മണ്ഡലകാലം - ക്രിസ്തുമസ് സീസണ്‍ പ്രമാണിച്ച് ജില്ലയിലെ എല്ലാ വിഭാഗ  റേഷന്‍കാര്‍ഡുടമകള്‍ക്കും അഞ്ച് കി.ഗ്രാം സ്പെഷല്‍ ആട്ട റേഷന്‍കടകളില്‍ നിന്നും ലഭിക്കുമെന്ന് ജില്ലാ സപ്ലൈ ഓഫീസര്‍  അറിയിച്ചു.

    പാലക്കാട് ഗവ. മെഡിക്കല്‍ കോളെജില്‍ അധ്യാപക ഒഴിവുകളിലേയ്ക്ക് കരാര്‍ നിയമനത്തിന് അപേക്ഷ ക്ഷണിച്ചു. പ്രൊഫസര്‍ (നാല് ഒഴിവ്), അസോ.പ്രൊഫസര്‍ (നാല് ഒഴിവ്), അസി. പ്രൊഫസര്‍ (നാല് ഒഴിവ്), സീനിയര്‍ റസിഡന്‍റ് (ഒമ്പത് ഒഴിവ്), റ്റ്യൂട്ടര്‍ (മൂന്ന് ഒഴിവ്) തസ്തികകളിലാണ് നിയമനം നടത്തുക. യോഗ്യതയുള്ളവര്‍ സര്‍ട്ടിഫിക്കറ്റുകളുമായി ഡിസംബര്‍ 20 രാവിലെ 10ന് കൂടിക്കാഴ്ച്ചക്കെത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0491 2000644 

                കിടങ്ങനാട് വില്ലേജില്‍ ബ്ലോക്ക് 14 -ല്‍ നില്‍ക്കുന്ന  വീട്ടി, തേക്ക് മരങ്ങള്‍ ഡിസംബര്‍ 21ന് രാവിലെ 11ന് സ്ഥലത്ത് ലേലം ചെയ്യും. വിവരങ്ങള്‍ സുല്‍ത്താന്‍ ബത്തേരി, കിടങ്ങനാട് വില്ലേജ് ഓഫീസ് എന്നിവിടങ്ങളില്‍ ലഭിക്കും.

        
    'നിഷ് 'നാഷ്നല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിങ്' സാമൂഹികനീതി വകുപ്പുമായി സഹകരിച്ച് 'സ്ട്രോക്കും  പുനരധിവാസവും'    വിഷയത്തില്‍  ഇന്ന് (ഡിസംബര്‍ 16) രാവിലെ 10.30-ന്  വിഡിയോ കോണ്‍ഫറന്‍സും ഓണ്‍ലൈന്‍ സെമിനാറും നടത്തും.് റോബിന്‍സണ്‍ റോഡിലെ നഗരസഭാ കോംപ്ലക്സിലുള്ള  ജില്ലാ ശിശു സംരക്ഷണ ഓഫീസിലാണ് പരിപാടി. ഫോണ്‍ - 0491 2531098, 8281899468
 

     ബധിരയും മൂകയുമായ 20 വയസ്സുകാരിയെ ബലാത്സംഗം ചെയ്ത കേസ്സില്‍ പ്രതിയായ ഒലവക്കോട് കാവില്‍പ്പാട് ഇരുപ്പശ്ശേരി വീട്ടില്‍ സുധീഷിനെ എട്ട് വര്‍ഷം  തടവിനും 1.5 ലക്ഷം പിഴയ്ക്കും ശിക്ഷിച്ചു. പാലക്കാട് അസിസ്റ്റന്‍റ് സെഷന്‍സ് അഡീഷനല്‍ ജഡ്ജിയാണ്  ശിക്ഷ വിധിച്ചത്. പിഴ നല്‍കിയില്ലെങ്കില്‍ ഒരു വര്‍ഷം   അധിക തടവ് അനുഭവിക്കണം.   പ്രോസിക്യൂഷനുവേണ്ടി അഡീഷനല്‍ പബ്ലിക് പ്രോസിക്യൂട്ടര്‍മാരായ  ആര്‍.ആനന്ദ്, കെ. അരവിന്ദാക്ഷന്‍ എന്നിവര്‍ ഹാജരായി. ഹേമാംബിക നഗര്‍ സര്‍ക്ക്ള്‍ ഇന്‍സ്പെക്ടര്‍ ആയിരുന്ന എസ് ഷിഹാബുദീനാണ് 2006 ല്‍ നടന്ന കുറ്റകൃത്യം അന്വേഷിച്ച് കുറ്റപത്രം കോടതിയില്‍ സമര്‍പ്പിച്ചത്.

                മഹാത്മാഗാന്ധി ദേശീയ തൊഴിലുറപ്പ് പദ്ധതിയില്‍  ജില്ലയില്‍ പതിനഞ്ച് ലക്ഷം വൃക്ഷ തൈകള്‍ ഉത്പാദിപ്പിക്കും.     സര്‍ക്കാര്‍ ഉടമസ്ഥതയിലുള്ള സ്ഥലങ്ങളിലും ലഭ്യമായ സ്വകാര്യ സ്ഥലങ്ങളിലും ആവശ്യമായ നഴ്‌സറികള്‍ സ്ഥാപിച്ചാണ് ഇതിനു വേണ്ട തൈകള്‍ ഉല്‍പാദിപ്പിക്കുക. അന്യംനിന്നു പോകുന്ന നാട്ടുമാവിനങ്ങള്‍ക്ക് കൂടുതല്‍ പ്രാധാന്യം നല്‍കും. തയ്യാറാക്കിയ തൈകള്‍  ജൂണ്‍ മാസം പരിസ്ഥിതി ദിനത്തോടനുബന്ധിച്ച് പൊതുസ്ഥലങ്ങളിലും  ദുര്‍ബല വിഭാഗങ്ങളുടെ സ്വകാര്യഭൂമിയിലും നടും.