മത്സ്യബന്ധന ബോട്ടുകളിലും വള്ളങ്ങളിലും ഫിഷറീസ് വകുപ്പില്‍ നിന്ന് അനുവദിച്ച രജിസ്‌ട്രേഷന്‍ നമ്പര്‍ നിര്‍ബന്ധമായും പ്രദര്‍ശിപ്പിക്കേണ്ടതും രജിസ്‌ട്രേഷന്‍ സര്‍ട്ടിഫിക്കറ്റ്, മത്സ്യബന്ധന ലൈസന്‍സ്, ജോലിക്കാരുടെ തിരിച്ചറിയല്‍ രേഖകള്‍ എന്നിവ മത്സ്യബന്ധന സമയത്ത് കയ്യില്‍ കരുതണമെന്നും പൊന്നാനി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

എടപ്പാള്‍ ഗ്രാമ പഞ്ചായത്തിലെ പൂക്കരത്തറ ഒളമ്പക്കടവ് റോഡ്, തവനൂര്‍ ഗ്രാമ പഞ്ചായത്തിലെ കടകശ്ശേരി - മുവ്വാങ്കര- മദിരശ്ശേരി റോഡുകളുടെ ടാറിങ് പ്രവൃത്തികള്‍ നടക്കുന്നതിനാല്‍ ഡിസംബര്‍ 31 വരെ ഇതിലൂടെയുള്ള ഗതാഗതം നിരോധിച്ചതായി പൊന്നാനി ബ്ലോക്ക് ഡവലപ്പ്‌മെന്റ് ഓഫീസര്‍ അറിയിച്ചു.

സംസ്ഥാന പഞ്ചായത്ത് ദിനാഘോഷം പെരിന്തല്‍മണ്ണ ഷിഫ കണ്‍വെന്‍ഷന്‍ സെന്ററില്‍ ഫെബ്രുവരി 18, 19 തിയ്യതികളില്‍ നടക്കും.  സംഘാടക സമിതി യോഗം ഡിസംബര്‍ 21ന് തദ്ദേശ സ്വയം ഭരണ വകുപ്പ് മന്ത്രി കെ.ടി ജലീലിന്റെ അധ്യക്ഷതയില്‍ ഉച്ചക്ക് രണ്ടിന് വാര്യന്‍കുന്നത്ത് കുഞ്ഞഹമ്മദ് ഹാജി ടൗണ്‍ ഹാളില്‍ ചേരും.  

പൊന്നാനി ടൗണ്‍ എംപ്ലോയ്‌മെന്റ് എക്‌സ്‌ചേഞ്ചിലെ 2018-2020 കാലയളവിലേക്ക് പരിഗണിക്കുന്നതിനായി വിവിധ തസ്തികളിലേക്കുള്ള സീനിയോറിറ്റി ലിസ്റ്റ് പ്രസിദ്ധീകരിച്ചു. ലിസ്റ്റ് ംംം.ലാുഹീ്യാലി.േസലൃമഹമ.ഴീ്.ശി എന്ന സൈറ്റില്‍ പരിശോധനക്ക് ലഭിക്കും.  അപ്പീലുകള്‍ ഡിസംബര്‍ 20നകം നല്‍കണം. ഫോണ്‍ 0494 2664506.

    പാങ്ങ് ഗവ. ഹയര്‍ സെക്കന്‍ഡറി സ്‌കൂളില്‍ ദിവസ വേതനാടിസ്ഥാനത്തില്‍ നിയമിക്കുന്നതിന് ഒരു ഫിസിക്‌സ് (സീനിയര്‍) അധ്യാപക ഒഴിവുണ്ട്.  താല്‍പര്യമുള്ളവര്‍ ഡിസംബര്‍ 21ന് രാവിലെ 10ന് അസ്സല്‍ രേഖകളുമായി കൂടിക്കാഴ്ചക്ക് സ്‌കൂളില്‍ എത്തണം.

സംസ്ഥാന സര്‍ക്കാര്‍ ആരോഗ്യ രംഗത്തെ സമഗ്ര സേവനങ്ങളെ ഉള്‍പ്പെടുത്തി തയ്യാറാക്കുന്ന ആദ്രം മിഷനിന്റെ ഭാഗമായി  ജില്ലയിലെ എട്ട് പബ്‌ളിക് ഹെല്‍ത്ത് സെന്ററുകള്‍ ജനുവരി മുതല്‍ സമ്പൂര്‍ണ കുടുംബാരോഗ്യ കേന്ദ്രങ്ങളായി മാറുമെന്ന് ജില്ലാ കലക്ടര്‍ അമിത് മീണ അറിയിച്ചു. അനുയോജ്യവും സമഗ്രവുമായ സൗകര്യങ്ങള്‍  ഉറപ്പാക്കുക, സംരക്ഷണം, പ്രതിരോധം, ചികിത്സ, പുനരധിവാസം, സാന്ത്വന പരിചരണം എന്നിവ അര്‍ഹിക്കുന്ന എല്ലാ വിഭാഗങ്ങള്‍ക്കും ലഭ്യമാക്കുക തുടങ്ങിയവയാണ് ആദ്രം മിഷന്‍ വിഭാവന ചെയ്യുന്നത്.

മത്സ്യത്തൊഴിലാളി കടാശ്വാസ കമ്മീഷന്‍ ഒക്‌ടോബര്‍ മാസത്തെ  അദാലത്ത് ഡിസംബര്‍ 22 രാവിലെ 10ന് എറണാകുളം ഗസ്റ്റ് ഹൗസില്‍ നടത്തും. അദാലത്തില്‍ പങ്കെടുക്കാന്‍ കമ്മീഷനില്‍ നിന്നും നോട്ടീസ് കൈപ്പറ്റിയ ജില്ലയിലെ അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും അന്നേ ദിവസം രാവിലെ എറണാകുളം ഗസ്റ്റ് ഹൗസില്‍ ഹാജരാകണം.