ഇന്ന്(ഡിസംബർ 19)  രാവിലെ 9.30ന് സ്‌കൂളുകളിൽ പ്രധാനാധ്യാപകന്റെ നേതൃത്വത്തിൽ പ്രത്യേക അസംബ്ലി ചേർന്ന് സ്വാമി വിവേകാനന്ദന്റെ കേരള സന്ദർശനത്തിന്റെ പ്രാധാന്യം വിശദീകരിക്കും. പ്രഥമാധ്യാപകന്റെ നേതൃത്വത്തിലാണ് സ്‌കൂളുകളിൽ പരിപാടി നടക്കുക. രാവിലെ 10ന് ആലപ്പുഴ ടൗൺ ഹാളിൽ കോളജ് വിദ്യാർഥികൾക്കായി ഉപന്യാസം, ക്വിസ് മത്സരങ്ങൾ നടത്തും.

(പി.എൻ.എ.3058/17)

ആലപ്പുഴ: സ്വാമി വിവേകാനന്ദൻ കേരളം സന്ദർശിച്ചതിന്റെ 125-ാം വാർഷികത്തോടനുബന്ധിച്ച് സാംസ്‌കാരിക വകുപ്പ്  സംഘടിപ്പിക്കുന്ന വിവേകാനന്ദ സ്പർശം പരിപാടിയുടെ ജില്ലാതല ഉദ്ഘാടനവും സാംസ്‌കാരിക പരിപാടികളും നവോത്ഥാന ദൃശ്യസന്ധ്യയും സ്‌കൂൾ-കോളജ് വിദ്യാർഥികൾക്കുള്ള മത്സരങ്ങളും ഇന്ന്(ഡിസംബർ 19)  ആലപ്പുഴ ടൗൺ ഹാളിൽ നടക്കും.വൈകിട്ട് 4.30ന് ജില്ലാതല ഉദ്ഘാടനം അഡ്വ. എ.എം. ആരിഫ് എം.എൽ.എ. നിർവഹിക്കും. നഗരസഭ ചെയർമാൻ തോമസ് ജോസഫ് അധ്യക്ഷത വഹിക്കുന്ന ചടങ്ങിൽ എം.എൽ.എ.മാരായ ആർ. രാജേഷ്, അഡ്വ. യു. പ്രതിഭാ ഹരി എന്നിവർ മുഖ്യാതിഥികളാകും. സംസ്ഥാന ചലച്ചിത്ര വികസന കോർപറേഷൻ ചെയർമാൻ ലെനിൽ രാജേന്ദ്രൻ മുഖ്യപ്രഭാഷണം നടത്തും.

ഓഖി ചുഴലിക്കാറ്റ് ദുരന്തത്തില്‍ മരിച്ചവരുടെ മൃതദേഹങ്ങള്‍ കണ്ടെടുക്കുന്നതിന് തെരച്ചില്‍ നടത്താന്‍ ജില്ലാ ദുരന്തനിവാരണ അതോറിറ്റി 25 ബോട്ടുകള്‍ കടലില്‍ നിയോഗിച്ചു. ബേപ്പൂരില്‍ നിന്നും ഇന്നലെ ആരംഭിച്ച തെരച്ചില്‍ ഇനി നാലു ദിവസം കൂടി നീളും. മത്സ്യത്തൊഴിലാളികള്‍, മറൈന്‍ എന്‍ഫോഴ്‌സ്‌മെന്റ്, കോസ്റ്റ് ഗാര്‍ഡ്, കോസ്റ്റല്‍ പോലീസ്, ഫിഷറീസ് വകുപ്പ് തുടങ്ങിയവരാണ് ബോട്ടുകളില്‍ തെരച്ചില്‍ നടത്തുന്നത്. 

