മിഷന്‍ എ.ബി.സി.പദ്ധതി പ്രകാരം ജില്ലയില്‍ ഇതുവരെ  2244  നായ്ക്കളെ വന്ധ്യംകരിച്ചു. എ.ഡി.സി.പി ഓഫീസില്‍ ജില്ലാ പഞ്ചായത്ത് പ്രസിഡന്റ് എ.ജി.സി ബഷീറിന്റെ നേതൃത്വത്തില്‍ നടന്ന മോണിറ്ററിംഗ് കമ്മിറ്റി യോഗത്തിലാണ് ഇക്കാര്യം അറിയിച്ചത്.

  ജില്ലാ ഭരണകൂടത്തിന്റെ നേതൃത്വത്തില്‍ , നീലേശ്വരം റോട്ടറി ക്ലബ്ബിന്റെ  സഹകരണത്തോടെ  തേജസ്വിനി റേഡിയോ   പ്രക്ഷേപണം ആരംഭിക്കുന്നു.  ഈ മാസം 23 ന്  രാവിലെ 11 ന് നീലേശ്വരം റോട്ടറി ക്ലബ് ഹാളില്‍ തേജസ്വിനി ഇന്റര്‍നെറ്റ് റേഡിയോ സംവിധാനത്തിന്റെ ഉദ്ഘാടനം  റവന്യു ഭവന നിര്‍മ്മാണ വകുപ്പ് മന്ത്രി  ഇ. ചന്ദ്രശേഖരന്‍ നിര്‍വ്വഹിക്കും.   എം. രാജഗോപാലന്‍  എം.എല്‍.എ അദ്ധ്യക്ഷത വഹിക്കും.പി.കരുണാകരന്‍  എം.പി , എം.എല്‍.എമാരായ  പി.ബി അബ്ദുല്‍ റസാഖ്, എന്‍.എ. നെല്ലിക്കുന്ന്, .കെ. കുഞ്ഞിരാമന്‍ എന്നിവര്‍ സംസാരിക്കും. ജില്ലാ കളക്ടര്‍  ജീവന്‍ ബാബു.കെ പദ്ധതി വിശദീകരിക്കും.

വ്യാവസായിക പരിശീലന വകുപ്പിന്റെ ആഭിമുഖ്യത്തില്‍ കാസര്‍കോട് ഗവ. ഐ.ടി.ഐയില്‍ നടന്ന തൊഴില്‍മേളയില്‍ ജോലി തേടിയെത്തിയത് അറുന്നൂറോളം ഉദ്യോഗാര്‍ഥികള്‍. സംസ്ഥാനത്തിനകത്തും പുറത്തുനിന്നുമായി നാല്‍പതോളം തൊഴില്‍ദാതാക്കള്‍  പങ്കെടുത്ത മേളയില്‍ ഇരുന്നൂറോളം ട്രെയിനികള്‍ക്ക് പ്ലേസ്‌മെന്റ് മുഖേന ജോലി ലഭിക്കുന്നതിനുള്ള പ്രാഥമിക നടപടികള്‍ പൂര്‍ത്തിയായി. 

കാറഡുക്ക ബ്ലോക്ക് പഞ്ചായത്തിലെ ബേഡകം പട്ടികവര്‍ഗ സംവരണവാര്‍ഡിലേക്കുള്ള ഉപതിരഞ്ഞെടുപ്പ് 2018 ജനുവരി 11ന് വ്യാഴാഴ്ച നടത്തും.  നാമനിര്‍ദ്ദേശപത്രിക സമര്‍പ്പിക്കുന്നതിനുള്ള അവസാനതീയതി ഈ മാസം 23 ആണ്. പത്രികകളുടെ സൂക്ഷ്മ പരിശോധന 26ന് നടത്തും. 28വരെ  സ്ഥാനാര്‍ത്ഥിത്വം പിന്‍വലിക്കാം. ആവശ്യമെങ്കില്‍ 2018  ജനുവരി 11ന് രാവിലെ ഏഴ് മുതല്‍ വൈകുന്നേരം അഞ്ച് വരെ വോട്ടെടുപ്പ് നടക്കും. ജനുവരി 12ന്  രാവിലെ 10 മുതല്‍ വോട്ടെണ്ണും. തെരഞ്ഞെടുപ്പിനുള്ള. മാതൃകാ പെരുമാറ്റച്ചട്ടം നിലവില്‍ വന്നു. വരണാധികാരി സര്‍വേ ഡപ്യൂട്ടി ഡയറക്ടര്‍ എന്‍ കെ രാജന്‍  പത്രികകള്‍ സ്വീകരിച്ച്  തുടങ്ങി.
 

