ജില്ലയുടെ സുസ്ഥിര വികസനവുമായി ബന്ധപ്പെ' കരട് പദ്ധതികളുടെ അവതരണം ഡിസംബര്‍ 20ന് സംസ്ഥാനതല റിസോഴ്‌സ് ടീം അംഗങ്ങളുടെയും മറ്റു വിദഗ്ധരുടെയും സാിധ്യത്തില്‍ നടക്കും.  രാവിലെ 10.15ന് കലക്‌ട്രേറ്റ് കോഫറന്‍സ് ഹാളില്‍ നടക്കു യോഗത്തില്‍ വിവിധ വകുപ്പുകളുമായി ബന്ധപ്പെ' പദ്ധതികള്‍ സ്ഥിതിവിവര കണക്കുകളുടെ അടിസ്ഥാനത്തില്‍ അവതരിപ്പിക്കും.  സംയോജിത പദ്ധതി നിര്‍ദ്ദേശങ്ങളും യോഗം ചര്‍ച്ച ചെയ്യും.  ഇതിനായി 19ന് നടത്താന്‍ നിശ്ചയിച്ചിരു യോഗം റദ്ദാക്കിയതായി ജില്ലാ പ്ലാനിംഗ് ഓഫീസര്‍ അറിയിച്ചു.
 

ഹരിതകേരളം വാര്‍ഷികത്തോടനുബന്ധിച്ച് മാനവീയം വീഥിയില്‍ സംഘടിപ്പിക്കുന്ന 'ഹരിതം 2017' പ്രദര്‍ശനത്തില്‍ ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് ഒരുക്കിയ ഹരിതകേരളം മിഷന്റെ പ്രവര്‍ത്തന നാള്‍വഴിയുടെ ഫോട്ടോപ്രദര്‍ശനം കാഴ്ചക്കാര്‍ക്ക് പ്രചോദകമാവുന്നു. ഹരിതകേരളം മിഷന്റെ കഴിഞ്ഞ ഒരുവര്‍ഷത്തെ പ്രവര്‍ത്തനങ്ങളുടെ തെരഞ്ഞെടുക്കപ്പെട്ട മുഹൂര്‍ത്തങ്ങളാണ് പ്രദര്‍ശനത്തിലുള്ളത്. 

മലബാര്‍ ദേവസ്വം ബോര്‍ഡിന്റെ അധികാര പരിധിയിലുള്ള ക്ഷേത്രങ്ങളുടെ ജീര്‍ണ്ണോദ്ധാരണത്തിനും പുനര്‍ നിര്‍മ്മാണത്തിനുമായി 2017-2018 വര്‍ഷത്തില്‍ മലബാര്‍ ദേവസ്വം ബോര്‍ഡ് മുഖേന ധനസഹായം ലഭിക്കുന്നതിന് ക്ഷേത്രഭരണാധികാരികളില്‍ നിന്നും അപേക്ഷകള്‍ ക്ഷണിച്ചു. നിശ്ചിത മാതൃകയിലുള്ള അപേക്ഷയുടെ രണ്ട് പകര്‍പ്പുകള്‍ ഡിസംബര്‍ 30നകം മലബാര്‍ ദേവസ്വം ബോര്‍ഡിന്റെ ബന്ധപ്പെട്ട ഡിവിഷന്‍ അസിസ്റ്റന്റ് കമ്മീഷണര്‍മാര്‍ക്ക് സമര്‍പ്പിക്കണം. ബോര്‍ഡിന്റെ പരിധിയിലുള്ള സ്വകാര്യക്ഷേത്രങ്ങള്‍ക്കും പട്ടികജാതി/പട്ടികവര്‍ഗ്ഗ വിഭാഗങ്ങള്‍ നേരിട്ട് നടത്തുന്ന ക്ഷേത്രങ്ങള്‍ക്കും അനുവദനീയമായ തോതില്‍ ധനസഹായം നല്‍കും.

സര്‍ക്കാര്‍ ഉടമസ്ഥതയിലുള്ള വിവിധ കമ്പനി/ബോര്‍ഡ്/കോര്‍പ്പറേഷനുകളിലെ സെക്യൂരിറ്റി ഗാര്‍ഡ്/സെക്യൂരിറ്റി ഗാര്‍ഡ് ഗ്രേഡ് -2/വാച്ചര്‍ ഗ്രേഡ് -2 (കാറ്റഗറി നമ്പര്‍ 410/2013) തസ്തികയുടെ തെരെഞ്ഞെടുപ്പിനായി ഒക്ടോബര്‍ 24 ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കുള്ള സര്‍ട്ടിഫിക്കറ്റ് പരിശോധന, ശാരീരിക അളവെടുപ്പ്, സൈക്ലിംഗ് ടെസ്റ്റ് എന്നിവ ഡിസംബര്‍ 19, 20, 21 തീയതികളില്‍ കൊല്ലം ഗവണ്‍മെന്റ് മോഡല്‍ ബോയ്‌സ് ഹയര്‍ സെക്കന്ററി സ്‌കൂളില്‍ രാവിലെ എട്ട് മണി മുതല്‍ നടത്തും.