ഈ സാമ്പത്തിക വര്‍ഷത്തിലെ രണ്ടാം പാദത്തില്‍ ജില്ലയിലെ ബാങ്കുകള്‍ 5519 കോടി രൂപ വിതരണം ചെയ്തതായി ജില്ലാതല ബാങ്കില്‍ അവലോകന യോഗത്തില്‍ റിപ്പോര്‍ട്ട് ചെയ്തു. കാര്‍ഷിക മേഖലയ്ക്ക് 2307 കോടി രൂപയും വ്യാവസായികാവശ്യത്തിന് 386 കോടി രൂപയും മറ്റു മുന്‍ഗണനാ വിഭാഗങ്ങള്‍ക്ക് 898 കോടി രൂപയും മുന്‍ഗണനാവിഭാഗത്തില്‍ പെടാത്തവര്‍ക്ക് 1928 കോടി രൂപയും വായ്പയായി വിതരണം ചെയ്തു. ഹോട്ടല്‍ മലബാര്‍ പാലസില്‍ ചേര്‍ന്ന അവലോകന യോഗം പുരുഷന്‍ കടലുണ്ടി എം.എല്‍.എ ഉദ്ഘാടനം ചെയ്തു. 

    തദ്ദേശഭരണ സ്ഥാപനങ്ങളുടെ 2017-18 വാര്‍ഷിക പദ്ധതി ഭേദഗതികള്‍ക്ക് അംഗീകാരം നല്‍കുന്നതിനായി ജില്ലാ ആസൂത്രണ സമിതി യോഗം ഡിസംബര്‍ 23 ന് ഉച്ചക്ക്  12 മണിക്ക് ജില്ലാ പഞ്ചായത്ത് കൗണ്‍സില്‍ ഹാളില്‍ ചേരും.

സര്‍ക്കാര്‍ ഏജന്‍സികളുടെ സഹായത്തോടെ കുടുംബശ്രീ മുഖേന കൂടുതല്‍ സ്ത്രീകളെ തൊഴില്‍ മുഖത്ത് എത്തിക്കുന്നതിന് തീരദേശം ഉള്‍പ്പടെയുള്ള പ്രദേശങ്ങളിലെ സ്ത്രീകള്‍ക്കായി കോഴിക്കോട്  റൂറല്‍ സെല്‍ഫ് എംപ്ലോയ് മെന്റ് ട്രെയിനിംഗ് ഇന്‍സ്റ്റിറ്റ്യൂട്ടിന്റെ സഹായത്തോടെ പ്രത്യേക അവബോധന ക്ലാസ് സംഘടിപ്പിച്ചു. 

വടകര ജില്ലാ ആശുപത്രിയിലേക്ക് ഫൈബര്‍ ഒപ്റ്റിക്ക് ബ്രോന്‍ങ്കോസ്‌ക്കോപ് വാങ്ങുന്നതിനുളള ഇ-ടെണ്ടര്‍ ക്ഷണിച്ചു. (2017_DHS_176530_1). ടെണ്ടര്‍ സമര്‍പ്പിക്കാനുള്ള അവസാന തീയ്യതി ഡിസംബര്‍ 30 ന് നാല് മണി. കൂടുതല്‍ വിവരങ്ങള്‍ക്ക് www.etendrs.kerala.gov.in
 

ചോറോട് വില്ലേജിലെ ശ്രീ.വൈക്കിലശ്ശേരി പരദേവതാ  ക്ഷേത്രം, ചേന്ദമംഗലം ക്ഷേത്രം, തിരുവളളൂര്‍ വില്ലേജിലെ ശ്രീ. തിരുവളളൂര്‍ ശിവക്ഷേത്രം, ഓര്‍ക്കാട്ടേരി വില്ലേജിലെ ശ്രീ. കാര്‍ത്തികപ്പളളി ദുര്‍ഗ്ഗാ ക്ഷേത്രം,  എന്നീ ക്ഷേത്രങ്ങളിലെ പാരമ്പര്യേതര ട്രസ്റ്റിമാരുടെ ഒഴിവിലേക്ക് നിയമിക്കപ്പെടുന്നതിന് ഹിന്ദുമത വിശ്വാസികളായ ക്ഷേത്ര പരിസരവാസികളില്‍ നിന്നും അപേക്ഷ ക്ഷണിച്ചു. പൂരിപ്പിച്ച അപേക്ഷകള്‍  ഡിസംബര്‍ 28 ന്  വൈകുന്നേരം അഞ്ച് മണിക്ക് മുമ്പായി തലശ്ശേരി അസി. കമ്മീഷണറുടെ ഓഫീസില്‍ ലഭിച്ചിരിക്കണം. അപേക്ഷാഫോറം ഓഫീസില്‍ നിന്ന് സൗജന്യമായി ലഭിക്കുമെന്ന് അസി.കമ്മീഷണര്‍ അറിയിച്ചു.