൊപ്പം സാമൂഹ്യ, സാംസ്‌കാരിക, ചലച്ചിത്ര മേഖലകളിലെ പ്രമുഖരും സംവാദത്തില്‍ പങ്കാളിയാകും.

  കേരളസ്റ്റേറ്റ് സ്‌പോര്‍ട്‌സ് കൗണ്‍സിലിനുകീഴില്‍ വിവിധ ജില്ലകളില്‍ പ്രവര്‍ത്തിക്കുന്ന സ്‌കൂള്‍, പ്ലസ് വണ്‍, കോളേജ് സ്‌പോര്‍ട്‌സ് ഹോസ്റ്റലുകളിലേക്കും സെന്‍ട്രലൈസ്ഡ് സ്‌പോര്‍ട്‌സ് ഹോസ്റ്റലിലേക്കും 2018-19 അധ്യയന വര്‍ഷത്തേക്കുളള  ഹോസ്റ്റല്‍ തെരഞ്ഞെടുപ്പ്  ജനുവരി നാലു മുതല്‍ ഫെബ്രുവരി 10 വരെ നടത്തും. കാസര്‍കോട് ജില്ലയില്‍ ജനുവരി  നാലിന്  പെരിയ ജവഹര്‍ നവോദയ വിദ്യാലയ ഗ്രൗണ്ടില്‍ നടത്തും. അത്‌ലറ്റിക്‌സ്, ഫുട്‌ബോള്‍, വോളിബോള്‍, ബാസ്‌ക്കറ്റ്‌ബോള്‍, ഹാന്റ് ബോള്‍, കബഡി, ഖോ ഖോ എന്നീ കായിക ഇനങ്ങളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും  എല്ലാ ജില്ലയിലും സെലക്ഷന്‍ നടത്തും.