ആസൂത്രണ സാമ്പത്തിക കാര്യ വകുപ്പിന്റെ കീഴിലുള്ള സ്ഥാപനമായ കേരള സംസ്ഥാന റിമോട്ട് സെന്‍സിംഗ് ആന്റ് എന്‍വയോണ്‍മെന്റ് സെന്ററിന്റെ തിരുവനന്തപുരത്തെ വികാസ് ഭവന്‍ സമുച്ചയത്തിലുള്ള ഓഫീസില്‍ 25200-54000 ശമ്പള സ്‌കെയിലില്‍ ഒരു ഓഫീസ് അസിസ്റ്റന്റിന്റെ ഒഴിവുണ്ട്. ഈ ഒഴിവിലേക്ക് അന്യത്ര സേവന വ്യവസ്ഥയില്‍ നിയമിക്കാന്‍ ആഗ്രഹിക്കുന്ന സമാന തസ്തികയിലുള്ള ജീവനക്കാര്‍ മേലധികാരി മുഖേന ഒരു മാസത്തിനുള്ളില്‍ അപേക്ഷിക്കണം. ക്യാഷ്, അക്കൗണ്ട്‌സ് എന്നിവയില്‍ പ്രവൃത്തി പരിചയമുള്ളവര്‍ക്ക് മുന്‍ഗണന. വിലാസം : ഡയറക്ടര്‍, കേരള സംസ്ഥാന റിമോട്ട് സെന്‍സിംഗ് ആന്റ് എന്‍വയോണ്‍മെന്റ് സെന്റര്‍, വികാസ് ഭവന്‍, തിരുവനന്തപുരം - 685033.

  ക്രിസ്മസ്, പുതുവത്സരം പ്രമാണിച്ച് കെ.എസ്.ആര്‍.ടി.സി ഡിസംബര്‍ 21 മുതല്‍ 2018 ജനുവരി രണ്ടുവരെ കേരളത്തിലെ വിവിധ കേന്ദ്രങ്ങളില്‍ നിന്ന് മൈസൂര്‍/ബാംഗ്ലൂര്‍ എന്നിവിടങ്ങളിലേക്കും തിരിച്ചും കൂടുതല്‍ സര്‍വീസ് നടത്തും. യാത്രക്കാര്‍ക്ക് ഓണ്‍ലൈനില്‍ റിസര്‍വേഷന്‍ സൗകര്യമുണ്ടാവും.

ബാംഗ്ലൂരില്‍ നിന്നുള്ള സര്‍വീസുകള്‍ (21.12.2017 മുതല്‍ 24.12.2017 വരെ)

കാക്കനാട്: മുഴുവന്‍ ഭൂരഹിതര്‍ക്കും ഭൂമി ലഭ്യമാക്കുക എന്ന ലക്ഷ്യം പൂര്‍ത്തീകരിക്കുന്നതിന്റെ ഭാഗമായി ജില്ലയിലെ അര്‍ഹരായ ഗുണഭോക്താക്കള്‍ക്ക് പട്ടയവും ക്രയസര്‍ട്ടിഫിക്കറ്റും വിതരണം ചെയ്യുന്നതിനായി സംഘടിപ്പിക്കുന്ന പട്ടയവിതരണ മേള എറണാകുളം ടൗണ്‍ ഹാളില്‍ ഡിസംബര്‍ 18 ന് ഉച്ചകഴിഞ്ഞ് മൂന്നിന് റവന്യൂ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്യും. ഹൈബി ഈഡന്‍ എംഎല്‍എ അധ്യക്ഷത വഹിക്കും. 

കൊച്ചി: നിയമസഭയുടെ വിദ്യാഭ്യാസം സംബന്ധിച്ച സബ്ജക്ട് കമ്മിറ്റി ഡിസംബര്‍ 19ന് രാവിലെ 10ന് എറണാകുളം കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. വിദ്യാര്‍ഥികള്‍ക്കിടയിലെ ലഹരിവസ്തുക്കളുടെ ഉപയോഗം എന്ന വിഷയം സംബന്ധിച്ച് ജില്ലയിലെ ബന്ധപ്പെട്ട വകുപ്പ് ഉദ്യോഗസ്ഥരില്‍ നിന്നും വിദ്യാഭ്യാസമേഖലയുമായി ബന്ധപ്പെട്ട വ്യക്തികളില്‍ നിന്നും തെളിവെടുപ്പ് നടത്തും. യോഗത്തില്‍ സമിതി ചെയര്‍മാന്‍ വിദ്യാഭ്യാസമന്ത്രി സി രവീന്ദ്രനാഥും എക്‌സ് ഒഫിഷ്യോ അംഗങ്ങളായ പട്ടികജാതി പട്ടികവര്‍ഗ പിന്നോക്ക സമുദായക്ഷേമമന്ത്രി എ കെ ബാലനും വ്യവസായമന്ത്രി എ സി മൊയ്തീനും മറ്റ് എട്ട് എംഎല്‍എമാരും പങ്കെടുക്കും. 

കൊച്ചി: വരള്‍ച്ചാ പ്രതിരോധ പ്രവര്‍ത്തന മുന്നൊരുക്കങ്ങളുടെ ഭാഗമായി ജില്ലയിലെ കനാലുകളുടെ ശുചീകരണ പ്രവൃത്തികള്‍ പൂര്‍ത്തീകരിച്ച് ജലവിതരണം ആരംഭിക്കും. കളക്ടറേറ്റില്‍ ജില്ലാ കളക്ടര്‍ കെ മുഹമ്മദ് വൈ സഫീറുള്ളയുടെ അദ്ധ്യക്ഷതയില്‍ എംഎല്‍എമാരായ വി പി സജീന്ദ്രന്‍, ആന്റണി ജോണ്‍, എല്‍ദോ എബ്രഹാം, റോജി എം ജോണ്‍, അന്‍വര്‍ സാദത്ത് എന്നിവരും ബന്ധപ്പെട്ട ഉദ്യോഗസ്ഥരും പങ്കെടുത്ത യോഗത്തിലാണ് തീരുമാനം.