തലശ്ശേരി പൈതൃക ടൂറിസം പദ്ധതിയുടെ പ്രവൃത്തി ഉദ്ഘാടനം ഡിസംബര്‍ 21ന് വൈകീട്ട് 4 മണിക്ക് തലശ്ശേരി ഓവര്‍ബറീസ് ഫോളി പാര്‍ക്കില്‍ ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ നിര്‍വഹിക്കും. ചടങ്ങില്‍  അഡ്വ. എ.എന്‍ ഷംസീര്‍ എം എല്‍ എ അദ്ധ്യക്ഷത വഹിക്കും. എം.പിമാരായ മുല്ലപ്പള്ളി രാമചന്ദ്രന്‍, കെ.കെ രാഗേഷ്, പ്രഫ. റിച്ചാര്‍ഡ് ഹേ എന്നിവര്‍ മുഖ്യാതിഥികളാവും. ടൂറിസം ഡയറക്ടര്‍ പി ബാലകിരണ്‍, നഗരസഭാ ചെയര്‍മാന്‍ സി.കെ രമേശന്‍, ജില്ലാ കലകടര്‍ മീര്‍ മുഹമ്മദ് അലി, തുടങ്ങിയവര്‍ സംബന്ധിക്കും. 

സംസ്ഥാന കേരളോത്സവത്തിന്റെ കലാമത്സരങ്ങളുടെ ഉദ്ഘാടനം ഡിസംബര്‍ 21ന് വൈകീട്ട് പാലക്കാട്ട് കായിക യുവജനകാര്യ വകുപ്പ് മന്ത്രി എ സി മൊയ്തീന്‍ നിര്‍വഹിക്കും. കലാമത്സരങ്ങളുടെ രജിസ്‌ട്രേഷന്‍  21 ന് വൈകുന്നേരം 4 മണി മുതല്‍  പാലക്കാട് വിക്‌ടോറിയ കോളേജിന്റെ ഗ്രൗണ്ടില്‍ നടക്കും. 22ന് രാവിലെ 9 മണി മുതല്‍ മത്സരങ്ങള്‍ ആരംഭിക്കും.

ഇന്‍ഷുറന്‍സ് വകുപ്പിലെ എസ്എല്‍ഐ/ജിഐഎസ് പദ്ധതികളുടെ കംപ്യൂട്ടര്‍ വത്ക്കരണവുമായി ബന്ധപ്പെട്ട് വിദ്യാഭ്യാസ വകുപ്പിലെ ഡിഡിഒമാര്‍ക്ക് പരിശീലനം നല്‍കും. 

വിദ്യാസമ്പന്നരും പ്രബുദ്ധരുമായ കേരളീയ സമൂഹത്തിലും സ്ത്രികള്‍ക്ക് നേരെയുണ്ടാകുന്ന അതിക്രമങ്ങള്‍ വര്‍ദ്ധിച്ചുവരുന്നത് ആശങ്കാജനകമാണെന്ന് ചിറ്റയം ഗോപകുമാര്‍ എംഎല്‍എ പറഞ്ഞു.  സ്‌നേഹിത ജന്‍ഡര്‍ ഹെല്‍പ്പ് ഡെസ്‌കിന്റെ ഉദ്ഘാടനം പന്തളത്ത് നിര്‍വഹിക്കുകയായിരുന്നു  എംഎല്‍എ. വൃദ്ധസദനങ്ങളും അഗതി മന്ദിരങ്ങളും സമൂഹത്തില്‍ വര്‍ദ്ധിച്ചുവരുന്നത് ആശാസ്യമല്ല. കുടുംബ ബന്ധങ്ങളുടെ കെട്ടുറപ്പ് നഷ്ടപ്പെടുന്നതാണ് ഇതിന് പ്രധാന കാരണം. ശിക്ഷാനടപടികള്‍ നിയമനിര്‍മാണത്തിലൂടെ സാധ്യമാക്കുന്നതിനുമപ്പുറം കുടുംബ ബന്ധങ്ങള്‍ വളര്‍ത്താന്‍ ശ്രമം ഉണ്ടാകണമെന്നും അദ്ദേഹം പറഞ്ഞു.